ankawa
منتدى الهجرة واللجوء => الهجرة و واللاجئين => الموضوع حرر بواسطة: الحـلم الوردي في 23:41 31/08/2011
-
السلام عليكم جميعا .....
قبل ايام سالني احد الاصدقاء ( مقدم على IOM بغداد ) سؤال وصراحة معرفت اجاوبه فحبيت اعرف رايكم بيه
صديقي سافر لايران لمعالجة زوجته ( يعني زيارة وعلاج ) ..
هو عنده جواز اس وضايف بيه عائلته . يعني طلع هو وعائلته بجواز واحد ..........
بنفس الوقت عنده هو وعائلته جوازات جديدة ( فئة A ) وهاي الجوازات بعدهي جديدة ومبيها اي معلومة بانه زار ايران ..
السؤال هو \ هل سيعرف الامريكان بانه زار ايران \ ام انهم يعتمدون على الجواز المقدم لهم فقط ..
اذا فرضنا انهم سيعرفون هل من الافضل له ان يبلغهم بسفره للعلاج ... ام يغلس مثل ميكولون ..
صراحة انا ما اعرف الجواب فياريت منكم اخواني تنورون اخونه بالجواب لان هو محتار ....... منتظرين مشاركاتكم
تحياتي لكم
-
و الله اخويه اكو احتمالين للموضوع
1- اعتقد كل الدخول و الخروج لايران هو تحت النظر و المراقبه بسبب الاجواء السياسيه و تدري ايران و تدخلاتها فاذا كللهم مرايح و جيكوا اسمه و لكوا داخل تنلاص
2- اكو احتمال انو ميعرفون و يشوفهم بس الجواز الجديد و تمشي عادي
هاي تعتمد ع الحظ
تحياتي
ألن
-
لي صديق اكثر من عشر سنوات في ايران وذكر ذلك في المقابلة رغم انه لا توجد اي مؤشر في الجواز ، ولم يكن لها اي تاثير ، طبعا سالوه عن عمله في ايران وهو كان يعمل في مؤسسة طباعة هناك.
-
خلي يحجي الحقيقه
................... احسن لان كلشي اتوقع ......يصير ......
اذا اكو تقارير طبيه تسند روحته ,,,,,لويش يخاف
-
يعني من راح يكلهم الحقيقة مراح يسالوه ليش رحت لايران مو للاردن مثلا .......... يعني ما تنلاص عليه
مو خاف يكلهم ويجيه رفض
تحياتي
-
السلام عليكم
اخي العزيز طبعا اهم شي عند الامريكان الصراحة الي اعرفة في الحدود مودودين امريكان ياخذون بصمة العين فا اكيد راح يعرفون
من بصماتك بالحدود ..............خوما انلاصة عليك انشاء الله ما ماخذن البصمة ويسهل عليك ...................؟
-
الله يساعدك اخي الكريم
ان زيارة ايران وسوريا غير محبذة عند السفر الى الولايات المتحدة الامريكية وذلك للامور سياسية نحن في غنى عن ذكرها الان، لذا كي تكون ماشية في اتجاهها الصحيح في معاملة ال IOM او اي معاملة اخرى يجب ان تكون الاجابة محددة وواضحة ومختصرة وبدون اسهاب لان في الاسهاب مايوقع صاحبها في مطبات. اي ان تكون الاجابة على قدر السؤال لا اكثر ولا اقل. فان سؤل عن الزيارة الى ايران و سوريا فالاجابة تكون بنعم للعلاج مع ابراز الوثائق الثبوتية. اما لماذا هذه الدولة دون غيرها فالاجابة تكون لرخص العلاج. فان لم يسألوه فهو غير مجبر على الاجابة.
-
اخوان بالنسبة لي ولعائلتي كنا مسافرين الى سوريا ولبنان ومثبتة بالجوازات وكانت سفرتنا بالسابع واجرينا المقابلة الاولى بال11 اي بعد اربعة اشهر من سفرتنا واحنة اخبرناهم بالسفرة حيث كانت سفرة سياحية ومؤشرة بالجواز الدخول الى سوريا ومن ثم لبنان ومطرقو بالسؤال عليها مرة ثانية ولا حتى اكدو عليها او لحو بيها ...
-
والله يا اخي هاي الحيرة اللي انت بيهة مالهة اي داعي عندك جوازات A ادخل بيهة للاردن وخلص وماكو اي داعي لذكر سفرة ايران قابل هم يعلمون الغيب؟؟ اصلا لا تكول عندي جوازين لان يعتبروهة شغلة تزوير لان كل العالم والناس يسحبون الجواز القديم يلله يصدرّون الجديد بس العراقيين يتهاونون بهيج شي وانة والله والله اعرف شخص انرفض لأن غير جوازة من S الىG خلال المقابلات واعتبروهة تزوير وهسة قدم استئناف ورفق الجواز القديم يعتي اندمرت المعاملة دمار من ورة الجواز . فأنت ليش تفتح على نفسك باب شك هم ما يعلمون الغيب يعلمون اللي انت تكولة وبس
-
يعني الامنيه تطول سنه ليش ؟؟ غير حته يشوفك وين رايح وين جاي واكو عندك شي ضامه عليهم
حبي احجي الحقيقة حته لو مسئلوك او مماخذين بصمه عين تره سنه كاملة تجيك امني مو لعب جعاب
شكرا جزيلا
-
زين اخواني اذا كالهم طلعت لايران لعلاج زوجتي ..... بجواز الاس وهو مقدم الهم جواز اي .. مراح يعتبروه مزور لان عنده جوازين
ارجو الرد والمناقشة
-
ما اتوقع ايأثر
لان رايح بقضية انسانية وهي العلاج
-
بس انتبه اذا ذكرت الجواز S احتمال يطلبون منك احضاره او تصويره او رقمه
انا ذكرت لهم ان زوجتي زارت الاردن سابقا بجواز S فطلبوا واصروا ان يعرفون رقمه رغم اني قلت لهم انني سلته مع استلامي للجواز G