ankawa
منتدى الهجرة واللجوء => الهجرة و واللاجئين => الموضوع حرر بواسطة: home front في 12:31 06/10/2011
-
السلام عليكم جميعا مثل ميعرف بعض الاخوة اني مقدم من بغداد ورقم الكيس يبدي 118 والحمد لله بالأمس قابلنا المقابلة الاولى في بغداد بعد انتظار دام لأكثر من سنة و5 اشهر واسف لأن مكتبت الموضوع البارحة لأن جنت حيل تعبان وسأشرح لكم تفاصيل المقابلة طبعا نمت الساعة 1:30 بالليل وكعدت ساعة 4 الفجر وكعدت المرة والجهال وتركينا وبدلنا ملابسنا المهم صارت ساعة 6 وطلعنا وصلنا ساحة النسور ساعة 6 ونص ولكينا هواية ناس واكفين سرا يعني مايقارب ال 60 او 70 شخص عزاب وعوائل وكفنا بالسرا وجا جندي كال كل واحد iom يخلي هوية الاحوال داخل الجواز مالته وطبعا ابني محمد من وكفنا بالسرا كل 10 دقايق وكلي اريد اشاورك وانزل راسي ويشاورني ( بابا يلا خل نروح البيت صار ساعة واكفين ) وتقريبا ساعة وراها وصلنا باب حديد اخذو جوازاتنا ورا 10 دقايق طلع هذا الاجنبي دخل زوجتي واصغر اطفالي وبعدين اختي وباقي الاطفال وبعدين دخلت اني ولكيت تفتيش واخذو الجنطة من عندي وسجلو اسمي ورا شوية انطوني الجنطة ودخلت مكان تفتيش سونر المهم ودونا كرفان بيه عوائل كعدنا تقريبا 20 دقيقة وجتي وحدة مصرية صاحت اسمائنا وطلعونا برا وكالت يلا تعالو ورايا مشينا مسافة قريبة دخلونا صالة شوية اكبر من الكرفان الاول وجا شخص اردني انطانا تعليمات انه عينكم على الاطفال واذا سمعتو انفجار كلكم تتركون اغراضكم وترحون ورا الصبات وراها بخمس دقايق صاحو اسمي واخذوني اني واختي وزوجتي وكالو اتركو الاطفال المهم طبينا غرفة صغيرة بيها ميز و3 كراسي والبنية اللي اللي اخذت المعلومات مصرية بس الله يشهد كولش خوش انسانة وحيل مرتبة بالبداية كالت انت هسه مثل واحد ديقدم دعوى للقضاء واحنا نسجل الدعوى مالتك ونعرضها للمختصين وقبل هذا راح اخذ منكم معلومات تخص حياتكم المهم اني جنت اسمع انه لازم احفظ تواريخ الدراسة شوكت طبيت وشوكت طلعت وهذا شفته غير صحيح لأن البنية كلتلي انت مواليد كذا وبما انه مرسبت بالابتدائية يعني ورا 6 سنوات دخلت متوسطة في سنة كذا صحيح كلتلها صحيح واسئلة عامة شكد عدد الاخوة ومواليدهم وين ساكنين بغداد لو لا وشكم مرة تزوجت ووالدك شكم وحدة متزوج وكذلك والدتك وزوجتي نفس الاسئلة ورضيعتي سألوها بس عن دراستها واكتفو لأن هي نفس معلوماتي وبعدين اخذت المستمسكات تصورها وانطيتها الترجمة مال هويات الاحوال وشهادات الجنسية فشفتها فرحت وكلتلي احنا منجبرك على الترجمة بس انت زين سويت وراها كالت روحو ارتاحو ربع ساعة واصيح اسمك علمود مقابلة القصة وطلعنا ومرحنا كعدنا بالكرفان جوا لأن لكينا اكو كراسي برا الكرفان والجو طيب بقينا كاعدين برا وكلساع جاي واحد من ذولي الحرس بسكت على بيبسي على جاي على حلويات للجهال المهم ورا نص ساعة صاحت جتي البنية المصرية صاحت اسمي ورحنا اني واختي وزوجتي بالبداية وقعنا اوراق بانه هذي المعلومات اللي ياخذوها تبقى سرية وبعدين راحت زوجتي وبقينا اني واختي ووقعنا على اوراق في حالة قبولنا سيستقطعون اجرة الطيران على مدى 3 سنوات وراها كالت اني راح ابدي باختك فانت تكدر تتفضل واني اصيحك ورا نص ساعة او ساعة وطلعت وجا واحد مصري بيده كاميرا وكال المقابلة الاولى كلهم يدخلون جوا علمود ناخذلهم صور وهذا المصري كولش غثيث بحيث اللي شوية يتأخر او راسه اعوج يضل يحجي ويذب حسرات بس الحمد لله ارتاحيت لأن ابني علي طلع روحه وراها طلعنا برا الكرفان وجا واحد من الحرس كلي تحبون اجيبلكم دجاج كتله لا لأن احنا جايبين لفات ويانه بساعة جتي اختي وكعدنا سولفنا تقريبا 10 دقايق وجتي صاحت اسمي ودخلت وسألتني اول شي قبل 2003 شنو تعرضت اريد شي شخصي فاذكرتلها شي صار ويا والدي وبعدها سألتني شوكت بديت العمل وشوكت خلصت وسألتني عن التهديدات بالتسلسل وليش متكدر تستمر بالعراق وشنو تتأمل من توصل امريكا او شتريد تسوي هناك طبعا هي تسأل سؤال واجاوبها وهي تكتب يعني من كثر ماهي تكتب اني من يمي اصابعي تعبت ورا ماكملت القصة تقريبا ساعة كاملة والسبب في تأخير مقابلة القصة هو ترجمة القصة وراها كالت راح اقرا عليك اللي حجيته واذا اكو اشتباه وكفني وكلي وراها راحت جابت الاوراق من الطابعة وكالت وقع وكالت تطلب شي عندك شي تحب تظيفه كلتلها لا وطلعت ورا 10 دقايق جا المصري اخذنا واشارلنا على الباب اللي نطلع منه وطلعنا والحمد لله ساعة 3 ونص العصر واتمنى اكون وصلت فكرة طيبة للاخوة والاخوات اللي مقابلو بعد واتمنى للجميع الموفقية ومع السلامة
-
مبروك اخي homefront وانشالله ميتاخرون عنك بالمقابله الثانيه ويسهلك كل امورك...بس شنو فيكت السؤال الشخصي؟
-
الف مبروك والله يسهل عليك
-
بالتوفيق يارب بس اخي اول مقابله لازم يحظرون كل الي اسمائهم بالكيس ؟؟؟
-
الله يسهلك على المقابله الوفد هذا اهم شي
-
الف مبروك وانشاء الله يوم مقابلة المحلف والموافقه بعونه تعالى
تحياتي
ام عمار
-
كل الشكر للاخوة والاخوات وبالنسبة للسؤال من الاخ safaa الشخصي يعني جانت تريد من عندي حادثة خاصة بية مو شغلة عامة
-
بالتوفيق يارب بس اخي اول مقابله لازم يحظرون كل الي اسمائهم بالكيس ؟؟؟
طبعا !
-
مبرووووك اني اليوم قابلت اولى بغداد وانشاءالله تحدد مقابلتنة الثانية بوقت اقل من الاولى
-
مبرووووك اني اليوم قابلت اولى بغداد وانشاءالله تحدد مقابلتنة الثانية بوقت اقل من الاولى
;D ;D ;D ;D ;D ;D
-
عالخير المقابلة
وانشاء الله السفر
تحياتي وتقديري واحترامي للجميع
-
شكراا للجميع
-
مبروك ان شاء الله السفر العاجل :D :D :D :D :D
-
صديقي homefront سؤال قديم ومتكرر بس اريد جواب حار ومكسب بما انو انت قابلت شنو المستمسكات الي جنت ماخذهه وياك وشنو الي تندمت ماخذتها وياك للمقابله ...تحياتي اخوك صفاء
-
بالتوفيق انشاء الله
-
العفو اخي تأخرت بالرد على سؤالك اخي safaa وبالنسبة للمستمسكات اخذت وياية جواز وهوية الاحوال وشهادة الجنسية وبيانات ولادة اطفالي لأن اني محتفظ بيها ودفتر الخدمة العسكرية وأما الركمنديشن والباج فكالت منحتاحها لأن احنا تأكدنا من عملك وطلبت من عندي عنوان الكفيل بس اني ناسي فكالت مو مشكلة بس لازم تجيبه بمقابلة المحلف واتمنى اكون افدتك
-
مبروك وان شاء الله يوم تلص كل الاجراءات وتسافر ربي يوفقك
-
والله خوفتيني اخت شموسة عبالي تكولين ( تلاص كل الاجراءات ) ههههههه بس الحمد عرفت قصدج ( تخلص )
-
الف مبرووووووك وانشالله تجيك مقا بلة محلف وباقي الاجراءات سريعة وسهلة
-
مبرووووووك
بالتوفيق
ان شاء الله
-
صباح الخير اشكر الجميع على الردود الجميلة والمشجعة وان شاء الله الكل يسافر ويرتاح
-
انشالله السفر العاجل الك و للجميييع بوساتي
-
بالتوفيق انشالله
-
اشكرك xxlm569 وان شاء الله التوفيق للجميع
-
الف مبروك ويارب الثانية قريبة
مثل ما تفضلت اني دائما ااكد على الاخوان الي عندهم مقابلة ايوم ان يترجمون الوثائق الي عندهم قدر المستطاع حتى تسهل على موظف الايوم الشغل لأن هذا راح يكون مثل الكيس وركر لحين ما يكمل الترجمة وبعيدين يكلهم هذا جاهز حتى يدزوهن لل DHS يعني المحلفين ....
ذكرتني بهذا المصري المصور ... مو بس غثيث هو اصلاً حاقد عبالك راح ناخذ مكانة بامريكا
تحياتي
-
اي والله هذا المصري عبالك حاقد علينا واكثر ضوجني هو اللي وصلنا للباب من خلصنا مقابلة بس شنسوي شجابرك على المر
-
اخي الحبيب مبروك عالمقابلة ويوم تكمل الاجراءات وتسافر ان شاء الله .....عندي سؤال انا قصتي من 2008 فاذا هسة يقابلوني فما اعرف شنو اقوللهم نفس القصة القديمه يعني كلولك ليش ما تكدر تستمر يالعراق شنو جاوبت ... ارجو الافادة وشكرا
اخوك
علي البصراوي
-
اخي علي البصراوي سألتني ليش متكدر تستمر بالعراق وكان جوابي انه اني الى الان خايف ومااطلع الا للضرورة القصوى ومااكدر حتى اشتغل وحتى اطفالي ميطلعون
-
اخي علي البصراوي سألتني ليش متكدر تستمر بالعراق وكان جوابي انه اني الى الان خايف ومااطلع الا للضرورة القصوى ومااكدر حتى اشتغل وحتى اطفالي ميطلعون
شكرا اخي العزيز عالجواب اسأل الله لك سهولة الاجراءات وقصر الامنية الكشرة ههههه ولجميع اخوتي في هذا المنتدى بل المنبر الناطق بصوتنا نحن المضلومين بالعراق الجريح.
اخوك علي البصراوي