ankawa
منتدى الهجرة واللجوء => الهجرة و واللاجئين => الموضوع حرر بواسطة: ام مهند في 20:37 13/11/2011
-
السلام عليكم وتحية طيبه للجميع
والله مشتاقتلكم كلكم والله ومشتاقة للمنتدى بكل اعضائة وادارته وشسوي يعني البيبي ماخذ وقتي كوله عموما
موضوعي هو خلي نكول بعد 3 سنوات احنه ننتظر حافنه الحظ وقابلنه محلف ووصلنه امريكا وحصلت كم فلس من ابوي واخواني وابو مهند هم يدبرله كم فلس يعني خلي نكول اخنه ويانه 5 مليون عراقي من مساعدات الاهل والاقارب الى اخره يعني 4000 دولار وبعدين شلون الاكل خلي نكول الفود ستامب والولكم مني خلي نكول يكفي ايجار بيت 4 اشهر او 6 اشهر والتامين الصحي 8 اشهر وما حالفنه الحظ وحصلنه شغل وفلوسنه بدت تخلص سؤالي هو
الفود ستامب للاكل ومستلزمات الاطفال من ملابس وحفاظات للبيبي وغيرهه من المستلزمات شلون تدبر
ثاني شي خلي نكول بدت فلوسنه تخلص لان محصلنه شغل بهيوستن او ما كفه راتب الشغل مال ابو مهند لان اني ام لطفله صغيره يعني بالنسبه الي ما اكدر اشتغل متكولولي شلون يعني يشمرونه بالشارع لو شلون الله يخليكم اصحاب الخبره والتجارب يشاركون ويفيدون الجميع طبعا المثل الي ضربته شي عام اريد اسمع تجارب ونصائح واقعية وتفيدنه
انتظر كرمكم بالاجابة والمشاركة
اختكم ام مهند
-
انشاء الله ميصير هل الشي لين اعتقد ان انتم تستلمون فلوس الولفر مو هيجي والي تستمر لمدة اربع سنين او خمسة واذا كنتم عائلة صغيرة تكدرون تاجرون شقة ابو غرفة وحدة بما تتناسب مع الولفر وخلال هذا الوقت تكونون انشاء قد تحسنت اموركم المالية الى نحو افضل من خلال ايجادك للعمل خلال هذه الفترة
-
السلام عليكم ...
عن قصة حصلت فعلا وية ابن عمي اللي هو بنورث داكوتا حاليا ...
عدا انو الجهال لحد عمر الـ18 يمشي وياهم التامين الطبي ودراسة مجانية وللي دخلهم تحت معدل الدخل المتوسط يبقى الفود ستامب وياهم ماشي ...
راح انطيج ملخص اللي صار وية ابن عمي:
ابن عمي طلع بال2010
كعد هناك وحته قبل لا يكمل فترة المساعدات بده يشتغل ويوفر مصاريفه واشتغل بالوولمارت ومشاهه على خير ...
الى ان بيوم من الايام صارت عاصفة ثلجية وانكلبت بي السيارة ...
وبوكتهه الطبيب منعه من الشغل الى ان مشاكل ظهره وجتفه تروح ...
واستغل هاي الفترة وقدم عالدراسة وحاليا مبقالة شي ويكمل الكوميونتي كوليج وان شاء الله راح يكمل بكالوريوس لان من الاوائل على قسمه ...
زين شنو الفايدة من هالقصة كلهه ؟؟؟
انو ماطول هو عنده سبب يمنعه عن الشغل ف المساعدات ماشية هاي اذا مو اكثر من قبل لان حالة صحية + هو طالب !!!
وبالنسبة للي مابيهم شي ويكدرون يشتغلون بس ما لكوا شغل ...
المنظمة راح تبقي الدعم المالي بس بشروط واللي اعرفه بالنسبة لمعرفتي البسيطة طبعا :
1- المنظمة راح تحاول تلكه فرص عمل ولحد ذاك الوكت المساعدات ماشية ... ومرات العمل يكون خيري او تطوعي للمجتمع ...
ويكطعون المساعدات عن اللي تجي فرصة عمل ويكول مو اختصاصي لو ميشتغل الا اذا كان عنده سبب مقنع يخلي ميشتغل ...
2- الطلبة الهم خصومات بالضريبة ومساعدات فدرالية وقروض وتسهيلات
3- مادام الواحد يحاول يلكه شغل اكو مساعدات الى ان يلكه ويوصل الحد الادني من الراتب اللي محددي الى ان يكطعون المساعدات وهمينه بالتدريج مو راسا
اتمنى ان تكون معلوماتي بيهه فائدة للجميع ...
تحياتي ...
-
ممنونه على المعلومات القيمه اخواني الاعزاء
-
السلام عليكم وتحية طيبه للجميع
والله مشتاقتلكم كلكم والله ومشتاقة للمنتدى بكل اعضائة وادارته وشسوي يعني البيبي ماخذ وقتي كوله عموما
موضوعي هو خلي نكول بعد 3 سنوات احنه ننتظر حافنه الحظ وقابلنه محلف ووصلنه امريكا وحصلت كم فلس من ابوي واخواني وابو مهند هم يدبرله كم فلس يعني خلي نكول اخنه ويانه 5 مليون عراقي من مساعدات الاهل والاقارب الى اخره يعني 4000 دولار وبعدين شلون الاكل خلي نكول الفود ستامب والولكم مني خلي نكول يكفي ايجار بيت 4 اشهر او 6 اشهر والتامين الصحي 8 اشهر وما حالفنه الحظ وحصلنه شغل وفلوسنه بدت تخلص سؤالي هو
الفود ستامب للاكل ومستلزمات الاطفال من ملابس وحفاظات للبيبي وغيرهه من المستلزمات شلون تدبر
ثاني شي خلي نكول بدت فلوسنه تخلص لان محصلنه شغل بهيوستن او ما كفه راتب الشغل مال ابو مهند لان اني ام لطفله صغيره متكولولي شلون يعني يشمرونه بالشارع لو شلون الله يخليكم اصحاب الخبره والتجارب يشاركون ويفيدون الجميع طبعا المثل الي ضربته شي عام اريد اسمع تجارب ونصائح واقعية وتفيدنه
انتظر كرمكم بالاجابة والمشاركة
اختكم ام مهند
تفائلو بالخير تجدوه ;) :D ;D ;) :D ;D
-
ام مهند السلام عليكم
امبين اكو مفاجئه جديده بهاي الايام ..
نتمنالج ان تحققين امنياتكم واتوكلي على الله
-
اختى العزيزة ام مهند ارمى حمولك على اللة هو المستعان وربك يفرجها
-
اول شي الف الحمدلله على سلامتج يا غاليه
ثاني شي والله يا حبيبيتي هذا الي دتحجين عنه مثل بطاقة الحظ يا نصيب
شغلة حظ
يعني يا ابيض يا اسود
محد يكدر يتوقع من يعيش هناك شنو راح يكون وضعه
يجوز فوك النخل ويجوز عاوي حتى الخبزه ميحصلها
خلي بس نوصل بسلامه ويحلها الف حلال ان شاء الله الكل يعيشون باحسن وضع
-
ام مهند شلونج
مشتاقين
-
ام مهند
((و في السماء رزقكم و ما توعدون ))
عودة حميدة , حميدة اخت سعيدة
تحياتي
-
ام مهند تفائلي
سمعتي يوم واحد نشمر بالشارع
التأمين الصحي للاطفال لحد ال 18 سنه
وره ال6 او 8 اشهر اكو برامج مساعدات يقدمون عليه العوائل بس مااعرف شروطه وتفاصيله
وانشالله اكو شغل وتلكون صدكيني
-
الاخت العزيزة ام مهند المشكلة الكبيرة اللي يعاني منها العراقيين باميركا هي اختلاف الحياة قلبا وقالبا خصوصا من ناحية العمل والمعيشة والتسوق خصوصا في البداية راح تشوفين فرق شاسع وكبير بالاسعار والنوعية ايضا وتكولين ايباه على رخص اسعار العراق او حتى دول الجوار وهذا الهم يخلص بمجرد حصولكم على برنامج الفود ستامبس وطبعا يحتاج وقت من اسبوعين الى ثلاثة وحسب الولاية اللي راح تعيشون بيها انشاءالله وخلي في بالك انه الويل كم مني مراح تشوفون منه شئ بواسطة موظفي المنظمات التعبانين جدا ومع الاسف اغلبهم عراقيين بس طالعين قبل سنه او اثنين او ثلاثة لانه العايش هواي بامريكا ميقبل بهذا الشغل لانه راتبه قليل اما بالنسبة للطفل اكو هناك منظمات تتكفل باحتياجات الطفل خصوصا للعوائل اللي تمتلك فود ستامبس
واكو شئ مهم بل واهم شئ هنا هي السيارة فالسيارة هنا عبارة عن الايدي والارجل فلا مجال لعدم امتلاك اي شخص سيارة لانه وببساطة بدون سيارة مراح تكدر تشتغل وبدون سيارة مراح تكدر تروح تتسوق لعائلتك او تروح لاي مكان وهي غالية نوعا ما وحسب النوعية والموديل وايضا عدم توفر وسائل النقل العامة بكثرة مثل العراق او دول الجوار وحسب الولاية ايضا هذا جزء من الاختلافات الموجودة بين حياتنا السابقة وحياتنا الحالية في امريكا وللكلام بقية.
اسف للاطالة لكن بقي الكثير الكثير الذي لم اتطرق اليه
اخوكم ياسر
-
ياهلا بأم مهند نورتي المنتدى
هذه الافتراضات يبين اكو وراها شي ههههههه يلا افصحي لنا بالحقيقة هههههه الله يسهل عليكم وفي العراق وامريكا
ترة محد ينشمر بالشارع او يموت جوع بأمريكا لأن ماصار مع اي شخص عراقي هذه الحالة وانتي من هذا الأساس اطمئني بأنكم راح تعيشون عيشة كريمة واما المصاعب والتحديات فأكيد موجودة لأن ماكو شيئ يجي بالسهل وانشاء الله تتعدوها وتستقرون.
_
بس ماكلتي وين خط رحلتكم هههههه لازم تحجيلنة السالفة
تحياتي
-
والله اني اكول رب الي عيشنا بالعراق وبسوريا والاردن وبكل مكان هو موجود في امريكا واكيد خبزتنا سابقتنا لهناك محد يموت من الجوع اختي ام مهند انتي كولي معقوله ربج يتخلى عنا وعن البيبي الي ما اله ذنب فيا اختي سلمي امرج لله واكيد ما رح ينساكم ولا ينسانا حاشا لله هو يقول واذكروني اذكركم انتي خلي اتصالج بالله وصدقيني ما رح ينسانا ويا رب يوفقج بس ما عرفت انتي وين بامريكا لو وين اني اكول هسه خلي نوصل وقبل ما تخلص فلوسنا عود نرجع نعتبرها سفره ربحناها بمسابقه بس كولو يا الله ربي سفرني كولو اميييين
اخوووووووووووووووووووكم النمر الغريب
-
والله اختي ام مهند الله يوفج والعائلة الكريمة .. انصح شوفي غير ولاية تكساس اذا عدكم اطفال .. لان انتي تعرفين طبيعة المساعدات اهنانة لان الولفر ماكو ومساعدات الطلبة ماكو وبيوت الحكومة ماكو مو مثل باقي الولايات تبقى بس المساعدات الظاهرة والعروفة ومن تنتهي 8 اشهر يبدون بتكساس يتنحسون من المساعدات اعني الفود والصحة .. عموما الناس اهنانة ماتموت جوع خاصة المتمكن من اللغة والي عنده عافية ... جيبوا وياكم فلوس السيارة لانها مهمة جدا ... والاهم من هذا يااختي بنهاية السنة راح تستلمون تاكس محترم للشخص الي يشتغل راح بعينكم هواية والتاكس راحم العرافيين
-
الله يسمع منكم يا اخواني المتفائلين بلكي الله
بس المشكله احنه حتى محلف ما مقابلين شلون نسافر ويمتى ما ادري
الله كريم
-
اهلا بيك اخي وسندي وعزيزي ارمي اشتاقتلك العافية يا ربي
-
اختي العزيزه اناساكن هيوستن واحب اكلج
الشغل متوفر الحمد الله وبسهوله بس يراد اول ما تجون تحاولون تحصلون اجازه سوق وتشترون سياره لان الي ماعنده سياره هنا ما يحصل شغل
فنصيحتي الفلوس الي تحصلوها من الاقارب خلال الشهر من اقامتكم هنا اشترو بيها سياره وان شاء الله ربي العالمين يفرجها عليكم
تحياتي اخوكم فالكون
-
هاا مو كتلج راح تحتارين بالحفاظات والمميات ههههههه أختي لاشيلين هم ابداً حسب مااسمعه من صديق في امريكا
هناك مساعدات كثيرة من منظمات خيرية تقدم للاطفال بحيث يكون عندج فائض بالكمية ...وربي يسهل اموركم وتسافرين
وهناك انشالله كلشي سهل ..
-
سبحانه وتعالى لم ينسى النمله التي تواجدت بين صخرتين
فكيف بالبشر
اويلي علينه ياعراقيين مانكدر نبطل قلق وهموم وعدم الثقه بالمستقبل وفرحتنا امدها قصير جدا
شكلها احنا العراقيين مشلوعين قلب وتعبانين وخسرانين الدنيا وبلكي ربنا يقسم لنا الاخره ..اللهم امين
-
شكرا على الردود وعلى النصائح ... بس اكول السياره شلون واحد يشتريهه
غير عنده اجازة سوق الاول لو شلون ؟؟؟
ثاني شي يا سباركي شكولك على القلق وعلى الاويلي مالتك بس اكول لو تعرف ضروفنه وتعرف شصار بينه من تهديدات وتشتت وبهذلة وفراق من ال2006 ولحد هسه جان فهمت ليش اني قلقه والله قبل ال2006 ما عدنه قلق ولا خوف من اي شي مخليهه على الله وكبل بس شنسوي هي ضروف تغير البشر وتخلق شخصيات جديدة ومعقدة
الله كريم
-
هاا مو كتلج راح تحتارين بالحفاظات والمميات ههههههه أختي لاشيلين هم ابداً حسب مااسمعه من صديق في امريكا
هناك مساعدات كثيرة من منظمات خيرية تقدم للاطفال بحيث يكون عندج فائض بالكمية ...وربي يسهل اموركم وتسافرين
وهناك انشالله كلشي سهل ..
للجميع يا رب الله يوفقك ويخليك اخي العزيز
-
والله اني اكول رب الي عيشنا بالعراق وبسوريا والاردن وبكل مكان هو موجود في امريكا واكيد خبزتنا سابقتنا لهناك محد يموت من الجوع اختي ام مهند انتي كولي معقوله ربج يتخلى عنا وعن البيبي الي ما اله ذنب فيا اختي سلمي امرج لله واكيد ما رح ينساكم ولا ينسانا حاشا لله هو يقول واذكروني اذكركم انتي خلي اتصالج بالله وصدقيني ما رح ينسانا ويا رب يوفقج بس ما عرفت انتي وين بامريكا لو وين اني اكول هسه خلي نوصل وقبل ما تخلص فلوسنا عود نرجع نعتبرها سفره ربحناها بمسابقه بس كولو يا الله ربي سفرني كولو اميييين
اخوووووووووووووووووووكم النمر الغريب
امين ونعم بالله واشكر كلماتكم الحلوه وربي يوفقكم
-
اختي ام مهند
قبل ان تسافرون استحصلوا على اجازة سوق دولية ستكون نافذة لمدة سنة تمشون بيها اموركم الى ان الله سبحانه وتعالى يسهل عليكم
-
اختي ام مهند
قبل ان تسافرون استحصلوا على اجازة سوق دولية ستكون نافذة لمدة سنة تمشون بيها اموركم الى ان الله سبحانه وتعالى يسهل عليكم
اخوية امين الاجازة الدولية تمشي بهيوستن ؟؟؟؟؟؟؟؟؟؟؟؟ اني سامع بس كالفورنيا
-
ومنين وشلون نطلع هاي الاجازة ؟؟؟ دلّوني على طريق !!!
شكرا لمروركم الكريم
-
ومنين وشلون نطلع هاي الاجازة ؟؟؟ دلّوني على طريق !!!
شكرا لمروركم الكريم
اختي ام مهند بس خلي يجيكم موعد سفر والباقي كله سهل وعلى العموم هنا بامريكا ماكو اي تعقيدات تخص مسالة اجازة السوق وانت اول وتالي متكدرين تاخذين سيارة اول متوصلين لازم تاخذين فترة ومن تكملين اموركم وي المنظمة راح تكدرين تاخذين اجازة السوق ومن ثم السيارة واني بالنسبة الي وهذا الكلام لكي ولباقي الاخوة والاخوات مستعد لشرح مامريت به خطوة بخطوة وشنو الشئ اللي سويته وشنو الشي اللي تم تأجيله حاليا
اختي لازم تعرفين انه اكثر المنظمات من تعرف بالشخص عنده امكانية شراء سيارة حيقطعون عنه المساعدات وهذا السؤال تم توجيهه لي ولصديق في بنسلفانيا قبل وضعنا على برامج المنظمة وواحنه وصلنا سوية بالشهر العاشر ومن يسالوكم كولوا ماعدنه غير 200 دولار نصيحة مني وضروري تتتلزمين بيها.
اخوكم ياسر من ناشفيل
-
خيتي وتاج راسي ام مهند
الله بعونكم وبعون كل عراقي ونحن منهم....
ونساله تعالى ان يمنحنا واياكم الامن والامان
والصحه اللي مابقى منها ( والشكوى لله ) غير اصحاب الضغط والسكر والمفاصل
والتي توارثناها من ابائنا وامهاتنا واجدادنا وجزاهم الله الف خير
على هذا الورث الثمين
-
ومنين وشلون نطلع هاي الاجازة ؟؟؟ دلّوني على طريق !!!
شكرا لمروركم الكريم
اختي ام مهند بس خلي يجيكم موعد سفر والباقي كله سهل وعلى العموم هنا بامريكا ماكو اي تعقيدات تخص مسالة اجازة السوق وانت اول وتالي متكدرين تاخذين سيارة اول متوصلين لازم تاخذين فترة ومن تكملين اموركم وي المنظمة راح تكدرين تاخذين اجازة السوق ومن ثم السيارة واني بالنسبة الي وهذا الكلام لكي ولباقي الاخوة والاخوات مستعد لشرح مامريت به خطوة بخطوة وشنو الشئ اللي سويته وشنو الشي اللي تم تأجيله حاليا
اختي لازم تعرفين انه اكثر المنظمات من تعرف بالشخص عنده امكانية شراء سيارة حيقطعون عنه المساعدات وهذا السؤال تم توجيهه لي ولصديق في بنسلفانيا قبل وضعنا على برامج المنظمة وواحنه وصلنا سوية بالشهر العاشر ومن يسالوكم كولوا ماعدنه غير 200 دولار نصيحة مني وضروري تتتلزمين بيها.
اخوكم ياسر من ناشفيل
كلام جميل ونصائح طيبة .... تسلم ياسر
-
اي والله سباركي كلامك صحيح والله
-
يا ريت تحجيلنه تجربتك من الالف الى الياء وبالتفاصيل المملة ونكون ممنونين منك
الف الف شكر على النصائح القيمة
-
تفائلوا بالخير تجدوه
اي خلصت الفلوس وخلصت المساعدات وخلص الشغل بس رحمه الله متخلص
اني صارلي سنتين بااميركا وخلصت فلوسي بااول 6 اشهر وبدون ظغوط يعني اني بمزاجي
بعدين شنو الانسان مايمر بضروف موزينة متمر عليه ايام صعبه لو احنه تفكيرنه محصور بالفشل بس من انريد
نجي لاميركا من الانسان يوكع لازم يرجع يكوم مو يضل يباوع فوك الحياة تجارب ربح وخساره يوم الك ويوم عليك
-
تفائلوا بالخير تجدوه
اي خلصت الفلوس وخلصت المساعدات وخلص الشغل بس رحمه الله متخلص
اني صارلي سنتين بااميركا وخلصت فلوسي بااول 6 اشهر وبدون ظغوط يعني اني بمزاجي
بعدين شنو الانسان مايمر بضروف موزينة متمر عليه ايام صعبه لو احنه تفكيرنه محصور بالفشل بس من انريد
نجي لاميركا من الانسان يوكع لازم يرجع يكوم مو يضل يباوع فوك الحياة تجارب ربح وخساره يوم الك ويوم عليك
,ونعم بالله يا ريت تحجيلنه تجربتك ومنو كلك تفكيرنه محصور بالفشل بس اني ام وابو مهند اب من حقنه نكون حريصين على اطفالنه ونحب نعرف الصغيره والجبيره من خلال تجاربكم انتو اهل الخبره اعتبرني فاشله بس يا ريت تعتبرني اختك وتحجيلنه تجربتك وتفيد اخوانك هنا
تحياتي
-
لا العفو اختي اني ردي كان عام وليس حصري يعني مو قصدي الاساءه لا بالعكس انتي من حقج واصلا هذا من ابصط حقوقوج تجربتي موجوده اسفل ردودي واي سؤال اني حاضر
-
شكرا جزيلا اخ ستورم واني فاهمتك والله دعائي الك وللجميع بالتوفيق والنجاح
تحياتي