ankawa
منتدى الهجرة واللجوء => الهجرة و واللاجئين => الموضوع حرر بواسطة: عازفة الصمت في 16:03 14/10/2011
-
عندي شخض اعرفة بي مرض نفسي (شيزوفرينيا ) و يدرون الاي او ام يهذا الشي
هل من الممكن ان يرفضو لهذا السبب لو شي عادي مجرد ان يعالجو و هناك يوفرولة دوة
رجاءا جاوبوني؟
-
اختي عازفة الصمت انت شخصتي حالة الشخص ولا ادري ان كان هذا المرض يضر بمعاملته او لا واغلب الظن لا يضر فهذه حالة مرضية.
في مقابلة المحلفين التقيت بسيدة كبيرة في السن عراقية وتحمل الجنسية الامريكية وقد احضرت ابنها من العراق الى الاردن واكملت معاملة التقديم له . ابنها كان من ذوي الاحتياجات الخاصة المصطلح الدارج ( تخلف عقلي) وكان عمره فوق الثلاثين تقريبا ، القصد من الكلام ان والدته كانت ترافقه في كل المقابلات والملف بأسمه وحده وقضيته اخذت بعين الاعتبار .
وفي كل الاحوال ننتظر آراء الاخوة ذوي المعرفة .
اختك/ ام الهنا
-
ما يأثر سلبيا حبيبي.
همه راح يذكرون هذا الشي بملفه و اول ما توصل اهناك راح تلكي العنايه المطلوبه.
هذا عن لسان موظف الي يقابل بالمنظمه لاحدى الحالات الي جانت ويايه بيوم المقابله
تحياتي
-
بالتأكيد ما يأثر...بس لازم ينذكر علمود يتوفرله الترتيب والمساعده الطبيه اللازمه اثناء السفر وبعد الوصول.
-
آلله يشافي مريضكم وإن شاءآلله ميأثر على الكيس مالتكم وإن شاءآلله السفر القريب و الأمن للجميع بأذن آلله تعالى
-
عزيزتي عازفة الصمت
بالحقيقة هذي شغلة مو سهلة, هذا المرض الذي اشرتي عليه مو سهلة معالجته في العراق, ويفضل ان يعرض على طبيب عراقي, لانه اكيد التفاهم بينه وبين الطبيب العراقي مو مشكلة, ااذا كان في العراق واذا كان في دول المجاورة العربية هم مومشكلة التفاهم ويا الطبيب, او اكيد المعالجة مو سهلة, بس اذا اخذ تقرير من اطباء العرب ومن المستحسن ان يكون التقرير باللغة الانكليزي , راح يساعده اكثر بقضية التوطين او اذا حصل على توطين , يمكن ان يقدم التقارير الطبية للاطباء بالبلد اللي راح يتزطن بيه, او يكدر تكملة علاجه, لانه في موطنه الاصلي يصعب معالجته في الوقت الحاضر , للضروف الصعبة,
او اتمناله الموفقية في عمله والسلام
جوسي البغدادي المانيا
-
اعرف واحد قدم على ال IOM وهو لا يستطيع مفارقة الادويه المهدئه وسافر واحواله الان عال العال .
-
بالعكس همه يساعدون الحالات هاي ويسرع من المعامله اكثر وحتى يحصل الجنسيه اسرع من الكل الله يشافيه
اخي الجنسيه شعليهه دتتسرع؟ جان العراقيين كلهم تجنسوا اسرع من غيرهم لانه كلهم امراض مستعصيه..جسديه ونفسيه على حد سواء. اذا دتحجي على امريكا فماكو هيجي سالفه مع احترامي وتقديري.
-
بالعكس همه يساعدون الحالات هاي ويسرع من المعامله اكثر وحتى يحصل الجنسيه اسرع من الكل الله يشافيه
اخي الجنسيه شعليهه دتتسرع؟ جان العراقيين كلهم تجنسوا اسرع من غيرهم لانه كلهم امراض مستعصيه..جسديه ونفسيه على حد سواء. اذا دتحجي على امريكا فماكو هيجي سالفه مع احترامي وتقديري.
اخي SIVandIOM
الجنسيه تمنح للمتخلف عقليا بوقتها لكن دون الحاجه الى المرور بامتحان
والجنسيه تجيهم بتاريخها للبيت ومتتاخر بمعاملة التقديم مثل الاخرين
اما بالنسبه لاستفسار الاخت عازفة الصمت
فالمرض النفسي ميأدي للرفض اذا مكان اكو مانع اخر
-
عندي شخض اعرفة بي مرض نفسي (شيزوفرينيا ) و يدرون الاي او ام يهذا الشي
هل من الممكن ان يرفضو لهذا السبب لو شي عادي مجرد ان يعالجو و هناك يوفرولة دوة
رجاءا جاوبوني؟
اختي العزيزه سوف اقول لك خطه تعمليها فورا دون تاخير اولا انت في اي بلد عربي ؟ عليك الذهاب الى مشفى خاص باللاجئين ويتم عرض الشخص المريض الله يشفي يارب الى دكتور اختصاص ويتم تحويله الى اشعه دماغ وتحليل دم عند مقابله المنظمه طبعا هم سوف يرسلوا الى دكتور تابع لهم ويتم الكشف عنه يكون دكتور نفسي او عصبي وسوف يتعزز بتقارير صالحه له وسفره باذن الله اذات مكتوب له مئه في مئه وبالعكس مثلما اشاروا الاخوه انفا هذه الحالات المرغوبه فيها فعندما ياتي الى بلد التوطين سوف يعطى له راتب تقاعدي وبيت هوسنك وعلاج واشياء اخرى وحصوله على الاوراق الرسميه بسهوله وحترام وتقدير واي سؤال او شي اني في خدمه تقبلي مروري
-
;D هي ظروف العراق خلت واحد بينا عاقل
-
لا عيني ميضر اني اعرف وحده شخصيا بيها شيزوفرينيا و ماشاء الله سافرت متائثر علمعاملة
-
لايؤثر مطلقا بس لازم كل تقاريرة الطبية تتسلم حتى التاريخ الطبي مالته ينقل وياه لأمريكا
-
اشكر الجميع على الرد
و اني صدك انطيتوني امل
و اني من العراق
بس للعلم ان هو المريض دزو على طبيب خاص بيهم بس هو ميدري بروحة مريض ينكر هذا الشي
بس هم دزو للطبيب و كالو علمود يشخصون حالتة و كالو هذا مياثر على شي انما مجرد علمود يوفرولة العناية الازمة هناك
-
نعم همة يدزوه على طبيب عراقي خاص ومنو كال هو فعلا مريض ماشاء الله أطباءنا اشلونهم وخاصة الأطباء النفسيين، هذا التقرير راح يجي وياه لأمريكا وراح تتابع حالته هنا يعني بالنتيجة هي في مصلحتة لآن راح يمشون على فحوص ونتائج امريكا ويمكن فعلا يطلع مابيه شي.
-
اذا عرفو الاي او ام ان هذا الشخص ابو ( الشيزوفرينيا ) كان قبل سنة بي شوية عدوان يعني ضرب شخص ما مرة او اكثر و هم كام يشمر حجار يخوف بي المقابل و يتفل و كل هذا قبل سنة من هسة بس وراهة صار زين من العلاج هل يعتبرون ان هو عنيف على الرغم ان هو هسة زينة حالتة و يرفضون الكيس مالتة
لو يعتبر هذا شي طبيعي بالنسبة اللي عندة هذا المرض يعني المهم ان هو هسة حالتة زينة و مستقرة
و هذي الاعراض كلهة اختفت مع العلاج
حبابين بس جاوبوني و انطوني امل لانه هسة اني حالتي زفت
-
لا اختي العزيزة لا يؤثر في قضيته هذا مرض نفسي والتقارير الطبية تؤيد ذلك . والحمد لله ( يشمر حجار ) فقط . دائما نسمع اخبار عن قضايا قتل في الولايات المتحدة مع سبق الاصرار ثم يمتصون غضب الشارع على اساس ان القاتل مختل عقليا .
اختك/ ام الهنا