ankawa
منتدى الهجرة واللجوء => الهجرة و واللاجئين => الموضوع حرر بواسطة: ديفيد بغداد في 21:52 25/11/2011
-
مرحبا اخوان اتمنا الجميع بخير احب اسئل على موقع .ebay للتسوق اكدر اشتري موبايل مثلا من عندة بعمان لو لا او قريبي يشتري بامريكا من هذا الموقع و اسوي الاستلام بعمان لان اسعارة انسب من اسعار المحلات اهنانة
-
اللي اعرفة لازم تدفع للجمارك الأردنية ضرايب يعني راح تكون البطانة اغلى من الوجه
-
أولا : لازم تشوف سياسه البائع يكدر يدزلك للاردن او لا.
ثانيا: عملية الدفع خليها تكون عن طريق ال PayPal حتى لحد يكلك راحت فلوسك يصابر ;D ;D
ثالثا : لازم تشوف ال Feed Back مال البائع ومتشتري من اي واحد لازم يكون البائع ثقة عن طريق تجارب الناس المشتريه من هذا البائع
رابعا: لازم تعرف اسعار الشحن اذا جان خارج الولابات المتحدة وكل بائع حاط اسعار الشحن بخانه خاصه اذا جان يقبل يدزها خارج امريكا طبعا ::)
خامسا: انتبه من البائعين الي اماكنهم في هونك كونك او الصين لان اسعار الشحن مالتهم تكون غالية نسبيا وانت ممكن تعرف اماكنهم بمجرد ان تقره مكان البائع وين ويكون تحت اسمه 8).
-
مرحبا اخوان ردت افيدكم بشي اكو موقع اسمه
http://www.amazon.com/
هذا الموقع انسب واحسن واسعاره انسب وطريقة التوصيل بالبريد مجانيا
فاتمنى ان تستفادون ولكم التوفيق
-
شكرا اخوان على الردود بس انا احب اعرف اهم نقطة هو اذا الموقع ادزة لعمان وين واحد يستلم و شي اخر مهم هل الاردن اضيف ضريبة او كمرك علية ها اهم شي و حسب مامكتوب بالموقع انا الشحن ضمن السعر المذكور و صح اخي مغترب ملاحظتك بخصوص هونكوك و الصين اكيد ماتفيد بالشراء
-
اي اخي تكدر تشتري من المواقع إلكترونيه (e-bay, amazon) عن طريق الدفع الكتروني ويفضل عمل حساب paypal وبعد ما تشتري يكون الشحن داخل امريكا ومن ثم للبلد المطلوب عن طريق شركات الشحن DHL / Fedex
وبالتوفيق ان شاء الله واني حاضر لأي استفسار بخصوص الشراء الكتروني
-
اخواني و خواتي.... احنا عندنا هيج خدمة (التسوق من كل مواقع التسوق الاميركية ebay amazon newegg و غيرها) ... كل اللي عليك تدز اللنك مال القطعة اللي تريدها على الايميل و احنا نردلك خبر على التكاليف (يعني ما تدوخ. تستلم قطعتك من بغداد) و الله احب اساعدكم بس للأسف بعدنا حاليا شغلنا بس على المعارف و الاصدقاء. لان بعدنا ما لاكين مكتب نستلم بي الفلوس و نسلم بي البضائع .و ان شاء الله بالقريب العاجل راح نكدر نفتح مكتب و تكون الخدمة لكل الاخوة و الاخوات. مع ذلك... اللي عنده اوردرات مستعجلة (يعني قطعة واكف عليها شغله أو اي شي ضروري جدا).. نكدر نساعده (للطواريء فقط) بس دزلنا ايميل و إن شاء الله نكدر نساعدك.
الايميل هو: realwork10@yahoo.com
تحياتي
-
عاشت ايدك slimmy10 تحياتي
-
اخواني يعني شحن مباشر من الموقع نفسة لعمان ماكو الا عن طريق شركات شحن و اذا عن طريق شركات شحن اكو كمرك لو لا لحد الان ماكو احد الاخوة امجرب يشتري عن طريق هذا الموقع بعمان رجاء يكتب تجربة
-
أخي اي بضاعة جديدة تدخل عمان ياخذون عليها ضرائب وتكدر تسأل مكتب البريد وتتأكد منة او اي شركة شحن.
-
اخوان الاشتراك و الدفع ب paypal مجاني لو ياخذون عليه رسوم؟؟
-
عاشت ايدك slimmy10 تحياتي
و ايدك اخوية عادل.
و بالنسبة للكمرك, كل الغراض عليها كمرك. و اكو قائمة مال الاشياء الممنوع دخولها للعراق. تكدرون تجيكوها بهواية مواقع.
-
up
-
اخويه الكمرك بعمان يذبح ذبح خاصه الكماليات ودير بالك اتكول الجهاز مستعمل لان البعض واخوك منهم يتصور اذا كال مستعمل يقل السعر طلع العكس فاخوك انعض عضه تمام 400بالميه والكمرك يتحدد على اساس سعر القطعه الي صاحبك دازه الك او الشركه اذا دازته مضاف اله تكلفت الشحن مضاف اله مبلغ التامين ومن هذه المبلغ كله ياخذون 400بالميه اذا مستعمل الاجهزه والساعات والهواتف الجديده الكمرك ميه بالميه فانصحك اخويه لتتورط بموضوع ارسال السلعه لعمان ,,,,,,اعتقد ترسله لبغداد ومن بغداد ويه واحد من السواق او الاصدقاء لعمان اعتقد هاي اصير اهوايه اصرف
-
اغاتي ديفد بغداد
بالنسبة البضاعة الواصلة الى الاردن مشحونة من اميركا حسب تجربتي تستلمهة من البريد الي بالدوار الثاني جبل عمان
قبل فترة بعثت لابتوب وكان سعرة اعلى سعر في اميركا المستلم في الاردن دفع فقط 100 دينار اردني كمرك والجهاز كان بالكارتون
عند السؤال للموظف قال له , لانه جديد وفي الكارتون ( لو كان بدون كارتون لكان السعر اقل ).
ومعلومة حلوة ايضا قد لايعرفها احد تستطيع شراء اغراض من الاردن ومن مواقع معروفة ويتم شحن الاغراض الى اميركا وتصلك الى الدار
مثال على ذلك ( تم شراء ملابس حجاب وملحقاتها من الاردن من احد المواقع وتم وصول البضاعة كما هية الى الدار )
وتم دفع مايقارب 40 دولار شحن البضاعة
مع التحيات