ankawa
منتدى الهجرة واللجوء => الهجرة و واللاجئين => الموضوع حرر بواسطة: مس لارا في 17:23 12/09/2011
-
مساء الخير للجمبع
الكفيل مالتنا أتصل بينا اليوم .. وكلنه دزوا عليه وراح وقع على اوراقنا .. علما أنو أحنه 3 كيسات ...
شنو رأيكم؟؟ هاي الخطوة تبشر بخير ...أحنه أستلمنه جواب المحلف بالتاشير على المربع الاول قبل شهر تقريبا
ومسوين فحص طبي بس ما ماخذين دورةتثقيفية... أنتظر رأيكم شتكولون أفرح شويه لو بعد وكت؟
-
الله يسهل عليكم والسفر باسرع وقت انشالله
-
الاخت مس لارا اول شي توقيع الكفيل على الاوراق شي روتيني من ضمن الاجرائات انشاء الله خير اني الكفيل وقع الاوراق من
شهر4 وبعدني مثقفت ونتظر والله كريم انشاء الله تسهل امورج اختي العزيزه تقبلي احترامي
-
مس لارا مبروك خيني يعني اتكدرين اتفرحين بس على النص هههههههههه لان المشكله هيه بالامنيه الي شالعه قلب الشعب العراقي اطول يله انشا ءالله الله ايسهلها وبالنسبه للتثقيفيه بعد مو هسه ايخابرون عليج
-
الف الف مبروك اخت مس لارا وافرحي ليش لا هي كل خطوة تتقدمين افرحي بيها ههههه والله يسهلها عليج وتسافرين بأقرب وقت
-
الف مبروك
انشاء الله السفر العاجل
-
عزيزتي مس لارا
افرحي فالفرحة تزيد من التفائل والتفائل يبعد القلق والتشائم
والله يعوض فرحك خيرا ًانشاء الله
تمنياتي لك بالسفر والاستقرار
[/b]
-
فرحي بغير امور بحياتج ... :-\ بس بخصوص معاملتج لا اتفرحين بعد وكت.
-
فرحي بغير امور بحياتج ... :-\ بس بخصوص معاملتج لا اتفرحين بعد وكت.
عزيزي الغالي ربي ايسهل امرك وتسافر ..وصير متفائل
اشكرك عزيزي... بس اريدك تدعيلي الله ايسهل اموري بالشي الي بي خير بدون تحديد, مو يسهل امري و اسافر.يجوز السفر مو الصالحي الله اعلم منك و مني.
وحب ابشرك اخويه اني حيل متفائل ودائما اكون متفائل بس بالمنطق و المعقول.
تحياتي
Willpower
-
توقيع الكفيل هوه مرحله من المراحل خلصتي منها
بعد عندج امنيه و دوره تثقيفيه
الدوره التثقيفيه ممكن تصير باي وقت بس مو شرط مكمله كلشي يمكن بعدها امنيتج مجايه
من تجي وتسوين تثقيفيه اطمني
معناها انتي بانتضار موعد السفر
اهم شي اهم شي الموافقه الامنيه
لو تسوين تثقيفيه ويوقع الكفيل ومكمله فحص طبي مينطوج موعد سفر اله تجي الموافقه الامنيه
-
انشالله خير وهيه تعتبر من الخطوات الجيده وان الملف ديتقدم الى مراحلها باجرائات مكملهللوصول الى امريكا
واعتيادي لازم تفرحين
الابتسامة كلمة معروفة من غير حروف
-
عزيزتي مس اهم شي هوى الموافقة الامنيه اما بالنسبة للدورة التثقيفية هاي بعدين ويجوزميدزون عليج لان اعر صديقي سافر في نهاية شعبان وما اخذ دورة تثقيفية انشاء الله يسهل عليج ويخلص كلشي وتسافرين تحياتي
ابو علي
البصراوي
-
ان شء الله خير يعني قضيتك دتمشي مو واكفة
-
شكرا لكل من ساهم بابداء رأيه ... بصراحة الظاهر واحد ما يفرح بأي خطوة الا من يوصل لامريكا وتصير صدك سفرته
أدعو الله أن يفرح الكل بتحقيق ما يتمناه ...يارب
-
الاتصال بالكفيل خطوة ايجابية الى الامام .............
ولكن تبقى مشكلة تأخر الامنية وهو حال الجميع ...
مبروك ويارب تسهل اموركم
-
انشاء اللة خير يا رب
-
اختى العزيزه لازم تفرحين لان الاتصال بالكفيل معناتهه معاملتج ماشيه وعدج التنازلي رح يكمل ان شاء الله وتوصلين لنقطه السفر امين ياربي الله يفرجهه على كل العينكاويين
-
الاتصال بالكفيل خطوة ايجابية الى الامام .............
ولكن تبقى مشكلة تأخر الامنية وهو حال الجميع ...
مبروك ويارب تسهل اموركم
شكرا للرد ويارب تسهل اموركم ايضا بالمناسبة صورة توقيعك تذكرني باخبار الحرة عراق ..
-
اختى العزيزه لازم تفرحين لان الاتصال بالكفيل معناتهه معاملتج ماشيه وعدج التنازلي رح يكمل ان شاء الله وتوصلين لنقطه السفر امين ياربي الله يفرجهه على كل العينكاويين
شكرا جزيلا أختي أم تنسيم والله كريم تفرج علينه أن شاء الله
وشكرا أيضا للاخ أبو مريومه والاخ كول 050
وشكرا لكل من أعطى رأيه وبصراحه الظاهر آني بعدني غشيمة بهاي الامور بس والله كل ما يوصل شيء منهم نتصور السفر قرب