ankawa
منتدى الهجرة واللجوء => الهجرة و واللاجئين => الموضوع حرر بواسطة: Star Dream في 15:14 08/09/2011
-
السلام عليكم
اتمنى ان يكون الجميع بخير وصحة وعافية وان يصبر الله الكل واني منهم ...اليوم بالصدفة قابلت اثنين من الموظفين الامريكان للمنظمة IOM ويمكن اذا الله مكذبني محلفين واحد منهم شكله مثل الصيني .تكول اني صرت مثل اللاصق بيهم .تكول واحد شاف فد شي كنز او فد شي مذهل راسا تعرفت عليهم وكلتهم انه اني عندي قضية وياهم يعني اني ايضا مقدم وهو سالني ايضا انت مقدم كلت نعم وعندي اصدقاء ايضا مقدمين .
سوألي كان ..شنو الامنية ماقبل السفر وشكد تطول يعني فد رقم تخميني فجاوبني كال اكثر شي سنه وهاي فد قضايا محدد وكال اكثر شي للقضايا سته اشهر .وسالته ايضا على التسريع كال نعم اكو تسريع كل القضايا تجينا احنا نخلصها بسرعة ونرسلها للجهات الامنية المختصة وكان هنا التاخير لكن هسة ايضا اكو تسريع معاملات منهم للاشهر القادمة وكال لي لا تضوج كل شي راح يكون افضل من قيل لان اكو توصيات الهم وكان اجتنا اوامر بهذا الشي ...وبعدين شكرته على مساعدته بس والله نسيت ورا ماراح اخذ منه الايميل الشخصي مالته وانشاء الله بس اشوفه مرة ثانيه اطلبه منه ...
اللهم ربي يفرجها علينا وعليكم وانشاء الله هاي الايام والاشهر القادمة تحمل الخير للكل بجاه كل من عند جاه عند رب العالمين
هذا والله كل اللي صار اليوم
اخوكم ...
سامي العراقي
-
شكرا على الاخبار بس اخي انت منين امقدم و اشلون اعرفتهم او او ام
-
ما قصرت ومشكورين والله
-
الحمد لله المنتدى انترس أخبار حلوة وبشائر وهلاهل وتوقعات جميلة واحلام وردية هههههههههه بس وين القبض؟ خاصة لجماعة SIV أشو الطابوكة أستقرت على صدرنا ...
مااريد احجي بسلبية اكثر هسه يكولون كوندا سوداوي ومايحجي حجاية مفرحة ... لاوالله اني اكول امشي ورا اليبجيك مو ورا اليضحكك .. لانه هذا الواقع للأسف .
وتحياتي اخوية سامي
-
شكرا اخي على نقل هاي الاخبار المشجعة لاخوتك وخواتك بالمنتدى ربي يبارك بيك ويجعلها في ميزان حسناتك يارب
-
السلام عليكم مرة ثانية
بداية احب اشكر كل الاخوة ..بداية اجاوب على اخوية ديفيد بغداد حبي اني مقدم من العراق وثانيا شلون عرفت لان الباجات مال الامم المتحدة وتحت بالباج متكوب IOM واني ايضا سالتهم مثل ماكلت وكالو نعم وسوالوني انه اني مقدم فجلبت بيهم ...ويااخويه العزيز كوندا تفائلو بالخير تجدوة فربك اعلم بما في القلوب واعلم بعذابنا وربك رحيم وانشاء الله تفرج وتكول اخويه سامي كال بالموافقيه للجميع وانشاء الله دائما مرفوعين الراس وفخر لكل العرب ...لا حياه مع الياس ولا ياس مع الحياة
واني بالخدمة ولو اني خادم صغير بس اخوكم
سامي العراقي
-
اي يالله خير انشاءاالله
-
ان شاء الله الخير قادم بهاي الاشهر الجاية ونكون قبل راس السنة مسافرين نشكرك اخوية على هالخبر
-
رحمالله والديك اخي سامي
تسلم عالاخبار الحلوه
انشاء الله خير
-
اخ سامي عاشت ايدك على نقل الخبر ...وربي ينطيك على كد نيتك الطيبة
-
الله يبارك بيك اخ سامي
وانشاءالله الفرج للجميع ...
اخي كوندا الي دكوله صح ... والواقع ... الي هو لابيدي ولا بيدك ... لكن وداعتك اسهل منهه على رب العلمين ماكو
بين ليلة وضحاها ربك يفرج وما تسمع غير السفر بالجمله ... كولو امين
-
اتصور هذه الايام راح نشهد اخبارحلوه هواي ... واتصور انو راح يجيبو دريل همر لتكسير الطلبوكة الى طايحة علينة وراح تصير طويبيكة اكيد ............الموفقية للجميع
اخوكم ابو علي
البصراوي
-
هههههههههههههههههههههههههه
تسلم حبيبي على نقل الاخبار المفرحة لأخوتك ............ بس ضحكتني لما كلت لزكتلهم هههههههههه
-
ماتضيك الا تفرج الله يسمع منك ان شاء الله الخير للكل شكرا على الخبر الجيد
-
السلام عليكم
اتمنى ان يكون الجميع بخير وصحة وعافية وان يصبر الله الكل واني منهم ...اليوم بالصدفة قابلت اثنين من الموظفين الامريكان للمنظمة IOM ويمكن اذا الله مكذبني محلفين واحد منهم شكله مثل الصيني .تكول اني صرت مثل اللاصق بيهم .تكول واحد شاف فد شي كنز او فد شي مذهل راسا تعرفت عليهم وكلتهم انه اني عندي قضية وياهم يعني اني ايضا مقدم وهو سالني ايضا انت مقدم كلت نعم وعندي اصدقاء ايضا مقدمين .
سوألي كان ..شنو الامنية ماقبل السفر وشكد تطول يعني فد رقم تخميني فجاوبني كال اكثر شي سنه وهاي فد قضايا محدد وكال اكثر شي للقضايا سته اشهر .وسالته ايضا على التسريع كال نعم اكو تسريع كل القضايا تجينا احنا نخلصها بسرعة ونرسلها للجهات الامنية المختصة وكان هنا التاخير لكن هسة ايضا اكو تسريع معاملات منهم للاشهر القادمة وكال لي لا تضوج كل شي راح يكون افضل من قيل لان اكو توصيات الهم وكان اجتنا اوامر بهذا الشي ...وبعدين شكرته على مساعدته بس والله نسيت ورا ماراح اخذ منه الايميل الشخصي مالته وانشاء الله بس اشوفه مرة ثانيه اطلبه منه ...
اللهم ربي يفرجها علينا وعليكم وانشاء الله هاي الايام والاشهر القادمة تحمل الخير للكل بجاه كل من عند جاه عند رب العالمين
هذا والله كل اللي صار اليوم
اخوكم ...
سامي العراقي
بشرك الله بالخير و متضيق اله تفرج
-
بشرك الله بالخير
-
الحمدالله على كل حال وانشاءالله خير
-
شكرا لك عزيزي على الاخبار المفرحة
والتي تعطي دفعة من الامل الى الامام
تحياتي لك
-
شكرا لنقل الخبر
-
مشكور على هاي الاخبار الحلوة وانشاء اللة بيها الخير للجميع
-
مشكووووووووووووووووورين على نقل هااااي
الاخباااااااار الي تزيح التعب والكااااااااااااااااابه
ياارب سهل علينا جميعا أنت قادر على كل شيء
أخوكم // فصولي - العراق - 2008
-
نشكرك اخوية على هالخبر
ان شاء الله الخير قادم بهاي الاشهر الجاية ونكون قبل راس السنة مسافرين
انشاء الله يوم سفرنا جميعا ... امين يارب العالمين
-
بارك الله بيك على الاخبار الحلوة
-
شكرا لنقل الخبر الجيد