ankawa
منتدى الهجرة واللجوء => الهجرة و واللاجئين => الموضوع حرر بواسطة: rafid82 في 16:17 06/12/2011
-
سلام عليكم
اخوان اريد اطلع جواز عراقي من السفارة العراقية لطفلة عمرها 3 اشهر المستمسكات اللي عندي هي
جنسية الاب + جنسية الام + جنسية الطفلة
شهادة جنسية الاب + شهادة جنسية الام
عقد الزواج
صور للاب و الام و الطفلة
الجوازات للاب و الام
اخوان اكو بعد شئ يحتاجونه و هل يجب احضار الطفلة يعني اخذهه معي لو غير يوم يحتاجون الطفلة و كم المبلغ اللي اخذه وياي بالدولار
سؤال الثاني الجنسية مال الطفلة عندي بس استنساخ فهل لازم اشوفون الاصلية لو لا
واكون ممنون لكم
-
انت باي ولاية رافد ليش ما تتصل بنفسك بالسفارة وتحجي وي الموظف تريد عربي او انكليزي وتتاكد شنو الي يطلبوه منك بالضبط عندك ارقام السفارة العراقية الي بواشنطن او بمشكن اذا ما عندك موجوده ارقامهم هنا بالارشيف ارقفها الك والاتصال يكون مابين 8 صباحا الى 12 ظهرا لاي استفسار تريد تستفسر عنه
-
أختي انجي بارك الله بك و الله يسمع منك ان شاء الله اروح لامريكا بس اني بعمان و هسة الساعة 5:30 العصر فاريد احضر اوراقي لباجر واني جدا ممنون لك
-
اوك راح اتصل السفارة الي يمنا اسالهم بلكن نفس النظام عدهم بكل مكان انتظر ردي
-
اخ رافد اني بوكتهة اخذت بنتي اخذولهة بصمه اصبع اتوقع لازم الطفلة وياك وطبعا هاية الاوراق كلهة مستنسخة يريدون نسخة نسخة وية الاصلية لازم يشوفوهة
-
اخ رافد اني بوكتهة اخذت بنتي اخذولهة بصمه اصبع اتوقع لازم الطفلة وياك وطبعا هاية الاوراق كلهة مستنسخة يريدون نسخة نسخة وية الاصلية لازم يشوفوهة
زين اخي بس مالت الاب لو الاب و الام أصلية بالنسبة للجنسية و شهادة الجنسية
-
رافد اتصلت بيهم وكان انسر مشين تركت رسالة بالنسبة لسؤالك انشاءلله يجاوبون على سؤالي باقرب فرصة اغلب الاحيان من اتصل بيهم اترك رسالة بعدها يرجعون نفس اليوم يتصلون ويجابون على سؤالي اتمنى ما يتاخر جوابهم اليوم سوري
-
رافد اتصلت بيهم وكان انسر مشين تركت رسالة بالنسبة لسؤالك انشاءلله يجاوبون على سؤالي باقرب فرصة اغلب الاحيان من اتصل بيهم اترك رسالة بعدها يرجعون نفس اليوم يتصلون ويجابون على سؤالي اتمنى ما يتاخر جوابيهم اليوم سوري
شكرا جزيلا اختي بارك الله بك
-
up
-
اخوية العزيز رافد الاصلية بس جيكوهة ورجعوهة بس النسخة بقت طبعا وية المعاملة وتدلل الي اعرفه اجاوبك
-
تعرف شنو المشكلة دزوا الجنسية بيد سايق و البارحة السايق تعرض لحادث سيارة و مات السائق و هسة الجنسية مفقودة عندي بس استنساخ دزولي نسخة والله حيرة شلون ورطة
-
شلون شغله سبحانك يارب وين منروح مشلوع قلبنه كللهم اخوية وبلكت الله يمشوك
-
عزيزي رافد
بالنسبة الى اخراج الجواز الى اي شخص طفلة ولا كبير , لازم يكون عنده شهادة الجنسية , او اذا ولدت بالاردن لازم ادز شهادة ولادتها بواسطة السفارة العراقية للعراق او راح طلعولها شهادة ولادة على اساس انه ولدة بالعراق اي من ابوين عراقيين او هي عراقية.
او اذا ماعدها شهادة جنسية ماراح يصدرولها بالسفارة العراقية بالاردن جواز عراقي.
او اذا كنت في بلد غربي او ولدة مثل في امريكا او كندا تستحق الجنسية الامريكية او الكندية.
تحياتي
جوسي البغدادي المانيا
-
يتم اعتماد هوية الاحوال المدنية للاطفال دون السنة من العمر والتي لا توجد فيها صورة بعد تقديم كتاب تأييد من السفارة يحمل صورة صاحب الطلب.
-
عزيزي رافد
بالنسبة الى اخراج الجواز الى اي شخص طفلة ولا كبير , لازم يكون عنده شهادة الجنسية , او اذا ولدت بالاردن لازم ادز شهادة ولادتها بواسطة السفارة العراقية للعراق او راح طلعولها شهادة ولادة على اساس انه ولدة بالعراق اي من ابوين عراقيين او هي عراقية.
او اذا ماعدها شهادة جنسية ماراح يصدرولها بالسفارة العراقية بالاردن جواز عراقي.
او اذا كنت في بلد غربي او ولدة مثل في امريكا او كندا تستحق الجنسية الامريكية او الكندية.
تحياتي
جوسي البغدادي المانيا
اخي الكريم حسب القوانين الجديدة لازم الطفل يكون عمرة 7 سنوات حتى يتم اخراج شهادة جنسية هذا اللي اعرفة
-
يتم اعتماد هوية الاحوال المدنية للاطفال دون السنة من العمر والتي لا توجد فيها صورة بعد تقديم كتاب تأييد من السفارة يحمل صورة صاحب الطلب.
اني الجنسية طلعته مع الصورة !!!
-
سلام عليكم
اخوان اريد اطلع جواز عراقي من السفارة العراقية لطفلة عمرها 3 اشهر المستمسكات اللي عندي هي
جنسية الاب + جنسية الام + جنسية الطفلة
شهادة جنسية الاب + شهادة جنسية الام
عقد الزواج
صور للاب و الام و الطفلة
الجوازات للاب و الام
اخوان اكو بعد شئ يحتاجونه و هل يجب احضار الطفلة يعني اخذهه معي لو غير يوم يحتاجون الطفلة و كم المبلغ اللي اخذه وياي بالدولار
سؤال الثاني الجنسية مال الطفلة عندي بس استنساخ فهل لازم اشوفون الاصلية لو لا
واكون ممنون لكم
حسب علمي لازم تاخذ الطفله لان يريدون بصماتها.
وبالتوفيق مع مغامرة اصدار الجواز من السفارة.
-
الظاهر راح ادفع فلوس واشوفلي واسطة من بغداد اشرفلي من روحت السفارة
-
اخويه انا بالنسبه الي قبل كم شهر سويت لابني عمره 3 شهور وانا عايش بالامارات اول شي الي اتسويه اتروح للسفاره العراقيه اتودي شهادة الميلاد مالتها وبعدين هما يدزوها لبغداد يصدقوها بالوزاره الخارجيه وبعدين بالهيئة الصحه بس لو عندك احد هناك يركض بيها تكون احسن لان المعامله مالتي طولت 3 شهور وبعدين بس تخلص من الصحه تبعث احد من مندوب الجنسيه وتعطي اكراميه يروح يجيبها بنفسه يوديها للجنسيه وهنوب تنتظر تطلع الجنسيه مالتها الاصليه الي هي الاحوال المدنيه بالنسبه لشهادة الجنسيه ما تحتاج الا بعمر 6 سنوات يله تقدر اطلعلها وبعدين بس توصلك الجنسيه بس حاول تلقى احد بالجنسيه واسطه يخلصها الك وبعدين تاخذ كل الاوراق الاصليه من جنسيتك وشهادة جنسيتك ومالت الام ايضا واتلجنسيه مالت الطفله والجوازات مالت الام والاب كلها اصليه والصور الشخصيه مالت الطفله تكون الخلفيه بيضه وبعدين اسوي استماره عن طريق النت وتسحبها وتتوكل على الله بس اهم شي تاخذ الطفله معاك لان راح يبصموها لان انا اخذت ابني معاي شافوه وبصموه بحيث ما طلعت البصمه عدل اخذو بعدين بصمتي هذا كل الي صار واتمنالك التوفيق
-
اخويه انا بالنسبه الي قبل كم شهر سويت لابني عمره 3 شهور وانا عايش بالامارات اول شي الي اتسويه اتروح للسفاره العراقيه اتودي شهادة الميلاد مالتها وبعدين هما يدزوها لبغداد يصدقوها بالوزاره الخارجيه وبعدين بالهيئة الصحه بس لو عندك احد هناك يركض بيها تكون احسن لان المعامله مالتي طولت 3 شهور وبعدين بس تخلص من الصحه تبعث احد من مندوب الجنسيه وتعطي اكراميه يروح يجيبها بنفسه يوديها للجنسيه وهنوب تنتظر تطلع الجنسيه مالتها الاصليه الي هي الاحوال المدنيه بالنسبه لشهادة الجنسيه ما تحتاج الا بعمر 6 سنوات يله تقدر اطلعلها وبعدين بس توصلك الجنسيه بس حاول تلقى احد بالجنسيه واسطه يخلصها الك وبعدين تاخذ كل الاوراق الاصليه من جنسيتك وشهادة جنسيتك ومالت الام ايضا واتلجنسيه مالت الطفله والجوازات مالت الام والاب كلها اصليه والصور الشخصيه مالت الطفله تكون الخلفيه بيضه وبعدين اسوي استماره عن طريق النت وتسحبها وتتوكل على الله بس اهم شي تاخذ الطفله معاك لان راح يبصموها لان انا اخذت ابني معاي شافوه وبصموه بحيث ما طلعت البصمه عدل اخذو بعدين بصمتي هذا كل الي صار واتمنالك التوفيق
شكرا الك اخي الكريم اني هسة عندي الجنسية كاملة بس المشكلة الاصلية ضاعت ويه السايق اللي جابة لان تعرض لحادث و مات قضاء و قدر و حظي هذا لازم اطلع بدل ضايع والله كريم
-
اخي رافد المستمسكات الي عندك كافيه اخذ الصلي والاستنساخ وياه
بس تاخذ الطفله وياك وحضرلها صور
حتى لو انت تاخذها بالكاميرا على خلفيه بيضه وتطبعها
وان شاء الله موفق يارب
-
تعرف شنو المشكلة دزوا الجنسية بيد سايق و البارحة السايق تعرض لحادث سيارة و مات السائق و هسة الجنسية مفقودة عندي بس استنساخ دزولي نسخة والله حيرة شلون ورطة
لا حول ولا قوة الا بالله العلي العظيم
صدك العراق مشلوع قلبه وين مينطي وجهه
اخي تكدر تراجع مركز الشرطة الي نقلولها السيارة وتطلب منهم اوراقك الي كانت ويه السايق خصوصا هي باسمك
وربي يسهل عليك ان شاء الله في رحلة اصدار الجواز
اختك ميمي
-
اخوية جرب انه تقدم وكوللهم عندي جنسية مستنسخة بلكت الله تمشي التسهيل من رب العباد
-
اعزائي الكرام
بالنسبة الى اصدار الوثيقة او الجواز للطفل بس يحتاج الى صورة خلفيتها بيضة او الاذنين ظاهرة بالصورة.
اما بالنسبة الى التبصيم ماكو داعي لانه الطفل الى حد سبعة اسنين ما يحتاج تبصيم او هذا ما دا لاحظة من خلال مساعدتي للعراقيين باصدرا جوازات الى اطفالهم, او اؤوكد كلام الاخ من الامارات الطريقة اللي اخراج جواز الى طفلة, لانه الطريقة الماشية بالوقت الحاضر
تحياتي
جوسي البغدادي
-
الظاهر راح ادفع فلوس واشوفلي واسطة من بغداد اشرفلي من روحت السفارة
ميصير من العراق جواز A اخي لان مطلوبه بصمة الكترونيه لولي امر الطفل
وبصمة عادية الك وللطفل .. واذا يصير من العراق فصعب جدا وغالي جدا .
-
اخوان بارك الله بكل الردود اليوم اجاني خبر انه وجدوا الجنسية في السيارة و غير تالفة و بلغوني انه معجزة طلعت سالمة الجنسية لان حتى كان مع السايق أمانات ذهب كله شبه تالفة الحمد الله الجنسية وجدوهه وراح يدزوهه اللي والله يبعد عنه و عنكم كل شر يارب
-
عزيزي الاخ رافد
مبروك او الف الحمد الله على السلامك بالعثور على جنسية الملاك, هذي الطفلة جايبت قصدها خير عليكم, او انشاء الله اتروح الى السفارة العراقية بالاردن او اتقدم كل المستمسكات او اكيد راح يطلعولها جواز, او مرة ثانية الف مبروك.
او اكيد هذي البشراوية عليها نذر او اتمنى الكم الموفقية او اكيد على قصد الطفلة الخير راح تستلمون قريبا موعد السفر موفقين
جوسي البغدادي
-
عزيزي الاخ رافد
مبروك او الف الحمد الله على السلامك بالعثور على جنسية الملاك, هذي الطفلة جايبت قصدها خير عليكم, او انشاء الله اتروح الى السفارة العراقية بالاردن او اتقدم كل المستمسكات او اكيد راح يطلعولها جواز, او مرة ثانية الف مبروك.
او اكيد هذي البشراوية عليها نذر او اتمنى الكم الموفقية او اكيد على قصد الطفلة الخير راح تستلمون قريبا موعد السفر موفقين
جوسي البغدادي
تسلم ياوردة وشكرا لك جزيلا
-
الله يرحمه للسايق والحمد لله على عثوركم على الجنسية والله يسهل الامور انشاء الله