ankawa
منتدى الهجرة واللجوء => الهجرة و واللاجئين => الموضوع حرر بواسطة: عراقي للموتعراقي للموت في 23:43 08/10/2011
-
السلام عليكم شلونكم شباب؟ انشالله زينين
شباب رجمة لوالديكم ساعدوني اريد اطلب لجوء لاي دولة اوربية شسوي اني كلشي مااعرف ولازم اطلع من العراق خلال فترة
وشكرا لادراة الموقع لمساعدة العارقيين ونتمنى النجاح للموقع واطلب المساعدة منك
-
شنساعدك يعني بأختيار الدولة المناسبة لو ننطيك فلوس حتة تطلع بيهن شنو الي تريدة بالظبط حبي حتة نكدر انساعدك؟
حبيبي اي معلومات عندك انطينياها لان ماعرف شلون اطلع ولا اعرف شلون ابدي كلشي مااعرف
-
اذا عندك شي ملموس يثبت التهديد راح تمشي معاملة اللجوء خلال شهر واحد ... وبعدين تطبك سرة عالامنية ...
اما اذا كلش كلش تعبان الوضع وعندك المقدرة انصحك تنقل لاحدى دول الجوار وعلى مهلك تمشي بقضية اللجوء ...
واي شي اللاخ احنه حاضرين اعتبرنه اخوتك ...
تحياتي ...
-
اما عن طريقة التقديم اللي اعرفه بالنسبة اليه عن طريق فرع منظمة IOM بغداد
تدز رسالة على الايميل مالتهم ic@iom.int
وهمه يدزولك شنو المعلومات المطلوبة وانت تسوي سكنر لاي شي عندك يثبت تهديدك او شنو الداعي من اللجوء ومن هالشغلات اللي همه طالبيهه وتنتظر يسوولك كيس ورقم للكيس ومثل ما كتلك اذا شغلتك كلش خطرة يمشولك المقابلات والمعاملات بشهر واحد بس الامنية انت وحظك ...
اما باقي الدول ف الصراحة ما اعرف شنو طريقة التقديم بيهه ...
تحياتي...
-
والله يا اخوية ماعندي شي يثبت التهديد زين اكدر اطلع تهريب اكو احد عندة احد يعرف بهاي الشغلة سمعت اكو تهريب اكو هيج شي؟
واشكرك اني انشالله يحفضك ويحفضلك الاهل
-
اني لو اعرف احد من جماعه التهريب وبشرط يكون مضمون جان سويتله دعاية
لان اني هم شغلتي كلش واكفة بس شسوي حالي من حال البقية واكول الله كريم ...
وان شاء الله جماعه المنتدى من اللي يعرفون وعدهم الخبرة الاكثر يجاوبوك الجواب الزين ...
ويا ربي يفرجهه عليك وعلينا اجمعين ...
تحياتي ...
-
اخوية مو مال اطلع لعمان اما بالنسبة للفلوس فة الحمدالله عندي امكانية ادفع واطلع من العراق
واذا مصير زحمة اذا اريد احجي وياك على الخاص شلون؟
-
اخوية مو مال اطلع لعمان اما بالنسبة للفلوس فة الحمدالله عندي امكانية ادفع واطلع من العراق
واذا مصير زحمة اذا اريد احجي وياك على الخاص شلون؟
طلع شنغن ب 12 الف دولار و اطلع
-
شلون اطلع شنغن؟
-
شلون اطلع شنغن؟
افتر على مكاتب السياحه بالسعدون
-
مشكور حبي
-
اذا مستعجل شوفلك فيزا شنكن روح للسعدون اسأل بمكاتب السفر على كيفك وشوف واحد عالضمان يعني اكو ضمانات بالمبلغ لان المبلغ مو قليل واهم شي الفيزا الشنكن تكون بدون بصمة بالسفارة يعني انت متروح للسفارة وتبصم وتاخذ الفيزا لا هو ابو المكتب يجيبها للفيزا بدون متروح انت
والخيار الثاني اذا ممستعجل اطلع لدولة مجاورة وقدم على اليو أن والله كريم وان شاء الله خير
-
مشكور اخوية يعني الشنكن زينة هاي؟
-
اذا مستعجل شوفلك فيزا شنكن روح للسعدون اسأل بمكاتب السفر على كيفك وشوف واحد عالضمان يعني اكو ضمانات بالمبلغ لان المبلغ مو قليل واهم شي الفيزا الشنكن تكون بدون بصمة بالسفارة يعني انت متروح للسفارة وتبصم وتاخذ الفيزا لا هو ابو المكتب يجيبها للفيزا بدون متروح انت
والخيار الثاني اذا ممستعجل اطلع لدولة مجاورة وقدم على اليو أن والله كريم وان شاء الله خير
ايكــــل سبقتني عاشت ايدك
اخي العزيز مثل ما اتفضل الاخ ايكل مالك غير هذني الحلين
وما انصحك بلتهريب لانه خطر ولخطوط اغلبهن انضربهن مو مثل
قبل بل 2005 و 2006 جان هذا اسهل خيار
تحياتي
-
الاخ عراقي للموت السلام عليكم
انا عمك واكبر منك بالعمر كلش هواية وانا متأكد من كلش هواية ، ومار بتجارب ومثل ما نكول شايف وعايف لو متكسرة كحوف الدنيا براسي واسمع نصيحتي وخليها على بالك.
درب القجغ والتهريب عوفة ودرب العدل خلي عيونك تشوفة
بالتهريب والمهربين راح تروح فلوسك يا صابر ومصيرك تلكة روحك بالفلوجة
اذا عندك فلوس شوف مكتب ثقة وابن اوادم وحصل على فيزة شنكن وسافر بحيل صدر ويكولون الفيزة بين 12 - 15 الف دولار واطلع الى اوربا وروح الى بلجيكا او فلندا واطلب لجوء واذا كنت مسيحي او صابئي او يزيدي عندك المانيا .
اذا مشتغل ويا الامريكان تكدر تقدم IOM من بغداد.
واذا ما مشتغل وياهم تروح الى عمان وتقدم لجوء للـ UN وانشاء الله لامريكا بس يكون عندك قصة شوية قوية ومرتبة وخاصة اذا عندك اخ او اب مشتغل وياهم وفلوس الفيزة تكدر اذا انت وحدك تعيش بيهم سنتين بعمان وانشاء الله كبل هل وكت انت مسافر .
هاي انا اشرحت كل الطرق السائدة على الساحة الان والطوبة صارت عندك اختار وشوت وما عندي اكثر من هذا .
اذا اجيت الى عمان اسألني على صفحات المنتدى اجاوبك ويمكن افيدك بالمعلومات اللي عندي انا والاخوان الموجودين هنا ومحد راح يقصر وياك. هذا كل الموجود.
تمنياتي لك بالتوفيق وانشاء الله الشوت مالك مضبوط مو يطلع أوت ويروح الخيط والعصفور
عمك
ابو هنودة
عمان
-
مشكور عمي ابو هندوة مااقصرت وكفوا منك
اني مااشتغل وية الامريكان او احد من اهلي يشتغل وياهم بس ردت اسأل على الفيزا الشنكن لمن اوصل لدولة اوربية ياهي احسن دولة هسة تنطيني لجوء
ومشكور
-
اخوية الله ايسهل امرك ومثل مكال ابو هنودة
واسمك كلش عجبني للموت عراقي اخوية
-
اشكرج اختي
بس محد كالي اذا حصلت الشنكن ليا دولة اطلع حتة ينطوني لجوء؟
-
اشكرج اختي
بس محد كالي اذا حصلت الشنكن ليا دولة اطلع حتة ينطوني لجوء؟
مو احنا كلنا ما عندنا شي انكولة اقرا اللي كتبتة وكلت اخذ الشنكن وروح الى بلجيكا او فلندا واذا من الاقليات المذكورة المانيا ترجع تسألنا وين اروح ماكو غير هذولة بالوقت الحاضر ، هاي اول شوت طلع اوت واخذت كارت اصفر .
تحياتي
-
مشكور عمي ابو هنودة بس شبسرعة نطيتني كارت اصفر غير اكو قبلة تحذير
-
مشكور اخوية يعني الشنكن زينة هاي؟
اي اخويه غير هيه فيزا تطلع بيها لاوربا من بغداد وبالطيارة هم ومتطول هواية يعني فد شهرين على الاكثر مستلم الفيزا اذا واحد ثقة ومضبوط ومن تحصلها تروح لو لبلجيكا لو فلنده احسن شي باللجوء هسه بأوربا والمانيا بس للاقليات
-
مشكور حبي Eagle eyes
-
اخويه الخبره كلولك كلشي واحب انطيك فد سالفه بعد ما اطلع الفيزا الشنكن اذا تتحمل البرد روح لفلندا واذا ماتتحمل روح لبلجيكا وبالتوفيق وبالمناسبة اكو مكتب اسمه راح من بالي بشارع السعدون مقابل البانزين خانه روحله عنده شي على بولندا رسمي يعني شغل رسميه اقامه لمدرة سنه ب 12 الف وتجدد الاقامه 1200 دولار سنويا بس مقيم رسمي ;)
-
مشكور حبي بس اني اريد اطلب لجوء
-
اسف اخويه ما رديت عليك لان جنت محظور مدري ليش ???
المهم اخويه سوي الي كلولك عليه الاخوه روح الصبح لشارع السعدون واسال ودور اكثر من محل واكد على عدم وجود تبصيم اكرر عدم وجود تبصيم ومثل ماكالو اكو من 12 الف واكو 13 الف وحتى 15 واذا عندك علاقات بالسفارة الايطالية الي مقرها بالوزيرية تطلعلك فيزه ب 8000
هاي بعد انت وشطارتك الدول الي تقبل بلجيكا وفلندا وبالتوفيق
-
مشكور حبي مؤيد مقصرت ورحمة الله والديك
-
عراقي الموت اذا انت للموت عراقي ليش اتريد تفلت ههههههههه طبعا انا اشاقة وياك اخي اذا انت وحدك ومتمكن تستطيع ان تاخذ فيزا شنكل انا اعرف شخص مصمون ولا تعطي الفلوس الى ان تصل وهو يا اخذك بيده الى ايطالية وبعدين تسلم المبلغ علما ان السعر 12 الف دولار
-
حبيبي pas دزيتلك رسالة وشكرا على المجاملة الحلوة
-
والله يا اخوية انصحك تطلع لفنلندا ... ولعدة اسباب منها :
1- الضمان الصحي قوي جداً ومدى الحياة .
2- اللغة واحدة ( الفنلندية ) والإنكليزية مستخدمة في جميع أنحاء الجمهورية .
3- تعتبر من البدان المتطورة على مستوى اوربا في المجال الطبي والإنساني .
4- اهلها مسالمين وفيها أكبر المساجد في اوربا .
آني بصراحة نشلع كلبي من اليو ان وسوالفهم وثبتلي إنه المسألة حظ لا اكثر وبصراحة بديت افكر بالشنكن بس العين بصيرة واليد قصيرة ... فياريت اخوية إذا الله سهلك وطلعت تنطينة خبر حتى نستفاد من تجربتك ...
أتمنالك الموفقية ولكل أعضاء المنتدى
-
شكرا حبيبي على المعلومات وانشالله خير