ankawa
منتدى الهجرة واللجوء => الهجرة و واللاجئين => الموضوع حرر بواسطة: لوليه في 14:44 04/12/2011
-
مرحبا اخواني
الامنية مالتنا وصلت ,,,,احتاج دورة محادثة انكليزية بسوريا اني بدمشق واريد بمعهد زين وسمعتة زينة بالتدريس واريد على مستوى جامعي لان مرة دخلت معهد بس يدرسون القواعد اكثر من المحادثة واني بالكرمر زينة بس بالمحادثة مو هالكد وهسة اتصلت بالمعهد البرطاني كالولي متوقف وما عندي احد اسئلهم زين شسوي ,,,ارجو المساعدة وشكرا
لووووووووليا
-
ما اعتقد تلحكين اوصلي لهناك و هسه همه يخلوج بمدرسه مال لغه
-
اخت لولية اول وتالي حتدخلين مدرسة وعلة كولة الن متلحكين
(http://im12.gulfup.com/2011-12-03/1322962549251.jpg)
-
اخت لوليه اذا تلحكين سجلي بس اخاف فلوس المعهد تروح عليج على كولت الن من تسافرين اهناك اتمنى لك الموفقيه
-
شكرا اخواني على الرد ....هي بعدهم السفارة ما اتصلو بينا بس انا اتصلت بيهم عرفت انو الموافقة وصلت حتى لو ما كملت الدورة حتى لو بس نصها ميخالف على الاقل احسن من كعدة البيت
-
عزيزتي لوليته
انتي ماراح اتلحكين اتشدين اغراضج او اتصفين امورج او اذا صار عندج اشويا وكت دخلى على المواقع بالانتير نيت او اكو خوش برامج لتعليم المحادثة بالانكليزية, او تكدرين هم اتقومين بالتعارف ويا امريكيات او تدربين على كتابة الرسائيل او تكدرين اتقوين كتابتج مادام انتي زينة بالكراماتيك, او سمعي الى اخبار باللغة الانكليزية او شوفي افلام امريكية على الانتر نيت هم اتساعدج على سماع نطق الكلمات.
او بعدين اذا اتريدين تتعلمين لغة من المفروض تتعلميها بالبلد الاصلي للغة او من توصلين اكيد راح تتعودين على التكلم لانه لازم اتخلصين شغلج وياهم اهناك.
او الافلوس اللي تدفعيها على المعهد اشتري بيها اشياء من سوريا ما موجودة في امريكا او ابوج الله يرحمه, او اكيد الكرسمس راح اتعيدي اهناك اتمنى اليج الموفقية او مستقبل باهر في موطنج الجديد
تحياتي
جوسي البغدادي المانيا
-
اخواني الاعزاء هي استراليا بعدها ما اتصلت بينا ولا اعطتنا موعد ولا هم يحزنزن يقولونا استراليا لما تتصل تنطي موعد قبل شهرين همة بعدهم ما متصلن بينا ,,, لذلك احتاج اسجل بمعهد بالوقت الحالي وشكرا الكم
-
اختي لوليه انتي اول وتالي رح تحجين انكليري ليش مستعجلة ;D ;D ;D ;D ;D ;D
-
اختي العزيزة
نصيحة اخوية اذا مو المعهد بريطاني لا تدخلين لان غير اهل اللغة الاصلين محد ايقويج بلغةاما باقي معاهد اللغات كلهة بدون فايدة او اعتقد جربتي هيج نوع معاهد .... عليج مثل ما كال بعض الاخوة مواقع للمحادثة بالانتر نت او اذا ان شاء الله رايحة لاسترالية حوالي تتعلمين اللهجة الاسترالية لان الامريكية بيهة فرق ساشع عن الاسترالية او اني دا اكلج عن تجربة وا ن شاء بالتوفيق.
-
شكرا اخواني .... اخ (اطير بس ناصي ) اتصلت بالمعهد البرطاني متوقف حاليا بسبب الاوضاع بسوريا ,,على الاقل انطوني اسم معهد لحد الان ولا اي اسم وقبل كنت مسجلة بمعهد عادي بس يعتمدون على الكرمر
-
الف مبروك بشاره حلوة وان شاء الله لجميع الاعضاء
-
اختي العزيزة
اتمنى اكدر اساعدج باسم المعاهد بس اني مو بسوريا او اذا انتي مصرة تدخلين معهد كليلهم اني اريد بس محادثة.
-
الف مبروك على الخبر الحلو اكو معهد اسمه بيرلتز بنتي دخلته بس محادثه وكلش استفاده منه وهذا رقمه اتصلي بيهم 2132256 والرقم الثاني2123033 انشاء الله تستفادين
-
شكرا اخي (كابة ) عاشت ايدك والله يجزيك الف خير
-
لوليه شوفي عيني بما انو تردين بس conversation ف انصحج مثل ما تفضل الاخ كابة ب معهد بيرليتس ومكانه بلبرامكة
لانو بيرلتس عنده منهاج خاص ب دراسته وهو منهاج بيرلتس ومنهاجهم يركز على محادثة اكثر الشي
عندج معهد نيو هورايزن يعتمد ب منهاجه سلسة interchanging وهي سلسلة كلش حلوة بس مشكلتها
تركز على listening & reading & writing and grammar يعني مو مثل بيرلتس يصب اغلب تركيزه على محادثه
النيو هورايزن عنده فرعين عند السبع بحرات بداية شارع بغداد ولفرع الثاني اتوستراد المزة نزلة جامع الاكرم
اذا رحتي على فرع المزة ف اطلبي استاذ يوسف هذا اكثر مدرس راح يفيدج لانو يركز على محادثة
ومايمشي على منهاج بس وراح تتعلمين منه لهجة الامريكية همين
وعندج المعهد الامريكي ALC صاير يم سفارة الامريكية بس دوراته بين فترات طويلة يمكن ما تلحكين عليهن
ولمركز الامريكي ايسوون بي امتحانات التوفل همين ويمكن معزلين مثل معهد بريطاني بس ما متأكد والله لان صار فترة ما رايلحهم
ترى اخوويج فارهن كلهن ;D ;D توصلين بلسلامة ان شاء الله
تحياتي
-
شكرا جزيلا (dark_angel 9 والله ما قصرت ويعطيك الف عافية