ankawa
منتدى الهجرة واللجوء => الهجرة و واللاجئين => الموضوع حرر بواسطة: amman76 في 13:23 06/09/2011
-
السلام عليكم
اريد مساعدتكم حول التقديم على آي او ام ... اني قدمت الى عمان في يوم 16-7-2011 وثاني يوم دزيت ايميل الى ال اي او ام اخبرتهم اني تهددت بسبب عملي وقدمت الى عمان انا وعائلتي وراها دزولي ايميل يريدون كل الاوراق الثبوتيه و قمت بارسال كل اوراقي والتزكيات من المشرفين علي وكذلك المستمسكات (الجوازات والجناسي وشهادة الجنسيه ايضا) ارسلتها الهم بالايميل وبعد فتره ارسلولي كيس نمبر وطلبوا رقم عقد العمل مع الجيش وقمت بارساله مع تزكيه من قبل المشرف الامريكي ......
سؤالي هو ... ماهي وضعيتي حاليا برايكم على ضوء ما طلبوا من عندي؟؟؟ وهل هذه التزكيات تكفي كاثبات على عملي؟؟ ..وماهو الاجراء التالي ؟؟؟ متى باعتقادكم سوف يحددون مقابله لي .. علما اني قدمت على اليو ان وقابلت يوم 26-7 وحصلت على ورقة الحمايه و لم يصلني لحد الان اي ايميل منهم
ارجوا المساعده منكم والايضاح قدر الامكان وشكرا جزيلا الكم
-
اذا الاوراق الي قدمتها للـ IOM تثبت انك كنت تاخذ راتب من الامريكا لاكثر من سنة ، فراح يراسلون الجهة الي تشير لها اوراقك للتاكد من صحة الاوراق, وهاي تطول ثلاث اشهر تقريبا وبعدها ينطوك خبر.
اما شغلة UN انساها ، لان كلش نادر يتصلون على توطين، الا ما شاء الله.
-
حبي التزكيات كافية للأثبات طالما فترة عملك مذكورة بيها - بالتوفيق انشالا
-
عيني اصلا البرنامج راح ينسد نهاية السنه , حاول تكمل اوراقك بسرعه لان بعد وراك حصبه وجدري انت والسنتين اذا الله راد
-
الاخ العزيز ابو يوسف اهلا ً وسهلا ً بيك في هذا المنتدى واهلا وسهلا بيك بالاردن
اولا ً انت قدمت الى الـ UN وانطوك موعد وملأت الاستمارات وقابلوك وناقشوك على ما مكتوب بالاستمارات واعطوك الوثيقة اللي صلاحيتها 6 اشهر ، هسة تنتظر بين الشهرين و 3 اشهر راح يتصلون بيك ويطلبوكم للمقابلة وراح يستفسرون منك ويكون التركيز على اسباب خروجك من العراق والتهديد واذا اقتنعوا يحولون ملفك للتوطين وبعدها الله اعلم المدة راح يسولك الكارت الارزق الذي هو الاعتراف من الامم المتحدة بالتنسيق مع الحكومة الاردنية على الاعتراف بك كلاجيء لا يجوز تسفيرك قسريا ً. بالنسبة الك الى هنا وملفك راح يوكف نوعما لأن لازم يتحول الى الـ IOM اذا كان ترشيحك الى امريكا .
اختصارا ً لهذه الفترة انت قدمت الى الـ IOM وانشاء الله اقل من 3 اشهر راح تجري المقابلة الاولى اللي راح يركزون على قصتك وتهديدك واسباب خروجك من العراق وعسكريتك وانتمائك للحزب ، وانشاء الله وراها المحلف . بعد المحلف راح تبدي المرحلة الثانية وهاي عليها غير كعدة.
ولكن للامانة اخي العزيز ان الذين قدموا في بداية هذا العام هناك قسم كبير منهم انهوا المحلفين في بداية الشهر الخامس واستلموا نتيجة المحلفين في 25 / 6 والوجبة التي بعدها التي بدأت بالمقابلة في نهاية الشهر السابع والشهر الثامن ستستلم نتيجة المحلفين يوم 10 / 9 قسم من الذين استلموا نتيجة المحلف في 25 / 6 ايضا استلموا مواعيد سفر وهناك بعض منهم سيغادر خلال هذا الايام وانشاء الله مساء اليوم سأودع احدى العوائل التي ستغادر خلال هذه الايام.
تحياتي وتمنياتي لك بالتوفيق
-
شكرا الكم اخواني وجزاكم الله خير وانشاء الله تسهل الامور للكل ..... واخص بالشكر الاخ ابو هنوده اشكرك جدا اخي العزيز وجزاك الله خير واتمنى الموفقيه للجميع انشاء الله
-
ارجو المساعده ..
اني قدمت على برنامج IOM وطلبوا مني البريد الالكتروني الرسمي مال المسؤول الامريكي المباشر علمود يتصلون بي عن طريق النت ويتأكدون من عملي بالاضافه اى رسالة الــ HR وهذه الطلبات ما اكدر اوفيها لمنظمة لأن اني بطلت من عملي ويه الجيش الامريكي قبل 6 سنوات وما اعرف وين هسه الضابط المسؤول مالتي ولا اكدر ادخل للمعسكر الي جنت اشتغل بي ( كامب سترايكر مايور ) .. شسوي هسه ماكو امل ؟ مع العلم اني عملي مع الجيش مو مترجم
-
ارجو المساعده ..
اني قدمت على برنامج IOM وطلبوا مني البريد الالكتروني الرسمي مال المسؤول الامريكي المباشر علمود يتصلون بي عن طريق النت ويتأكدون من عملي بالاضافه اى رسالة الــ HR وهذه الطلبات ما اكدر اوفيها لمنظمة لأن اني بطلت من عملي ويه الجيش الامريكي قبل 6 سنوات وما اعرف وين هسه الضابط المسؤول مالتي ولا اكدر ادخل للمعسكر الي جنت اشتغل بي ( كامب سترايكر مايور ) .. شسوي هسه ماكو امل ؟ مع العلم اني عملي مع الجيش مو مترجم
اخي ابوجوزيف
جاوبتك على الرابط التالي لأن ناشر نفس الاستفسار في مكان اخر
http://www.ankawa.com/forum/index.php/topic,532200.0.htm