ankawa

منتدى الهجرة واللجوء => الهجرة و واللاجئين => الموضوع حرر بواسطة: ابو العربي في 17:13 01/10/2011

العنوان: قصص أحتيال المهربين على اللاجئين العراقيين
أرسل بواسطة: ابو العربي في 17:13 01/10/2011

السلام عليكم اخواني وخواتي العراقيين المهجرين واللاجئين اينما كنتم الله يبعد عنكم كل محتال لئيم ومجرم اثيم حسبي الله ونعم الوكيل هذا الموضوع مهم جدا  ارجوا من كل عراقي تعرض الى قصة احتيال (لغرض تسفيره الى بلد اوربي او امريكي وااستراليا او   .......) ان يكتب القصة للفائدة العامه ولاخوانه العراقيين بصورة خاصة ونحن نعاني ما نعاني من مشكلة الظلم والهول الذي مسنا من جراء ظروف ليس لنا بها لا ناقة ولا جمل حسبي الله ونعمة الوكيل

اخواني اكيد من يكتب القصة وبكل دقة واذا امكن ذكر اسماء المهربي واوصافهم ( ولو المهرب لا يذكر اسمه الحقيقي )وهذا الامر سوف يطلع عليه العراقيين وان شاء الله لكم الاجر الكبير لان كثير من العراقيين 40% تقريبا يفكرون بهذا الطريق وباعوا بيوتهم لكي يكملوا  المبلغ للنصاب المحتال    حسبي الله ..والله يبعد الشر عن الجميع ويحفظ كل العراقيين

اخوكم ابو العربي

العنوان: رد: قصص أحتيال المهربين على اللاجئين العراقيين
أرسل بواسطة: Deltaforce في 17:31 01/10/2011

مقتبس من: ابو مريومة في 17:29 01/10/2011

اي والله رحمة الله على والديك

خوش موضوع

وذكرتني بعضو جان كاتل نفسه على مهرب يطلعه من روسيا لفلندا هو و جماعته الخمسه ;D ;D ;D

جوسي اذكرته لو لا ;) ;) ;) ;) ;)

تسلم ايدك اخي صاحب الموضوع


ابو مريومة
cairo

هههههههه اي  ;D ;D ذاك اللي جان عايف الروس القجقجية و جاي عالفقرة ! هي مال دروب  ;D

العنوان: رد: قصص أحتيال المهربين على اللاجئين العراقيين
أرسل بواسطة: kunda في 17:34 01/10/2011

وللأسف الشديد فأن التهريب رجع وبقوة ,,, وأكيد راح ترجع معاه عمليات النصب والاحتيال وبيع الناس وتوزيعهم على عصابات تجارة البشر . كل هذا بسبب استمرار سوء الاوضاع في العراق ... وتعثر السفر الى امريكا عبر برامج القبول

العنوان: رد: قصص أحتيال المهربين على اللاجئين العراقيين
أرسل بواسطة: Edy Simon في 17:48 01/10/2011

اي والله رحمة الله على والديك

خوش موضوع

وذكرتني بعضو جان كاتل نفسه على مهرب يطلعه من روسيا لفلندا هو و جماعته الخمسه   

جوسي اذكرته لو لا     

تسلم ايدك اخي صاحب الموضوع


ابو مريومة
cairo




كل الهلا او مرحبا با ابو المريوما



اكيد عزيزي, هو اكو واحد ينساه, هذا صار اسطورة المنتدى , او لازم يسجل اسمه ابكتاب جينس للتهريب.
مو بس هو هلنوب صارو خمسة, على كولت المثل ام حسين ما ترضين ابمهرب واحد صارو خمسة.
عزيزي اني حولتا عليك , شنو صار منهم وصلو لو بعد, ترى حلاوتنا لاتنساه اوكي.
بس اكيد صاحبنا من يوصل راح يقرا الموضوع او يكتب حبرته, لانه خبرة تازة, او ويا محربين بارعين روس.
تحياتي يا شيخ مصر الحبية ابو مريومة الورد
ملاحظة., من اقرا اسمك ينفتح كلبي او من اقرا نصائك تظهر البهجة في وجهي او ما اكدر اضم الضحكة, الله يبشرك بالخير حبيب المنتدى وارشيف المنتدى الطيب
تحياتي
اخوك
جوسي البغدادي

العنوان: رد: قصص أحتيال المهربين على اللاجئين العراقيين
أرسل بواسطة: ** AL SHAEEA ** في 18:40 01/10/2011

شكرا للاخ ابو العربي موضوع مهم وانا ا ؤيدالاخ كوندا السبب تاخر  السفر والاجراءات الاخرى

العنوان: رد: قصص أحتيال المهربين على اللاجئين العراقيين
أرسل بواسطة: ابو العربي في 20:21 01/10/2011

شكر للاخوان ابو مريومه مصر و الشائع و Edy Simon و kunda و Deltaforce  ولكل من يحب المشاركة الفعلية للفائدة العامة ويا اخوان  تنبيه لكل  من العراقيين الان وفي هذا الوقت بالذات كثرة  الحرامية والحيالين وفنون عجيبة من الاحتيال والاجرام  لان مثل ما اتعرفون يعني مو بس ياخذون فلوسك ويرحون وانما  تدخل السجن  فوق الشروه

اخوكم ابو العربي

العنوان: رد: قصص أحتيال المهربين على اللاجئين العراقيين
أرسل بواسطة: ابو زيـــن في 21:02 01/10/2011

فوك القهر والانتظار والحاجة والغربة اكو هيج ناس تحياتي

العنوان: رد: قصص أحتيال المهربين على اللاجئين العراقيين
أرسل بواسطة: Abnaa Al-Iraq في 21:22 01/10/2011

نشكرك على هذا الموضوع الضروري والمهم جدأ ولازم واحد يشهر بهكذا مجرمين بمعنى الكلمة فالاجرام له عدة صور واشكال وهذا شكل اخر من الجريمة والابتزاز لناس عانوا ماعانوا من قسوة الحياة وظلم المجتمع وسوأ ادارة الساسة وجهلهم واهتمامهم بمصالحهم الخاصة والمنافع الشخصية التي عرضت الملايين الى العوز والهروب والبحث عن حياة كريمة مما اوقعهم في شباك مجرون من نوع اخر اوجدتهم الظروف السيئة لينتعشوا على دماء المحتاجين ... الله تعالى ينتقم من كل من ظلم وانه على ذلك لقدير .

العنوان: رد: قصص أحتيال المهربين على اللاجئين العراقيين
أرسل بواسطة: aljaderi11 في 00:01 02/10/2011

السلام عليكم
للأسف عشرات من العراقيين ماتو بحوادث التهريب و للأسف ان الاوضاع تخلي الواحد يجازف بحياته هل المجازفة
و اعرف صديق عزيز علي طلع تهريب عن طريق تركيا اليونان الشهير و الحمد لله ما صارت لان تأخر ربع ساعة ولو واصل على الموعد جان هسة نترحم عليه لان من مجموع 45 نفر تأخر هو وياه بان خاله و صديقه ما كدرو يلحكون بالمركب الي جان ينتظرهم على الساحل التركي
المهم رجعو لاسطنبول و بعدين شافو واحد من الي جانو وياهم و كله ها؟؟ انت ما ركبت؟؟
كله لا ركبت المركب بس هذول لزمتهم الدورية اليونانية و كامو يشمرون بالناس بالبحر حتى لا ينلزمون متلبسين؟؟؟!!! زين انت شلون وصلت هنا؟؟؟؟ كله انة اعرف اسبح و نقذوني الصيادين الاتراك و البقية لو لزموهم اليونانيين لو غركو؟؟؟؟؟؟
حتى بالافلام الهندية ما يصير هيج و رجعو للعراق برياو الاكراد مخلوهم يدخلون من زاخو وتأخرو لحد ما لكو ضابط كردي شريف قبل يدخلهم مقابل رشوة ههههههههههههه شوفو شلون الي ياخذ رشوة يصير شريف ؟؟؟؟؟؟؟؟؟؟؟
المهم وصلو اربيل ما قبلو يفوتوهم على اربيل و كلولهم لو موضل لو كركوكو هذا الحجي بـ 2006 يعني بعز الذبح و ما قبلو و هم بحدود 12 نفر بعدين واحد منهم عنده صديق كردي بوحدة من القرى سالو على القرية و راحو للقرية و سالو على صديق هذا الولد الي طلع شريف فرغ بيته و كعد 12 نفر ما يعرف منهم بس واحد
و السالفة طويلة بس رباطهة المسكين ما كعد وسكت و حاول مرة ثانية هم عن طريق تركيا بس هل المرة لاوكرانيا و مناك روسيا و بعدين لامانيا و تالي السويد بلد الاحلام بس هم الله ستره لان من وصل تركيا بالمرة الثانية المهرب الي متفقين وياه ما جان موجود كان ماخذ جماعة يهربهم فلكو واحد ثاني كلهم شوداكم على المافية الاوكرانية هذول يذبحوكم يذبحوكم انة اطلعكم على ايطاليا
فهم السالفة ور جع و هسة هو بأمريكا لان شعاره لا يأس مع الحياة و لا حياة مع اليأس

شكرا و تقبلوا أعتذاري

العنوان: رد: قصص أحتيال المهربين على اللاجئين العراقيين
أرسل بواسطة: ابو العربي في 04:11 02/10/2011

السلام عليكم اخواني الاعزاء مشكورين على الاهتمام بالموضوع لفائدة اخواننا العراقيين والقصد منه لكي نحذر  من المجرمين.. اخواني انتبه من المهربين الروس والاوكرانيين لانهم اخطر مهربين(مافية) من ناحية القتل وكل وكل المهربين لانهم لا دين لهم  والقتل عندهم سهل جدا خاصتا اتكلم للذين يهربون عن طريق البر او البحر  واتمنى من الاخوان الذين تعرضوا لحالات نصب واحتيال ان لا يترددوا بفائدة اخوانهم والاسراع بكتابة الموضوع لانه قد ينقذ عوائل من شباك المجرمين المهربين

واشكر الاخ aljaderi11  لموضوعه القيم وجزاك الله خير

اخي العزيز والغالي ORKAY انت دائما سباق باسناد الموضوع جزاك الله خير
 
           اخوكم ابو العربي

العنوان: رد: قصص أحتيال المهربين على اللاجئين العراقيين
أرسل بواسطة: ابو نعنوع في 07:59 02/10/2011

اخي العزيز ابو العربي اني اشكرك على هذا الموضوع الرائع واتمنى من الجميع الاستفاده منه و على الاخوه الاعضاء ان ينقلونه تجاربهم او تجارب اصدقاءهم حتى الكل تستفاد
اني اريد ان انقل الكم قصة زميله اليه بالعمل حدثت عام 2006
هذه الزميله على قدر كبير من الجمال والرقه كانت تسكن في الدوره وهي خريجة من احدى الكليات ولعدم تمكنها من التعيين في دوائر الدوله قررت العمل مع الشركات الامريكيه ...هذه الزميله تعرضت للتهديد لاكثر من مره لانها تعمل مع المحتل حسب ما يزعمون  وقد غيرت مكان سكنها لاكثر من مره بحثاً عن الامان غير ان لا امان للعراقيين الشرفاء لذا قررت هذه الزميله قرار لا رجعه فيه الا وهو السفر خارج العراق العقيم ومن اجل الحفاظ على حياتها وحياة اهلها قررت ترك العمل مع الشركه الامريكيه ولم تكمل اشهرها السبع مع هذه الشركه بعد البحث المضني والشاق والمرهق لها وخصوصاً هي فتاه جميله واوضاع الانفجارات والخطف والقتل على الهويه انذاك .وجدت مهرب وعدها بانها سوف تكون في النمسا خلال 40 يوم فقط وبسعر انذاك 14000الف دولار وان سفرها سوف يكون اصولي وقانوني ولا تشوبه اي شائبه ..هذه المسكينه صدقت لانها صاحبت قلب طيب وليس لديها اي خبره في هذا المجال زالمهرب الماكر طلب منها ان تدفع المبلغ دفعه واحده ومقدماً لكنها وبعد توسلها اليه والحاحها عليه وافق ان يتم تجزءت المبلغ الى ثلاث دفعات على ان يكتب لها وصل امانه باستلامه لهذا المبلغ (طبعاً كانت هذه نصيحتي لها )  في البدايه هذا المهرب حاول التملص من التوقيع لها على وصل الامانه وكان كثيراً ما يردد عبارات القسم وباقدس المقدسات ..هذه المسكينه دفعت مبلغ 6000 الاف دولار كدفعه اولى من المبلغ وبدون اي ضمانات تذكر ..وبعد اقل من اسبوع لدفعها القسط الاول اخذ هذا المهرب بالاتصال بها يوميا من اجل دفع بقية الاقساط وهيه كانت على وشك ان تدفع بقية المبلغ لولا تدخل والحاحي عليها من اجل مقابله هذا الشخص ... قابلت هذا الشخص والذي يكنى بابو احمد  وهو بعثي هارب من قريه في المحاويل كما علمنا لاحقاً وكان يرتدي النظارات الطبيه لانه اعور وهو يدعي الدين واصلع ودائما ً يرتدي ستره حتى في عز الصيف كان يتردد على الاحزاب الدينيه تملقاً وكان مستعد لتقبيل احذية الامريكان فقط من اجل الرضى عنه
يا سبحان الله لم ارتاح لرؤية هذا الشخص من اول نظره .حاولت ان اسئله على الضمانات وعلى كيفية الدخول الى النمسا وهل ان النمسا تقبل لاجئين عراقيين وهل وهل واسئله كثيره غير انه لم يجبني على اي سوال بصوره دقيقه او بصوره صحيحه لذا قررت ان انصح زميلتي ان تترك هذا المهرب وان تحاول استرجاع ما دفعته له .. بالفعل حاولت زميلتي ارجاع المبلغ الذي دفعته له لكنه كان يكرر ان سفركم قريب والمسئله مجرد وقت وانتم بالنمسا وراح ترتاحون . حقيقه المهرب قرر ان يرجع لها المبلغ لكنه طلب منها بعض الوقت لان المبلغ ليس لديه وقد تم دفعه الى معارفه من اجل اكمال عملية سفر زميلتي وبعد ايام وبعد الاتصال يومياً ولاكثر من مره بهذا المهرب قام بتهديد زميلتي انه في حالة مطالبتها له بهذا المبلغ فانه سوف يقوم بتبليغ الارهابيين عنها بانه مترجمه وجاسوسه وعميله للمحتل كما يدعي . لذا قررت ان اذهب لهذا النكره المهرب ومحاولة استرجاع المبلغ الذي بذمته لكنه طلب حضور زميلتي شخصيا لكنه اعطاني 500 دولار  اتضح فيما بعد انها كانت الطعم .. بالفعل قامت زميلتي الحسناء بالذهاب اليه من اجل استرجاع هذا المبلغ لكنه قام بخطفها وضربها ضرباً مبرحا وهددها بالاغتصاب في حالة معاودة الاتصال به لاحقاً او التفكير حتى بالمبلغ  
عادت المسكيه خاويه منهكه الى بيتها وقررت عدم المطالبه بمبلغها المالي
هل تعلمون من كان المهرب صاحب النظارات الاصلع كان المدعو بوري الهالكي هههههههه الحقير و رئيس الحقراء حالياً
تعيشون وتاكلون غيرها خوش قصه مؤثره مو طلع ابو السبح  بوري كامل مهرب وطلع واوي قديم واني ما ادري

العنوان: رد: قصص أحتيال المهربين على اللاجئين العراقيين
أرسل بواسطة: need justice 1 في 13:30 02/10/2011

والله شدتني القصة ابو نعنوع الغالي ومن وصلت للنهاية اجاني البوري واهلكني من الضحك
عاشت ايدك ابو نعنوع .....
والله يا اخوان قصة التهريب والغجق بيها صدك هواي ومو كلها نصب بس هي كلمن وحظه ومعارفه ...
احد اقاربي رجال معوق وعلى كرسي متحرك ميكدر يمشي ويسمع صوتكم هسه بلندن وصلها قبل كم يوم وغجق الله وكيلكم
هو ومعاه 2 عرعف وعائلة ما اعرفهم
طبعا المبلغ كبير تقريبا دفترين و60 وطيران على مرحلتين ... غجق لا شنكن لا منكن ....
وجماعة اعرفهم ومن اقاربي ايضا بس من بعيد وصلوا ايضا الى لندن عن طريق تركيا اليونان ايطاليا بلجيكا ومنها الى لندن ووصلوا .
واكو جماعة على نفس الخط بس فلوسهم متكفي لذلك اكتفوا بالوصول الى هولندا وقسم منهم ببلجيكا . وكله غجق يعني من غير فيوة شنكن او غيرها ....
وليش نروح لبعيد اخونا آرمي موجود ببلجيكا ومتونس بلا حسد ساعة يفتح مسنجر من بلجيكا وساعة من فرنسا من فوك برج ايفل وانا امسك الخشب واكول بلا حسد وآرمي طلع بفيزة شنكن .... الله يرزقه آرمي متونس حييييييييييييييييل  :(
اذا المسألة هي مسالة اختيار الطريقة والمهربين الثقة وعن طريق التعرفهم من الناس اللي مجربة الطريق . خو مو كل من كال لك اوصلك خلاص وصلت .
اخوان اللي يريد هيج طريق عليه بالتأني وحسن الاختيار وايضا يسال من سبقوه ويتاكد والاهم واللي هسه ماشي ونعرفه انه ماكو تسليم لاي فلس الا حين الوصول وهاي كل اليشتغلون بالفيز او الغجق يعرفوها . الفلوس تبقى عند طرف ثالث كفيل يدفع الفلوس جحين وصول صاحبه للمكان اللي يريده .
اما من ناحية المخاطر فهي تتبع الحظ والكاتبه الله .
تقبلوا احترامي

[/b][/size]

العنوان: رد: قصص أحتيال المهربين على اللاجئين العراقيين
أرسل بواسطة: ابو العربي في 17:15 02/10/2011

up