ankawa
منتدى الهجرة واللجوء => الهجرة و واللاجئين => الموضوع حرر بواسطة: man84 في 12:35 07/09/2011
-
مساء الخير اخوان بس حبيت اسال اكو احد ضاف طفل وكمل وسافر لو اللي يضيف طفل شغلتة تنام علطابوكة؟اشو مسمعت احد سافر ؟اني ضايف طفل وقابلت محاف وفحص فحص طبي ؟ اشكد طول اذا احد سافر من عدكم من الفحص الطبي الى ان سافر؟
-
اخي العزيز ما اريد اصدمك بس اني زوجتي سوت المقابلة الثانية و هي حامل بشهرين و ما اجانة شي الى تمت الولادة بخير و سلامة ضفنا الطفل شهر 11 سنة 2010 و ما اجانة شي و قابل ابني المحلف شهر الثاني و عدنا الفحص الطبي شهر السادس و ليحد هاي اللحظة ما عندي شي مع العلم اني بصمتنا صايرة اكسباير من شهر الخامس و مادازين وراية حتى اعيدهة و بعيد عنك ما عندي شي ليهسة و حتى دا افكر الغيهة المعاملة لان حالتي كلش مدهورة و ضجت من الانتظار علما اني مقابل محلف شهر الخامس 2010 انشاء الله انت ما تكون مثلنة :'( :'( :'( :'(
-
اخويه الغالي
اني خلال هذا الشهر راح يجيني طفل لازم اضيفه شنو لازم ادزه للمنضمه من اوراق بيان الولاده وهوية احوال وبعدين الباقي لو كلهم دفعه وحده
طبعا اني وره المقابله الثانيه والفحص كلت مابقى شي خلي نسوينه طفل اكيد راح يولد بامريكا بس الى هسه ماكو اي خبر
طبعا اني مقابله الثانيه جانت 5/12/2010 والفحص 27/12/2010 والمحاضره التثقيفيه 29/4/2011 وكاعد وساكت مع العلم اني بايع غراض بيتي وسيارتي من شهر الرابع وهسه راح ارجع اشتري سياره
ومقدم من بغداد
الله ينتقم من iom بهدلتنه
اخوك في البهدله
nael
-
طبعا شكرا اخوية نجم المشرق بشرتني فد بشارة حلوة بس يضاهر اللي يجي طفل الله يكون بعونة عبالك عقاب ديعاقبونة
اخوية نائل اهم شي بيان الولادة تطلعة اذا كنت من خارج العراق بس طلع بيان الولادة وانتصل بالمنظمة وكللهم اني اجاني طفل وخذ مواعيد علمود يقابل الطفل نفس مقابلاتكم ويضيفو (يمشي نفس المراحل اللي انتو واصليلها) تمشي كلها بس ببيان الولادة عادي وانت بهالفترة حاول تشتغل بالاحوال علمود تطلع جواز اللي بعد متطلعة تكللهم اني طلعتة وترفقا بملفكم وشكرا الكم
بعد منو مو ضايف طفل اريد اسمع بعد؟؟؟؟
-
والله اخوية ما اجذب عليك انتة من الان وصاعد من جماعة الطابوكة لان اكو هواي مثل شغلتك لان احنه جماعة الطابوكة حظنا كلش قوي هههههههههههههههه وكلبها
-
السلام عليكم والله انته حطيت ايدك عله الجرح اني بالنسبه اللي مقابله المحلف من شهر 7 2010 وضفت الطفل بشهر ال2 2011 ومكمل كلشي وعايد الفحص الطبي مرتين ةلحد الان كلشي ماكو وابني رح يصير عمره سنه وصنطه ماكو شي شغلتنه داجه
zaid 007
-
يبوووووووووووووووو هاي صدك شغلتنا داجة لعد خلي انام احسن ومنا للسنة الله كريم
-
أخوان آني هم ظفت طفل وأنهجم بيت أبوية وصارلي 3 سنوات من تاريخ اول تقديم وسنتين من أضافة الطفل ويمكن رح أزوجة ألأبني وأضيف زوجتة يلة يحنون علية
المهم حسبي الله ونعم الوكيل
Baguncero
-
و الله يا اخوان اني و انتو هم اكيد نفس الاحساس الله رزقنا بخلفة و خلقة كاملة و الحمد لله تسوة امريكا و ما بيها و الله يقدم الي بي الخير شننتظر نخلف اهناك نكون عجزنا منين يجي الطفل ههههههههههههههه ;D ;D ;D ;D ;D ;D
-
أخوان آني هم ظفت طفل وأنهجم بيت أبوية وصارلي 3 سنوات من تاريخ اول تقديم وسنتين من أضافة الطفل ويمكن رح أزوجة ألأبني وأضيف زوجتة يلة يحنون علية
المهم حسبي الله ونعم الوكيل
Baguncero
عزيزي banuncero انتم هم قابلت محلف و كملت كلشي و صارلك 3 سنوات نتظر لو شنو السالفه و انتي بغداد لو بالخارج
-
اويلي علينه لعد احنه هسه ضفنه طفل يراد 5 سنوات يله نطلع والله كريم
-
الأخوان الأعزاء السلام عليكم
أول أرجو من الأخوان المشاركين أن يستمروا من خلال التعليق في هذه الجمعية لأن اذا انتركت الجمعية اكثر من ثلاثة ايام بدون تعليق تضيع بداخل رسائل المنتدى-- و اشكر الاخ الذي أسسها
أني من جماعة محلفين شهر 7--2010 اي او ام بغداد ---اجانه ولد جديد و أضفناه بمقابلة محلفين بتاريخ 20-4-2011 وفحص طبي للطفل بعد شهرين من تاريخ المحلفين-- الكفيل يكول ملفكم واصل للولاية و الطفل مضاف للملف--- راح يوقعون الملف من قبل الولاية و المنظمة الراعية للاجئين و يرجعوا لعمان -- لكن لحد امس اجاني ايميل رداءا على سؤالي بالايميل -- انه الفايل مالتنه تحت التجيك الامني الي قبل السفر-- هاي الكليشه الجديدة علما ان الرمز الي مع الايميل كان MJH
أرجو ان تستمر الجمعية و الي يعرف احد اضاف طفل ثم سافر --الرجاء اخبارنا مع التواريخ
نتمنى التسهيل و الموفقية للجميع
المهندس megalove
-
أخي مان
آني قابلت محلف ب 28 حزيران 2009 وظفت الطفل وعدت المحلف علمودة يوم 25 شباط 2010 ولليوم تجييك أمني وافلام هندية بحيث خسلت ايدي منهم وعندي صديق هم بمصر هسة هوة ضاف طفل ونامت عليهم الطابوكة
تقبل مروري
أخوك
Baguncero
من عمان
-
الأخوان الأعزاء السلام عليكم
أول أرجو من الأخوان المشاركين أن يستمروا من خلال التعليق في هذه الجمعية لأن اذا انتركت الجمعية اكثر من ثلاثة ايام بدون تعليق تضيع بداخل رسائل المنتدى-- و اشكر الاخ الذي أسسها
أني من جماعة محلفين شهر 7--2010 اي او ام بغداد ---اجانه ولد جديد و أضفناه بمقابلة محلفين بتاريخ 20-4-2011 وفحص طبي للطفل بعد شهرين من تاريخ المحلفين-- الكفيل يكول ملفكم واصل للولاية و الطفل مضاف للملف--- راح يوقعون الملف من قبل الولاية و المنظمة الراعية للاجئين و يرجعوا لعمان -- لكن لحد امس اجاني ايميل رداءا على سؤالي بالايميل -- انه الفايل مالتنه تحت التجيك الامني الي قبل السفر-- هاي الكليشه الجديدة علما ان الرمز الي مع الايميل كان MJH
أرجو ان تستمر الجمعية و الي يعرف احد اضاف طفل ثم سافر --الرجاء اخبارنا مع التواريخ
نتمنى التسهيل و الموفقية للجميع
المهندس megalove
اخي megaloveشكرا الك وصحيح اللي تكولة انو لازم تستمر الجمعية حتى نعرف منو احد سافر بعد مضاف الطفل بس شكلها ماكو اي احد مسافر الله يساعد الي يجي طفل
-
أخي مان
آني قابلت محلف ب 28 حزيران 2009 وظفت الطفل وعدت المحلف علمودة يوم 25 شباط 2010 ولليوم تجييك أمني وافلام هندية بحيث خسلت ايدي منهم وعندي صديق هم بمصر هسة هوة ضاف طفل ونامت عليهم الطابوكة
تقبل مروري
أخوك
Baguncero
من عمان
اوففففف من الطابوكة شوكت راح تنشال
-
السلام عليكم ورحمة الله وبركاتة
اخي صاحب الموضوع خليني اشرح لك شيء حصل وياي يعني مو سامعة من احد انا قابلت محلفين شهر 8-2009 وزوجتي كانت حامل بشهر السادس المحلفة سالت زوجتي انتي حامل طبعا رد زوجتي نعم خلصنة المقابلة ومشينه وبشهر التاسع استلمت النتيجة القبول خابرت الهجرة بشهر العاشر اريد اعرف وين صار الملف قالي الموظف انتا مو زوجتك منتظرة طفل قلت لة نعم قال خلاص لما زوجتك تولد بسلامة يالله يمشي الملف مالتك وهاذا ماحصل بشهر 11 اجتنة بنوتة وبلغت الهجرة وفي الشهر الثاني قابلة محلفين مرة اخرى على مود البنوتة وفي الشهر الرابع دورة تثقيفية وبشهر السادس كان موعد السفر من الاردن الى امريكا .....اخوان الطفل مالة اي علاقة تائخر احد انتا مشكلتك الموافقة الامنية خابر او دزلهم اميل وهما يخابروك وراح تتئكد من كلامي وتمنالك السفر القريب الك والى كل الاعضاء المحترميين
اخوكم جرح الزمن
-
السلام عليكم ورحمة الله وبركاتة
اخي صاحب الموضوع خليني اشرح لك شيء حصل وياي يعني مو سامعة من احد انا قابلت محلفين شهر 8-2009 وزوجتي كانت حامل بشهر السادس المحلفة سالت زوجتي انتي حامل طبعا رد زوجتي نعم خلصنة المقابلة ومشينه وبشهر التاسع استلمت النتيجة القبول خابرت الهجرة بشهر العاشر اريد اعرف وين صار الملف قالي الموظف انتا مو زوجتك منتظرة طفل قلت لة نعم قال خلاص لما زوجتك تولد بسلامة يالله يمشي الملف مالتك وهاذا ماحصل بشهر 11 اجتنة بنوتة وبلغت الهجرة وفي الشهر الثاني قابلة محلفين مرة اخرى على مود البنوتة وفي الشهر الرابع دورة تثقيفية وبشهر السادس كان موعد السفر من الاردن الى امريكا .....اخوان الطفل مالة اي علاقة تائخر احد انتا مشكلتك الموافقة الامنية خابر او دزلهم اميل وهما يخابروك وراح تتئكد من كلامي وتمنالك السفر القريب الك والى كل الاعضاء المحترميين
اخوكم جرح الزمن
اشكرك اخي بشرتني منصدك فرحتني من الصبح
بس حبيت اسال سويتلها جواز عراقي لو اكو شي اسمة جواز مال هلال الاحمر يسسوو المنظمة لان ماتلحك تطلع جواز؟
وشكرا مرة ثانية
-
اي اني قبل سنه ونصف ضفنه وقابلنه بس لهسه مسافرنه
-
حيييييييييل..الله يستر
-
بعد اخوان اريد اعرف اكو احد ضاف طفل وفحص فحص طبي وسافر؟
-
يمعودين دبشرونا وكولو احد سافر ورا ما ضاف الطفل
شلون شدة لو ندري ما مخلفين
-
اني صار عمر بنتي سنتين والى هسه تجييك والحمد لله يله مضل شي ازوجهه واطلعهه من الكيس وايسفرونه
-
اخوان أني هم اجاني طفل قبل اسبوعين علما انه اني كنت امبلغ الهجرة قبل الولادة بان زوجتي حامل بعد الولادة سالت كيف اضيفهه الى الملف فأتصلت بالهجرة و قالوا لي لازم بالاول اتضيف الطفل الى الامم المتحده و بعدين اطلع جواز يله تنضاف طبعا الامم المتحدة تضيف الطفل حسب بيان الولادة و هنا الشئ المضحك بالنسبة للاردن انه ما يعترفون ببيان الولادة العراقي اللي طلعته من السفارة يردون بيان الولادة الاردني مع نسخة من بيان السفارة العراقي بس قالوا لي اهم شئ الاردني
المهم اخوان اني فاحص لحد الان 6 مرات و بشهر ال12 راح اصير اللي 7 مرات يعني صارلي 3 سنوات جكد بعد اتظر هم 3 ههههههههههه والله بنتي عندي تسوة اوباما و عشيرته
الله كريم
-
اخي رافد يعني كلولك لازم الجواز يلة يتحرك الملف؟
-
هاي وين صارو جماعت هاي الجمعيه اشو الكل اتبخرو شنو كلكم سافرتو
-
موجودين نايمة علينه الطابوكة
-
الاخ يدكو صار عنده طفل وضافه عالملف وقابل محلفين وسافر
وممكن تسألو وتتأكدون
وحاليا بامريكا
يعني ماكو قاعدة ثابته على انو الل يجي طفل تنام عليه الطابوكة
وان شاءالله اني الله رازقني ببنت بعد شهر ونص ونبلش باضافتها عالملف
والتسهيل من الله
-
يله اخوان تعليقاتكم اذا اكو احد اضاف طفل و سافر و شكد المدة بين مقابلة الاضافة و السفر
تحياتي
-
اولا اخي هو مو قياس ااني اخوية كان عده موعد سفر يوم 29 \3 عام 2009 و من عرفو زوجته حامل اجلوه .. وكمل كلشي من الجنسيه للجواز لمقابلة المحلفين ولكن واخ من لكن هههههه لي هسه يسمع حسك بالعراق طبعا هو مقدم من عام 2008 ... و اكو واحد اعرفه ونزل موضوع هو الاخ ابو لمار ( رائد ) هذا الرابط مال موضوعه http://www.ankawa.com/forum/index.php/topic,558297.0.html اجا طفل و الحمد لله سافر ولكن بكل الاحوال الظاهر الطفل ياخر موضوع السفر .. ليش ؟؟؟؟ السبب لا يعلمه الا الراسخون في العلم .. ولكن شوفت الولد او البنت ويلعب وياك تسوه امريكا و كندا و استراليا كلهم سوه .. مووو صحيح
-
هاي وين صارو جماعت هاي الجمعيه اشو الكل اتبخرو شنو كلكم سافرتو
موجودين قابل وين نروح بعدنا متهجولين اهنا شوية و منا شوية و الله كريم ;D
-
هاي وين صارو جماعت هاي الجمعيه اشو الكل اتبخرو شنو كلكم سافرتو
موجودين قابل وين نروح بعدنا متهجولين اهنا شوية و منا شوية و الله كريم ;D
ههههههههههههه اخويه نجم المشرق والله شر البليه ما يضحك وداعتك صرنه مهزله اني الى هسه ما مسوي مقابلت اضافت الطفل
والله ابني كام يكعد على الحجله وراح يمشي بعد جم يوم والله كريم ههههههههههههه صرنه مخابيل والله
تحياتي اخوان طبعا اني من جماعت 2009