ankawa
منتدى الهجرة واللجوء => الهجرة و واللاجئين => الموضوع حرر بواسطة: dannybasim في 20:19 11/12/2011
-
مساء الخير
اخوان سمعت من اقاربنا بتركيا انه اليو ان دتخير المقدمين الجدد هناك بين استراليا وكندا وانه ماكو حاليا توطين بأمريكا شنو الفلم صحيح لو هاي المعلومات خطأ لو شنو الفلم.
علماً انه اني مالي علاقة بهاي الاخبار لانه داعيكم مقدم من بغداد وحاليا عالامنية بس حبيت اشوف جماعة تركيا لانه اكو ناس اقاربي هواية بتركيا ديريدون يتأكدون من الخبر اللي سمعوه.
تحياتي
م. داني باسم
-
شنو السالفة محد عنده علم
-
شنو السالفة محد عنده علم
اللي عندي علم بي ومتاكد منا بالضبط بدرجة 10000000000% مايلي
1- ماكو ابد بالعالم اكثر من العراقيين شعب يصنع الاشاعة ويكبرها ويوزعها ويرجع يصدقها ويمشي على اساسها
2- اليو ان ما سمعت في يوم من الايام انها اتخير المتقدم يادولة اتريد انوديك عليها ولكن اتقدم ملفك اولا الى امريكا ثم بعد ذلك في حالة الرفض لاسمح الله يحولوك الى استراليا واذا انرفضت لا سامح الله تتحول الى كندا اما الذين يتحول ملفهم الى غير امريكا فتكون في الحالات التالية
1- اذا امريكا اقفلت استقبال اللاجئين وهذا مستحيل الحصول لان امريكا بلد يعيش على تدفق اللاجئين من كل دول العالم
2- نسبة قليلة جدا يتم تحويل ملفهم الى دولة غير امريكا وهم نسبة ضئيلة لاتتجاوز 2% من المتقدمين
3- في حالة اذا اتكللهم انه عندي اقارب من الدرجة الاولى في كندا او استراليا فيحولون ملفك الى تلك الدولة
ونصيحتي لحضرتك وكل من يريد يجي يقدم في تركيا او اي دولة اخرى ترى اذا خليتو في بالكم الاصغاء للاشاعات التي يصنعها نسبة كبيرة من الابطال العراقيون عمدا ليزحلقوا بها من ياتي حديثا لكي يقدم على اليو ان وبعدها يضحكون بفخر واعتزاز كيف قامو بجعل فلان او فلانة يصدقو الاشاعة ويعودون الى العراق بعد ان صرفوا مبالغ طائلة ( اعتيادي هذا التصرف عدهم يعتبروا بطولة وشجاعة تستحق الفخر)
اقول اصغائكم لمثل هذه الاشاعات سيدفع بكم للعودة الى العراق العظيم من اول اسبوع
-
السلام عليكم
عاشت ايدك اخي جوناثان واني اوافقه الرأي في كل كلمه وللاسف ان هذا الشي حقيقي وللتاكد من هذا ارجو من كل شخص يريد يطلع على قوانين اليو ان بتركيا يدخل على الموقع الاللكتروني الخاص بيهم وراح يلكه فايلات بصيغه الكتب الالكترونيه يعني pdf موجوده بيها الوائح والنصوص واحد ام النصوص تكول (لا يحق لللاجئ اختيار بلد اعاده الاستيطان كما لا يحق له المطالبه بتعجيل اجراء الاستيطان الا بعد مرور سنه من تاريخ قبوله كلاجئ) كما انه اي شخص يراجع اليو ان من يريد يقابلوه ينطوه كتيب بيه هاي النصوص والقوانين حتى يعرف الشخص الي اله والعليه
ومع كل الاسف اكو هنا حاله تجاره باخوانه العراقيين خصوصا العوائل الي ما الها احد. من قبل بعض الناس العراقيين بالاسم فقط والضاهر هم عراقيين حديثين العهد مثل هسه العراق الحديث صار لا ذمه ولا اخلاق (حشى الناس الطيبه الاصيله الباقيه بيه)
والله ما اعرف شكول بس (حسبي الله على الي كان السبب بالي احنا بيه وهو نعم الوكيل)
اخوان تاكدو من الاخبار ولا تصدكوها كلها
وشكرا لكم
ابو يوسف من تركيا
-
اشكرك اخي العزيز ابو يوسف وان شاء الله دائما نتعاون انا وحضرتك ونساعد كل الطيبين الشرفاء مثلك
-
اخوان بس ملاحظة يمكن ما قريتوا انه اني مقدم من بغداد وما محتاج معلومات عن تركيا
بس ردت اعرف الخبر صحيح لو لا
وبالمناسبة عمتي خابروها قبل شهر تقريبا وسالوها تريدون امريكا لو كندا كالتلهم امريكا بسبب وجود اقاربنا بكثرة هناك
تحياتي
-
اخي داني لا اني قرأت انه انت مقدم من بغداد بس احنا اتقصدنا نكتب هذا الكلام كي يستفاد منه اليريد يجي لتركيا ولكي الفائده تعم للجميع
تحياتي اخوك
ابو يوسف من تركيا
-
الى danny basim وكل الاعضاء المحترمين هو ماكو توقيف او الغاء توطين لكن هناك تاخير كبير بسب الزخم الكبير وبسبب طول فترة التجيك الامني المتشدد اللذي ظهر في الفترة الاخيرة بسبب حادثة كنتاكي
-
شكرا لردودكم الجميلة يا اخواني الاعزاء
الاخ نورس جوناثان والاخ ابو يوسف والاخ hon تحياتي لكم ويا ربي يفرحها عن كل المقدمين ومن كل الدول
سلامي
-
الله يفرجها عليكم
-
بارك الله بيك الاخ النورس جوناثان
بالحقيقة عندى اقارب ابتركيا او كبل اسبوع اجاهم رفض من استراليا, لانه هما امقدمين على امريكا, او ماخذين الفسورية, او طلبو تونطينهم الى استراليا لانه عندهم اخوت او خوات اهناك, او اجاهم رفض توطينهم الى استراليا, او اغلب اللي حولوهم من امريكا الى استراليا او كندا صارلهم مدة طويلةفي تركيا دينتظرون, لذا يوم 15 او 24 اكو طيارة من تركيا الى استراليا او اتصور هذولا ملفاتهم قديمة او بعد الشهر الثاني راح ينظرون بالملفات الجديدة حسب ما حجولي العراقيين الموجودين بتركيا, لذا اتصور العمة افتهمت غلط لتعدد السفرات الى استراليا من تركيا في الاونة الاخيرة.
تحياتي
جوسي البغدادي
-
اخواني الاعزاء: تحية طيبة
ماادري حالتي اشلون بعضهم يكول عادي وبعضهم يكول لا صارلك اهوايه. يعني بالضبط صارلي 5 اشهر ونص من حصلت على ورقة الحماية الفسفورية يعني بداية شهر تموز 2011 ولحد هسه بس مكتوب تم القبول كلاجى المقابلة الاولى وماكو توطين. وكم مره خابرتهم قصدي يو ان يكولولي لازم تنتظر ???. يعني مادري اخوان انتو شتشوفون بان هذا اعتيادي؟ لو لا ؟ مع انه احنا عائلة ولدينا مولود جديد.
والشكر الجزيل مقدما لكل الاخوة اللي راح يبدون ارائهم بقضيتنا
اخوكم مصطفى
-
اخواني الاعزاء: تحية طيبة
ماادري حالتي اشلون بعضهم يكول عادي وبعضهم يكول لا صارلك اهوايه. يعني بالضبط صارلي 5 اشهر ونص من حصلت على ورقة الحماية الفسفورية يعني بداية شهر تموز 2011 ولحد هسه بس مكتوب تم القبول كلاجى المقابلة الاولى وماكو توطين. وكم مره خابرتهم قصدي يو ان يكولولي لازم تنتظر ???. يعني مادري اخوان انتو شتشوفون بان هذا اعتيادي؟ لو لا ؟ مع انه احنا عائلة ولدينا مولود جديد.
والشكر الجزيل مقدما لكل الاخوة اللي راح يبدون ارائهم بقضيتنا
اخوكم مصطفى
اخي العزيز اولا انا ويا حضرتك فعلا المسالة طولت شوية مقارنة بما نسمع من الفترات الي يتم بيها تحويل الملف الى استيطان لكن راح انطيك النقاط التالية
1- عند التقديم باليو ان قالو لنا بان مسالة التوطين ليست امر حتمي وهذه الجملة مطاطية حتى متقدر اتناقشهم بعدين لان هما ليكدام كايلين انه التوطين مو امر حتمي يعني مو شرط الا اليو ان ينطيك توطين ولو انا اشوف هذا الكلام مينطبق على العراقيين لان اول وتالي لازم يحولوك للتوطين ممعقولة يخلوك شنو والله انت محمي هنا و عايش بتركيا لان امر غير مقبول واللاجيء على ايش مقدم غير على مود يتوطن بدولة ثالثة فهذا الشي برايي مجرد حجة يتحججون بيها حتى الواحد لايحجي وياهم
2- موظف اليو ان قال لي عند تسليمي الفسفورة انتظر تلفون من عدنا يجوز خلال شهر او شهرين او اربعة او ستة او اكثر حتى تقابل المقابلة الثانية وهذا معناه انه من الممكن انه التحويل للتوطين ياخذ وقت حتى اكثر من الوقت اللي صار لك تتنتظر بي وهذا يعني انه حضرتك لازلت ضمن المدة المقبولة لان بصراحة اكو ناس هنا بالمنتدى اخذو الفسفورة اصلا ورا سنة من المقابلة فانت افضل بكثير ان شاء الله حالك عنهم انت على الاقل ضمنت كونك معترف بيك كلاجئ واخذت الفسفورة اللي هيا اصلا صايرة هسا شوية نادرة مو للكل وان شاء الله يجيك التوطين طاير عن قريب
3- بالنظر لوجود زخم كبير متكتل من السنة السابقة على التوطين لامريكا فاعتقد انه هناك نوع من الاتفاق مابين اليو ان وما بين منظمة التوطين الاي سي ام سي ان يكون هناك نوعا ما تاخير بالتحويل من اليو ان الى التوطين حتى يتم تمشية المعاملات السابقة والتخلص من الزخم (هذا رايي الشخصي)
4- خلي في بالك انه هذه الايام ايام عطلات واعياد واعتقد انه ماكو دوام عدهم فهذا ايضا راح ياخر بالاتصال
5- خلي في بالك نقطة انه اكو عوائل (وليس الكل) اتاخر شوية تحويلهم للتوطين وبالمقابل تم تحويلهم الى كندا او استراليا بلكت انت هم يتحول ملفك الى كندا او استراليا وهذا افضل الك برايي
نستنتج من هذا الكلام مايلي
ان شاء الله راح يتصلون بيك خلال بداية السنة الجاية لغرض التوطين لان فعلا شغلتك ان شاء الله اصبحت مسالة وقت وان شاء الله عن قريب تكتب بالمنتدى انه تم توطينك
اتمنى الك كل الموفقية يارب
-
الله يخليك يااخي النورس جوناثان ويكثر من امثالك
طبعا والله ارتاحيت من سمعت كلامك وان شاء الله يصير مثل ماتكول واي شي تحتاج انت او احد في المنتدى بخصوص اللغة في تركيا فاني حاضر( لان اخوكم يتكلم اربع لغات)( عربي, انكليزي, تركي, كردي) .
مع التوفيق لجميع العراقيين الشرفاء الطيبين
-
مساء الخير على الجميع
اخي مصطفى بالنسبة لوضعك اسفة جدا لا املك اي معلومة ممكن افيدك فيها لان بصراحة انا منذ 5 اشهر قابلت ولحد الان لم احصل على الفسفورة
لو سمحت اخي اريد رقم اليو أن الذي يردون عليه لكي اتصل فيهم واي يوم وفي اي ساعة اتصل لان اتصلت كثيرا ويرد الانسر مشين
واحيانا يرن كثيرا ولا يردون
مع خالص شكري لك
بالتوفيق
-
اختي العزيزة المسافرة
هذا رقم اليو ان 03124097005 , كل يوم خميس تكدرين تخابرين من الساعة 3 لحد الساعة 4 يعني بس ساعة وحدة , ومن تخابرين راح تلكيه مشغول ولازم تحاولين اهوايه يعني خلال هاي الساعة تكدرين تحصلين مرة وحدة او مرتين , واذا محصلت عود كوليلي حتى نسوي غير طريقة ان شاء الله. بس ان شاء الله تحصلين وتتوفقين بأذن الله .
-
اشكرك كثيرا اخي مصطفى
وان شاء الله اتصل ويجاوبون وساعطيك خبر على كل الاحوال
مرة ثانية اشكرك
بالتوفيق
-
تدللين اختي واني حاضر وبالخدمة
-
الله يخليك يااخي النورس جوناثان ويكثر من امثالك
طبعا والله ارتاحيت من سمعت كلامك وان شاء الله يصير مثل ماتكول واي شي تحتاج انت او احد في المنتدى بخصوص اللغة في تركيا فاني حاضر( لان اخوكم يتكلم اربع لغات)( عربي, انكليزي, تركي, كردي) .
مع التوفيق لجميع العراقيين الشرفاء الطيبين
تتدلل اخي العزيز وانت ايضا من الشرفاء الطيبين وانا بالخدمة في اي وقت واي سؤال انا اخوك حاضر للاجابة اذا اعرف ان شاء الله
-
عشت يا اخ نورس عشت يا اخ ابو يوسف وشكرآ لكم والله الله يكثر من امثالكم يارب دمتم سالمين خادمكم اخوكم علي
-
عشت يا اخ نورس عشت يا اخ ابو يوسف وشكرآ لكم والله الله يكثر من امثالكم يارب دمتم سالمين خادمكم اخوكم علي
انت العايش اخونا العزيز وبالنسبة الي خدمة اي عراقي شريف هو شرف الي
-
شنو السالفة محد عنده علم
اللي عندي علم بي ومتاكد منا بالضبط بدرجة 10000000000% مايلي
1- ماكو ابد بالعالم اكثر من العراقيين شعب يصنع الاشاعة ويكبرها ويوزعها ويرجع يصدقها ويمشي على اساسها
2- اليو ان ما سمعت في يوم من الايام انها اتخير المتقدم يادولة اتريد انوديك عليها ولكن اتقدم ملفك اولا الى امريكا ثم بعد ذلك في حالة الرفض لاسمح الله يحولوك الى استراليا واذا انرفضت لا سامح الله تتحول الى كندا اما الذين يتحول ملفهم الى غير امريكا فتكون في الحالات التالية
1- اذا امريكا اقفلت استقبال اللاجئين وهذا مستحيل الحصول لان امريكا بلد يعيش على تدفق اللاجئين من كل دول العالم
2- نسبة قليلة جدا يتم تحويل ملفهم الى دولة غير امريكا وهم نسبة ضئيلة لاتتجاوز 2% من المتقدمين
3- في حالة اذا اتكللهم انه عندي اقارب من الدرجة الاولى في كندا او استراليا فيحولون ملفك الى تلك الدولة
ونصيحتي لحضرتك وكل من يريد يجي يقدم في تركيا او اي دولة اخرى ترى اذا خليتو في بالكم الاصغاء للاشاعات التي يصنعها نسبة كبيرة من الابطال العراقيون عمدا ليزحلقوا بها من ياتي حديثا لكي يقدم على اليو ان وبعدها يضحكون بفخر واعتزاز كيف قامو بجعل فلان او فلانة يصدقو الاشاعة ويعودون الى العراق بعد ان صرفوا مبالغ طائلة ( اعتيادي هذا التصرف عدهم يعتبروا بطولة وشجاعة تستحق الفخر)
اقول اصغائكم لمثل هذه الاشاعات سيدفع بكم للعودة الى العراق العظيم من اول اسبوع
اني مع اخوية النورس