ankawa
منتدى الهجرة واللجوء => الهجرة و واللاجئين => الموضوع حرر بواسطة: ماليزيا في 19:37 10/11/2011
-
السلام عليكم ممكن اعرف اذا اكو احد مقدم من ماليزيا siv او iom وشكد تطول شغله الاس اي في يعني الى ان يجي الcom وشغله الاي ام ام ليش كلش طويله صارنه 3 سنوات وشكرا جزيلا
-
ماكو احد من ماليزيا
-
كان الاخ ابو الحسن من ماليزيا مقدم
والاخت مظلومة سوادي ... بس وينهم اعتقد تلكاهم بمنتدى بيت اهلنا
مع تحياتي
-
شكلها بس اني مقدم من ماليزيا اويلي حفره مو ماليزيا
-
عمي الله يساعدهم اغاتي
انه ابو الحسن
كنت في ماليزيا
اغاتي خصم الكلام علمود لاتظل دايخ
اذا ما مشتغل ويا الامريكان ؟؟فدرب الامم في ماليزيا مسدود وما انصحك تظل تنتظر بلا نهاية
واذا كنت مشتغل ويا الامريكان
اي او ام
اس اي في
تظول سنتين في ماليزيا
ورحمة الله واسعة وانه حاضر بالخدمة
ابو الحسن
-
ينطيك الصحه والعافيه عمي صار لي 3 سنوات عدت فحص طبي 3 مرات وهسه يكولون لازم اعيد فحص امني وسمعت من ناس مسافرين الشهر الفات شلون ماعرف اني مقدم من 2009 وهسه ماعرف شسوي وين انطي وجهي وماكدر ارجع للعراق وعندي جهال 2 ويوميه نراسل وماكو نتيجه يخابرون وعلى الشحن زين هاي الناس شلون تطلع, اشكرك جزيل الشكر ويوفقك الله
-
مقدم اي او ام
-
اغاتي
مادام مقدم اي او ام
فبعون الله اكون نهاية للنفق المظلم
ما انصحك تطلع من ماليزيا مادام معاملتك ماشية
مالك غير الصبر والدعاء
وكل شي يصير BOLEH ان شاء الله
ربي يسهل امرك بحق محمد وال بيت مجمد
ابو الحسن
-
تسلم عمي ويوفقك ربي انت وين هسه طلعتو من ماليزيا مرتاح ان شاء الله زين اكو طريقه اراسلهم احط محامي لان اكو ناس تطلع اي او ام واني بس ياجلون بيه
-
اغاتي لا محامي ولا اي درب
صبر + دعاء
انه طولت معاملتنا 5 سنوات وشوية
وربك سهل وطلعنا لامريكا
اصبر عمي
وكل عشرين يوم جقهم يايميل
وربك يسهل
ابو الحسن
-
السلام عليكم اخي اذا تكدر تنقل ملفك الى الاردن او تركيا اتصور اكو نهاية للنفق المضلم الي انت بي تحياتي
-
اشكركم اخواني بس ماكدر انقل الفايل لان خابرت تركيا وكالو يصير فايل جديد ونصبر والله كريم واشكرك ابو الحسن الله يوفقك ويسهل امرك
-
السلام عليكم
الله يكون بعونك و بعونه اني هم هنا بالحفرة هاي والله يخلصنا منها ... اني صارلي سنه وشوية انتظر الفرج من الله بس كل ما انروح يكولون نفس الحجي ... انتظر, عيد الفحص, دز ايميل, واحنه انخابرك .... والله كمت اضوج من اسمع هاي الكلمات باي مكان...
نسأل الله يسهل الامر للجميع و فرجها على كل المقدمين من ماليزيا النفق وغير ماليزيا
-
السلام عليكم اخويه زين اني سمعت اكو ناس تطلع من ماليزيا زين ليش احنه هيجي متاخرين شنو السبب يعني اني من 2009 لحد هسه واعيد وارجع وماكو نتيجه
-
اي مساعدات ماكو اذا مقدم على اي وحده يعني لا يو ان ولا اي او ام ولا اس اي في كلها بلا مساعدات.الله يفرجها على الكل
-
اغاتي انته شجنت تشتغل؟مترجم لو ويه اكي بي ار؟ لو مقاول؟
-
شغلات اداريه بشركه امريكيه
-
الله يسهلك وسهل امرنه ... ان شاء الله
اخوية عندي سؤال بلا زحمة, كلي انت عندك كفيل هناك ؟ و هل الكفيل وقع اوراقك ؟ كبل شكد وقعها ؟
بسم الله الرحمن الرحيم "ولسوف يعطيك ربك فترضى" صدك الله العظيم
-
السلام عليكم اخويه اي وقعها وقبل 3 اشهر خابرو الكفيل وكالو صديقك ماشيه شغلته وقبلنه بعدين خابرونه الاي او ام كالو مقابله محلفين صارت اكسباير وننتظر لحد هسه وماكو شي