ankawa
منتدى الهجرة واللجوء => الهجرة و واللاجئين => الموضوع حرر بواسطة: كرديه في 08:38 24/11/2011
-
صباح الخير على كل جاليتنا العراقيه بعمان اولا
ثانيا اليوم قريت خبر بجريدة الغد صباحا نص الخبر كامل http://www.alghad.com/index.php/article/512916.html
ايكول توزيع مساعدات ماليه اني راسن اتصلت بل سفارة العراقيه وجاوبني الموظف الكلام صحيح راجعي زها اتصلت بزها كلولي راجعي السفارة العراقيه رجعت اتصلت بسفارتنا الغاليه كلي انتظري يجيج مسج كتله انت مثل كل مرة انتظري انتظري وتالي تروح علينه كلي لا متروح وراح اوافيكم بل احداث مباشرة من قلب الحدث
-
عزيزتي الاخت الكردية
مبروك على جهودك الجبارة, او انتي السباقة على متابعة الاخبار هل هي صحيحة او لاء.
او مثل ماشفتي انه الحليم لايلدغ مرتين او هذولا الحرامية من ميزتهم السنة كلها يكذبون او يضحكون على ذقون الناس او بس في واحد نيسان يحجون الصحيح او انتظري الى هذا التاريخ بلكي الله يفرجها عليكم.
اتمني اليج سفر سريع والانتهاء من معمعة الحكام الحرامية
تحياتي
جوسي البغدادي المانيا
-
جوسي ابو المثل ايكولك امشي ورة الجذاب لحد باب مركز زهااااا
ننتظر احنا حتى الصبر والانتظار مل منه ونشوف اخرتها ويه هل ناس الي للاسف انفقدت عدهم الانسانيه وصارت حياة الناس لعبه بيدهم
والله موجود ممنونه على ردك
-
عزيزتي الاخت الكردية
شكرا على هذا المثل الرائع, بس المشكلة وين واحد يمشي ورائهم بس مو طول عمره, كافي مرة او مرتين يلا صارت اثلاثة.
او جان عدنا صديق عراقي الله يرحمه ابالمانيا هذا كلما واحد يشوفه جان يدبرا كذبة , بس صبحان الله بس واحد نيسان جان يحجي الصحيح, لهذا السبب ذكرت بلكي واحد نيسان يحجون الصحيح او يصرفون اذا بقى شي من البوك مالتهم,
تحياتي وادعيلج بالموفقية
جوسي البغدادي
-
اختي كرديه عاشت ايدج على المجهود الجبار اللي بذلتيه
هاي لازم نعينج مراسلة في شبكة عنكاوا ;D ;D
مثل ماكلتي نظل ننتظر رحمة الله لعل وعسى خير انشاء الله
-
اختنا الكردية الله يبشرك بالخير دائما وابدا ان شاء الله اخوج القريشي
-
شباب يمعودين تددللون جسر للطيبين اني
هذا اقل شي نسوي وهسه جاري الاتصال ويا الناس الخيرة حتى نعرف صحه المعلومه
-
حبيبتي الكردية تسلمين على الخبر...
بس والله ترة جماعتنا سوووووها فد مرة ماسخة... يعني ذلوهم للعالم ذل بهال 400 دولار عبالك دينطون 4000 دولار... كل يوم جتي اللجنة وراحت اللجنة ومن هالكلاوات مالتهم والموضوع لحد هسة مادانشوفه غير بس اعلام باعلام.. ياربي يطلع هالمرة الخبر صحيح ونخلص من هالمنية مالتهم... هاية لو الشغلة بيها استقطاع فلوس جان شفتيهم من ثاني يوم الأعلان يستقطعون المبلغ....
ارجو تقبل ردي ... وشكرا مرة ثانية حبيبتي... تحياتي
اختج ام ابراهيم
-
مشكوره حبي الكرديه ويارب الكل تستلم
-
والله عمي زين اتصلتي بيهم وجاوبوج والله هسه يله حسيت انه عايش اني وعندي سفارة عراقيه والله رحمه من العزيز الجليل همزين اكو سفارة وترة خفله عليهم ديوزعونه الي يسموهه منحه يعني بمعناه صدقه جارية علينا والله كرهونه حتى بنفسنه لان بزعت رواحنا والله يتعدى هذا الاسبوع وموزعوهه تلكوني اباب السفارة العراقيه خال قطعه واسوي مظاهرة وشيصير خل يصير اني مناك اليو ان تلعب باعصابنا والسفارة يلعبون باعصابنا مصايرة هاي والي يريد يايدني اطلع مظاهرة نطلع يمر هذا الاسبوع ونشوف
-
والله عمي زين اتصلتي بيهم وجاوبوج والله هسه يله حسيت انه عايش اني وعندي سفارة عراقيه والله رحمه من العزيز الجليل همزين اكو سفارة وترة خفله عليهم ديوزعونه الي يسموهه منحه يعني بمعناه صدقه جارية علينا والله كرهونه حتى بنفسنه لان بزعت رواحنا والله يتعدى هذا الاسبوع وموزعوهه تلكوني اباب السفارة العراقيه خال قطعه واسوي مظاهرة وشيصير خل يصير اني مناك اليو ان تلعب باعصابنا والسفارة يلعبون باعصابنا مصايرة هاي والي يريد يايدني اطلع مظاهرة نطلع يمر هذا الاسبوع ونشوف
يمعود ديربالك هسه بس يسمعوك يرحون يسوها 800 بدل 400 دولار ههههههههههههههه ابن عمك
-
عزيزتي ام ابراهيم كلامج صحيح الله لينطي الي جان السبب وبهذل العالم هاي تاليتها هيجي العراقي ابن الخير ايصير بي هيجي بس نكول حسبي الله ونعم الوكيل عليهم
-
فينوسيوس والله ممنونه على ردك اني
-
السلام عليكم
اختنى الكراديه بارك الله بيج ويارب يوم السفر القريب
اخوكم عماربغدادي
-
حلوة هاي هههه
جوسي ابو المثل ايكولك امشي ورة الجذاب لحد باب مركز زهااااا
ننتظر احنا حتى الصبر والانتظار مل منه ونشوف اخرتها ويه هل ناس الي للاسف انفقدت عدهم الانسانيه وصارت حياة الناس لعبه بيدهم
والله موجود ممنونه على ردك
-
صباح الخير
الاخت كرديه مشكوره على هالخبر وان شاء الله نسمع الاخبار الطيبه قريبا " والله زمن"
تحياتي
Airsupply