ankawa
منتدى الهجرة واللجوء => الهجرة و واللاجئين => الموضوع حرر بواسطة: الوطن البديل في 15:23 10/10/2011
-
السلام عليكم إخواني الأعزاء
أني مسجل من 2007 باليو ان بالأردن وملفي وية والدي ووالدتي ولحد ال 2010 جانت نايمة عليه طابوكة بس بشهر 3 بال2010 اتصلوا بينا قسم التوطين وقابلونا مقابلتين وكالوا خلص أنتو خلال اشهر أطلعون لأمريكا بس لحد،، وطبعا أني قبلها 100 مرة ردت افصل الكيس عن اهلي ميقبلون لان ماكو سبب مقنع بالنسبة الهم لفصل الملف،، وطبعا بعد المقابلتين رجعت نامت الطابوكة على الملف ، بس البارحة اجتني مكالمه غريبة من المفوضية يطالبوني بيها بفصل الملف عن اهلي لاسباب خاصة بيهم ميكدرون ايكلولي عليها وطبعا راح يدرسون ملفي بعد الفصل لتقيمه ويشوفون طلبي للجوء ورحت اليوم وفصلت الملف وطبعا طلعت وحدة لحد باب المفوضية تستقبلني وادخلني جوة ..
هسة أني سؤالي هل هذا الوضع صاير قبل هالمرة وهل الوضع مالت الكيس يبشر بخير حسب خبرة اهل الخبرة بالمنتدى؟؟؟
داكنه شاكر كل من لديه معلومة تفيدني بالموضوع
أخوكم الوطن البديل
-
أ
أنتة مو ردت تفصل الكيس ؟ هسة أجتك عدلة ;D
محد يعرف الجواب و كلها تخمينات لأن المنظمة هي الوحيدة اللي تبت بالأمر
بس أنتة ليش تريد تفصل الكيس ؟؟؟؟
-
اخي العزيز Deltaforce شكراً لاهتمامك واسف على الخطأ الاملائي
اخي العزيز صحيح الحمد لله اني جنت رايدهة وسبب الفصل انه والدي كان مسؤول بالتصنيع العسكري وكالولي انه مو ممكن ان يعيدون توطيني اذا بقيت بالكيس مالتهم لذلك فصل وهمة باتصالهم اكدوا الحجي لانهم كالولي احنا مراج نكدر انعيد توطينهم بس انت ممكن اعادة توطينك
وتقبل مروري اخوك الوطن البديل
-
والله اخي يوميه نسمع شي جديد وغريب من المنظمة حسب كلام الاخوه بلكي الي ديصير بصالحك والله يوفقك انت وعائلتك وتسافرون باقرب وقت
يرفع للمساعده من اهل الخبرة ???
-
اخي العزيز Deltaforce شكراً لاهتمامك واسف على الخطأ الاملائي
اخي العزيز صحيح الحمد لله اني جنت رايدهة وسبب الفصل انه والدي كان مسؤول بالتصنيع العسكري وكالولي انه مو ممكن ان يعيدون توطيني اذا بقيت بالكيس مالتهم لذلك فصل وهمة باتصالهم اكدوا الحجي لانهم كالولي احنا مراج نكدر انعيد توطينهم بس انت ممكن اعادة توطينك
وتقبل مروري اخوك الوطن البديل
أوكي --- زين هسة شنو مشكلتك , كيسك هسة همة من يمهم فصلوة , ليش أنتة قلق ؟
-
لا حبي Deltaforce اني مو قلق بس يروحون يعلسون الكيس مالتي ولا اشوف امريكا ولا اشوف اي دولة ثانية ما ادري اذا اكو امل بالتوطين لو لا بس انت برأيك اني شسوي هسة؟؟؟؟
يعني انتظر لو اتصل بيهم فد سبوعين لو شسوي؟؟؟!!!
-
شكراً muayed temo على الرد وان شاء الله خير
-
لا حبي Deltaforce اني مو قلق بس يروحون يعلسون الكيس مالتي ولا اشوف امريكا ولا اشوف اي دولة ثانية ما ادري اذا اكو امل بالتوطين لو لا بس انت برأيك اني شسوي هسة؟؟؟؟
يعني انتظر لو اتصل بيهم فد سبوعين لو شسوي؟؟؟!!!
;D ;D ;D ;D ;D ترة أنتة دة تفكر بطريقة مأساوية , فصلو القضية و هاي هية يجوز أنتة حتحصل توطين و أهلك لا فلهاذا السبب فصلو القضية ;D أو أحتمال سبب أخر , و ليش حتى تريد تراسلهم ؟ بخصوص شنو ؟ ;D
أنتظر و فكر أبأيجابية و صير هادئ , خليك بعيد عن السلبية بحياتك و المكتوب تشوفة و هاي هية ;D
-
عيزي الوطن البديل
عادة المنظمه لا تطلب تحويل الربط الا بطلب من صاحب الكيس او في حالةالاستفسار المتكرر منك عن ملفك مثلا عندها اذا كان الملف كامل من مقابلات وفحص طبي ودورة وامنيه يطلب منك فك الارتباط مع الاهل لاكمال اجرآت سفرك قبلهم ولا يؤثر هذا الامر مطلقا على ملف الاهل
بالتوفيق انشاء الله
تحياتي
ام عمار
-
شكراً جزيلاً اختي ام عمار
اني بالواقع طلبت منهم الفصل مثل ما شرحت بالبداية بس البارحة لمن سألتها كالت انوا الفصل لاسباب خاصة من المفوضية ومواصلهم طلب الفصل الي اني قدمته
اخي Deltaforce والله اني وياك طريقتي سلبية بالتفكير بس والله بسبب الي شفتة بحياتي وبسبب المعاناة الي طبعاً اغلب العراقيين يعانوها بالخارج بس والله اني مخليها على الله ونعم بالله لان ما ضل عندي غير رب العالمين
-
السلام عليكم اقول الي يعرف او الي عنده معلومه صحيحه يقواله والي مال يعرف يسكت مو تقولوله يعني امنيتك واصله وهو ملفه باليو ان ما شاف الهجره ولا قابل محلفين اشلون واصله امنيته يا اخوان لا تئملون الناس بكلام ماله صحه ولا يشيله العقل اسف على المقاطعه وارجو ان تفهمو قصدي ولكم مني الموفقيعه ولي صاحب الموضوع الموفقيه
-
عفية عليك وآلله حازم ;D
-
شكراً جزيلاً لكم اخواني gooldfoot و ابوعبدالله على الاجابة
والله كلامك صحيح اخي gooldfoot اني بعدني باليوان شلون امنيتي كملت ههههههه
بس ان شاء الله خير وما عدنا غير رب العالمين الي ندعي ان يوفقنا ويفرجها علينا
وتحياتي للجميع
-
طبعا اخي الكريم
ملفك بعده بال un وماعابر المفوضية ولا عندك كيس نمبر ولا مقابل محلفين .......
على الاكثر مثل ماتفضلوا الاخوان ...ملفك كان نايم بسبب ان والدك مسؤول بالتصنيع العسكري
وان شاء الله خلال ايام يتصلون بيك جماعة iom . وينطوك كيس نمبر وحدك
بالتوفيق
-
السلام عليكم اخويه الوطن البديل
انته لمن سجلتوا بالو ان كم كان عمرك وهسه كم عمرك علمود اقدر اجاوبك ومنو صاحب القضيه صاحب الملف والدك واني اجوابك ان شاء الله جواب شافي
اني كنت في الاردن 8 سنين واعرف كل دروبهم والحمد لله طلعت من الاردن قبل سنه ونص
-
اخوية اذا انت ابوك وامك كبار بالعمر شغلتهم تتاخر فاذا تاخر انت راح تتاخر وياهم فهمة حتى يسهلون شغلتك فصلوك عنهم لان الصراحة امريكا وحتى باقي الدول متريد ناس كبار بالعمر يكلك ذولة ناخذهم نصرف عليهم ميفيدونة بشي بس نصرف على علاجهم وعيشتهم لان ميكدرون يشتغلون ويفيدون البلد الي عايشين بي
-
اخوية اذا انت ابوك وامك كبار بالعمر شغلتهم تتاخر فاذا تاخر انت راح تتاخر وياهم فهمة حتى يسهلون شغلتك فصلوك عنهم لان الصراحة امريكا وحتى باقي الدول متريد ناس كبار بالعمر يكلك ذولة ناخذهم نصرف عليهم ميفيدونة بشي بس نصرف على علاجهم وعيشتهم لان ميكدرون يشتغلون ويفيدون البلد الي عايشين بي
أختي : هذا الحجي من يمج لو أكو فد شي رسمي بخصوص هذا الموضوع ؟