ankawa
منتدى الهجرة واللجوء => الهجرة و واللاجئين => الموضوع حرر بواسطة: اوركي في 04:15 03/09/2011
-
اخواني الافاضل
بعد استلام الكرين كارت قررت الذهاب الى الهند للعلاج .. الاسنان والمعدة .. لذا اتمنى على اخوتي ارشادني الطريقة من حيث استخراج الفيزة وحجز الطيران علما اني في هيوستن .. السؤال الاهم .. كم من المدة المسموح بها للبقاء خارج امريكا 6 اشهر او سنة وبماذا تنصحون .
اوركي
-
للمساعده اخواني
-
السلام عليكم
صديقي المفروض مدام عندك كرين كارد تكدر تروح اي مكان بالعالم .. اما عن مده البقاء خارج امريكا 6 اشهر لان اعرف بنيه عراقيه عدها كرين كارد و يمي بعمان قبل ما تكمل الــ 6 اشهر تروح لامريكا حته لا يسقط الكرين كارد مالتها ...
تحياتي و احترامي الك
-
اخي العزيز هي المدة سنة مو ستة اشهر وهذا التعديل صار من نهاية ال2009 لكن انت اذا تريد بس رحلة علاج ترة كافية عليك بالهند 3 اشهر
طبعا اذا تطلب فيزا للعلاج المفروض انت رايح تتعالج بمستشفى او مركز تخصصي مشهور بالهند
عدا ذلك الافضل انه تقدم على فيزة سياحة ولا تكوللهم راح للعلاج
اقصى مدة للفيزا يمنحوك هو 6 اشهر فقط
تروح عالويبسايت التالي وتدخل معلوماتك علمود تعرف شنو المطلوب منك :
https://indiavisa.travisaoutsourcing.com/guidelines
من تدخل المعلومات راح تعرف بالصفحة بعدها شنو الاوراق المطلوبة وشنو طريقة التقديم طبعا اما بالبريد او شخصيا تروح للسفارة الهندية وهم عدهم كم سفارة بامريكا حسب انت بأي ولاية
واشنطن دي سي/نيويورك/سان فرانسيسكو بكاليفورنيا/شيكاغو بالينوي / وهيوستن بتكساس
وهاي طرق التقديم
https://indiavisa.travisaoutsourcing.com/get-a-visa
هم يشجعون انه واحد يقدم بالبريد وما يحتاج انت تروح بنفسك بس دز الاوراق كاملة وطبعا الجواز ويجيك مختوم ورة فترة كاتبين ممكن تاخذ اسبوعين لكن مرات تتأخر اكثر من هيج وتكدر تتعب معاملتك وين وصلت عن طريق اللنك التالي
https://indiavisa.travisaoutsourcing.com/track-passport
تحياتي اتمنى اكون فدتك بمعلومة
-
شكرا اخوتي على التوضيح
واتمنى ان اعرف طريقة استخراج الفيزة وبطاقات السفر .. الاخ غزوان المدة ستة اشهر ام سنة لحاملي الكرين كارت اكو اخوة يكولون سنة لازم تبقى خارج امريكا .. تحياتي
-
شكرا اخوتي على التوضيح
واتمنى ان اعرف طريقة استخراج الفيزة وبطاقات السفر .. الاخ غزوان المدة ستة اشهر ام سنة لحاملي الكرين كارت اكو اخوة يكولون سنة لازم تبقى خارج امريكا .. تحياتي
جاوبتك اخي اوركي
-
شكرا اخت سرى
على التوضيح والله كلامك عين الصواب .. بالفعل رحت لمكتب تابع للقنصلية الهندية صابر بالداون تاون بشارع الويست هايمر بهيوستن .. ومثل ما كلتي ياطيبة .. طلبوا مني ملا استمارة بالانترنيت والوثائق المطلوبة وانطوني نفس العنوان الي انت انطيتينياه .. لكن استوقفني موضوع يردون عنوان شخص .. انه عندي اخ زوجتي جاي يدرس بالهند بس ما عندي عنوانه بالضبط .. وعليه اجلت الموضوع لغير وقت .. وهسة حصلت العنوان .. بس بعد ما اكدر اروح لان ما ينطوني اجازة لو ابطل من الشغل .. بالبريد اخاف يضيع الجواز .. زين يصير زوجتي وحده تروح تقدم المعاملة عنها وعني .. وشكرا مجددا يانجمة عين كاوة والله عندج معلومات دقيقة جدا .
اوركي
-
شكرا اخت سرى
على التوضيح والله كلامك عين الصواب .. بالفعل رحت لمكتب تابع للقنصلية الهندية صابر بالداون تاون بشارع الويست هايمر بهيوستن .. ومثل ما كلتي ياطيبة .. طلبوا مني ملا استمارة بالانترنيت والوثائق المطلوبة وانطوني نفس العنوان الي انت انطيتينياه .. لكن استوقفني موضوع يردون عنوان شخص .. انه عندي اخ زوجتي جاي يدرس بالهند بس ما عندي عنوانه بالضبط .. وعليه اجلت الموضوع لغير وقت .. وهسة حصلت العنوان .. بس بعد ما اكدر اروح لان ما ينطوني اجازة لو ابطل من الشغل .. بالبريد اخاف يضيع الجواز .. زين يصير زوجتي وحده تروح تقدم المعاملة عنها وعني .. وشكرا مجددا يانجمة عين كاوة والله عندج معلومات دقيقة جدا .
اوركي
ممكن تخابرهم بالتليفون وتسأل على مسألة زوجتك هاي ما اعرف بيها اخوية العزيز
بس ترة معاملات البريد بامريكا عادي وعادة من تدز شغلة تكون بريد مسجل خصوصا بهيج امور فلا تتخوف منها ولو احنا معلمين الا نسوي المعاملة بايدنا ما نكدر هههههههههههههه
ولا شكر على واجب اخي اوركي اني بس دخلت لموقع السفارة وهو وداني على هاي اللنكات ان شاء الله تكون سفرة مريحة