ankawa
منتدى الهجرة واللجوء => الهجرة و واللاجئين => الموضوع حرر بواسطة: غادةالكاميليا في 11:43 30/08/2011
-
:-\ السلام عليكم
اخوتي واخواتي الكرام احب اهنيكم بعيد الفطر المبارك وانشاالله يكون فاتحة خير لكل متضايق ويفرج همكم بأذن الله.
اخواني ارجو مساعدتي بخبرتكم وتنطوني حل لمشكلتي.
اني اختكم في مصر صارلي 5 سنوات مطلقه ولي ولد 12سنه ومعي والدتي 65سنه وهي مريضه وقد عانيت من اهمال
المفوضيه لي طيلة هذه السنوات علما اني كنت بالاردن قبل ذلك وجئت لمصر لنفس الاسباب التي تعرفوها ان المعيشه ارخص
وان عملية التوطين اسهل. والان انا يئست ولم ايئاس من رحمة الله وقررت العوده الى الاردن فبماذا تنصحوني
ارجوكم لاتبخلوا علي فوضعي اصبح صعب جدا ولا احتمل ان امد يدي وقد عانيت لكوني امراه لوحدي .واذا رجعت ارجع الى العراق اولا ام ارجع الى الاردن مباشرة علما ان هناك عائله كريمه ستساعدني في العوده الى الاردن.
اشكركم وانتظر الرد على احر من الجمر
اختكم غادةالكاميليا
-
العراق الحياه لا تطاق
-
up
-
عيد مبارك انشاء الله اولا اول شي ليش مترحين الى تركيا اذا انتي مطلقه او ارمله ولا يوجد لكي معين اليوان في تركيا يهتم بالمطلقات جدا ويستعجل بخروجهنتعتبرين حاله خاصه اما بخصوص العمل لايوجد عمل والمعيشه اقل شي يرادلك 400 دولار امريكي في الشهر الواحد يتراوح بقائك من 11 شهر الى السنه
-
يعني انا صارلي شهر بأمريكا و والله ما عندي زايد ولا عانه بس اذا احد الاخوة المشرفين يرتب فد حل نتساعد كلنا لاخراج هالمرأة لبر الامان والله اساهم ولو بأخر فلس عندي لانه هي مو وحدها....اقترحوا شيواتفقوا علية والاعضاء رح يصيرون بكدالصين كل واحد على 30 او 25 دولار تصير ثرية وهذا مبلغ مو ثقيل هنا يمكن ؟؟؟؟؟؟؟؟؟؟؟؟؟؟؟؟؟
للادارة
-
عيد مبارك انشاء الله اولا اول شي ليش مترحين الى تركيا اذا انتي مطلقه او ارمله ولا يوجد لكي معين اليوان في تركيا يهتم بالمطلقات جدا ويستعجل بخروجهنتعتبرين حاله خاصه اما بخصوص العمل لايوجد عمل والمعيشه اقل شي يرادلك 400 دولار امريكي في الشهر الواحد يتراوح بقائك من 11 شهر الى السنه
أحسن حل
-
اخواني الاعزاء
والله العظيم اثلجتوا صدري بردودكم واني متاكده من غيرتكم
وجدا اشكركم على هل الاخلاق الراقيه والله بجيتوني لان المني وبيه ماوكفلي
بس الله موجود اني مااريد مساعده ماديه لان الله يفرجها صدكوني والله شلون ماادري
بس اريد الراي السديد من خلال تجاربكم عسى ولعل تفرج علينه.
طبعا مع العلم انو بوضع والدتي الصحي هسه مااعتقد تطول بس نرجع نكول رحمة الله جبيره
اريد من الله سبحانه وتعالى يفرجها على كل متضايق واني منهم
والله دا احس بغصه كبيره على احوال العوائل العراقيه وربي يعين الكل
واشكر كل من رد عليه والله يحفظكم ياطيبين ومادام لسه اكو هيج ناس صدكوني احنه لسه بخير
غادةالكاميليا
-
السلام عليكم
كل عام وانتي بخير وعيدكم مبارك اختي العزيزة والاعضاء الكرام
والله ما عتدي اي معلومة تخص اليو ان وطريقتها وكان بودي ان اقدم مساعدة بالراي ولكن تعذريني ما اعرف وكل الاعرفه بهالموضوع انه العودة الى العراق تاثر على حالة الكيس
اترك مجال المساعدة بالراي لاخواننا العدهم خبرة بهالمجال ... ويا رب تتسهل اموركم
-
اختي العزيزه نصيحه مني الج ارجي للعراق واتزوجي وشوفي حياتج لان انتي صارلج 5 سنوات تنتضرين وكل فلوسج خلصت ومسافرتي واذا ترجعين للاردن رح اتعبين اكثر وهم يراد فلوس قامه وهم انتظار لان الاردن اشبه بليهود ويمكن اليهود كلبهم احن فأرجعي للعراق وهاهيه
وانتي بقت يمج
-
اذا قصتج زينه وتكدرين تجين على تركيا اني انطيج كرنتي سنه او اقل انتي بأمريكا
-
اختي انت معاملتج وين واصلة اذا واصلة مرحلة متقدمة حاولي تنقليها لعمان مباشرة حتى لضيع وقت الانتظار ولترجعين للعراق كي لا تتأثر واذا لا تكدرين ترجعين للعراق اشوفين الوضع وبعدها اتقررين اذا تكدرين تجين العمان ام لا لان تعرفين عمان غالية ومن الممكن العيش فيها لكن يحتاج لبعض المال ولفترة معينة وهذا الشي اكيد انت افضل وحدة تكدر تقرره وبالتوفيق .
-
السلام عليكم
اختي العزيزة نصيحتي الج وانتي بهيج موقف ابدا لا تخوضين هيج موضوع الا اذا عندج اختيارات بحيث تكدرين تختارين افضلها
شوفي شنو الانسب وسوي والاخوان اكيد مراح يقصرون لازم تعرفين تفاصيل كل اختيار مو تروحين وانتي كل شي متعرفين وبعدين تنصدمين بالواقع
جورج
-
ليش شنو خلصو العراقيين ال بمصر ؟؟؟؟؟؟؟؟؟؟؟
لو ...... ماكو ؟؟؟؟؟
الله يكون بعونج اختي
-
خيه غادة, اعتقد كرأي شخصي اذا انتي تتوقعين وضعج المعاشي بالعراق او بالاردن راح يكون احسن فهذا شي ما اتصوره بالوقت الحالي.
وانتي لازم اتفكرين واتحددين هدفج (( انو تحسين وضعج وراحتج انتي و الوالدة على شنو يعتمد؟)) اذا عرفتي الجواب على هذا السوال راح تتوصلين للحل الصحيح.... يعتمد على سفرج و وصولج الى امريكا؟ لو على توفير المادة الكم و امور الفلوس حاليا اهم؟ لو شنو ؟؟؟؟؟
وعلى اساس هايه النقطة اتحددين اتسافرين وين او تبقين اهناك ابمصر.
حددي شنو هدفج و الغايه و على اساسه نتوصل احنه وياج للقرار الصحيح و الانسب. اقلها احسن من الجكاير ;D
تحياتي
W
-
خيه غادة, اعتقد كرأي شخصي اذا انتي تتوقعين وضعج المعاشي بالعراق او بالاردن راح يكون احسن فهذا شي ما اتصوره بالوقت الحالي.
وانتي لازم اتفكرين واتحددين هدفج (( انو تحسين وضعج وراحتج انتي و الوالدة على شنو يعتمد؟)) اذا عرفتي الجواب على هذا السوال راح تتوصلين للحل الصحيح.... يعتمد على سفرج و وصولج الى امريكا؟ لو على توفير المادة الكم و امور الفلوس حاليا اهم؟ لو شنو ؟؟؟؟؟
وعلى اساس هايه النقطة اتحددين اتسافرين وين او تبقين اهناك ابمصر.
حددي شنو هدفج و الغايه و على اساسه نتوصل احنه وياج للقرار الصحيح و الانسب. اقلها احسن من الجكاير ;D
تحياتي
W
اؤيد كلام الاخ ول بور
-
هاي انتي حاله من كوووووومه حالات الي وضعهم ديتعب اكثر واكثر بسبب تاخير السفر
يعني يفكرون لو مماخريهم بالسفر جان مصار وضعهم هيج بس للاسف اذا تساليهم عن اسباب التاخير ماعدهم جواب
مقنع
موضوع تجين للاردن صعب اعتقد لان راح تبدين معامله السفر من جديد
ومراح يفرق شي يمكن مصر احسن من الاردن ارخص شويه
بس انتي دزيلهم رسائل هوايه كليلهم بوضعج بلكي يحسوون
-
مساء الخير اختي غادة وكل عام وانت بالف خير
اختي اني ويه الاخوان الي كالوا انو العيشة بالاردن غالية اختي واذا اكو عائلة راح تساعدج مثل متكولين اختي فلازم تحسبين احساباتج زين اختي لان اهنا الوضع المادي لاغلب العوائل صعب والشغل شبه منعدم للعراقين
اني اشوف لو تطلبين مقابلة اليو ان بمصر ونشرحيلهم وضعج وهذا طبعا يعتمد على المرحلة الي انتي واصلتها بالمقابلات
ربي يسهل امورج يارب بجاه هاي الايام المباركة يارب
-
مستعد للدعم المادي.. اذا قررتو شي دزولي مسج على الخاص
-
بارك الله باهل الغيرة و اني هم مستعد لمد يد المساعدة باي شكل من الاشكال
-
الله يفرج همج وييسر امرج
-
اختي الفاضلة
انــــــــــــــــــــــــي انصحك بتركيا مصرفك في اي محافظة تركية هو مع الايجار والكهرباء والماء والنت ...يكلفك ...500 دولار ويصرف لك اعانة من الوالي ومساعدة الطعام حسب المحافظة اما جافة او مطبوخة وظروف الحياة بتركيا امنة والعلاج بالمحافظات يصرف لك اثمانه وممكن ان تراجعي ال60 فقرة التي كتبتها انا للقادمين لتركيا وممكن ان تاتي وتتوفقي فيها ولااعتقد ان الاردن ارخص ...وتركيا اشرف بكثير من الاردن ومصر وغيرها في التعامل والاسعار مناسبة جدا ان شاء الله وأنا لاانصحك بالعودة الى العراق لانه بلد منتهي ولايرتجى منه خير الان بسبب ظرفه الحالي...ومن الله التوفيق
ابـــــــــــــــــــــــــــــــو عمـــــــــــــــــــــر
-
والله يااختي اني بخدمتج حالي حال اخواني وانشالله ما اقصر وياج في حال انو قررتي ان ترجعين للعراق وايدي على ايد ابو علاء .
بس اذا تريدين رأيي اني اقول انه احسن رأي هو رأي الاخ ( aws2006 ) لان الرجل على دراية كاملة بكيفية تدبر امور المعيشة في تركيا و هو مبينلج برده على الموضوع و ترى اكو اجماع تقريبا من كل الاخوة بان تركيا هي الاسرع . فانتي لتضلين حايرة وانشاالله الله ميحير عبدة , حاولي ان تدرسين الوضع زين قبل متتخذين قرار و بعدين تندمين .
واني اشوف انو اذا قصتج زينة فحرمات تضيعين هذا التعب كله
و خلي كل الثقتة والرجاء باالله قبل كل احد .
-
والله يااختي اني بخدمتج حالي حال اخواني وانشالله ما اقصر وياج في حال انو قررتي ان ترجعين للعراق وايدي على ايد ابو علاء .
بس اذا تريدين رأيي اني اقول انه احسن رأي هو رأي الاخ ( aws2006 ) لان الرجل على دراية كاملة بكيفية تدبر امور المعيشة في تركيا و هو مبينلج برده على الموضوع و ترى اكو اجماع تقريبا من كل الاخوة بان تركيا هي الاسرع . فانتي لتضلين حايرة وانشاالله الله ميحير عبدة , حاولي ان تدرسين الوضع زين قبل متتخذين قرار و بعدين تندمين .
واني اشوف انو اذا قصتج زينة فحرمات تضيعين هذا التعب كله
و خلي كل الثقتة والرجاء باالله قبل كل احد .
اختي الكريمة الرأي القائل بالذهاب لتركيا احسن رأي بالنسبة لحالتج...اولا مصر و الاردن والعراق اول شي حاليا مو مستقرة..ثانيا العراق والاردن غلا مو بعقل هاي الفترة وثالثا الدعم والمساعدة وامكانية العمل في تركيا متوفرة وافضل من الاردن والعراق تعرفين وضعه..وفترة الخروج من تركيا في حالة شرح وضعكم بصورة دقيقة ومرتبة باليو أن رح تطلعج بفترة اقل بهواية من سنة بعون الله..شنو رأي الاخوان؟؟؟