ankawa
منتدى الهجرة واللجوء => الهجرة و واللاجئين => الموضوع حرر بواسطة: dalybotros في 13:58 08/10/2011
-
اخوان السلام عليكم
هسه خابروني الدي اج ال و كالولي تعال اخذ الباكج الي واصله من السفاره علما اني ما اجاني ايميل من السفاره بانه الفيز صدرت
اخوان الي سامع بهيجي حاله بس يفيدنا
رفض لو فيزا؟؟؟؟؟؟؟؟
-
افلت على السريع روح للدي اج ال
, بلكت الله تفتح السمكة و تلكي الخاتم ;D
بالتوفيق اخوية عود ارجع بشرنا
-
يمعود روح جيب البريد شسوي بالمنتدى انت بس اذا ضرف لتفتحه دز ايميل للمنظمه كللهم اخاف بالغلط اجاك تلاص عليك
-
افلت على السريع روح للدي اج ال
, بلكت الله تفتح السمكة و تلكي الخاتم ;D
بالتوفيق اخوية عود ارجع بشرنا
اشكركم على الرد اخواني ايهم و يو اس اي سكاي
اني اس اي في وقابلت بالخامس 2011
بس عيني usa sky ما افتهمت من كلامك شلون اذا ضرف ما افتحه هوه الموضف ابو الدي اج ال كالي 3 ضرف جايني 1 باسمي و1 باسم زوجتي والاخ باسم بنتي
يعني انت اتكول قبل لا افتح الضرف ادز ايميل للسفاره و اكوللهم دازي غلط؟؟؟؟؟؟؟؟
-
بابة روح جيب الظروف , غير تحجي من الاول , ابــــــــــــــــــــشر هاي المحروسة الفيزا اجتلك
-
مبروووووووووووووووووووووووووووووك الفيزا
-
بابة روح جيب الظروف , غير تحجي من الاول , ابــــــــــــــــــــشر هاي المحروسة الفيزا اجتلك
ايهم حبيبي اذا صدك الببسيات على حسابي
وانشاء الله الكل يجي الفيزا و نفرح بيهم
كلهه ساعه ساعتين و ابشركم لو هدف لو نجف
-
لا حبي بالهدف
النجف اليوم بيها انفجارات و مسدودة السيطرات ;D
-
دطفر جيبهم و تعال شعندك ع المنتدى هسه ;D ;D ;D
-
عمي ان شالله الفيزا توكل على الله وبشرنا :)
-
مبروووك عمي مقدما ----بس الدي اج ال مايفتحون السبت لو اني غلطان ؟؟؟؟
-
عمي افلت عالسريع انت شلزكت هنا روح جيب الفيزا عالسريع ورانا ببسي و هوسة و سين و جيم
مو هم تاخذ الفيزا و تفلت
عود ما اوصيك ;D
-
دطفر جيبهم و تعال شعندك ع المنتدى هسه ;D ;D ;D
حبيبي الن اني بيتي بكلار بكوردستان ومكتب الدي اج ال بسليمانيه/ سرجنار تبعد علينه ساعتين فمو مثل بغداد تكدر تطفرلهم و تجيبهن
اللهم اتنا في الدنيا حسنة وفي الاخرة حسنه وقينا عذاب النار
-
من المواصفات والريحه مالتها هاي المحروسة الفيزة
-
الاخ dalybotros السلام عليكم
ادري وصلت السليمانية لو بعدك اي قابل سليمانية بهضبة التبت هي كلها 150 كيلو عن كلار ( لا تكول هذولة عرب ما يعرفون كلار وين وسليمانية وين ) روح جيبها وبشرنا يمعود خلي نرتاح ترة راح اضل انتظر مو تشتلني ترة انا ما اخضر لأن جذوري ميتة ما يفيدني لا اسماد حيواني ولا نباتي ولا كيمياوي .
تمنياتي بالتوفيق مو تشوف الفيز وتنسى عين كاوة تكول هذولة من جماعة كاكا مسعود مو من جماعتنا .
-
الاخ dalybotros السلام عليكم
ادري وصلت السليمانية لو بعدك اي قابل سليمانية بهضبة التبت هي كلها 150 كيلو عن كلار ( لا تكول هذولة عرب ما يعرفون كلار وين وسليمانية وين ) روح جيبها وبشرنا يمعود خلي نرتاح ترة راح اضل انتظر مو تشتلني ترة انا ما اخضر لأن جذوري ميتة ما يفيدني لا اسماد حيواني ولا نباتي ولا كيمياوي .
تمنياتي بالتوفيق مو تشوف الفيز وتنسى عين كاوة تكول هذولة من جماعة كاكا مسعود مو من جماعتنا .
حبيبي ابو هنودة الورد هسة اكولك خبر راسا اتخضر
اخوان هسة استلمتهن واتلاثتهن مطموغات فيز
يوم الكم انشااللة
كلللللللللللللللللللللللللللللش
يمعودين ترة اني ممصدك
هسة انزل موضوع والكل يكدر يسال
واني اجاوب
مو تدللون
-
مبروووووووووووووووووووك
بس اشو من ردودك مرة مقابل يوم 12 ومرة يوم 20 اشوكت مقابل ؟؟؟؟؟
الف مببروووووووووووووووووك
-
الف الف مبروك وانشاء الله يوم السفر بس مال اخضر ما اخضر لأن جذوري ميتة مو كلتلك تمنياتي بالسفر السريع.
-
مبروووووووووووووووووووك
بس اشو من ردودك مرة مقابل يوم 12 ومرة يوم 20 اشوكت مقابل ؟؟؟؟؟
الف مببروووووووووووووووووك
حبايبي تماته و رامي
اشكركم لمروركم الطيب
قدمت اس اي في 20/06/2010
استلمت الجيف اوف مشن 26/11/2010
قابلنه يوم 16/05/2011
بس صراحة ما جنت انطي معلومات دقيقهه انتو تعرفون اشلون جان وضعنه من جنا نشتغل ويا الجيش ولو كلمن و خصائص شغله.
ترا ما تأثر اذا 16 او 20 كلما هنالك الخوف من المجهول الي خلاني اغير التواريخ
واني كلش اسف اذا قصرت بشي
-
اخي او اختي (دالي بطروس) مااعرف اذا ترجمت الاسم بصورة صحيحة لو لا
اولا اكولك مبروك اذا كانت الفيزا وان شالله تكون هي
ثانيا اريد اطلب منك فد خدمة اذاتقدر تسويها هي سهلة جدا بس ان شالله ... ياريت لو تدخل على موقع الdhl وتسوي تراكنك على رقم الباكج مالتك من رقم الوصل اللي انطوك اياه بوقتها ... أشوف يطلع عندك نتيجة شي؟؟؟؟
واني بانتظار ردك وشكرا
-
اي طبعا هاي نقطة كلش مهمة مال التراكنك نمبر لان هسه احنه اغلبنة يومية يجيك الموقع....فضروري نعرف اذا جان هذا الشي متفعل لو لاء
حبي tamata اني ليش سألت هذا السؤال لانه اكو باكجات تندز ومن يمر عليها فترة الرقم مالتها يصير ميشتغل بعد ..
بهالحالة ممكن تكون الفيزا جاية والواحد ميعرف (عن طريق التراكنك) هاي بحالة اذا مغير تلفونة او خطة ميشتغل .
هسه خل نشوف رد الاخ دالي ونتأكد أحسن
-
الف الف مبروك استلامك الفيزه انشاء الله يوم السفر والوصول بالسلامه
تحياتي
ام عمار
-
حبيبي دالي بطرس:
1000 1000 مبروووووووووك عليك الفيزا والله فرحنالك من كل قلبنه ومرة ثانيه بعثت الامل بداخلنه.
وأن شاء الله انتم السابقون ونحن اللاحقون
-
الف مبرووووووووووك وانشاءالله الكل تسافر مو بالطيارة على صحن فضائي بالمستقبل البعيد ;)
-
هاي شلون حكان اعصاب هذا الموضوع .. وشلون عندك صبر تتحمل تكتب وتجاوب .. مني ومنك اروح ركض حتى مو بسيارة ... هسه غير يبشرنه طلعت الفيزا لو لا ؟؟؟
-
الف الــــف الــــــــــف مبروووووووووووووك وانشاء الله تسافر وتوصل بالسلامة
-
هاي شلون حكان اعصاب هذا الموضوع .. وشلون عندك صبر تتحمل تكتب وتجاوب .. مني ومنك اروح ركض حتى مو بسيارة ... هسه غير يبشرنه طلعت الفيزا لو لا ؟؟؟
عيني الولد راح ركض وجم مرة وكع بالطريق وكام يركض حافي اوورمت رجليه ووصل بخير وسلامة وكال طلعت 3 ظروف بيها 3 فيز وكام يهلهل هاي انا هم بشرتك جيب البشارة وينها هم انعلست علينا.
-
الف مبرووك والموفقيه انالله والله فتحها بوجهك وبمده قياسيه .. انالله موفق دائما انته وعائلتك الكريمه
SILVER FROM MOTOR CITY
-
وين صار صاحب الموضوع ؟يابه هياتهة كلار ساعة ونص لسليمانية...اول قافلة حجاج هم دخلت السعودية ... بشرنه عاد اكو خاتم بالسمكة انشاءالله؟؟؟
تمنياتي بالموفقية
-
وين صار صاحب الموضوع ؟يابه هياتهة كلار ساعة ونص لسليمانية...اول قافلة حجاج هم دخلت السعودية ... بشرنه عاد اكو خاتم بالسمكة انشاءالله؟؟؟
تمنياتي بالموفقية
يابه الولد من البارحه انطانه بشارة استلام الفيزا بس هو كان كاتبهه كلش ناعمه بحيث هوايه من الأعضاء ما انتبهولهه وهذا هو النص:
حبيبي ابو هنودة الورد هسة اكولك خبر راسا اتخضر
اخوان هسة استلمتهن واتلاثتهن مطموغات فيز
يوم الكم انشااللة
كلللللللللللللللللللللللللللللش
يمعودين ترة اني ممصدك
هسة انزل موضوع والكل يكدر يسال
واني اجاوب
مو تدللون
-
زين وهسه وين صار صاحب الموضوع ؟؟؟؟؟؟؟؟
أتمنى مايكون احد افلام الموسم ترة اعصابنا متتحمل .. والله اي معلومة عن الفيزا دنطلبها (جدية) مثل المكادي بس ان شالله يظهر صاحب الموضوع قريبا ويجاوب على اسئلتنا واهمها شغلة التراكنك مال الرقم مال dhl .
بس اذا جانت الشغلة فلم اني ارجح المخرج لو عفيفة اسكندر لو مائدة نزهت ;D ;D
-
الف مبروك أستلام الفيزا هذا نفس اليوم الي أني قابلت بي بلكي لعد هم اني أستلمهه هالايام بس شلون يعني بس أريد أعرف السفارة مدزت ايميل قبل ميخابرون الدي أج أل
-
يا معودين اكو بالعاب الساحة والميدان الطفر العريض والطفرة الثلاثية اشو المنتدى صار ملعب كل شوية جاي واحد ركض سريع ذبلة حجاية وطفر وما عرفنا الطفرة صحيحة لو فاول.