ankawa
منتدى الهجرة واللجوء => الهجرة و واللاجئين => الموضوع حرر بواسطة: ام رياض26 في 03:33 11/11/2011
-
اني عضوه جديده وارجو متخيبوني
اني عايشه بامريكا وهسه اني حامل وسويت لامي وقدمتلها مثل مكلت وسويت اللها مثل والدتك زياره وهسه اطوها موعد بل سبعه ونص الصبح
بشارعالكندي سؤالي
هيه ساعه بيش تكون هناك
والعنوان بل ضبط وين بشارع الكندي
وشراح تسوي لان هيه خطيه كلشي متعرف وبحدها
واني كلش اشكر اللي راح يساعدني
-
عن اذن ابو قمر بين ما يجي
اختي ام رياض اهلا وسهلا بجنابكم المحترم
بس الموعد الي نطوه شنو مقابلة لو فحص طبي
اختي المقابلات تكون من ساحة النسور - معسكر الازدهار (بروسبلتي ) والدخول الساعة 8 صباحاً .
اما شارع الكندي - مسافة عن المدخل على جهة اليمين - عيادة ابن البيطار - هي لغرض الفحص الطبي فقط . والساعة 9 صباحا يلا تفتح العيادة ...
تحياتي
-
السلام عليكم ......
اختنه العزيزه ....للدخول الى معسكر الازدهار...؟ بس توصل الى ساحة النسور وتنظر الى قصر الازدهار هسه اشوف كله صبات كونكريت يم الصبات واكفين جنود عراقين (( من جهة شارع ساعة بغداد او شارع الدعم لللوجستي)) اتروحين عليهم مباشرتا تساليهم وين صاير باب الدخول للمقابلات .... هسه همه يكلولج تفضلي منا.... ;D على التفتيش وبعدين من راح تدخل راح اشوفين عوائل صايرين سايدين... جماعة الهجرة IOM صارين على سايد و جماعة اللاجئين SIV سايد ثاني (يسموهم جماعة السفاره) انت توكفين ويه جماعة السفاره وبعدين توكف بالانتظار الى حين الدخول الى مكان قاعة الانتظار..... ;)
للعلم تره الطريق ما اتيــــــــــــــــــــــــــــــــــــــه والناس الطيبه موجودين فلا يضل بالج عليه
تحياتي الى جميع الردود...... ;)
-
اشكركم بس اني سويتلها طلب فيزا سياحه
واطوني موعد وهذا اول موعد شنو لازم اول شي تسوي فحص
لو بعدين لو ميحتاج ارجوكم جاوبوني
هيه متريد تبقه بامريكا مجرد تجي يمي 3 اشهر وترجع
عفيه جاوبوني
-
اختي العزيزة ... اولا اشكر اخوية الناسك واخونا جاسم على الاجابة والوصف الدقيق ..
اختي انت والدتك متحتاج اي فحوصات طبية فموضوع الفحوصات مو لقضيتك فلا يصير عندك التباس بالموضوع .. الوالدة الله يسلمها تكون الساعة سبعة بالباب مال معسكر الازدهار وياها ورقة التاكيد الي بيها الكود والموعد مال المقابلة تراويها للحرس وهما راح يطببوها جوه للتفتيش وللكرفان الساعة بالثمانية تقريبا يجي الباص الي ياخذها للسفارة ..
وهذا العنوان والوصف الي اتفضل بيه اخونا جاسم الوردة :
بس توصل الى ساحة النسور وتنظر الى قصر الازدهار هسه اشوف كله صبات كونكريت يم الصبات واكفين جنود عراقين (( من جهة شارع ساعة بغداد او شارع الدعم لللوجستي)) اتروحين عليهم مباشرتا تساليهم وين صاير باب الدخول للمقابلات ..
تحياتي وامي حاضر لاي استفسار ...
تحياتي
أبو قمر
-
كلش اشكرك ابو قمر والله يسهل كل امورك ياربي