ankawa
منتدى الهجرة واللجوء => الهجرة و واللاجئين => الموضوع حرر بواسطة: SIVandIOM في 21:30 21/09/2011
-
السلام عليكم
كثرت التساؤلات عن حقيقه التجييك الامني ما قبل السفر (امنيه ما قبل السفر) والامنيه العاديه بالاضافه الى مسأله التأخير القاتل باجرائات السفر....سويت بحث سريع بالانترنت علمود اكدر افيدكم بمعلومات عن هاي الموضوعين...واعرف انه بعض الاخوان راح يكول شنو الجديد بهذا الحجي ونعرف وندري بس حبيت انه انزل موضوع علمود بلكت تتوضح الامور اكثر للي ما مفتهمهه:
1- نعم...اكو شي اسمه امنيه ما قبل السفر (pre-departure security check) وهذا مو من عندي هذا مذكور على ويبسايت الدي اج اس DHS وهذا نظام جديد تم تطبيقه في نهايه 2010 وكان مرتبط مباشره باللي صار ويه الحيوانات الاثنين اللي لزموهم بكنتكي...(لاحظو انه الاعلان عنهم صار في الشهر الخامس 2011 لكن التحقيقات كانت جاريه باشهر قبل الاعلان).
اما بالنسبه للايميلات السخيفه اللي ترسل من قبل الاي او ام...فهي نوعين....ياما امنيه ما قبل السفر (a careful review of your case ....security checks prior to departure) ويا اما الامنيه الروتينيه (routine security check). بالنسبه للصيغه الثانيه فهذا الحجي خريط وما يدل على اي شي....لانه التجييك الامني الروتيني هوه لفض عام يشمل ما قبل السفر وما بعد السفر...الروتين هوه الروتين....لكن اللي مستلم الصيغه الاولى (prior to departure) فهاي معناهه انه التجييك الامني الاولي خلص وانه انحط على قائمه السفر ولذلك ديتجيك ما قبل السفر.
2- هسه نجي للتأخير القاتل...بما انه التجييك الامني ما قبل السفر هوه عباره عن شي جديد وتم تطبيقه بصوره مستعجله بناء على حادثه معينه صارت...فمسأله طبيعيه انه اي شي جديد يطول كلش هوايه علما يمشي عدل هنا بأمريكا...لاحظوا انه هذا الاجراء ما يشمل العراقيين فقط وانا يشمل كل مخلوقات رب العالمين...يعني الخيوانات الاثنين اللي بكنتكي اذوا كل اللاجئين اللي بالعالم اللي يريدون يدخلون الى امريكا وهاي مجموعه مقالات حديثه نسبيا تتكلم على الموضوع...لاحظوا انه هاي السنه عدد اللاجئين القادمين الى امريكا راح ينزل الى النصف او الربع...وكل هذا بسبب تطبيق النجييك الامني ما قبل السفر...وطبعا هذا التقليل الحاد والمفاجئ ادى الى تقليل تمويل منظمات دعم اللاجئين وادى الى انه بعضه تبطل قسم من الموظفين
يعني مو مثل ما بعض الناس كان متوقع انه تقليل تمويل المنظمات اله علاقه بتقليل عدد اللاجئين...وانما بالعكس....دتلاحظون انه اللي صار بكنتكي شكد اثر على ناس؟ احنا دنحجي على عشرات الالاف بالاضافه الى بيوت مفتوحه انسدت من وراهم
لذلك وللاسف الشديد اكول انه يا اخوان......خلوهه على الله....المسأله راح تاخذ وقت طويل علما تترتب اجرائات التجييك الامني ما قبل السفر وتصير العمليه تمشي بسلاسه.....يعني بأختصار....لا تدوخون نفسكم
http://www.uscis.gov/portal/site/uscis/menuitem.5af9bb95919f35e66f614176543f6d1a/?vgnextchannel=68439c7755cb9010VgnVCM10000045f3d6a1RCRD&vgnextoid=df4c47c9de5ba110VgnVCM1000004718190aRCRD
http://www.chron.com/news/article/Government-blames-pre-departure-checks-for-drop-2079535.php
http://www.humanrightsfirst.org/2011/08/02/iraq-remains-dangerous-u-s-obligation-to-iraqi-refugees-persists/
http://leoweekly.com/news/delayed-departure
http://www.christianitytoday.com/ct/2011/august/canceledflights.html
انا لله وانا اليه راجعون
-
اشكرك اولا على هذا الموضوع المهم للغاية خصوصا في هذه الفترة الحرجة بالنسبة لمنتظري السفر ، سؤالي :يعني بلا زحمة معنى كلامك احنا راح ننتظر بعد اشهر اخرى لو شنو؟......انا اتصور التجييك ما قبل السفر يفرق عن التجييك العادي وخصوصا من ناحية الوقت والفترة الزمنية التي يستغرقها لذلك لا بد ان يكون التجييك قبل السفر لا يستغرق مدة طويلة والله العالم...وننتظر تعليقات الاخوة والاخوات وشكرا مرة ثانية على موضوعك المفيد والمهم.
-
هذوله الحيوانات صاروا اشهر من مايكل جاكسون الله لايوفقهم
-
صاحب الموضوع مشكور على هاي المعلومات لكن احب اوضح فد نقطة مهمة حتى الامور تصير اوضح
بالنسبة الى ايميلات iom ترى مو بس ذني الكليشتين اني واحد من الناس مستلم اكثر من ستة ايميلات كلهن مختلفات لكن المعنى واحد هو التجييك الامني و ما ندري شوكت ينتهي
و اما امنية ما قبل السفر فهاي الكليشة ما تعني امنية ما قبل السفر و بالنتيجة كل الايميلات معناها واحد طالما لم تحتوي على معنى صريح بانتهاء مرحلة معينة من التجييك الامني
-
الله كريم ماكو غير الصبر ، وشكرا على الموضوع
-
اشكرك اولا على هذا الموضوع المهم للغاية خصوصا في هذه الفترة الحرجة بالنسبة لمنتظري السفر ، سؤالي :يعني بلا زحمة معنى كلامك احنا راح ننتظر بعد اشهر اخرى لو شنو؟......انا اتصور التجييك ما قبل السفر يفرق عن التجييك العادي وخصوصا من ناحية الوقت والفترة الزمنية التي يستغرقها لذلك لا بد ان يكون التجييك قبل السفر لا يستغرق مدة طويلة والله العالم...وننتظر تعليقات الاخوة والاخوات وشكرا مرة ثانية على موضوعك المفيد والمهم.
أخي هاي الشغله علمهه عد رب العالمين والناس اللي يشتغلون بالمؤسسات الامنيه المسؤوله...حسب موقع الدي اج اس...اكو مؤسسات امنيه جديده انضمت الى العمليه (تجييك ماقبل السفر) حسب ما مكتوب اللنك اللي نزلته...منو هذوله وشكد راح تطول العمليه الله اعلم...المعلومات اللي سمعنه بيهه هنا بأمريكا انه اكو جلسه استماع راح تصير بالكونغرس علمود يشوفون شنو هاي الاجرائات الجديده ويحثون المؤسسات الحكوميه على وضع خطه عمل للتسريع...هاي الجلسه المفروض انه تصير هسه بسبتمبر واحنا عينه عليهه وانشالله خير...اشكرك على المداخله.
-
اشكرك اولا على هذا الموضوع المهم للغاية خصوصا في هذه الفترة الحرجة بالنسبة لمنتظري السفر ، سؤالي :يعني بلا زحمة معنى كلامك احنا راح ننتظر بعد اشهر اخرى لو شنو؟......انا اتصور التجييك ما قبل السفر يفرق عن التجييك العادي وخصوصا من ناحية الوقت والفترة الزمنية التي يستغرقها لذلك لا بد ان يكون التجييك قبل السفر لا يستغرق مدة طويلة والله العالم...وننتظر تعليقات الاخوة والاخوات وشكرا مرة ثانية على موضوعك المفيد والمهم.
أخي هاي الشغله علمهه عد رب العالمين والناس اللي يشتغلون بالمؤسسات الامنيه المسؤوله...حسب موقع الدي اج اس...اكو مؤسسات امنيه جديده انضمت الى العمليه (تجييك ماقبل السفر) حسب ما مكتوب اللنك اللي نزلته...منو هذوله وشكد راح تطول العمليه الله اعلم...المعلومات اللي سمعنه بيهه هنا بأمريكا انه اكو جلسه استماع راح تصير بالكونغرس علمود يشوفون شنو هاي الاجرائات الجديده ويحثون المؤسسات الحكوميه على وضع خطه عمل للتسريع...هاي الجلسه المفروض انه تصير هسه بسبتمبر واحنا عينه عليهه وانشالله خير...اشكرك على المداخله.
هي تنلاص شكرا على نقل الخبر
-
مشكور اخويه الله ويسهل امر الجميع
-
صاحب الموضوع مشكور على هاي المعلومات لكن احب اوضح فد نقطة مهمة حتى الامور تصير اوضح
بالنسبة الى ايميلات iom ترى مو بس ذني الكليشتين اني واحد من الناس مستلم اكثر من ستة ايميلات كلهن مختلفات لكن المعنى واحد هو التجييك الامني و ما ندري شوكت ينتهي
و اما امنية ما قبل السفر فهاي الكليشة ما تعني امنية ما قبل السفر و بالنتيجة كل الايميلات معناها واحد طالما لم تحتوي على معنى صريح بانتهاء مرحلة معينة من التجييك الامني
ايميلات الاي او ام مو قياس...صحيح...لكن لانه الايميل ابو (pre-departure) ديستخدم نفس المصطلح اللي مستخدم من قبل دائره الامن الوطني...لهذا استنتجت انه همه عدهم علم بانه التجييك الامني الاولي خلص وهسه المعامله بالتجييك ما قبل السفر...والله اعلم...الاي او ام يخطأون ...هوايه تصير (وصارت ويايه)..استنتاجي خطأ...جائز....بكل الاحوال المسأله مو بأيد احد...وماكو شي نكدر نسويه غير بس انه ندعي...نسمع صوتنه....نحارب التطرف...ونعلي صوتنه في توضيح انه احنا مو كلنا ارهابيين عن طريق محاربه الارهاب والارهابيين...سواء كانو مسلمين ارهابيين او مسيحيين متطرفين او يهود يمينيين...المخلص واحد....الدمار للجميع.
شكرا على المداخله
-
بارك الله فيك وشكرا على الموضوع.
-
اخي جدآ مشكور على هذة الموضوع الجيد وياريت لو نكدر نسوي تسليط ضغط ايميلات على موقع الكونكرس الامريكي بس كون واحد يجيبلنة اللاين مالتهم واني اول واحد احجي على ظلم وتاخير الناس وخصوصآ الي اشتغلوا وياهم وياريت لو باقي الاخوان يساعدونة وشكرآ الك مرة ثانية ياطيب
اخوكم بدل فاقد
-
تسلم وعشت وعشعشت
احلى لقب لذولة جماعة كنتاكي الاثنين (الحيوانات الاثنين) الله ينتقم منهم
تحياتي
-
جزاك الله كل خير على هاي المعلومات
-
تسلم وعشت وعشعشت
احلى لقب لذولة جماعة كنتاكي الاثنين (الحيوانات الاثنين) الله ينتقم منهم
تحياتي
مشكور اخي وعشت على المقال الجميل والكلام المعقول
ولكن يا اخي الناسك ...هذا لقب يشرفهم هذوله جماعه كنتاكي ... لان الحيوانات اشرف وانظف منهم والحيوانات مفيده وهذوله مؤذين ...ما اعرف بياسم قبيح اسميهم ...بس الحيوانات اسمى وارقى منهم
انا لله وانا اليه راجعون .....استغفر الله
امرنا الى الله ...وانشاء الله نسافر كلنا يارب ..... امين يارب العالمين
-
بارك الله فيك وشكرا على الموضوع
-
مشكور على نقل الخبر وماكوا غير الصبر ثم الصبر
-
شكرا على الموضوع , مابقى شي فد 4 لو 5 سنوات كلنه طالعين انشالله
-
بارك الله بيك وعاشت ايدك على هالمجهود
-
اخونا sivandiom /
هاي الرساله وصلتني قبل ايام ممكن اتوضحلي هاي امتية ما قبل السفر او الامنيه العاديه
مع الشكر
-
Dear Sir/Ma`am,
Thank you for your email.
A careful review of our records indicates that your case is currently pending U.S. Government security reviews which are required for all refugees prior to departure for the United States.
We are unable to predict when the security checks might be completed, as this process is under the authority of various agencies in the United States and beyond the control of IOM.
When the results are made available to IOM, we will contact you with update accordingly.
Kind Regards,
IOM Info Center
-
اخونا sivandiom /
هاي الرساله وصلتني قبل ايام ممكن اتوضحلي هاي امتية ما قبل السفر او الامنيه العاديه
مع الشكر
هذا مغذي و ضحك عالذقون
-
الله كريم اخويه العزيز
ماعدنه حل غير الدعاء والتوكل على الله
تحياتي
-
الله كريم اخويه العزيز
ماعدنه حل غير الدعاء والتوكل على الله
تحياتي
اللهم لا سهل الا ما جعلته انت سهلا
ان شاء الله تتسهل علينه ابو يوسف
آآآآآآآآآآآآآآآآمين
تحياتي
-
Dear Sir/Ma`am,
Thank you for your email.
A careful review of our records indicates that your case is currently pending U.S. Government security reviews which are required for all refugees prior to departure for the United States.
We are unable to predict when the security checks might be completed, as this process is under the authority of various agencies in the United States and beyond the control of IOM.
When the results are made available to IOM, we will contact you with update accordingly.
Kind Regards,
IOM Info Center
شكرا للجميع على الكلمات الطيبه
اخت نوسه...تحليلي الشخصي انه هذا معناه انه المعامله بالتجييك الامني ما قبل السفر....لكن الصيغه لا هيه ملزمه ولا هيه تقطع الشك باليقين....والله اعلم.
-
مساء الخير
اخي العزيز SIVandIOM اني كلش اشكرك على هذا الموضوع المهم والقيم بس عندي فد سؤال محيرني ومحير جميع الاخوه في المنتدى جنابكم الكريم تكول انه الاجراءات الامنيه شملت موفقط العراقين بل كل الناس وهي بنهاية 2010 بس اني عندي رائي ثاني اذا تسمحلي انه هي متطبقت على الكل والدليل على ذلك احنا تم تاجيلنا ب1 واكوا ناس سافرت بهذا الشهر وبعدين اكوا ناس تاجلت ب 2 واكو ناس كذلك سافرت بهذا الشهر وب3 نفس الشي هم صار زين شلون تم اختيار هذولي الناس وعلى اي مبدا استندوا اذا راح تكولي علمود العسكريه راح اكولك اكوا بنات بحدهم تاجلوا وهذولي ماعدهم عسكريه والناس اللي تاجلت مشكل عوائل وبنات وولد وكبار وصغار بالعمر وشياب ونسوان بحدها ومختلف الديانات والمذاهب يعني كلنا ردنا نوصل الى حل بس لحد الان محد كدر يعرف شلون تم اختيار هذولي الناس وانته كلت انه الاجراءات تطبقت على الكل زين بهيج حاله شلون تطبقت الاجراءات على الكل ؟؟؟ فاذا هي اجراءات امنيه ومشدده المفروض تتطبق على الكل مو تمام وبالمناسبه اكو عالم قابلت بنفس التواريخ ونفس السنه بس اكوا عالم سافرت واكوا عالم لاء تكدر تفسرليها واكوان ممنون منك
اخي العزيز اوركي...الي ما ادري هل انته نفسه اوركي القديم من ايام 2008 و2009 جماعه الاس اي في او اوركي جديد...بكل الاحوال اشكرك على المداخله....الموضوع كله يركز على مسأله التجييك الامني ما قبل السفر...وليش التأخير...اما بالنسبه الى ليش اكو ناس سافرت قبل ناس وناس تأخرت هوايه او شويه...فهاي الشغله ارجو منك ومن الاخوان ترك التوقعات بيه...ليش...لسبب بسيط..التجييك الامني عباره عن بروسس تمر على سلسله من المؤسسات المختلفه....اكو بيهه تجيك اشياء منطقيه واكو بيهه تجيك اشياء عجيبه غريبه وقد تبدو غير منطقيه تماما...(مثال على ذلك مخالفه اتفاقيات التجاره الدوليه) وهسه انضافت الهه تجييكات بصمات الاصابع ويه شكو داتا بيس الله خلقهه....(اتذكروا انه واحد من الحشرتين اللي بكنتكي كانت بصماته موجوده على بقايا عبوه اسفه زرعهه قبل ما يطلع لجوء وموجوده في سجلات وزاره الدفاع)...بالاضافه الى تجييكات ويه كل الشركات والمؤسسات الي اشتغلتوا بيهه من اجل البحث عن (any new derogatory information exists since the initial checks were conducted)...حسب ما مكتوب بالموقع...يعني من بعد ما حصلت الرفرنس لتر او الركمنديشن سويت مكسوره لو لا؟
بناء على ما تقدم...انسى موضوع انه تتوقع او حتى تفتهم شلون هاي العمليه تمشي...وكمثال عملي من خبرتي بالاس اي في ...كنت من اوائل الناس اللي وكعوا بال (further administrative processing)....يعني التجييك الامني الاضافي ما بعد المقابله مال الفيزا...واللي هوه شي يحدده القنصل فقط...طبعا بالمقابله جنت حاط ببالي مجموعه اسئله تخص سفري الى بعض الدول المعينه ومحضر اجاباتهه.....بالاضافه الى بعض النقاط اللي قد تبدو غريبه او مثيره للشكوك ....فاذا بيه افاجئ بالقنصل انه يعوف كل هاي النقاط ويجلب بشغله ما بيهه اي معنى او خطوره.....ويلح بالاسئله عليهه...يعني عاف كل الدول اللي تثير تساؤلات وجلب بدوله محد يتوقع انه يطلع من عدهه او يصير بيهه شي...مما فاجئني تماما...بس جاوبت على الاسئله ومليت قائمه المعلومات الاضافيه اللي نطانياهه بالشباك بس اجاني الرد بالتجييك الامني الاضافي بينما هوايه ناس ما اجاهم....اصلا كانت شغله جدا نادره انه تصير اكو تجييكات امنيه اضافيه من بعد مرحله بحر الظلمات (اللي ما يعرف هذا المصطلح يراجع الدفاتر العتيكه بالمنتدى)....يعني كسر بجمع...انسى...لا تدوخ نفسك....احتمال اكو بنيه مخلصه ماجستير كيمياء قد يفكرون انه هاي ممكن تستعمل خبرتهه في صنع قنابل قذره ....مما يؤدي الى تأخير معامله عائله هاي البنيه ...هذا سيناريو خيالي تماما ومثال فقط....القصد انه ما بيدينا شي غير بس انه نوفر معلومات اضافيه اذا طلبوهه..واللي هيه نادرا ما تصير. الاجرائات الاضافيه تم تطبيقهه بنهايه ال 2010 وهذا هوه السبب الرئيسي في عرقله السفر للناس من بعد هذا التاريخ تحديدا (تحديدا من بعد شهر الواحد 2011) هذا كل اللي متأكدين من عنده.
والسلام
-
شكرا على الموضوع الحلو
-
اخوية العزيز
مشكوووووور والله يوفقك ويبارك بيك على هاي المعلومات والشرح الوافي لهذا الموضوع
نخليها على الله وهي تصفى وحدها وكلشي يجي بوكته حسب ما رب العالمين كاتبه النا
هذا الموضوع جبير وفوك طاقتنا مانكدر نسوي بي اي شي غير انه نخلي عينا بعين الله سبحانه وتعالى
وهو اللي يفرجها
كولوا يا الله
-
معنى هذا الكلام انه اللاجيء المسجل في دول الجوار لازم يحسب روحه سنتين الى سنتين ونصف المبيت بيها