ankawa
منتدى الهجرة واللجوء => الهجرة و واللاجئين => الموضوع حرر بواسطة: البصراوي المحب في 06:40 26/08/2011
-
اخواني واخواتي الطيبين ارجو منكم المساعده في هذا الشهر الفضيل.
طبعا اكثر الاعضاء يعرفون اخونه البابلي80 الي سافر بشهر السابع وبعد كم يوم راح يقبطله شهرين.
اخونه البابلي80 الان في ولايه الباما في مدينه موبيل ولا يوجد لديه عمل يعني كاعد وساكت وصاير عدنه شويه نوع من الاحباط من وره هاي الولايه.
اخواني الي في امريكا وتحديدا في ولايه الباما واخوني الي بالمنتدى ياريت الي عنده موقع مال عمل او الي ساكن في هذه الولايه ويكدر يساعد الاخ البابلي80 لان هوه ديدور على عمل والي هسه ممحصل والمنظمه حصلوله عمل لكن متعب جدا جدا جدا.فماكدر يكمل بهذا العمل وتركه.
فياخواني اطلب منكم المساعده وادري بيكم مراح تقصرون.
تحياتي للجميع.
-
أخوية كله خلي يتصل بيه اني انشاء الله عندي شغل اله بمستشفى وشغل محترم اذا يريد ودولي على الخاص حتى انطيه رقمي واني بولاية فيرجينيا يعني لازم يجي لهناية
-
طبعآ ايصير عنده احباط وكلنة مرينة بهيج ظروف يعني واحد انقل من بلد الى بلد مختلف عن وطنه بكلشي
اكيد يحتاج احد ايساعده يوكف اويا هي سهلة قابل
-
خي العزيز البصراوي الله يبارك بيكم ويقدركم على فعل الخير وانشالله تنفرج على اخونا البابلي
-
اخي البصراوي المحب السلام عليكم
حاول الاتصال بالاخ البابلي 80 وابلاغه بالاتصال بالاخ USF-1 بالسرعة الممكنة لأن الوظيفة الشاغرة ما تنتظر.
.
-
اللي عنده رقم الولد خلي يدزلياه اني اتصل بيه منتظركم
-
بارك الله بيكم اخواني الشرفاء
تحيه للاخ
البصراوي المحب
USF_I
ابو هنوده
ابو شمس
والاخت اسراء بغداد
اخوكم ابو فله
-
تسلمون اخوان وبارك الله بيكم وماقصرتوا.واتمنه من الله ان يفرجها عليكم بجاه هذا الشهر الكريم.
اخويه العزيز USF-I دزيتلك رقم الاخ البابلي على الخاص انشاء الله وصلك.
تحياتي.
-
up up للمساعدة العاجلة
-
معدن العراقي الاصيل وين يبن ؟ غير يبين بالشدات
بارك الله بيك اخونا الغالي USF-I
وبارك الله بالاخ البصراوي المحب على ايصال ما يعانيه اخونا البابلي
وبارك الله بكل من ساهم بالموضوع
وبارك الله باللي يكدر يساعد او ساعد سواء عالعام او الخاص
-
الله يفرجها على اخونا البابلي ويتجاوز محنة الايام الاولى بنجاح يارب
-
اي حبي وصلني
-
حبي تليفونه ما ديشتغل الظاهر بيه شي المهم دزيتله مسج انشاءالله يستقبلها
-
الله يفتحهة بوجهة انشاءالله
-
up
-
تحية لاخونا البابلي .. وطبيعي الاحساس بالغربة من خلال التحول السريع
وبعدين هو بعده بااولها يعني ممحتاج للشغل ويكدر على كيفة يتعرف ويتاقلم
ويختار الافضل اله ..
-
حبي الله يخليك للمره الثالثة تره تليفونه ما ديدك بيه مشكله بلكت تتأكدلي منه
وانت شنو مخابره على هذا الرقم مدا افتهم شنو القصه ليش مدا احصله
-
كل بداية صعبة ومضيق الا تفرج
وراي الشخصي لاخونه البابلي انه يحاول تغيير الولاية لانه هذه الولاية من يومها تعبانه ومبيه شغل.
واهم شئ ليستسلم لليـأس وليظل مكتئب يعني خلي يحرك نفسة ويكثف اتصالاته وهذا اقصر طريق للحصول على عمل
-
و الله الواحد يرتاح من يشوف هاي الهمة للمساعدة و الخوة الطيبة
حياكم الله يا عراقيين يا اصلاء
-
الله يسهل امر اخونا البابلي ...... بس هوة وينة شنو ماعندة نت .
ليش ما يدخل للمنتدى
شكرا لكل من ساعد
-
فدوة تأكدولي من رقمه تره الشغل ما يبقى ينتظره واني اريد الرقم الصحيح
-
up
-
اخويه العزيز USF-I انا اسف على التأخير لان جنت بالدوام وهسه رجعت.انا اليوم الصبح اتصلت بالاخ البابلي وكان جهازه مغلق.
لكن قبل ساعه ونص اتصلت بي وحجيت ويا وكلي توني فعلت الخط لان جان مقفول.
المهم اخويه انا فهمته الشغله كلها وكلي راح ادخل للمنتدى واحجي ويه الاخ USF-I.
بعد مااعرف هل دزلك رساله على الخاص.
تحياتي.
-
اي حبي خابرته وسولفنا والامور ان شاء الله بخير وانشاء الله خير أاكلكم وشوية هم بليل نسولف وياه لانه هي البدايه صعبه
-
اوكي اخويه الغالي USF-I بارك الله بيك وماتقصر.
لو تدري والله الاخ البابلي اكثر من صديق بالنسبه الي اخ عزيز علي والله.
تحياتي الك ولجميع الاخوه.
-
السلام عليكم
up