ankawa
منتدى الهجرة واللجوء => الهجرة و واللاجئين => الموضوع حرر بواسطة: طه القيسي في 02:49 27/09/2011
-
السلام عليكم جميعا اخواني واخواتي الاعزاء .. شكرا لكل ردودكم وهذا جزء من رد المعروف لهذا المنتدى المعطاء ..
بخصوص الاخت الي عندها شخص في صف الرابع علمي .. اختي العزيزة هاي المدرسة هي مدرسة اللغه وحصرا الكل لازم يدخل بيها حتى لو يعرف يتكلم الانكليزية بطلاقه ..هي اسمها هنا ESL يعني اللغه الثانية الي هيه الانكليزية .. طبعا الفحص يكون على الورق عن طريق اسئلة حسب المستوى يعني ابتدائي ومتوسط ومتقدم . وهي مال الها علاقه بالمدرسة يعني الشخص الي عنده مدرسة فأكيد المدرسة الي راح يكون بيها هي الي راح تتكفل بتليعم اللغه الانكليزية اله ...
الجزء الثاني
من اهم المشاكل الي تواجه الجديد في امريكا انه يحس بانه محبوس لانه لايعرف الطريق الي مكان وهذا الشي يراود الجميع .. ولكن هناك حل للتجوال من دون تضيع الطريق وسوف يمكنك الذهاب الي اي مكان تريدة عن طريق الجوجل مابس GOOGLE MAPS .
ومن ثم تختار الدايركشن الي هيه الوجهة الخاصة بيك بيها نقطتين الي هي A &B الحرف الاي راح يكون موقعك او عنوانك وحرف البي هو المكان المقصود او اسمه او اسم شارع وكذلك يمكنك ان تتطلع على رقم الباص وساعه المغادرة وكل شي وهناك طرق للمشي وللسيارة والدراجات الهوائية ..
هنا المشي اعتقد صعب لان مسافات بعيده ..والسيارة للي ماعنده فلوس صعبه ايضا اذن هناك حلين وهما البايك ( الدراجة الهوائية ) او الباص والاثنين متوفرين لكن الباص بأوقات محدودة ومعينه ..البايسكل لديه طرق خاصه يعني مو نفس الحال في العراق يمشي مع السيارات فهناك شي اسمه بايك لاين BIKE LINE وهذا هو مسار خاص للدارجات الهوائية ..ويمكنك التنقل بحرية لكن حسب الطقس ...لان الطقس في امريكا لديه كلام اخر كل لحظة يعني اقد مطر او جو حار او او او
اذن الباص هو الحل الوحيد للاجئ حيث ان الباصات تقريبا سعر التنقل بها مكلف في بعض الاحيان لذلك سوف تقوم المنظمة بأعطائك باص كارد الي هو صالح لمدة ثلاثين يوم من تاريخ الاستعمال ...
احب انوه الان على شغله مهمة في امريكا والي هيه يمكن على كل لاجئ عراقي ان يقوم به وهو ان يقوم بفتح حساب بالبنك حتى يصبح لديه دبت كارد لان هنا الامريكان وبصورة عامه لايحملون النقود في جيوبهم للامان ولا شياء اخرى سوف اشرحها .. مثلا قمت بشراء شي معين وكان سعره مثلا 1.19 سنت سوف تعطي دولارين وسوف ترجع لك الفكة وهي المشكلة هنا يعني .. راح تتكوم عندك الفكات الي ان تصبح لمبلغ ليس كبيرا لكنه قابل للفائدة .. الكارد فائدته هنا حيث انه تجمع كل الفكه في السيفنغ الي هو حساب اخر من الجيك ان والي هوو للصرف .. طبعا كل مراحل الحساب في البنك مجانية وبلا اي سنت . من اول مرحلة لاخرها والتسجيل بسيط بها لكن انا انصح ان يكون معكم احد يتقن اللغه الانكليزية او الاستعانه بالمنظمة وانا افضل ان تطلب من الكيس وركر ان يقوم بذلك لك لانها ظمن عمله ..
الفود ستامب هو شئ رائع جدا للعوائل محدودة الدخل حيث يمكن شراء اي شي للاكل لكن بشرط غير مطبوخ يعني مثلا مو بيتزا جاهزة او بطاطا او او او مطبوخ ... يجب ان يكون غير مطبوخ ولاتقدر ان تشتري الدخان او المنضفات والفود ستامب بيه بن كود والي هو رمز خاص فيك حتى تقدر الشراء به وبدونه لن تتم العملية .. البن كود هو اخير اربع ارقام من البطاقه الالكترونية ذلك للتنويه لانني دخت بيها اول ايام بس بعدين عرفت . وراح يكون مكتوب بيه اسمك يعني محفور بيه حفر وهذا شي جميل ...
عش كما تريد كل كما تريد افعل ماتريد فأنت في امريكا ..هذا كلام صحيح لكن ليس في كل شئ فهنا لديهم عاداتهم الخاصة في المجتمع ....
بعد ايام سوف تصدر لك المنظمة بالتعاون مع الدوائر الحكومية هويه تصريح عمل وهي مهمة يمكن في بعض الاحيان مثلا للتعريف عن حالك في حال بدلا ان تحمل الجواز معك في اماكن عامه غير حكومية ما قصد المراجعات الحكومية بس قصدي مثلا ابسط شي تريد تشتري دخان ((جكاير))) لازم هويه حتى تثبت انك بالغ وفوق ال18 سنة .. الجواز راح يكون متعب يعني حملته وياك والخوف عليه من الضياع ..(( انا مو جاي اكولكم هاي بس للجكاير)) التدخين مضر للصحة لكن انا ضربت مثال للفهم
.. هذا هو الجزء الثاني وسوف يكون هناك جزء ثالث انشالله عن اشياء اخرى ...
يتبع....
-
عاشت ايدك اخي وننتظر الجزء الثالث
-
الف شكر اخوية طة القيسي بارك الله بيك
-
اخ طه القيسي مشكور وبارك الله بيك وعاشت ايدك ياورد
بس نحب نعرف انت وين بيا ولايه وبيا مدينه
شكراً جزيلاً لمجهودك الرائع يا رائع
;D ;D ;D ;D ;D ;D
-
عاشت ايدك اخوي وننتظر الجزء الثالث بفارغ الصبر
-
عاشت ايدك شرح حلو وبسيط تسلم
-
تسلم على هذا الموضوع المفيد وبارك الله فيك
-
عاشت ايدك ع الطرح الرائع والمشوق
-
ممنون وردة على شرحك ومتابعتك ويانه
تحياتي
-
شكرا على الموضوع الرائع وبنتظار الجزء الثالث
تحياتي
-
[جزاك الله الف خير وجعله في ميزان حسناتك
اخي الكريم لاتنسانا بنقل وسرد كل معلومة اوملاحظة تراها او تسمعها
ولك منا كل احب والعرفان بجميلك وتعبك
-
عاشت ايدك على هذا الجزء
وبانتظار الجزء الذي بعده
-
تسلم يا اخي على المعلومات القيمة.
استفساراتي:
1 - بالنسبة لبرنامج تعليم اللغة وفحص المستوى ، هل هناك برنامج يمكن الاطلاع عليه في الانترنت . وهل هناك امثلة على اليوتيوب؟
2 - هل يمكن فتح حساب بالبنك من اول يوم لو ننتظر الرقم الوطني؟ وهل يمكن فتح اكثر من حساب لكي نستعمل الحساب الثاني مثلا للتحويل, حتى لا يبين ان لنا من يحول لنا شهريا؟
ومشكور
-
مشكورين على هذه المعلومات وبالتوفيق
-
تسلم على الطرح الرائع واعطاء المعلومات بطريقة سلسه
-
اشكر كل الي نوروا الصفحة بزياتهم وردودهم الجميلة ... هذا واجبي اخي وماكو اي فضل او اي شي يستحق تشكرني عليه
بالنسبة للاخ او الاخت الي سئل عن موضوع المدرسة والامتحان فهي ثق اسئلة بيطة جدا يعني مثل محاورة بين شخص وشخص والسؤال هو اختر الجواب الصحيح عن ماذا قالت فلانه لفلان ...
اما السؤال الثاني فهو اكيد لايمكن لك فتح حساب بالبنك الا بعد استلام السوشيل سيكوريتي لانه هنا كل شي في كل شي يعني تحتاجة هواي ووين ماتروح . فأنت بس تخلص السوشل تكدر تطلعه .. انا اسف اذا كانت الاجابة غير واافية لكن الان الوقت يمي ساعه 6 الصبح وراي دوام ولازم ماتاخر ..
اخي العزيز الي سئل انا من ولابة فلوريدا
تحياتي لكم جميعا تسألكم الدعاء
-
جزاك الله خير اخي العزيز طه القيسي على المجهود الذي تقوم به والله ايسهل امرنا وامرك واسلوبك جدا راقي بالتوضيح مشكور وننتظر المزيد
اخوك ابو العربي
-
عاشت ايدك وننتضر المزيد
-
شكرا على موضوعك الرائع
سؤال اذا ممكن
يعني الواحد اول ميوصل يريد يتصل بااهله يكللهم وصلت اقربائه اصدقائه
يكدر يشتري خط تلفون بسرعه لو ينتضر الرقم الوطني يلا يتصرف
او يكدر يتصل بلتلفونات العموميه بواسطه كارت مثلا
وسؤال بعد
اول مايوصل وره 24 ساعه يجي مسؤال المنضمه يدلي ويعلمه بلاجراءات ويمشي وياها
ورها بشكد يكدر يقدم على كورسات اللغه
يسوله اختبار مثل ماكلت بسيط ومثل المحاوره ورها يشوفون مستوى وين يقدم باي مستوى
وكم المده يلا يكدر يسجل ويداوم بللغه
وشكرا تحياتي
-
شكرا لك اخويه على المجهود وباءنتظار الجزء الثالث
-
مشكور وعاشت ايدك ورحم الله والديك على المعلومات المفيدة, ونرجو من كل الاخوان الي وصلو امريكا بالسلامة ان ما يتركون المنتدى ونتمنى ان يستمرون بالتواصل ومع بقية الاعضاء.
-
شكرا جزيلا على الموضوع وننتظر ج3
-
شكرا على موضوعك الرائع
سؤال اذا ممكن
يعني الواحد اول ميوصل يريد يتصل بااهله يكللهم وصلت اقربائه اصدقائه
يكدر يشتري خط تلفون بسرعه لو ينتضر الرقم الوطني يلا يتصرف
او يكدر يتصل بلتلفونات العموميه بواسطه كارت مثلا
وسؤال بعد
اول مايوصل وره 24 ساعه يجي مسؤال المنضمه يدلي ويعلمه بلاجراءات ويمشي وياها
ورها بشكد يكدر يقدم على كورسات اللغه
يسوله اختبار مثل ماكلت بسيط ومثل المحاوره ورها يشوفون مستوى وين يقدم باي مستوى
وكم المده يلا يكدر يسجل ويداوم بللغه
وشكرا تحياتي
اختي العزيرة تكدرين تشترين سيم كارت بالجواز العراقي مالتح وبسرهول جدا لكن يجب ان يذهب معكي احد يتكلم اللغه الانكليزية حتى يفهمك الامور ولو هه مابيه اي صعوبه لكن احسن الج .. هنا الاجهزة جدا رخيصة يعني انصح بانه الي عنده جهاز غالي مي يجيبه وياه لان سيم كارت اذا تريده على جهازك راح يكلفك هواي بس هنا الاجهزة رخيصة وتبدي من تسعه وعشرين دولار وانت صاعد... اما بخصوص كورسات اللغه فهي سريعه جدا وماتطول يعني بس تسلجين احتمال ثاني يوم تداومين .. والتسجيل ايضا يحتاج سوشيل .. تحياتي
-
عاشت ايدك وبارك الله بيك عالمعلومات والله يوفقك
تحياتي
-
جزاك الله خير
الله يفتحه بوجهك
-
جزاك الله الف خير وما قصرت بالمعلومات ولو احنه نريد اكثر حتى نفتهم اكثر وعسى ربنا يوفقك ويسر امرك ويسهل طريقك
-
عاشت ايدك ياطيب موضوعك جدا مفيد.بارك الله فيك.
-
بارك الله بيك ع المعلومات المفيده
وان شاء الله تبقى متواصل ويانه
حتى نطلع على ماينفع الجميع ان شاء الله
دعائي الك بالسعاده والموفقيه الدائمه ان شاء الله
-
تسلم اخونا العزيز على الموضوع اسلوب حلو وبسيط نتضر الجزء التالت وبالتوفيق في حياتك ان شاء الله سلامنا للاهل مع تحياتي واحترامي
-
اخي طه القيسي انت على الراس وتسلملي ياورد وانت اخ والنعم منك ومشكور على هاي المعلومات القيمه تحياتي الك اخي !!
-
(اميركا بعد نعمة الوصول بسلام)
السلام عليكم : الهم مااصبح بي من نعمة او باحد من خلقك فمنك وحدك لاشريك لك فلك الحمد ولك الشكر.
بعد ان يسحبولك الهاتف الارضي وباشترك شهري برسوم رمزية كونك لاجئ وعندك فود ستامب بعدين تشتري بطاقة (كولنج كارد) ب5دولارات مثل باور تايم او هاي فاي اوغيرها كثير واسعار مختلفة وفيها رقم تتصل عليه من هاتفك الارضي وسيطلب منك اضغط واحد للغة الانجليزية وبعدها ادخل الكود وثم 011 ومفتاح البلد964مثلاالعراق وبعدها تلفن اللي تريد من غير الصفر في البداية وهذا هو السيستم مع التخفيضات ماشي في كل اميركا وخاصة انت معذور بكثير من الامور في السنة الاولى خاصة اذا كنت وسط من يملكون معلومات تسهل عليك الامور ويبعد عنك كل احساس بالغربة فانت في بلد الفرص والانطلاق نحو الافضل ومما يساعد في سعادتك تحفظ معاني ومفردات واهم شئ اللفظ وياتي من الاستماع وليس السماع لان الاستماع من شدة طلب الانصات والمستمع الجيدهو المتكلم الجيد وفي التلفزيون في اميركا نظام الريموت اللذ ي يعطيك خيارccسي سي وهواظهار اللغة كتابة مع كل حوار على التي فيTVواذا لم تعرف اطلب مساعدة المنظمة او اي امريكي وتكلم معه ومعغيره في شئ ولاتقطعه ابدا وهذا من ادب الاستماع اخوتي وهناك برامج عالنت ودورات لاتفوتك وتعاون مع زوجتك او صاحبك لتحفظوا مفردات واذا امكن تصاريف الافعال وخاصة الشاذة منها وتعلم اللغة يجعلك في سعادة وفرص عمل موطبيعي وفهم لما يجري حولك وكن مرن في التعامل ومتسامح ولاتنتقد كثيرا بل ساعد على التغيير والتكيف وستكون حياه طيبة ولاتستمع لمن يعطيك رسائل سلبية(ستفشل او احنا قبلك ومامدبريها او ماكو مساعدات شجابك ومنو قنعك انت حسبالك صدق يصير براسك خير وتجمع فلوس او شكد صارلك فتجيب فيقال لك لاتستعجل خلي يصيرلك وقت كافي حتى تحكم او الجو حار كالجحيم او باردة راح تعاني مثلنا اوماكو شغل تحلم دخلي يشتغل القداء او شوكت راح نتعلم انجليزي )وصير سبع وذكي وقول لنفسك الرزق بيد ربنا واعطاني عقل اشيل الجبال بالالات واوصل حول العالم بالنت بلحظات ولاتحزن على مافات ومات ولاتطحن طحين وهومطحون اصلا ولاتفكر بماهو ات عيش يومك واعمل اللي عليك وشوف النتائج تريتصير مثقف اقرا كل يوم ساعتين اتصير لوماتصير اتريد تصير محترف احب عملك واخلص وتابع التطور تصير لوماتصير ادعو اذا كنت عاجز وماكو اعجز ولا ابخل من اللي يترك الدعاء فما انت الا (مااعطاك ربك فاعترف بضعفك وتقصيرك واشكر النعم ) ولاتكن اعور تنظر بعين السوء فلاترى الا النقص وعيوب الناس فلست بكامل والكمال لله تعالى والحمد لله الحكم له والهواء والماء وكل شئ بيده وهو خير الرازقين فتوكل عليه واقدم وساعد قدر المستطاع من حولك وسيكون الله الرحمن في عونك فكلنا من تراب وان اختلفت الالوان واللغات والاماكن ولكنا من هذه الارض وكلنا واحد والاصل الايمان وصلوا على النبي صلى الله عليه واله وصحبه وسلم
اخوكم في اي مكان واي وقت
ولا ازكي نفسي لكم والله اعلم
-
عاشت الايادي وتنمياتي الك بالتوفيق بالحياة الجديدة
-
عاشــــــــــــــــــــــــــــــــت الايـــــــــــــــــــــــــــــادي
والانامــــــــــــــــــــــــــــــــــــل
اخوكم // فصولي // USA
-
بارك الله بك وكثر من امثالك والى المزيد
تحياتي
ام عمار