ankawa
منتدى الهجرة واللجوء => الهجرة و واللاجئين => الموضوع حرر بواسطة: كرديه في 09:04 13/09/2011
-
صباح الخير جميعاااااا
وياحيف الفرحه مدامت سحبوااااا تهانيكم شباب
صراحه وبعد قراءة مواضيع اخواننا وردوهم بل نسبه للنتائج يوم السبت والاثنين واني البارحه فتحت ملفي قيد الدراسه
بعد الترجمه ,,,
اتصلت الان بل iom عمان كتله اريد استفسر عن حاله كيسي
كلي اولا : الي استلم الظرف مال بارحه انو انت قيد الدراسه وبعد المحلف مابت برأيه يعني لاقبول ولا رفض اوكي
كتله زين يعني شكد اتطول المدة كلي ماعندي علم كتله نرجع نسوي مقابله محلفين مرة ثانيه كال ماعندي خبر يمكن اي يمكن لا الله اعلم
وسالته اني مسويه فحص طبي شنو يعني كال ماله علاقه الفحص بل نتائج ,,,
طبعا افتر الديلكو من الصبح وضليت ساكته شنو يعني ممكن افهم ومنو مثل حالتي
دخيل على الله احجوووووووووووووولي
اني راح اتخبل صاير عندي موقع عينكاو ادمان من الصبح افتح واقرا المواضيع
الرجاء من جميع الاصدقاء والاخوان والاخوات التصال بي iom حالا وهاي الارقام
065625089 ____065625080
وكل واحد يساءل عن وضع ملفه حتى ترتاحون
تحياتي
-
عزيزتي الكردية
اولاً طاب نهارك.
ثانياً انتي ليش مستعجلة, بعد باسم الله امبارحة انطوج الظرف,غير اشويا ترتاحين لأنه استلمتي بريد منهم, لأنه مثل ما تعرفين هذولا الموظفين مايعرفون اغلبهم شنو القصة,لأنه اكو لجنة تصدر هذي الرسائل, او باقي الموظفين ماعدهم اي علم بالموضوع, لهذا السبب مايكدرون يجاوبوج على اسئلتج, او انتظري اشويا , او انتى اصبرتي كل هذا الوكت, بقت على هذي الجم يوم هم تنقضي , او سمي بأسم الله او مايصير الا الخير, او لاتنسين انتي صبرتي اهوايا, او الصبر مفتاح الفرج.
او بالنسبة للتهاني , لويش واحد يرجعها, مو مشكلة ابيوم السفر تكدرين تنشريها على صفحة المنتدى او ابوج الله يرحمه, اتمنى اليج الموفقية والسلام
جوسي البغدادي
-
اختي لاتخافين الله سبحانه موجود ومثل ما مشت الامور لحد هاي اللحظه هم راح تكمل انشاء الله بالفرحة الكبرى
خلي ايمانج بالله قوي وكولي يالله والتهاني انشاء الله ماتنسحب وهنيك بموعد السفر انشاء الله
-
والله كل الشكر والتقدير للاخواااااااااااااااااااااااان الاعزاء,,,,,
اشكركم على هذا الدعم ورفع معنوياتي يمكن اني راح انقطع عن المنتدى يمكن كثرة قراءة الاراء دتسوي هيجي بيه تشتت وكل شويه واحد حاجي حجايه لهذا ديصير هذا القلق والشك والارباك وراح انتظر ويارررررب
-
يموعودة كردية
شنو هذا الحجي, انتي شمس المنتدى, كل يوم اتغبشين بالمنتدى او اتكومين النائمين للضحى, اشلون تحجين هذا الحجي.
او الاحجاية بيناتنا انتي اشلون تقبلين ايصير هذا الشي, يعني معقولة الكردية تفتح الكومبيوتر او ماتدخل على عينكاوة, اذا انتي ما دخلتي اتشوفين ايدج تضرب على عينكاوة , ولا ما اتشوفين قدامج الشاشة مكتوب عليها منتدي اللاجئيي والهجرة لعينكاوة يحي الكردية , او اتكومين اتكلبين بالمواضيع وحدة ورى الخ.
عزيزتي هذا الشي صار بما يسمى بالادمان, او ماالى دخل بالاحباط , لأنه انتي انسانة طيبة او كلبج طيب, او لاتنسين صار عندج خبرة اجبيرة او تكدرين اتساعدين المحتاجين او اتمنى اليج الموفقية في قراراتج والسلام
جوسي البغدادي
-
حبيبتي خلي كلشي على رب العالمين وكولي يا الله وهي تصفى وئاني لحد الان ما سامعة قيد الدراسة وانرفض زانشاء الله القبول يا رب
-
اختي كردية، انت ليش خايفه؟؟؟ انت مو وكلتي الله سبحانه وتعالى وسلمتي امرك بايده بعد شغلة الكفيل؟ مو وراها بجم يوم اتصلوا بك واعطوك الظرف بعد طول انتظار لم تكوني على معرفة متى سينتهي؟ فالمطلوب هسه بس شغلة صبر وانتظار؟ وتره كلها حتصير سوالف.
-
اختي العزيزة كرديه الله سبحانه وتعالى خلق الكون بسبعة ايام اتريدين شغلة اللجوء تنحل بيوم هسه دناخذ نفس ونكول ياالله
وبعدين شفتي موظف حجه حجايه تشبه الثانيه فالصبر حلو واني اكلج وكول كاتلوني كال كلنه احنه مقبولين جماعة البارحه واني متأكد من كلامي والايام تثبتلكم هذا الشي فخلي نرحم الناس اللي اشوشت حتى الله يرحمنه لانه ماكو احد فارغ هموم والتفائل حلو مع الصبر لانه الركض ورا التلفونات ماراح اجيب نتيجه اذا ربنا ميسر
-
اذا تاجيل وسولج فحص طبي يعني موافقين
الموضف ميكدر يكلج موافقين لان همه كاتبيلج قيد الدراسه شلون يكلج موافقين
بس هذا الاجراء معروف ومرت كل الناس بي
واعتقد بيوم المقابله بالانتضار او بالمقابله الاولى والثانيه ماذكر بالضبط نطوكم اوراق بيها تفاصيل الهجره
فه كاتبين بعد موافقه المحلف اكو فحص طبي
ومن الاساس الفحص الطبي بي مده 6 اشهر يعني اذا اصلا مموافق عليج المن ديسون فحص طبي
-
اخواني
فكرو بالموضوع ولا تاخذون حجي هذا وذاك
الموضوع هو كالاتي:
الورقة الاستلمتوها والاستلمتها اني نفسها قبل سنة ونص تتكون من
انو معاملة السفر للشخص الفلاني اجلت ل
1 نحتاج معلومات اكثر حتى نقتنع بشغلتكم (الامنية)
2 غيره مثلا ( نحتاج تتدقيق بالمعلومات الاخذناها منك وتدقيقها بقاعدة البيانات العدنا او انتة بالسنة الفلانية كلت اني في برطانيا مثلا فنحتاج نتأكد من الحكومة البرطانية انو انتة ماعندك صفة لجوء لان قانون الولايات المتحدة الامريكية يمنع اعطاء صفة لاجئ لشخص يحمل صفة اللجوء بغير دولة اوووو نحتاج منك الورقة الفلانية) بالمربع الثاني هذا الشي ينكتب بخط اليد وصارت ويا كومة ناس استلمو الضرف يوم الاثنين وياكم
لا يجوز قانونيا ان ينكتب بخط اليد موافقة لسبب انو اذا انكتب موافقة انتة قانونيا تكدر تستخدم هاي الورقة ك فيزا دخول واذا انرفضت تكدر تبهذلهم بالمحاكم وينطوك فيزا تدخل لامريكا حتى ترفع دعوة عليهم
الرفض كليا غير هاي الورقة
الجايتة امنية يستخدمون غير هاي الورقة
اذا بقى بس المربع الثاني هوا المؤجلين
(اذا مكتوب بخط اليد) والباقي صدكوني اجراءات امنية وتختلف كليا عن الامنية النعرفها ترا اكو امنية ما قبل القرار الاخير وهاي لكل الناس
استهدو بالرحمن يا اخوان وبلا قلق ترا همة مايستحون من احد لو اكو شي همة يكتبولكم على الورقة اوكي
اني هنا بامريكا اعرف ناس هم استلمو يوم الاثنين بس ماعرف يا تاريخ بالضبط وهياتهم موجودين وهمة يحجون انو اخذو الدورة التثقيفية وسافرو وجماعة السبت بعدهم بعمان
-
عزيزتي الكرديه مثل مقلت الج صدكي الخير ما يخنتاره الله اني ردت بس ابين الج وكل الي استلم يوم الاثنين هي قيد الدرا سه وتختلف عن نتيجه يوم السبت وهذا الشي لازم تامنون بيه يا جماعه مو بس هي تصعيد معنويات ومو معناها قيد الدراسه مراح ايقبلون ملفكم بل بالعكس احتمال توصلين قبل غيرج هذا كله بيد رب العالمين لكن الي صار انه اختلطت عليكم المسائل وماكو موضف ميعرف مع احترامي لبعض الردود لان الملف وما موجود من معلومات عنده على الكومبيوتر مباشر.
وهسه اكلج يا عزيزتي طولي بالج وانتضري عسى الله يفرجها عليج وعلينا جميعا وتجيج الموافقه باسرع ما يمكن وهاي اكو جمعيه يوم الاثنين تكدرين تستفسرين منهم الي ديصير لان همه مرو قبلج بهذه التجربه
-
حبيبتي كردية خلي ثقتك بالله وصدكي اكو ناس ماجلين سافروا اسرع من اللي طلع الهم موافقة .
-
اني سويت مقابلة محلفين و فحص طبي خلال اسبوع
و استلمت يوم الاثنين مغلفين واثنينهم باسمي و اثنينهم نفس المظمون( الورقة مال موافقة المحلف او التعليق )
ولحد الان مستغرب ليش انطوني مغلفين
-
اني مستلمه تاجيل من بغداد من شهر الواحد بس المشكله الورقه الي دزولياها بالاتاج تختلف عنكم يعني مبيها مربعات بس ورقه وبيها توقيعات ومنهم توقيعي وتوقيع المترجم والمحلف ما اعرف شنو السالفه ولحد الان منتظرة ماكو اي خبر على قضيتي لا اتصال بكفيل ولا امنيه ولا ابد والتفكير موتني وصار دزيت اربع رسائل للمنظمة مديجاوبوني ليش ما اعرف احد منكم يعرف شنو السبب ياريت لو يفيدني
مع جزيل الشكر