ankawa
منتدى الهجرة واللجوء => الهجرة و واللاجئين => الموضوع حرر بواسطة: كرديه في 11:31 09/10/2011
-
مساء الخير جميعا,,,,,,,,
شباب شياب اصدقاءنا وصديقاتنا
شباب اريد مشورتكم المستعجله اني اتصلت بل iom عمان وطلبت منهم اغير ولايتي اني جنت مقدمه على ولايه سياتل ولسبب من الاسباب كفيلي تخلى عن كفالتي وصراحه استنجدت بل الاخوة الخيرين
واجتني كفاله من كالفورنيا او كفيل من مكسيك شنو تنصحوني اهل كلفورنيا واهل المكسيك ياهو اختار الاحسن الي علما احنا عائله مكونه من اربعه اشخاص والدي عمر 65 سنه او والتي تقريبا بل 50 عمرها واخويه عمرة 20 سنه واني عمري 29 سنه لان اني بل ولايتين ماعرف احد غير الله ياريت اتجاوبوني لان iom تريد مني عنوان الكفيل ارسله ايميل بسرعه .....
دخيله على الله وعليكم
وممنونه منكم جميعااااااااااااااااااااااااااا
-
مرحبه اخت كرديه اعتقد كالفورنيا افضل
بس مسامع اكو المكسيك لئن هاي دوله
غير امريكى يمكن مدينه مكسيكو اتقصدين
اخوكم عماربغدادي
-
تم التعديل
اخ عمار وممنونه على رأأأأأأأأأأأأأأأيك
-
بصراحه اختي كرديه اني سامع يعني كلفورنيا لاعمار الوالد وللوالده جدا ممتاز وبيها امتيازات بنسبه لتقاعد وبنسبه الكم همين يعني الج ولاخوج وتحياتي الكم وبتوفيق ان شاء الله
-
الاخت كردية
موضوع تغيير الكفيل والولاية حسب ماعرف راح يأخر الملف 3 اشهر بسبب السوال عن الكفيل الجديد ..... الخ, اما اهل الولاية مو كل اصابعج سوه بس حسب علمي من اهلي كاليفورنيا افضل من المكسيك , اما موضوع الكفيل فاني لي وجهة نظر خاصة ان يكون الكفيل شكلي فقط يعني يكول للمنظمة انه هو يستقبلكم من المطار بس متكعدون يمه والجيد هنا انه المنظمة راح تلكيلكم بيت قريب عليه والايجار والمواصلات و....... الخ تكون برقبه المنظمة وهاي اشوفه احسن واني هيج سويت , تمنياتي لكي بالموفقية اختي.
ابو نورا ---- سوريا
-
عزيزتي الكردية
الله يكون بعونج.
اني اقترح بأنه الولاية مهمة بالنسبة الكم, او طبعاً الكفيل ما يلعب دور اجبير بس, حاولي ان اتشوفين اي كفيل يناسبك او هذا الاختيار يجي بالمرتبة الثانية او اتوكلي على الله, او الله يكون بوعنج.
انشاء الله تفرج عليكم او اتسافرون قريباً
تحياتي
جوسي البغدادي
-
الاخت العزيزة كردية السلام عليكم
اشو صار فترة زعلانة علينة بس ترة احنا ما نزعل عليج .
حسب معلوماتي كاليفورنيا من الولايات الجيدة جدا ً صحيح تعتبر من الولايات اللي شوية غالية ولكنها من الولايات الغنية ومنظماتها قوية والامتيازات التي تقدمها هذه المنظمات جيدة وبالنسبة للوالد الله ينطي الصحة وطول العمر ياخذ تقاعد واذا كان يشكو من اي مرض فالوالدة هم يطلعلها راتب لأنها مسؤلة عن رعايته. بالنسبة انت واخوج فالحياة امامكم صحيح راح تبدأون من الصفر ولكن ( على قدر اهل العزم تأتي العزائم ) وانتوا شباب وترسمون طريقكم.
جو كاليفورنيا يميل الى الحرارة وجميل جدا ً فلا ثلوج ولا برد قارص .
اتمنى لكم التوفيق وانشاء الله السفر القريب.
عمك
ابو هنودة
عمان
-
جوسي الغالي ممنونه الك ياغالي
وعزيزي ابو هنودة ميبعدني عنكم غير الشديد القوي الله يعلم
كلش اشكرك على نصيحتك الي والله اني واهلي احتارينا ومنعرف شنو نسوي لهذا حبيت استنجد باصدقائي الله ايخليكم جميعاااااا
-
كاليفورنيا طبعاً
ولاية مشهوره وزينه لكن شويه غاليه
طبعاً بالمقابل الرواتب تكون مناسبه للغله الي بيها
فه مراح تحسين بفرق
موضوع الكفيل انتي بلغيهم انو هوه بعد ميريد يتكفلنه وكال حتى لو تكفلتكم مراح اكون وياكم باي شي
وهذا عنوان الكفيل الثاني
وان شاء الله يحولون عليه
-
الاخت العزيزة كردية السلام عليكم
اشو صار فترة زعلانة علينة بس ترة احنا ما نزعل عليج .
حسب معلوماتي كاليفورنيا من الولايات الجيدة جدا ً صحيح تعتبر من الولايات اللي شوية غالية ولكنها من الولايات الغنية ومنظماتها قوية والامتيازات التي تقدمها هذه المنظمات جيدة وبالنسبة للوالد الله ينطي الصحة وطول العمر ياخذ تقاعد واذا كان يشكو من اي مرض فالوالدة هم يطلعلها راتب لأنها مسؤلة عن رعايته. بالنسبة انت واخوج فالحياة امامكم صحيح راح تبدأون من الصفر ولكن ( على قدر اهل العزم تأتي العزائم ) وانتوا شباب وترسمون طريقكم.
جو كاليفورنيا يميل الى الحرارة وجميل جدا ً فلا ثلوج ولا برد قارص .
اتمنى لكم التوفيق وانشاء الله السفر القريب.
عمك
ابو هنودة
عمان[/hb][/font][/size]
كلام ابو هنودة عين الصواب فتوكلي على الله فهو نعم المولى ونعم الوكيل
تحياتي
ام عمار
-
ان شاء الله ممنونه منك ياربي