-
مرحبا اخوان شلون الصحة
محتاج منكم مساعدة من اهل عمان اكو ناس جاين من العراق ومحتاجين شقة ومديلكون لو غالية لو ماكو يريد بالجاردنز اذا اكو بجبل الحسين هم تتكون من غرفة او غرفتين ياريت اتساعدوني بهاي الشغلة ومشكور
-
موجود موجود بس جكد امكانيته سولف حبي
-
شنو هاي وين رحت الو يمعود
-
اخي كرس شكرا عمرك طويل ان شاء الله جنت ناوي وره الفطور اسال هذا السؤال لان ان شاء الله اني و زوجتي و اطفال اثنين ناوين نجي بعد العيد مبارك علينه و عليكم واريد بنفس هذه المناطق الجاردنز او جبل الحسين يعني اصدقائي بشميساني كاعدين ب300 بالشهر صديقي ساكن بالجبيهه ب 3000 بالسنه اقصد هل لالاسعار نفس الشي بهاي المناطق لو اعتقد اقل طبعا دا احجي على المفروش لو شتنصحوني ؟؟ اخذ فارغ وااثث ؟؟؟ وطبعا سبحان الله هذا رح يكون رابع بيت اثثه بحياتي وبعدين ما استقر بي و ابيعه بفلس ونص الحمد لله على كل حال العوض على الله .. الامكانيه اخ بهبهان بهذه الحدود وياريت اقل لان عمان غاليه على الاقل الواحد ممكن يقاوم اكبر فتره ممكنه ولكم الشكر الجزيل و اعذرني احي الغالي دخلت على موضوعك واذا كان بيه احراج الغي مشاركتي و ادخل بمشاركه جديده حول هذا المووضوع
-
اللي عنده عنوان شقة او رقم تلفون دلالية شغلها مضبوط بلكي ينزله هنا حتى اللي محتاج سكن يستفاد
-
اخي كرس شكرا عمرك طويل ان شاء الله جنت ناوي وره الفطور اسال هذا السؤال لان ان شاء الله اني و زوجتي و اطفال اثنين ناوين نجي بعد العيد مبارك علينه و عليكم واريد بنفس هذه المناطق الجاردنز او جبل الحسين يعني اصدقائي بشميساني كاعدين ب300 بالشهر صديقي ساكن بالجبيهه ب 3000 بالسنه اقصد هل لالاسعار نفس الشي بهاي المناطق لو اعتقد اقل طبعا دا احجي على المفروش لو شتنصحوني ؟؟ اخذ فارغ وااثث ؟؟؟ وطبعا سبحان الله هذا رح يكون رابع بيت اثثه بحياتي وبعدين ما استقر بي و ابيعه بفلس ونص الحمد لله على كل حال العوض على الله .. الامكانيه اخ بهبهان بهذه الحدود وياريت اقل لان عمان غاليه على الاقل الواحد ممكن يقاوم اكبر فتره ممكنه ولكم الشكر الجزيل و اعذرني احي الغالي دخلت على موضوعك واذا كان بيه احراج الغي مشاركتي و ادخل بمشاركه جديده حول هذا المووضوع
اخويه العزيز اعتقد الاغلبيه من سكنت عمان تعرف عمان الغربيه اجاراتها غاليه شويه وحسب الاثاث وحسب العمارة ونظافتها وعلى العموم انته راسلني من تنوي تجي وحتى ندورللك اني واخويه عبادي وبلكي نحصللك مناسب ونظيف
وبالنسبه للفارغ وانته تفرشه هاي راجعه اللك بس الافضل مثل ماسوه اخونا الطموح اجرناله شهر مفروش وهو شاف بعينه ولكه اللي يناسبه واني افضل اتسوي مثله وان شالله منقصر ونوكف وياك لحد ماتستقر ان شالله
-
اللي عنده عنوان شقة او رقم تلفون دلالية شغلها مضبوط بلكي ينزله هنا حتى اللي محتاج سكن يستفاد
امنيته نسوي هيج بس الموضوع غمض فتح وتلكاه انشلف وبالنسبه للمكاتب الاغلبيه نصابه واجورهم عاليه وياريت تطلع بنتيجه فااحنا امشينه على العرف
-
جزاك الله كل خير اخ بهبهان و الله فكره صحيحه جدا هو علمود الواحد ما يستعجل و يكدر يدور براحته ان شاء الله نتواصل و الك مني الف شكر وربي يسهلك امورك
-
جزاك الله كل خير اخ بهبهان و الله فكره صحيحه جدا هو علمود الواحد ما يستعجل و يكدر يدور براحته ان شاء الله نتواصل و الك مني الف شكر وربي يسهلك امورك
ويسهل امر الجميع ان شالله مشكور لدعائك تعال وان شالله خير ومراح نقصر ترة الدنيا منكطعت توكل ومن تريد تجي راسلني وان شالله مااقصر واذا ملكيتني موجود راسل اخويه عبادي
تحياتي وسلامي لك ودعائي للك بالتوفيق ان شالله
-
موجود عمى بهبهان ولا يهمك يا اصيل وصاحب واجب
-
موجود عمى بهبهان ولا يهمك يا اصيل وصاحب واجب
خير التاس من نفع الناس .. عسى ان يتقبل الله دعوة لاحد ممن تساعدوه و ييسر اموركم و ان شاء الله تحقيق الاماني وبهاي المناسبه مال انتو تساعدون الناس وربي يبارك بيكم ان شاء الله ..
قال الطبيب البيطري للمزارع
إذا لم يتعافى الحصــــــــان في ثلاثة أيام ، يجب قتله...
الخروف سمع كل شيء ،قال للحصان انهض!!
...لكن الحصان متعب جدا
...في اليوم الثاني قال له انهض بسرعة !
لكن الحصان لايقدر أبدا .
في اليوم الثالث قال الخروف :
إنهض و إلا سيقتلونك، الحصان ينهض أخيرا..
وقال الفلاح وهو سعيد جدا :
يجب أن نحتفل بهذا !!
إذبحوا الخروف . يكلك سوي زين و ذب بالشط هههههههه
-
مساء الخير اخوان بالمناسبه طبعا اني ابقى مديون الى يوم الدين الى اخويه ابو يوسف الورد
وطبعا مثل ماتفضل وكال انه احسن شي اتاجر شهر مفروش وبعدين اتدور على كيفك بالمناسبه اكو شقه راح تفرغ في منطقه ماركا وعلى الشارع الرئيسي
وحجمهه كلش حلو وسعرها 200 دينار واثاثها جيد وموقعها جيد جدا ومتكونه غرفتين وصاله وغرفه طعام وبالكونه على الشارع
بس المهم انه كول اشوكت اتريدوها واني حاضر
واذا اتريدون اقل اكو موجوده اني حاليا اجرت 140 دينار وبموقع جيد والحمدلله ولقد اجرت شقه منفصله الى صديقي ايضا 140 وموقعها جيدا ايضا
وتوجد كثير من الشقق في منطقه ماركا الشماليه وهي حلوه وجميله وتقريبا تشبه منطقه الكراده بالشارع التجاري
واني بالخدمه للطيبين
واعذروني اذا نسيت شي
وسلامي لاخويه ابوسيوفي والاخ عبادي الورد
-
مشكور اخ بهبان وشكرا للكل الاخوة الي جاوبوني والله بالنسبة للامكانية هما عدهم امكانية لحد 300 دينار بشهر او اقل بعد احسن
اخ الطموح هاي امنطقة مال ماركا الشمالية شكد تبعد عن الجاردنز واذا شقة غرفة وصالة ومطبخ شلون يكون حجمها
والله خوش اسعار ينراد انسويلنا فرة هناك
-
شكرا اخي الطموح على هاي المعلومه المهمه وان شاء الله تحقيق الاماني اخي الطموح بالله شلونه تكاليف الحياة في عمان واحنه اتفقنه كل واحد و طبيعة مصروفه اكيد يعني مثلا اتعيش زين يعني لا تبسطه كل البسط و تغلله الى عنقك افتهمتني اكيد وبناتي بعمر الروضه اذا عدك معلومه عن الروضه الخاصه شكد تكاليفه .. اني بصراحه متردد بين مصر و الاردن لان اني عشت ثلاث سنوات بمصر الحياة هناك ارخص اكيد لكن مصر بعيده لاقريب يجيك و لا احد فد افكر بالاردن ياريت اتفيدونى افادكم الله من رزقه
-
اخواني الاعزاء
الطموح ابو سهام الاخ عبادي الورد الاchris2007 احنا في غربه والتكاتف والمساعده واجب علينا كلنه تمنياتنا لكم بالتوفيق ان شالله واحنا موجودين وسماء الاخيار وشمسهم لن تغيب ان شالله
-
اخواني الاعزاء
الطموح ابو سهام الاخ عبادي الورد الاchris2007 احنا في غربه والتكاتف والمساعده واجب علينا كلنه تمنياتنا لكم بالتوفيق ان شالله واحنا موجودين وسماء الاخيار وشمسهم لن تغيب ان شالله
كبيييييييير اخ بهبهان ونتعلم منك
-
مساءالخير
اخويه chris2007
بالنسبه للسعر الي انته ذكرته هنا ابمنطقتي تكدر اتاجر شقه ديلوكس درجه اولى بكامل المواصفات وبسعر 300دينار
متكونه من 3غرف نوم وحمامين ومطبخ وبلكونه وكراج خاص للسياره وكلش راقيه ويوجد عندي ارقام هواتف من المالك مباشرتا
اما بالنسبه للاسعار الي اقل وبسعر مناسب من 140 دينار الى 200 دينار ايضا تجد شقه مناسبه بهذه الاسعار وباماكن مناسبه جدا وماركا تبعد عن منطقة كاردنز سوى خمسة دقائق بالتكسي
وعشرة دقائق بالمواصلات المتوفره
وفيها كل شي من اشياء غاليه ورخيصه جدا وممتازه واسعار الفواكه والخضار اسعارها ارخص من اسعار وسط البلد
حسب مااراه انا
اما بخصوص الاخ abo shams
فاذا تريد رايي من ناحية المعيشه فمصر ارخص بكل شي
اما من ناحية الاقرباء والتواصل فعمان طبعا هي الافضل من كل النواحي واني حاضر الى اي مساعده بالمستطاع
وتقبلو فائق احترامي وشكري اليكم
-
السلام عليكم ورحمة الله وبركاته
الى الاخ الطموح كم يبلغ قيمة الدينار الاردني بالنسبة للدولار ، هل لكفالة الكنائسية تتاخر من عمان لو المدة نفسها اذا قدمت من تركيا .
تحياتي لك اخي .
-
اخويه دور بجريدة الوسيط او الممتاز تلكه اي شي تريده
-
السلام عليكم ورحمة الله وبركاته
الى الاخ الطموح كم يبلغ قيمة الدينار الاردني بالنسبة للدولار ، هل لكفالة الكنائسية تتاخر من عمان لو المدة نفسها اذا قدمت من تركيا .
تحياتي لك اخي .
اخي المئة دولار تساوي سبعين دينار اردني يزيدله دينار دينارين مو اكثر ... بس هو شلون دينار جاطيله جناحين بس اطلعه يطير
-
السلام عليكم
مشكور جهودك اخ الطموح راح انسويلنا فرة بالماركا
ههههههههه والله ضحكتني ابو شمس
اما بالنسبة للجرايد دورنا بس كلها كلاوات
-
السلام عليكم ورحمة الله وبركاته
الى الاخ الطموح كم يبلغ قيمة الدينار الاردني بالنسبة للدولار ، هل لكفالة الكنائسية تتاخر من عمان لو المدة نفسها اذا قدمت من تركيا .
تحياتي لك اخي .
اخي المئة دولار تساوي سبعين دينار اردني يزيدله دينار دينارين مو اكثر ... بس هو شلون دينار جاطيله جناحين بس اطلعه يطير
ههههههههههههههههههههههه اي صدك
chris2007
نفس الحاله مريت بيه قبل كم يوم
انشالله متنعاد :'( :'( :'(
بالكاردنز اكثر الشقق قديمه وغاليه
شفت شقه قديمه واثاثه قديم ب 800 دينار
اذا ديقدمون على اليو ان
يأجرون شقه فارغه وهم يشترون الاثاث احسن الهم
ههههههههههه لازم الشغلة مطولة ؟؟؟؟ ويرادله شقة فارغه
-
اي صح اني ويا راي الاخت سالي الي يجي على اليو ان خلي ياخذ فارغة ويشتري غراض احسن يفرقلة بسعر وان انشاء الله مطول بس حط بالك مو اقل من سنة
-
هههههه لا انشالله محد يطول
قصدي اليريد يجي يقدم على اليو ان تقديم جديد
يعني اطول من سنه الى سنتين
واكو حالات مطول هلكد
بس الشقه الفارغه سعره اقل و بمناطق زينه
واكو اثاث سعره زين
هاي فكرتي اشوفه احسن ;D
وكل عام وانتو بخير
عيني sally00
كل عام وانتم بالف خير
عندي استفسار من تكولين انه طول من سنة الى سنتين ، هل القبول مضمون مية بالمية باليو ان هل هناك توجد حالات رفض للاستيطان وما هي اسباب الرفض في اغلب الاحيان ، ماذا يتطلب التقديم لكي يكون القبول مضمون وماهي اغلب دول التوطين المتوفرة حاليا حسب معلوماتك ، في حالة الرفض ماهو مصير العائلة المرفوضة
تقبلي فائق احترامي وتقديري
اخوكم ابو ميس
-
اخي العزيز نصيحة ان اتجر بمطقة جبل الحسين لان هي منطقة جيدة و نظيفة و الحلو بية هي وسط بين عمان الغربية و الشرقية
يعني اتريد اتروح نص البلد بسرفيز واحد انت هناك ب 5 دقايق اتريد اتروح الرابية او الكاردنز هم قريب انا مرات اروح مشي للكاردنز اطول 30 دقيقة و شي اخر الاسواق قريبة بجبل الحسين من مواد غذائية و خضار و مبلابس و خدمات يعني متحتاج مواصلات اهواية
و اسعار الاجارات هي مناسبة نوعا ما و مستو السكان هم جيد مو مثل مناطق مطرفة و اذا عندك احد بعمان سئلة و راح ايد كلامي انشالله الاجارات تتراوح بين ال 150لل 300 للفارغ و بين ال 250 لل 400 للمفروش طبعا حسب الشارع و الشقة و الاثاث
و انشاللة تلاكي شقة و ترتاح
-
اي اخوية ديفيد رحنا لجبل الحسين ودورنا بس هي المشكلة ماكو شقق هواية لانه الناس الي جاين سياحة بعدهم مطالعين وهي المنطقة حلوة
-
هههههه لا انشالله محد يطول
قصدي اليريد يجي يقدم على اليو ان تقديم جديد
يعني اطول من سنه الى سنتين
واكو حالات مطول هلكد
بس الشقه الفارغه سعره اقل و بمناطق زينه
واكو اثاث سعره زين
هاي فكرتي اشوفه احسن ;D
وكل عام وانتو بخير
زين خوش حجي
واللي يريد ينقل ملفة الى عمان شتنصحوا وشتكولولة
وشنو الشغلات اللي يكدر بيهة يستفاد هناك
-
بالمناسبة جبل الحسين مشمول برات الامم المتحدة
-
اخ جوني جاك انت بيا بلد هسة والشغلات شنية قصدك غراض اجيبها وياك
اخ وايت بالنسبة للرفض او القبول محد يكدر يكولك منو ينقبل ومنو ينرفض والاوراق الي يحتاجوها منك كل اوراقك الرسمية واذا عندك اثباتات انك اتعرضت لللتهديد ويكون كلامك صادق وبالنسبة للدول التوطين دائما يكوللك بس امريكا مفتوحة واذا لا سامح الله انرفض الشخص يكدر يسوي استناف اما يجيلة قبول او رفض نهائي واذا اجالة رفض نهائي مرات يحولو على غير دولة اذا فاتحين ومتوفرة في شروط التوطين المطلوبة
مشكور اخ ديفيد على المعلومة