ankawa
منتدى الهجرة واللجوء => الهجرة و واللاجئين => الموضوع حرر بواسطة: كلي امل في 12:49 26/11/2011
-
مراحب اخواني العنكاويين اريد اخذ رايكم بشي اذا اكو فيزا شنگن ب 10 الاف دولار للكبار و6الاف للصغار مع الحجز الفندقي والاستلام يكون بأيدي من السفارة وتعهدولي ماابصم وگالو اذا بصمتي لتدفعين فلوس يعني زين السعر ومابيها تلاعب لو اكو مجال للتلاعب ؟ اتمنى الجواب منكم ياريت تفيدوني
اختكم كلي امل
-
عفوا اخواني السعر 11 الف دولار للشخص الكبير وطبعا مو من العراق
-
عزيزتي الاخت ام ايموني
اولا اكدر اكلج اتوكلي على الله لانه سعر مناسب او كلش مغري, او اهم شي عندج البصمة اذا وصلتي للبصمة, كلليهم لحظة صارة بيا دوخة او شلعي حتى ماياخذون بصمتج, او اذا مايصير زحمة ادزيلي على الخاص عنوان المكتب لانه عندي جم واحد يريدون يجون او ديدورون على هيجي سعر مغري.
اتمني اليج الموفقية او وصول سعيد, حسب معلوماتي انه بلجيكا اشويا صارة صعبة او اغلب العراقيين صارلهم اكثر من 10 اشهر او ما امحصلين على اقامة, عاد عندج الاحساب او فنلندا باردة بس مو مشكلة اخذي وياج قبوط او منقلة لانه المازوت عدهم غالي بس الخشب متوفر
تحياتي
جوسي البغدادي المانيا
-
هههه حلوه مال منقله والف هلا بيك نورتنا ابوديانا مو مكتب وانما واسطه واقترحو علينا هذا المقترح وحبيت اخذ رأيكم بس اكيد بيها منفعه الهم واكيد يريدون عالم اول ما حصل نتيجه ابلغك وتدلل
-
والله يا ابومريومة اني داخذ رأيكم حتى اذا زينة داطلع جواز واتوكل وانشالله احجيلكم التطورات وشكرا على مرورك شخبار ام الدنيا بعدهة ولعانة؟ الله يآمنكم ويحفظكم
-
مرحبا اختي ابتصوري اذا مثل مكال اخونا جوسي البغدادي تستلميهة بأيدج وماكو بصمة وبهيجي سعر والناس ثقة فأكولج اتوكلي على الله لان السعر جدا محترم ومغري وفعلا اني نفس حالتج عندي صديقي بالسويد عندة صديق يطلع شنكن ب 10000 الاف دولار وية الحجز الفندقي وهالسوالف تصير ب11 الف دولار بس ااااااااخ حاليا ميكدر يشتغل ويطلع شنكن لانه رح يقدم او يستلم جنسيتة بشهر فبراير اثاني القادم فميريد يصير اشكال او ليك بالموضوع فأختي اتوكلي على الله واذا عزمتم فتوكلو على الله واريد انصحج تروحين لفلندة لانه بلجيكاالضاهر رح تشهد ازمة مالية كبيرة مثل ايطاليا واليونان وحاليا دتقبط بالعراقيين ونشوف الدور على منو رح يفتح الباب للعراقيين من الدول الاوربية وربي يوفقج ويسهل امرج وتطلعون بأسرع وقت بس اهم شيء لتنسينة احنة اخوتج ومثل مكلتي من اعرف التفاصيل رح تبلغينة بيهة صح تحياتي وشكر ا الج اختي
-
الف شكر على نصيحتك اخويه لاتحزن ياعراق وانشالله امشي بيها بس اني طلبت اشوف الرجال شخصيا ودانتضر الجواب واي تفاصيل احصلها اكيد راح ابلغكم بيها
-
رفيقتي بلنضال السلام عليكم ;D
والله يا اختي السعر حلو ومغري بصراحة بس اهم شي تتاكدين من التبصيم
وتوكلي على الله يارب تفرج عليج بجاه حبيب محمد (ص)
تحياتي
-
كلش زين اذا كلام مضبوك توكلي على الله بس بعد الفيزة شغلة ثانية لازم تسوية هية ترتيب امورك يعني اوراقك الي راخ تقدمين بيه على اللجوء
-
سعر كلش زين
-
هلا بأخويه دارك شونك عيوني وين وصلت بلنضال اني انشالله حبدي ببلان بي وره ميطلع جوازي بس اشو بعدني بس نويت صار حضر طيران هنا گولو اني موتطوه
-
الف شكر اخواني ابن المنصور واخويه مهندس علنصيحه الله يحفظكم
-
هلا بأخويه دارك شونك عيوني وين وصلت بلنضال اني انشالله حبدي ببلان بي وره ميطلع جوازي بس اشو بعدني بس نويت صار حضر طيران هنا گولو اني موتطوه
عزيزتي ام ايموني الفاضلة
اكيد عدكم حظر الطيران , بس ما سمعتي طيارات من الدول الغربية راح يسهلون خروجكم من سوريا, او اولها فرنسا راح ادز طيارات عملاقة لنقلكم الى اي جهة اتريدوها, او اذا حصلتي على شنغن, اكيد راح تبقين بالطيارة الى ان توصل باريس او تنزلين اباريس او فكري بالموضوع , اذا عجبج تنظرين 10 اشهر في بلجيكا حتى تاخذين الاقامة , او تعالو اتغذو ابالمانيا او طلعو عدل على فنلندا او اذا نسيتو اتجيبون منقلة وياكم مو مشكلة عندي جم وحدة اهديلكم وحدة, او من توصلون فنلندا اتسلمون نفسكم او بعد اسبوع تستلمون الاقامة او ابوج الله يرحمه.
اتمنى الكم الموفقية
تحياتي
ابو ديانا المانيا
-
السلام عليكم
ممكن اعرف انه مثلا تمت الامور كما يجب وسافر الشخص ووصل لدوله اللجوء بعدها شنو بالضبط اللي راح يصير ومتى يعتبر لاجئ ومن ثم الاقامه وها فعلا ميمنح حق اللجوء او الاقامه اذا ما اقتنعوا بقضيته
ومتى يقدر يسحب اهله
تحياتي
-
والله يا اختي الاماني احنا بلنسبه النة بس اني وابني عمره 4 سنين واوراقنا قويه يمكن بيها مجال واحد يحصل لجوء حسب مسمعت بصعوبه يرفضون البنات بس غير حالات ماعرف حبيبتي
-
شكرا ابوديانا علعزيمة اخويه الورده بس والله خوش خبر مال طيارات اول مره اسمع بي
-
اختي كلي امل السعر جيد وتوكلي على الله واتمنالج كل الموفقية
-
شكرا حبيبتي خوله الله يوفقج يارب دعواتكم ويايه علجواز
-
اختي كلي امل توكلي على الله اذا الشغلة مضبطة وان شاء الله جوازج تستلميه عن قريب ...ندعيلج بالخير
-
http://[center][i][b]السلام عليكم
ممكن اعرف انه مثلا تمت الامور كما يجب وسافر الشخص ووصل لدوله اللجوء بعدها شنو بالضبط اللي راح يصير ومتى يعتبر لاجئ ومن ثم الاقامه وها فعلا ميمنح حق اللجوء او الاقامه اذا ما اقتنعوا بقضيته
ومتى يقدر يسحب اهله
تحياتي[/b][/i][/center]
سيدتي المحترمة,
اذا وياج فيزة شنغن بدون بصمة تكدرين دتخلين الدول الموقعة على معاهدة شنغن اوكي,
تدخلين الى اي بلد اتحبي مثلا الدول اللي تنطي لعراقيين جميعاً بلجيكا او فنلندا اوكي
اذا حبيت اتروحين الى بلجيكا اتسلمين نفسج كلاجئة, تنزلين في مطار روما او مطار باريس او تاخذين الباص او القطار الى بلجيكا او اتقدمين لجوء او بلنسبة الى بلجيكا حسب اتصلاتي بالعراقيين صارلهم 10 شهور ما مستلمين لجوء او اقامة, لكن حسب علمي فنلندا افضل, او من تحصلين على اقامة تكدرين تسحبين زوجك او اطفالك دون سن 18 سنة او ابوج الله يرحمه
تحياتي
جوسي البغدادي استشاري اللاجئيين والمهاجرين المانيا
-
http://[center][i][b]والله يا اختي الاماني احنا بلنسبه النة بس اني وابني عمره 4 سنين واوراقنا قويه يمكن بيها مجال واحد يحصل لجوء حسب مسمعت بصعوبه يرفضون البنات بس غير حالات ماعرف حبيبتي[/b][/i][/center]
بالضبط مثا ماكلتي, انه للنساء وحدهم او عدهم طفل يحصلون بسرعة على لجوء لانه يعرفون انه المرأة بالدول الشرقية المعيشة مالتها صعبة, لهذا يسهلون عملية حصول اللجوء, لهذا السبب اغلب الرجال يدزون زوجاتهم او اطفالهم او من يحصلون اللجوء يكدرون يسحبوهم لم الشمل.
اي هذا الخبر هاليوم سمعته ابراديو السوا, كالو مو مشكلة للمواطنين ابسوريا راح اتجهز الدول الاوربية طيرات لنقلهم, اكيد الفيزة من هيجي محسوب الطيارة وياها لانه ابلاش ولا
تحياتي
ابو ديانا المانيا
ملاحظة العزيمة ترى باقية اشوكت ما اتحبون اهلا وسهلا بيكم بيت اخوج مفتوح
-
الف هلا بأخويه سترونك وي شونك انشالله بخير وتفرج عليك يارب شكرا جزيلا على دخولك
-
انشالله بيتك عامر ابوديانا ادري بيك متقصر
- زين فد سؤال ابوديانا هيه الفيزا شكد تطول بعد التقديم يلله تصدر علساس فيزه سياحيه ومطلبو هواي اوراق بس جواز الي هوه ماعندي طبعا واقامة سنويه
-
اختي ام ايموني العزيزة
اذا الفيزة الاعتيادية من السفارة ما اطول اكثر من اسبوعيين ويا البصمات.
الفيزة اللي راح تشتريها ويا بطاقة السفر هما مكالتب السفر مشتريها من السفارات لانه السفارات عدهم مشروع لاجل تشجيع
السياحة في بلادهم, لذا يبعيعوها على هذي المكاتب او اتكون بدون بصمة لهذا السبب تتوقف على اصدار بطاقة الطيارة او اتكون الفيزة مرفقة ويا البطاقة عاد اتكون بالمطار اللي اتسافرين بيه منتظرتج او تستلميها امكتب السياحة, تكدرين للتأكد ان تسألين ابو المكتب اذا كان موجود في المكان اللي موجودة بيه او في بلد اخر.
نصيحتي ان تكدرين اتقابلي او تتأكدين منه او اتسلميه نسخة من الجواز وليس الجواز الاصلي لاصدار الفيزة باسمج
تحياتي
اخوج
ابو ديانا
-
الكوة ام ايموني
شنو اخبار الشغن, استلمتيها لو بعد, ولا اتريدين بالسنطة توصلين فنلندا.
يلا بيها الخير او اتمنى الكم الموفقية يارب.
تحياتي
ابو ديانا
-
ههه لا ابوديانا ياسنطة حروح للبنان اقدم علجواز لان منضومة سوريا عاطله ومدتشتغل واني كل شكم يوم انطي مغذيات لابوالفيزا واذكره ويگول ميخالف وداشوف تاليها شلون اندعولي
-
up
-
ههه لا ابوديانا ياسنطة حروح للبنان اقدم علجواز لان منضومة سوريا عاطله ومدتشتغل واني كل شكم يوم انطي مغذيات لابوالفيزا واذكره ويگول ميخالف وداشوف تاليها شلون اندعولي
السعر جدا مغري اختي بس هو ثقة؟ لانه اني انشالله هم ناوي على نفس الخطوة وعندي 3 اطفال وعندما طلبت من الشخص ان يخفضلي باعتبار عندي اطفال والاطفال المفروض نص السعر فرد عليه وكال هي فيزة على الجواز سواء كبير او صغير مالها دخل يعني نفس التعب ونفس المجهود والسعر بعد التفاوض 12 الف دولار للنفر من غير التكتات ومن غير الفندق فاني اشوف كلامه منطقي ومن مُهرب ثاني يكول غير شي اني بصراحة اشك بيه !!
بس هم ياريت اختي اذا انت متاكد من الشخص الي معتمده عليه ياريت تبعثيلي رقمه على الخاص لانه والله مستثقل المبلغ واحنة 5 اشخاص!!! وانتي هم بدورج اتاكدي لانه المنطق يكول انه المفروض نفس السعر سواء كبير او صغير لانه هو فيزه خوما الطفل ياخذ نص فيزة!! مو تمام؟
-
والله يااخويه ابو يسر مادري بس اني سألت الاسئله الي تهمني انو ماكو بصمة واستلم الفيزا بيدي من السفاره وبعدين ادفع الفلوس يعني بعدني مدخلت بتفاصيل اكثر لان مخسرانة شي اجرب اني انشالله واكييد اكتبلكم شيصير ويايه