ankawa
منتدى الهجرة واللجوء => الهجرة و واللاجئين => الموضوع حرر بواسطة: Avatar في 21:54 15/11/2011
-
السلام عليكم يا احلى اعضاء باحلى منتدى
سوال صغير بلا اي زحمة.....اذا اكو فرصة متاحة الى للتقديم على الاس اي في بعد انتظار دام من الشهر السادس 2008 بمسالة اللجوء او الاي او ام وبرنامجهم السخيف USRAP الخابصينة بي وكلشي مشفنة هل تعتقدون انو من الافضل ان اقدم وافضهة للقادسية؟؟؟
صحيح ميزات الاس اي في اكثر بالنسبة للكرين كارد وهلم جرا بس هل يسوة الموضوع مقابلات وفحوصات طبية مرة اخرى...لان والله تعبني موضوع الروحة والجية مال المقابلات والفحوصات الطبية والاكسباير كال والمقابلة حجت ومن تسالهم عل السفر يغلس ويكلك you are still going through our routine security check, we can not anticipate how long this process will take, we will let you know when there is any update on your case كليشة تشلع الكلب...
ما اطولها عليكم رجاءا بس اريد اعرف انو هل راح يعيدولي نفس الاجراءات من اول وجديد لو ياخذوهة من الاي او ام؟؟؟ لان الفايل مالتي كلة ببحاويشة يمهم لو هاي جهة وهاي جهة اخرى؟؟؟؟ ترة اذا هم عدهم هاي السوالف اقدم لجوء لبنكلادش واتكل على الله واشتغل رقاصة احسلي من هيجي بلد يشلع الكلب.....لو شتكولون
اسف على الاطالة وشكرا لمشاركتكم
افتار
-
البرنامجين منفصلات بكل شي , بالاوراق و بالاجرائات و حتة بطريقة التقديم , بين قوسين ما يصير
-
شكرا ايهم على الرد..
زين هوة الاس اي في بيهة مقابلة وحدة مو؟؟؟ وهل يحناج تعداد ما تعداد؟؟؟ لان يمكن بالوقت اللي قدمت بي على الاي او ام جانت الاس اي في اصعب....والله سوالف....زين ممكن فد لمحة بسيطة او فد اوت لاين على المراحل مال اس اي في بلا زحمة...
ممنون
-
حمل هذا الملف اخوية
http://www.up-00.com/dld7sh92986.pdf.html
-
الافضل ان تقدم على البرنامجين في وقت واحد
فاذا سافرت على برنامج IOM فانت لا تخسر المعاملة الثانية ، فاذا كنت قد عبرت مرحلة الكوم ، يمكنك ان تستمر حتى لو كنت داخل امريكا للحصول على الكرين كارد من خلال برنامج SIV
-
اخوية Aiham تسلم ومنون للغاية
اخوية abuhatem الكوم هية الابروفال مال جيف اوف مشن مو؟؟ اي اول مرحلة صح...جيد اذا مخسران شي بكل الاحوال....زين علمود ازيد الطيب بلة راح اسال سوال واتعبكم شوية بس ميخالف اتحملوني شوية فدوة....
اذا حصلت الكوم لو قبل هاي الخطوة اجتني فيزة دراسية لبريطانيا هل راح اياثر هذا على فيزة امريكا او على المعاملة بشي؟؟؟
ممنون
-
لا ما الها اي علاقة
-
ممنون على الاجابة اخوية Aiham...تعبتك وياية
-
اجاوبك وطبعا لا تاخذ كلامي حجة لاني لست خبير
لكني الان متاخر اربع سنوات ، ان كثرة السفر تاثر على معاملة الهجرة
ومن ضمن اسالة المحلف لكثيري السفر ، هل يحق لك طلب الجنسية في الدول التي سافرت لها ؟ هل تتمكن من السفر الى دولة اخرى غير امريكا؟ هل حصلت على جنسية غير جنسيتك العراقية؟
هاي الاسئلة لا يسالوها لباقي الناس ، واعتقد هذا يعني ان السفر ياثر على سرعة القبول.
وانت اعرف بوضعك والله يوفقك
-
اخوية العزيز abuhatem
شكرا جزيلا على ردك...الحقيقة اني متاخر 3 سنين عن جماعتي اللي قدموا بعدي واني اصغرهم سنا واقلهم سفرا (اقوة سفرة عندي للشمال هههههه) واقلهم مشاكل بالكيس تعرف لا جيش لا سفر غير شرعي او شرعي لا طلب لجوء سابق لا مشاكل من باب بيتي لباب الشغل وهذا الموضوع كلة وجماعتي اللي اني مقدملهم واني كايللهم شيحجون وية المحلف وشيكولون وشميكولون طلعوا واني بعدني...هية حظوظ...والله يوفقهم ويفقكم ويفوق الجميع...
بس من المنطقي جدا ان تاثر كثرة السفر....بس فيزة بريطانيا راح تكون دراسية يعني بس تخلص الدراسة يلزموني الباب....حتة امريكا بيهة فيز دراسية واللي هية تضارب وية الاس اي في او معاملة الاي او ام...وحدة غصبا ما عليك يطلعوك.....والثانية غصبا ما عليهم يبقوك...بس علة كولتك يجوز هاي الاسئلة وخاصة يكولون ما دام دتحصل فيز ودتسافر بدون مساعدتنة شكوا متعبنة؟؟؟
شكرا اللك وتقبل تحياتي....
-
اخي العزيز
مثل مجاوبوك الاخوان انه كل تقديم منفصل عن الثاني
بس حبيت اعلق على كم نقطة ...الاخ ابو حاتم كتب انه تكدر اتكمل معاملة ال اس اي في حتة و انت ابأمريكا و هذا الكلام مو دقيق لأن حال وصولك الامريكا كلاجيء على ال اي او ام يسقط حقك باكمال معاملتك على ال اس اي في و هذا واضح بالتعليمات بموضوع ال اس اي في انه ماكو تقديم من داخل امريكا
و بالنسبة السفرك خارج العراق فبخصوص ال اس اي في الموضوع ميأثر لأن اصلا انت الك حق اتقابل ابسفارة خارج العراق و همة ميخصهم انت وين سافرت بس اذا سافرت الغير دولة و بقيت اكثر من ست اشهر فراح يطلبون منك عدم محكومية و حسن سير و سلوك
و بخصوص المعاملات و الاوراق مثل الفحص الطبي و عدم المحكومية و صورة قيد الولادة و صورة قيد 57 و باقي الوثائق فهاي مراح تحتاجها اللا ورة اشهر من تقديمك و بالتحديد بالمرحلة الثالثة و اللي هية بعد موافقة ال USCIS فبالتالي و ابحالة انه ورة هاي الفترة كلهة و بعد مطالعتلك فيزا على ال اي او ام ايكون فحصك الطبي اكسباير و تظطر اتعيدة سواءا على ال اي او ام او ال اس اي في
اخي العزيز....
انت مخسران ناقة و لا جمل ....قدم على ال اس اي في اذا اتشوف انه عندك متطلبات التقديم كاملة و انتظر موافقة رئيس البعثة (الجيف او مشن) و اذا طلعتلك ابخير و سلامة راح تتكلف كم دولار ترجمة وثيقة و كم دولار DHL اتدز الوثائق مالتك النبراسكا و وراها يلله يبدي عندك الشغل فأبهاي الفترة اتكون شغلة ال اي او ام امبينة عندك ...اذا طالعلك سفر الغي ال اس اي في و اتوكل و اذا لا فأنت عندك خيار ثاني و الله انشاء الله ايوفقك
تحياتي الك و للجميع
-
قدم على الاثنين
واذبح ذبيحتيــــن
-
اخي ZOKO1976 حسب مشاركة احدى الاخوات قبل فترة انها وصلت امريكا وكملت معاملة الـ SIV وفي وقتها قالت يجب ان تكون المعاملة واصلىة الى المرحلة الفلانية (ما اذكر بالضبط) وعلى هالاساس كان كلامي.
-
حبيبي ZOKO عاشت ايدك على الشرح المفصل...ما قصرت والله
اني دا اقرة التعليمات مال اس اي في بالتفصيل وهية يرادلهة حصبة وجدري...والنقطة الاولى بيهة هواية تعقيدات بالاخص انو اني والسوبر فايزر مالتي ثنيناتنة مبطلين من الشغل...ولكن ابن الحلال ديحاولي هواية والله كريم وبما انو علة كولتك ماكو خسارة هية كم دولار ونذبحهن عالقبلة من امام مكتب الدي اتج ال....هاي بعد الكوم طبعا...حييييييييل
اما بالنسبة لعدم المحكومية وحسن سيرة وسلوك هاي اذا طلعت خارج العراق اكثر من ستة اشهر فراح يريدوهة من الدولة اللي اني بيهة صح.؟؟؟ ومن اي جهة بهاي الدولة؟؟؟ السفارة لو الجهة اللي راح احتك بيهة مباشرة كان تكون الجامعة؟؟ يعني مثلا الجامعة تكول والله هذا صارة يمة اكثر من ستة اشهر وحباب وعاقل ومو ابو مشاكل؟؟؟؟ يمشي لو يريدوهة الا بالتعقيدات؟؟؟
اخوية Sparky ....تدلل ذبحتين والله بس تطلع وحدة من عدهن مو شيبت بتي مو بس اني شيبت....واكيد راح تكونون انتوا اول المعازيم....بالمضايف مال امريكا ان شاء الله
اخوية abuhatem....تسلم علة الرد ...اني بالتعليمات ايضا قريت انو اكدر اقدم علة الاي او ام والاس اي في Simultaneously بس من تصير وحدة من المقابلات لازم اكتب طلب لغي الاخرى واوقعة!!!!! ما مدى صحة هذا الموضوع؟؟؟؟
http://travel.state.gov/visa/immigrants/info/info_4172.html#filespetition
مذكور باخر فقرة من ستيب ون
If I have already been scheduled for an interview or have been interviewed as a refugee, but am also eligible for a Special Immigrant Visa, which application should I pursue?
You determine which route you choose to pursue. Both processes take several months to complete. Registration and application for either program is not a guarantee of eventual admission to the United States. You may pursue both applications simultaneously. The refugee and SIV programs differ in process and eligibility. Please consult U.S. Embassy Baghdad’s Office of Refugee and IDP Affairs website for more information about accessing the U.S. Refugee Admissions Program.
You may apply for both the refugee and SIV programs at the same time. At the time of your interview with a U.S. government official for either refugee or SIV status, you should ask that your case in the other status be closed. You may be asked to submit a written request to close your other case.
زين اني اصلا مسوي مقابلات وية المحلفين او موضقي الدي ات اس...اذا على هل الحجي معناهة ما اكدر اقدم علة الاسي اي في!!! لو هذا خريط؟؟؟ لان بالاوتو ربلي مال اي او ام يكلك الله يخليك قدم على الاس اي في وفك منة ياخة....
اني بضرفي الاس اي في تفيدني اكثر من الاي او ام بهواية ....سابقا مجنت اهتم بالنسبة للانتظار مال الاي او ام وبطئ تحصيل الكرين كارد...بس مو سوهة سلحفاة مو Process
شكرا على ردودكم واني الممنون
Avatar
-
حبي بس الشباب نسوا يكولولك انه برنامج الSIV هالفترة ديتأخر هوااااية وممكن يعبر ال 3 سنوات او ربما اكثر
-
حبي بس الشباب نسوا يكولولك انه برنامج الSIV هالفترة ديتأخر هوااااية وممكن يعبر ال 3 سنوات او ربما اكثر
بارك الله بيك اخ كوندا ::)
-
حبيبي ZOKO عاشت ايدك على الشرح المفصل...ما قصرت والله
اني دا اقرة التعليمات مال اس اي في بالتفصيل وهية يرادلهة حصبة وجدري...والنقطة الاولى بيهة هواية تعقيدات بالاخص انو اني والسوبر فايزر مالتي ثنيناتنة مبطلين من الشغل...ولكن ابن الحلال ديحاولي هواية والله كريم وبما انو علة كولتك ماكو خسارة هية كم دولار ونذبحهن عالقبلة من امام مكتب الدي اتج ال....هاي بعد الكوم طبعا...حييييييييل
اما بالنسبة لعدم المحكومية وحسن سيرة وسلوك هاي اذا طلعت خارج العراق اكثر من ستة اشهر فراح يريدوهة من الدولة اللي اني بيهة صح.؟؟؟ ومن اي جهة بهاي الدولة؟؟؟ السفارة لو الجهة اللي راح احتك بيهة مباشرة كان تكون الجامعة؟؟ يعني مثلا الجامعة تكول والله هذا صارة يمة اكثر من ستة اشهر وحباب وعاقل ومو ابو مشاكل؟؟؟؟ يمشي لو يريدوهة الا بالتعقيدات؟؟؟
اخوية Sparky ....تدلل ذبحتين والله بس تطلع وحدة من عدهن مو شيبت بتي مو بس اني شيبت....واكيد راح تكونون انتوا اول المعازيم....بالمضايف مال امريكا ان شاء الله
اخوية abuhatem....تسلم علة الرد ...اني بالتعليمات ايضا قريت انو اكدر اقدم علة الاي او ام والاس اي في Simultaneously بس من تصير وحدة من المقابلات لازم اكتب طلب لغي الاخرى واوقعة!!!!! ما مدى صحة هذا الموضوع؟؟؟؟
http://travel.state.gov/visa/immigrants/info/info_4172.html#filespetition
مذكور باخر فقرة من ستيب ون
If I have already been scheduled for an interview or have been interviewed as a refugee, but am also eligible for a Special Immigrant Visa, which application should I pursue?
You determine which route you choose to pursue. Both processes take several months to complete. Registration and application for either program is not a guarantee of eventual admission to the United States. You may pursue both applications simultaneously. The refugee and SIV programs differ in process and eligibility. Please consult U.S. Embassy Baghdad’s Office of Refugee and IDP Affairs website for more information about accessing the U.S. Refugee Admissions Program.
You may apply for both the refugee and SIV programs at the same time. At the time of your interview with a U.S. government official for either refugee or SIV status, you should ask that your case in the other status be closed. You may be asked to submit a written request to close your other case.
زين اني اصلا مسوي مقابلات وية المحلفين او موضقي الدي ات اس...اذا على هل الحجي معناهة ما اكدر اقدم علة الاسي اي في!!! لو هذا خريط؟؟؟ لان بالاوتو ربلي مال اي او ام يكلك الله يخليك قدم على الاس اي في وفك منة ياخة....
اني بضرفي الاس اي في تفيدني اكثر من الاي او ام بهواية ....سابقا مجنت اهتم بالنسبة للانتظار مال الاي او ام وبطئ تحصيل الكرين كارد...بس مو سوهة سلحفاة مو Process
شكرا على ردودكم واني الممنون
Avatar
اخي العزيز avatar
تدلل و احنة حاضرين للمساعدة و خلي اجي على اسئلتك وحدة وحدة
1- بالنسبة الفترة الانتظار و اللي الاخ كوندا عقب مشكورا انه دتتأخر فأحب اوضحلك انه هذا الموضوع قسمة من رب العالمين ... اني سبع اشهر منتظر الكوم و صديقي قدم وراية و ورة شهرين بالضبط حصل الكوم و قبل اربعة اشهر اني رتبت اوراق و قدمت الصديق ثاني و قبل شهر اجا الكوم ..يعني بالمختصر كلمن ياخذ قسمتة ابهالدنيا
2- بالنسبة العدم المحكومية للدولة اللي بقيت بيها اكثر من ست اشهر فكل دولة تختلف الجهة اللي تطلع منها عدم المحكومية و حسن السير و السلوك و حتة افيدك بالتفصيل فوت على هذا الموقع http://travel.state.gov/visa/immigrants/info/info_3830.html
و راح تلكي بالنقطة الثانية مكتوب (Click on US Embassy/Consulate-specific information) اختار السفارة او الدولة اللي اتريد اتطلع منها عدم المحكومية و الموقع راح ينقلك الصفحة ثانية مكتوب بيها تفاصيل وحدة من عدها تفاصيل الـ police certificate و حتة ناطيك عنوزان المكان اللي اتروح علي و تعليمات ثانية.....طبعا هذا الموقع هو للسفارة اللي راح اتقابل بيها بس هاي العملية اللي اتسويها حتة تعرف من وين اتطلع عدم المحكومية ... و اذا عصت يمك السالفة كلي يا دولة اتريد اتطلع منها عدم المحكومية و اني اساعدك بالموضوع
3- بالنسبة التعليمات ال اس اي في و اللي مكتوب انه اذا طلعتلك موافقة الجيف او مشن فلازم تلغي وحدة منهن صحيح و هذا اللي مكتوب بس خلي اكلك من خبرة الاصدقاء و الاعضاء اللي بالمنتدى التالي: انتة ما عندك اي اشكال لحد ما تطلع موافقة الجيف او مشن و هاي وحدهة اشهر ...و ورة متطلعلك موافقة الجيف او مشن (و انشاء الله اتكون ممحتاجها و امسافر على ال اي او ام ) راح يطلب منك انه في حال امقدم على البرنامج الثاني انه اتسقط التقديم .. و اهنا هم عادي يبقى تقديمك على الاثنين لأن محد مندل بالثاني ... راح اتدز الاوراق النبراسكا و محد الة علاقة بالمعاملة الثانية و راح تجيك موافقة نبراسكا و هاي اقل شي حتة ترجع لل NVC ينرادلها فد شهر و نص و ليهنا اذا بعد مطالعتلك السفرة على ال اي او ام فراح توكع بأحتمالين ..من اتقدم على المساعدات و قرض السفر راح يجيك ايميل ايكول انه بالبيانات مالتنا اتكرر اسمك و لازم تلغي وحدة من المعاملات و اهنا القرار لازم ايكون قرارك ...او الموضوع يمشي بدون مينكشف اسمك انه عندك معاملتين و شغلتك تمشي مثل ما هواية من الاخوان طلعلهم سفر على ال اي او ام و همة امقابلين بالسفارة على ال اس اي في
ملاحظة ...:- اذا قدمت على ال اس اي في فأبد لتذكر لل اي او ام انه انت امقدم على ال اس اي في لأن هيجي راح ايجمدون معاملتك فبقيهة سنطة لحد ما اتشوف موضوع الجيف اوف مشن ابروفال شيصير علي
بالنسبة الاخي abuhatem .... لتصدك احد يكدر ايكمل معاملة ال اس اي في مهما كانت المرحلة اللي وصلها بس يدخل الامريكا ...هاي سالفة مو صحيحة و واضحة على الموقع التالي http://travel.state.gov/visa/immigrants/info/info_4172.html#i485
و اللي مكتوب بي بالفقرة :
If I am an Iraqi refugee already in the United States, can I file Form I-485 with USCIS to apply for adjustment from refugee to SIV status?
No. A refugee in the United States is not eligible to adjust from refugee to SIV status. Under U.S. law, an employment-based immigrant must be in valid nonimmigrant status in order to apply for adjustment. Instead, a refugee may adjust to lawful permanent resident (LPR) status after acquiring one year of physical presence in the United States following his or her refugee admission. (Note: there is no fee for applicants who are filing Form I-485 to adjust to LPR status based on having been admitted to the United States as a refugee.)
يعني ابشكل واضح مكتوب ميجوز تعديل وضع اللاجيء و المهاجر الى ال اس اي في اللا ابحالة ان ايكون اللي ابداحل امريكا موجود ابصفة فيزا عادية مو فيزة هجرة
تحياتي الك و للجميع
-
حبيبي Konda تسلم علة المعلومة
اخوية Aiham شكرا علة تعليقك
حبيبي العزيز ZOKO خجلتي بكرمك والله....مشكور وان شاء الله اعزمك بذاك الصوب علة سوشي...اذا ما طلع عد اي واحد من عدنة حساسية منة what ever the hell it is ....
علة كولتك قسمة ونصيب .....الله كريم نقدم والنة الله...
علمود بس تعرفون لاي مدى الاي او ام مطفين....اني مخلص كلشي وكلاشي بحيث حتة مقابلة المحلقين عادولي اياهة لان عبرت السنتين علة مقابلة الدي اتش اس...فمن قابلتني هاي الاسيوية الحبابة كالت والله العظيم وانت ما محلفني بعد متسوي اي مقابلة انتهت وبعد مالنة علاقة بيك الى ان تطلع الامنية وتسافر وانت عراقي وتفتخر...
بس وصلت لبيتي دزيتلهم ايميل علمود اشوف شكو ماكو...يكلولي راح نححدلك موعد مقابلة ومن نحددلك الموعد نطكك باي ميل معدل...كلت ديخربطون...عفتهم...ليش ما ورة شهرين يدزولي الايميل من صدك....كلت احسن شي ما اجاوب...والحجي عندي بقة يلوب الوالد شلون متجاوب مو ذولة راح يدخلونة الجنة...والله ولا رديت علة الايميل...
خابرتني العينين من الاردن تكلي حضرتك افتار...كتله نسخة بلو ري الاصلية ....كالتي واستلمت ايميل من عدنة ...كتلهة لعد شعبالج...كالتلي شو ممجاوبنة....كتلهة لان ما اجي....كالتلي ليش كتلهة لان المقابلة اللي دتحجون عليهة سويتهة قبل شهرين وختمت الوحش الاخير وراح استلم نوط شجاعة...كالتلي انتظر وياية...اي اي والله صح انت جاي قبل شهرين ....اني اسفة وراح ادزلك كنسليشن كتلهة براحتج...
الموضوع كلة حلو.....اليوم دزيتلهم ايميل....اتوقعوا شنو الجواب....راح نسويلك سكاجولنك للمقابلة وندزلك ايميل بالموظوه...بلة ذولة شتجاوبهم...اكلهم اخوية ZOKO دلاني علة درب لاخ وادكلهم طابع....والله ذولة ناس...
دوختكم بس الاي او ام صايرين مثل بلدية بغداد ثنيناتهم ميحللون خبزتهم
تحياتي الحارة
Avatar
-
اخي العزيز
ضحكتني والله ...خوية عزيمتك واصلة ..جربتة للسوشي مرة و التوبة من هالمرة بعد
عيني انت لتتوقع جماعة ال اس اي في اقل طفية و خربطة من جماعة ال اي او ام ...حيستلمك واحد اسمة والتر اللا ايكرهك بالهجرة من طلباتة
اتدزلة المتطلبات يرجع يطلبهن نفسهم
تكتب اسمك بالعربي بالفورم ds 157 ايكلك غلط
تكتبة بالانكليزي ايكلك غلط
تطبعة بالانكليزي هم ايكلك غلط
ترجع تكتبة ابخط ايدك بالعربي مثل اول مرة ايكلك شكرا هسة صحيح
المهم... يبقة انه اتخليلك خط ثاني احسنلك من ما تبقة جوة رحمة ال اي او ام بس
اتوكل على الله و قدم على ال اس اي في و الله كريم
تحياتي الك و للجميع
-
اخوية العزيز ZOKO
ما دام ميعجبك السوشي خلي يولي....عزيمة على مطعم واكلة من اختيارك واني الممنون وتشرفنة انو نتعرف علة خضرتك ببلد الاحلام...
شكرا جزيلا علة معلوماتك وان شاء الله اقدم وابلغكم بالتظورات اول باول والموفقية للجميع ان شاء الله
تحياتي
Avatar
-
اخوية العزيز ZOKO
ما دام ميعجبك السوشي خلي يولي....عزيمة على مطعم واكلة من اختيارك واني الممنون وتشرفنة انو نتعرف علة خضرتك ببلد الاحلام...
شكرا جزيلا علة معلوماتك وان شاء الله اقدم وابلغكم بالتظورات اول باول والموفقية للجميع ان شاء الله
تحياتي
Avatar
اخي العزيز...قدم و امنياتي الك بالموفقية و السفر السريع و انشاء الله تمشي امورك ابسرعة ... و بالنسبة للعزيمة ..يكفينا نتعرف على ناس طيبين و عزيمتك واصلة و الف شكر... و ياريت اتبلغنا شيصير وياك حتة نفرحلك او انعاونك من تحتاج بالنكدر علي انشاء الله
تحياتي الك و للجميع