ankawa
منتدى الهجرة واللجوء => الهجرة و واللاجئين => الموضوع حرر بواسطة: shlama80 في 14:55 01/10/2011
-
شلونكم اخوان انشالله عساكم بخير
وش جماعة اليونان نامت طابوكة لمعاملاتهم لكندا كل شهر نقنع روحنا راح يجينا شي
سؤالي هو اكدر اراسلهم لان اني قبل فترة دزولي رقم الفورم مالتي بشنو تنصحوني
ننتظر العاشربلكت يبين شي
تمنياتي ودعائي كل اخ واخت منتظر معاملة بعون الله هالسنة الكل يطلع
اختكم شلاما
-
انتظرى شوى معاملات كندا تمشى بس تطول
انت عبيتى الفورمات؟؟؟؟؟؟
-
اي هوه هيج يخلوها للناس نايمه عليها الطابوكه
ولازم تصبر وتتحمل
اكو ناس واصله مرحله يعني اعرف ولد بلع شريط دوه ودينتحر ولحكو عليه
زين ليش ؟
ليش قبل جانت سريعه وليش هسه بطيئه
ليش اكو ناس مكمله كلشي ومنتضره موعد السفر وهمين يعوفوهم
والامنيه تصير اكسباير والفحص الطبي وقسم يعيدون محلفين
وهمه مكملين كلشيييييي بس مجرد يخلوهم على خط رحله
وحتى هل خطوه يعوفوها
اكو شي مدتستوعبه المفوضيه و دائره الهجره انو الناس الي طلعت خصوصا القدماء مطلعو هيج
طلعو لان تاذو بالعراق
يعني الي راد ينتحر هذا كسروله رجله الاثنين وايده الاثنين
للتعذيب وبعدين ضربو سجينه بطنه وتركوها حتى مسحبوها
وعلى اساس انو مات بس الله كتبله عمر جديد
وتعالج
وشاف روحه انو رغم كل الي صار بي والتقارير الطبيه ومشيته وحركه ايده والضربه بطنه
ومدايريله بال
وغيره هواااااااااااااااايه
دنعرف عليهم ضغط ومديلحكون
بس الجدد ديسافرون والقدماء مخليهم
ليش يعني ؟
يالله نكول الله يساعدهم ويحننهم على الناس والقدماء بشكل خاص
-
عيني شلاما بالنسبة لسوريا كلش بطيئة صارت الاجرائات من فترة لكن قبل اسبوعين تقريبا شوية تحركت و سمعنة ناس جاهم مواعيد سفر و هاي احنا كملنا تلاث شهور عالفحص و لهسة ماكو شي
اي ممكن تراسليهم ليش لا و لو بالنسبة النة ما ديجاوبونة عالايميل و من نخابرهم بسرعة ينهون المكالمة و يكولون اكو بطء بالسفارة
الله كريم و يا ربي كل الموفقية للجميع
-
اي اني عبيت الفورمات من شهر التاسع 2010 ودزيته الله كريم شنسوي ننتظر مع العلم ب2010 الاشهر الثلاث الاخيرة من السنة مشت معاملات كندا هنا باليونان موطبيعي تقريبا الكل طلع بدون مايسوون مقابلة كوبل تجيهم فحوصات وراها فيز
بس مادري شجاهم هالسنة نايميين يس الي ايده بالمي البارد مو مثل الا يده بالنار وانتو تدروون وضعية اليونان شلون صايرة
-
تحية طيبة اني صارلي اشهر ما كاتب بالمنتدى لان ماكو شي جديد بس من شفت مشاركتج كلت خلي اواسيكم :-\
اختي العزيزة اذا انتي من شهر التاسع 2010 احنه مسلمين الفورمات من شهر ال11 2009 بس مو من اليونان يعني صار سنيتن الا شهر و بعدنا كلشي ماكو و عايفينا على الشحن ...و تخيلي شنو الحالة و نراسلهم و ما يجاوبون و من نروح للسفارة يكولون معاملتكم لازمة سرة !!! طبعا بصراحة ما نعرف شنسوي حتى طلبت نقابل الكيس اوفسر و ما رجعولنا جواب هاي صار سنة ؟؟؟ وما نعرف شنو الحل بس دننتظر ؟؟
طبعا ما اعتقد اكو احد هيجي مطول بالمناسبة احنه ايضا كفالة ...هاي اجراءات السفارة الكندية و مراكز الهجرة محد يعرف شنو فلمه ...
تحياتي
-
اي والله اخوية مانعرف شنو فلمهم وشنو التأخير وانت من وين مقدم قصدي بأي بلد انت اني مقدمة للسفارة الي بسوريا وبعد على حظي ليسقط الحكم وتنسد السفارة
تحياتي