ankawa
منتدى الهجرة واللجوء => الهجرة و واللاجئين => الموضوع حرر بواسطة: لورنس العراق في 02:34 20/09/2011
-
السلام عليكم اخون جميعا حبيت ابشركم انه اكو شخص منتظر الامنية صار اكثر من سنتين الحمد لله اتصلوا بي وانطوه خط رحلة على نهاية الشهر ان شاء الله .... اتمنى يوم السفر للجميع ويارب التوفيق وطبعا رح دكولون سمعت من احد لو تعرفة انت لا اخوان اني اعرفه شخصيا يارب تكون فاتحة خير على كل المتأخرين واني متاكد ان شاء الله اكو كم واحد من كروب اخونا ابو علي رح يتوكلون ويسافرون خلال الفترة القريبة المقبلة ...
-
مشکور اخونا العزيز لورنس على نقل الخبر ويوم اللك ان شالله
-
تحيه طيبه اخونا العزيز على نقل الخبر بس ممكن سئوال هو هم اجريه اعاده محلف لو لا وشكرا
-
[hمشكور عالخبر بس اني مافرحت ولا تأملت خير لانه بصراحه صرة فاقد للأمل ولا احساس من ورة الامنيه الي من 4-9-2008r
النسيم الجاثم بسبب الامنيـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــه]
-
بس اذا تساللنياه اخ لورنس ، متى كان عنده اعادة محلفين ، لان اذا متاخر سنتين يعني كان عنده اعادة محلفين ما يفلت منها
انشالله يتوفق ودعائي لجميع المتاخرين بالسفر والتوفيق لما فيه الخير
-
الف مبروك ويوم الك ولكل منتظر انشاء الله
-
اخويه شكرا لك على نقل الخبر ويارب ينطونه موعد سفر وللجميع ان شاء الله
-
اخواني نعم هو مسوي اعادة محلفين بس حسب ما كلي انه اكو جماعة شايفهم وياه بالمنظمة ايضا متأخرين ومستلمين خط رحلة وياه لكن ما مسوين اعادة محلفين .... اخوية ابو مريومة حمادة زين اخير مرة حجيت وياه قبل شهر وبفضل الله كان زين ومرتاح حسب ما كلي .. ان شاء الله يوم السفر للجميع بالمناسبة اني اليوم دزيت ايميل للمنظمة كتلهم رجاء اريدكم تبلغوني برفضي وتسدون ملفي او الموافقة اني بعد ما اكدر انتظر لانه الظروف صارت صعبة وما اكدر بعد اصبر لانه هو اصلا احنة لاجئين هو شنو الاجيء قابل هو سائح لو تاجر حتى ينتظر سنة وسنتين على اجراءات ما نعرف اصلا شكد اتطول رجاء اريدكم اما ترفضوني وترجعون ملفي لليو ان او تمشون معاملتي وبعد دا اشوف شنو الي رح يصير بس ان شاء الله دائما خير يارب للجميع ...
-
يارب انشاء الله السفر للجميع
والموفقية للجميع
-
حبيبى لورنس الله يبشرك بالخير يا صديقى العزيز ........
-
بشرك الله بالخير
وياررررررب يتصلووووون بالكل ويرحمون هاي العالم
بالضبط هوه من اسمه لاجئ يعني قابل جاي سياحه حتى يخلو هيج ينتضر
-
الله يسهل علية ويوصل بالسلامة .... وان شاء الله يكون لنا نصيب في هاي الايام ويعطونا خط رحلة ... كولو امين
لان صراحة احنا جماعة 2009 و 2008 تعبنا وصبرنا وعدنا محلفين وفحوصات وبصمات بس الله موجود وان شاء الله تفرج علينا
-
مشكور اخي على نقل الخبر
وان شاء الله يوم الك ولجميع المنتظرين