ankawa
منتدى الهجرة واللجوء => الهجرة و واللاجئين => الموضوع حرر بواسطة: iraqi_pride في 17:04 06/11/2011
-
السلام عليكم ...
جان عندي استفسار و يا ريت اكو احد يساعدني ... اختي جانت بالاردن من 2006 الى 2008 ووراها كالو الوضع تحسن بالعراق و جان عدهم كيس باليو ان بس ما مقابلين ولا مقابلة و سدو الكيس مالتهم و رجعو للعراق و جان عليهم كومة تجاوز و ما دفعو الفلوس و صار عليهم منع 5 سنين بس ال5 سنين ما خلصت بعده .
هسة الوضع ديسوؤ بالعراق كلش و ديكولون الاي او ام راح تنسد و التقديم حينسد و هالسوالف و همة يريدون يرجعون للاردن .. شنو الطريق الي يكدرون يسووه و اكو معامة مال دفع التجاوز قبل ال5 سنين ؟ و شنو و شلون يبدون بيهة ؟ همة مستعدين يدفعون شكد ما جان بس يشيلون المنع ...
اذا وصلو للاردن يفتحون الكيس القديم مالتهم لو سقط؟ يفتحون جديد؟ لو شيسوون؟ زين نكدر نفتح احنة الكيس مالتهم ؟ و يقابلون بالعراق ؟
اسفة طولت عليكم بس حالتهم بائسة و حايرين و ما نعرف شلون نساعدهم ...
-
خو الفلوس الي يذبوها على المنع , يروحون لتركيا , احسن و اسرع ...
-
العيشة بتركيا غالية و ماكو شغل و ماعدا موضوع اللغة و ماعدهم احد هناك , بينما الاردن همة يعرفوهة و يندلوهة و يكدرون ياجرون بمكان رخيص و ممكن يحصلون شغل
-
المنع صعبة ينشال حتى ورة الخمس سنين ومحامي لو ترهم لو ما ترهم كرايبي عندة منع من 2001 ولي هسه المنع موجود علما انو جان ما عايش بعمان بس اجة ترانزيت من دبي وباكو منة جنطة بيهة 4 عطور غاليةبالمطار تعارك وياهم ودكولة منع و ما رجعو العطور طبعا
-
والله اني اشوف بغض النضر عن الغرامات الي عليكم
لو تروحون لتركيا احسن
لان بالاردن ال iom صايره تاخر بدون معنى
يعني ناس مكمله كلشي ومتسفرهم
والناس متاذايه بشكل مو طبيعي
فه اني انصح روحو لتركيا هناك شويه اسرع
-
خلي يغيرون جوازاتهم واساميهم مو كلها بس احرف منها وتنحل القضية
-
تركيا افضل من عمان والله ناس كلشي متعرف بتركيه عاشو وطلعو واحنا بعدنه انغني احا يمه احا
نصيحه تركيا
-
لا طبعا ما يفيد لان همة عدهم بصمة العين و عدهم الاسماء ما يفيد يغيرون الجوازات
-
أختي العزيزة .... الأفضل يروحون لتركيا و مناك يقدمون
بالموفقية
-
أختي العزيزة
بصراحة اني مع رأي الاخوة في الذهاب الى تركيا افضل على رغم غلاء المعيشة لكن قصر الوقت يعوض طول الفترة وللعلم يوجد اماكن في تركيا الايجار بسعر عمان كان لية صديق يكول جنت مأجر غرفتين مع خدمات بسعر 300 دولار فقط للشهر يعني حتى ارخص من عمان اما عامل اللغة فما اعتبر هناك اهمية لذلك لان التعامل هو فقط مع الدائرة ويوجد مترجمين والباقي ايجار ومصروفات يومية .
-
شكرا الكم عالردود و عالرأي بس هي عدهة اطفال بالمدارس و اللغة مهمة الهم
-
اختي العزيزه خل ايطلعون لبنان هم اموره زينه ولغه وبيه مناطق رخيصه
-
تركيا افضل من عمان والله ناس كلشي متعرف بتركيه عاشو وطلعو واحنا بعدنه انغني احا يمه احا
نصيحه تركيا
كلامك مضبوط
واحا يمه احا
-
تحياتي لك صاحب الموضوع
الاردن اصبح اسوء مكان للتقديم للجوء بسبب تاخير المعاملات ب الاي او ام يعني حتى لو واحد مكمل كلشي يمكن يضل ينتظر سنتين واكثر
-
رفع المنع جدا صعب حتى بعد تجاوز المدة المطلوبة وخاصة الاردن هسه لو سوريا او لبنان بيها مجال بس الاردن صعب اولا لازم كلهم يسوون وكالة مصدقة لفد محامي شاطر يكون بالاردن وهو يشتغللهم بيها بس اعتقد يحتاجون كفيل اردني ايضا .
ياعيني اذا يجمعون فلوس المحامي وفلوس الغرامات راح تمشيهم هالفلوس اقل شي فد ستة اشهر بتركيا اذا مو اكثر خلي يتوكلون على الله ويقدمون بتركيا ,,, بس اذا يفكرون باللغة والشغل ومدارس الاطفال خلي يروحون لبنان أنسب شي الهم .
-
UP