ankawa
منتدى الهجرة واللجوء => الهجرة و واللاجئين => الموضوع حرر بواسطة: aram1970 في 02:35 06/12/2011
-
مرحبا للجميع
احنا صار هواية مقدمين على الكرين كارد خلصنا الشهر السادس من يوم الي سوينا طبع اصابع ولحد الان لم نحصل على الكرين كارد
اكو عوائل ماماخذة الكرين كارد او ليش شنو هو الاسباب الي ماياخذ الكرين كارد
احنا عايشين بامريكا نيفادا
ارجو من الاخوة في امريكا ان يساعدوني والهم كل التقدير والاحترام
-
اخويه العزيز
اني اللي اعرف وحسب مسمعت من هوايه عوائل انه الكرين كارد يطول من 3 الى 6 اشهر بعد تقديمك ع الكرين كارد و مو سوى اكو ناس قبل هاي الفترة واكو ناس بعدها واللي يتأخر الكرين عليهم ورى الموعد بسبب التاخير في تقديم المعاملة
تحياتي الك
اخوك
مصطفى
-
اي اخي اعرف عائلة اقربائنا في اريزونا صار الهم اكثر من 7 اشهر من قدمو على الكرين كارد وما استلمو لحد الان واللة ياخي التاخير مو بس شمل اصدار الفيزا بس ...... شمل اصادر الكرين كارد ايضا
-
عادي يتاخر اكو ناس تاخر اكثر من سنة لا تقلق مسألة عادية من كثرة المتقدمين ديصير هذا التاخير وكل معاملة شكل مو شرط الكل نفس المدة يستلمون الكرين كارت اذا تاخر اكثر من المدة المعقولة اكو رابط تكدر تراسلهم وتعرف سبب التاخير انشاءلله عن قريب تستلمه بالتوفيق
-
الحالة الطبيعيه هي شهرين بعد طبع الاصابع ... يمكن مثل متفضلوا الاخوان بسبب زخم المعاملات او بسبب الاجراءات الامنيه الجديده ...
-
باريف يخباير ارام
طبعا السبب الحقيقي باختلاف مواعيد صدور الكرين كارت للاجئين ما اعتقد احد يكدر يجزم بيه ليش وشلون
جيراني عائلة قبلي باكثر من شهر قدمو كرين ولحد الان ما واصلهم يراجعون معاملتهم عبر النت مكتوب قيد الدراسة !!
صارلهم من شهر نيسان مقدمين المعاملة وهمة يعَزون السبب ان الولاية اللي راح الها ملفهم تتاخر
بهاي الامور رغم ما اقتنع بهيج كلام لكن هذا اللي حصل اما زخم المعاملات فمالها اي علاقة لان اعرف
ناس قدمت واستلمت خلال اشهر قليلة وناس مقدمة من زمان ولحد الان ما مستلميها وترا اخوية العزيز
تتأخر متتأخر هي بالاخير تصدر ان شاء الله ماكو داعي لاي قلق وان شاء الله توصلك بالقريب العاجل ...
تحياتي .
-
اخي آني سنة وشهرين أتاخر الكرين .. اتصلت بيهم سوولي مقابلة جديدة وبصمات وحلفت من جديد ..لمن سالت المحلفة ليش أتاخر كالت بعض المرات تصير خربطة واخطاء وسحبت مني الاي 94.. وره شهر اجاني ..عموما لا تقلق اكثر العراقيين اسماء متشابهة مثلا الاسم الاخير للاب يختلف عن باقي اعضاء العائلة او وجود خطأ ما .. الموظف البسيط لمن يجد تناقض بالاوراق يحولهه الى موظف اكبر وهكذا .. لاتخاف بالنهاية يجييك .. اكو عراقي هو وزوجته اجاه الكرين وبقيت بنته وصارله سنتين وما كو شيئ عمرها سنتين ونصف من قدمت .. وعملوا كلشي وماكو نتيجة والى الان ما اجاهم .. واكو عائلة قابلوا المحلف من جديد الاسبوع الفائت بعد سنة ونص من التقديم وعدهم المحلف الي هو بمثابة قاضي هذا الشهر يجيهم .. نصيحتي اخي اتصل بيهم وراح تسويلك الموظفة طلب وتعطيك رقم الطلب وره شهر تقريبا تجيك رسالة ينطوك اسباب التأخير وما مطلوب منك .. معلومة اكثر العراقيين يجيهم من 4 الى 6 اشهر واكو ناس اقل بشوية ... وبالنهاية اخي راح يجيك يجيك وانه حاضر للاستشارة اذا حبيت
-
الله يسهل الامور ويوصل الكرين كارد بيسر وسهولة زين اخوان سؤال الجنسية من واحد يستحقهة شكد تاخذ وكت هم تطول لو فترة معلومة واني شاكر الكم طبعا
-
انشاء الله خير.
-
اخي آني سنة وشهرين أتاخر الكرين .. اتصلت بيهم سوولي مقابلة جديدة وبصمات وحلفت من جديد ..لمن سالت المحلفة ليش أتاخر كالت بعض المرات تصير خربطة واخطاء وسحبت مني الاي 94.. وره شهر اجاني ..عموما لا تقلق اكثر العراقيين اسماء متشابهة مثلا الاسم الاخير للاب يختلف عن باقي اعضاء العائلة او وجود خطأ ما .. الموظف البسيط لمن يجد تناقض بالاوراق يحولهه الى موظف اكبر وهكذا .. لاتخاف بالنهاية يجييك .. اكو عراقي هو وزوجته اجاه الكرين وبقيت بنته وصارله سنتين وما كو شيئ عمرها سنتين ونصف من قدمت .. وعملوا كلشي وماكو نتيجة والى الان ما اجاهم .. واكو عائلة قابلوا المحلف من جديد الاسبوع الفائت بعد سنة ونص من التقديم وعدهم المحلف الي هو بمثابة قاضي هذا الشهر يجيهم .. نصيحتي اخي اتصل بيهم وراح تسويلك الموظفة طلب وتعطيك رقم الطلب وره شهر تقريبا تجيك رسالة ينطوك اسباب التأخير وما مطلوب منك .. معلومة اكثر العراقيين يجيهم من 4 الى 6 اشهر واكو ناس اقل بشوية ... وبالنهاية اخي راح يجيك يجيك وانه حاضر للاستشارة اذا حبيت
شكراً للاخ اوركي على الشرح الوافي
تحياتي
-
الله يسهل الامور ويوصل الكرين كارد بيسر وسهولة زين اخوان سؤال الجنسية من واحد يستحقهة شكد تاخذ وكت هم تطول لو فترة معلومة واني شاكر الكم طبعا
بالنسبة للتقديم على الجنسية اني قدمت لوالدتي بشهر الثامن من هذة السنة وكان بداية الشهر من تاريخ التقديم تقريبا شهر ارسلوا ورقة لعمل طبع الاصابع سوت طبع الاصابع ماطلعت واضحة رجعوا انطوها موعد اخر اعادة بعدها انطوها موعد المقابلة والحمد الله اجتازت الامتحان ببعض الاسئلة العامة فقط مثل عمرك وعنوانك وتواريخ ميلاد اولادك ومن هل قبيل من الاسئلة مراعاه للعمر وتقارير طبيه المهم يعني كلها تاخرت من تاريخ التقديم الى اخر مرحلة الي هي تكون الحلفان واستلام الجنسية تقريبا اربع اشهر وطبعا لازم تخلي ببالك كل معاملة شكل مو شرط الكل نفس المدة لازم ياخذون الجنسية
-
اشكرج اختي العزيزة انجي وبارك الله بيج