ankawa
منتدى الهجرة واللجوء => الهجرة و واللاجئين => الموضوع حرر بواسطة: طه القيسي في 08:25 26/09/2011
-
السلام عليكم جميعا اخواني واخواتي الاعزاء ..
طبعا اكيد انا صار لي هواي ماناشر شي لانني والله مشعول في الحياة
طبعا هسه اكيد تكولون امريكا شلونها بالايام الاولى
طبعا اكيد بعد الوصول هنا راح تلاقي الفرق الكبير بين الدول العربية من حيث النظام وكلشي شي حتى يمكن البشر .. هنا الحرية تجدها في كل شي في لبس الناس في فعل الناس في كل شي يمكن ان يخطر على بالك .. طبعا اول يوم ماراح يكون بمقدورك الخروج لكن اكيد التعب مو طبيعي وبس تريد تلزم المخدة حتى تنام . لكن بعد ما تصحى وتاخذ الحمام الحار او البارد حسب الواحد هههه.. وراها تسوي كلاص جاي او اي شي اخر .. طبعا اكيد الشقة تكون بيها كلشي انت تحتاجة لاول ايام يعني اكل وشرب وتقريبا كلشي انت تحتاجة .. راح يكون عندك حب اطلاع عن الوضع هنا ..طبعا اكيد لليجي اول ايام ملل وكئابه لكن هاي الحالة لاول ايام يعني بس اسبوع وتروح .. هنا امريكا نظامها يختلف بكل شي اكيد راح تتعلمون كلشي .. طبعا يجي الكيس وركر ورى اربع وعشرين ساعه من وصولك وياخذك علمود يكمل لك كافة الاجراءات وبعدها يدليك على الول مارت وطبعا الول مارت كبير يكون وكلشي بيه انت تحتاجه او تحتاجية .. هنا لازم تطلع برة حتى لو يم بيتك هم لازم تطلع لان تصيركئابه وهذا الشي مايفيدك لان راح تولد عندك حاله اللوم وتكول هاي شجابني هنا .. هنا البشر كل واحد بحاله حتى الجيران لو يكول لك هاي لو مايكول لك اصلا ..بس هذا مو مهم المهم هو انه انت هنا لازم تعرف شتريد من نفسك لان هنا مثل ساحة المعركة اما تثبت روحك او تضيع ..المنظمة هي مسئولة عنك لاول ايام يعني تعرفك مكان االوول مارت وكذلك تكمل لك جميع الاشياء المطلوبة منك مثل سوشيل سيكيورتي والمديك ايد والفود ستامب وطبعا الفود ستامب يتأخر يعني فد اسبوعين هم راح يعطوك كارت مال وول مارت الي هو قيمته 60دولار بس علمود تمشي بيه حالك ال ان يطلع لك حساب الفود ستامب وهذا كلشي تكدر تشتري بيه يعني مو مقتصر على االاكل ..واذا خلص تكدر تكول الهم خلص حتى يعطوك اخر في حال عدم وصول الفود ستامب طبعا بعض اكيد انه الاماكن راح تكون بعيده عليكم اول ايام يعني مثلا السوق او المنظمة وانت اكيد ماراخ تكدر تشتري سيارة اول ايام وانت ماعندك كفيل لذلك اطلب منهم ان يوفروا لك بايسكل حتى تكدر تروح وتجي بدون تعب لان كلشي بعيد عليك يعني اقل شي ربع ساعه مشي ..بعد ما يوصل السوشيل سيكوريتي راح يودوك للمدرسة علمود تسجل بيها وطبع اكو اختبار بيها علمود يقيمون مستواك والامتحان يكون نظري وسمعي .. يعني انت جاوب على كد التعرفه وراها راح يحددون الك معد الدوام واوكو مسائي و صباحي حسب الرغبه وطبعا المنظمة راح تطيك الباص كارت الي هو يكون لمدة ثلاثين يوم ...وانت تكدر تدبر امورك وبس تبدي تطلع شويه وتشوف ناس وعالم راح تبدي تتغير وتحب امريكا .... لكن ام يكا صعبه .... هذا الجزء الاول من المضوع والجزء الثاني انشالله يتبع ... تحياتي لكم واسف للاطاله
-
الف شكر على الموضوع والمعلومات المهمة الي زودتنه بيها ربي يسهل امورك يارب
اختك ميمي
-
أخي العزيز طه:
بالبدايه أحب ان اقول لك مبرووووك وصولك امريكا وان شاء الله تتحقق كل امانيك واحلامك
وشكرا على هذه المعلومات القيمه لأنه اكيد راح نواجه نفس الشي عند وصولنا الى امريكا..
ننتظر منك الجزء الثاني قريبا ;) ;) ;) ;) ;) ;)
كوو كوو
-
الحمد لله على سلامتك اخ طه القيسي وانشاء الله تحقق كل الي تتمناه
-
الله يسر امورك انشالله وبالتوفيق
شكرا على المعلومات المفيدة وبانتظار المزيد
ولا تنسى اخي الكريم بالتوكل على الله تهون الصعاب
-
الحياه الجديدة بأي مكان صعبة بالايام الاولى الى ان تتأقلم وية الوضع اتمنالك التوفيق اخ طه
-
بارك الله بيك ومشكورة جهودك
الحياة بكل مكان صعبه بس حياة امريكا تعبها بي نتيجه الله ايصبركم على حياتكم الجديدة وتكون ثمرة هل تعب خير
تحياتي
-
بالتوفيق اخي وحمد لله على سلامتك ... ومهما تكون امريكا فهي بالتاكيد احسن من العراق ( الحر والمولدات والمفخخات وكذب الحكومه ومشاكل الناس و....و.....الخ )
عيش حياتك وشق طريقك وارسم صوره حلوه الك ولاخلاقك هناك وافعل كل ماهو صحيح وجيد
ولا تبخل علينا بشرحك الجميل الوافي
وانشاء الله يوم سفرنا كلنا .... امين يارب العالمين
اخوك ابورحمه
-
بالتوفيق ان شاء الله
-
شكرا على الموضوع , نتمنالك التوفيق
-
شكرا لمجهودك وننتظر منك الجزء الاخ
-
شكرا على الموضوع
وبالتوفيق أن شاء الله
تحياتي
-
الف شكر الك على هذا الوصف الرائع
بانتظار المزيد والله يوفقك في حياتك الجديدة في كافة المجالات
-
اتعب تلعب
-
كلام حلو واواقعي وهذا اللي نريده شوية واقعية وحقيقة مع تفائل والله يوفقك وييسر لك الامور
-
الله يسهلك اخوية...ةصدكني كلشي بالحياة بالبداية صعب.
بس اهم شي ماكو يمك شرطي تافه ماعنده شهادة ثالث متوسط يتفيك براسك لو يوكفك بسيطرة حتى يعوض النقص اللي عنده براسك.
وشي ثاني أخي الحبيب صدكني وضعك الشخصي بامريكا بعد 5 سنوات راح يختلف عن وضعك بعد 5 سنوات لو جنت انته بالعراق.
والكلام يطول بس انته اعرف واقرب للتجربة..واتمنالك الموفقية
-
عاشت ايدك ابو محمد على هذا الشرح الوافي واحنا بانتظار الجزء الثاني
بس هاي مال بايسكل شوية زحمة ;D
-
شكرا اخي العزيز عالموضوع الممتع, انشالله تتوفق في حياتك الجديدة.
-
عاشت ايدك على هجي موضوع عيشتنة التجربة
-
شكرا اخي على المعلومات المفيدة جزاك الله خير
-
عاشت ايدك على الموضوع الرائع
وان شاء الله ننتضر منك كل ماهو جديد .... موفق في حياتك الجديده ان شاء الله
تحياتي
-
الف مبروك وانشاء الله تشوف كل الخير
-
1000 الحمد لله على سلامتك اولا
وشكرا على هذا الوصف الدقيق ...
ماكو شي يجي بالسهوله .........
اخوكم // فصولي - العراق - 2008
-
بالتوفيق ان شاء الله
-
الحمدالله عسلامه اخويه وربي يوفقك
وانا في انتظار الجزء الثاني
مشكور
-
شكرا الك على الموضوع والمعلومات الحلوة وانشاء الله تتوفق بحياتك وتنجح والله يسهل عليك وننتظر منك الجزء الثاني ;) ;D
تحياتي
-
بالتوفيق والحمد لله على السلامة
صير سبع وتوكل على الله بكل شئ ورب العالمين ما راح ينسة عبدة .
البايسكل حلو واتمنى اشتري واحد لما اوصل حتى اقتصادي وحلو .
تحياتي
-
موضوع حلو
شكرا
-
شكرا ع الموضوع الرائع
بس سالفة الاختبار بالمدرسة حتة يحددون مستواك يخوف بالنسبة للاطفال يعني واحد صف 4 علمي اذا منجح يعني شلون يرجع للابتدائية هاي سالفة المدرسة اتمنة افتهمة وافتهم طبيعة اختبارهم وهمة اكيد ميضلمون احد
تحياتي للجميع
-
مشكووووور بانتظار المزيد
-
مشكور اخي على المعلومات
الله يسهل امرك
-
الحمدلله على السلامه وشكرا لئن تذكرت اهلك وناسك وحبيت تنقللهم تجربتك ان شاء الله بدايه ناجحه والله يوفقك بحياتك
-
شكرا اخي على الموضوع القيم وننتظر الجزء الثاني
شكرا ع الموضوع الرائع
بس سالفة الاختبار بالمدرسة حتة يحددون مستواك يخوف بالنسبة للاطفال يعني واحد صف 4 علمي اذا منجح يعني شلون يرجع للابتدائية هاي سالفة المدرسة اتمنة افتهمة وافتهم طبيعة اختبارهم وهمة اكيد ميضلمون احد
تحياتي للجميع
اخي هو ديتكلم على دورات اللغه ايحددون بيها مستواك من خلال الاختبار مو المدرسه لان اصور المدارس على العمر مو على المستوى واكيد ميرجعون ابو الرابع اعدادي الى الابتدائيه لكن يبقى مع اقرانه مع اضافه كورسات اللغه للضعيف منهم و مينزلوه اكثر من سنه ولهذا اصور مينخاف على الي بالمدارس قبل انتهاء الاعداديه
وتحديد مستوى اللغه مهم علمود دورات اللغه للي دارس ومتخرج من الجامعه او في المدرسه او حتى الغير متعلم لان هي جزء من الاندماج بالمجتمع مو لان يعرفون بيا صف ايخلوه