ankawa

منتدى الهجرة واللجوء => الهجرة و واللاجئين => الموضوع حرر بواسطة: الفرج2 في 21:01 13/12/2011

العنوان: لماذا نهاجر ؟؟؟؟؟؟
أرسل بواسطة: الفرج2 في 21:01 13/12/2011

احد المترجمين الذين كنت اعمل معهم  سيارته موديل 2010  وعنده مصنع لانتاج المواد البلاستيكيه كتانكيات الماء وغيرها , داره ملكه ويعمل احدهم عنده سائق تاكسي للاجره . وحسب ادعائه راتب الترجمه 1200 دولار شهريا مخصص لاقامة العزائم لاصحاب المراكز الذين تربطهم به صداقة المصلحه والمنفعه الماديه التي يركض ورائها لاهثا . مرة من المرات عندما كنا في اللبرتي , فلت له اكو منتدى رائع اسمه عينكاوا ادخل عليه واقرا ما يكتبه اعضائه في شتى مجالات الحياة من كتابات . فاجابني بالحرف الواحد بضحكة استهزائيه : ههههه اشلون عندك سوالف مكسره تخرب ضحك , شسوي بالكتابات ؟ ااكل كتابات لو اشرب كتابات ؟؟ ههههههها
ومن اجابته هذه تستطيعون اخوتي ان تستوعبوا من هو  , كيف يعيش وكيف يفكر . وما هي نظرته للحياة . اكل ونوم وقضاء حاجاته البايولوجيه .
الحيوانات ايضا تاكل وتنام وتقضي حاجاتها البايولجيه ولا تعترض على المكان الذي تعيش فيه وما يحتويه من ظروف محيطة به تضم باقي الحيوانات او خاليه ومهما اختلفت وتنوعت هذه الظروف .
وسالته مره : هل قدمت على الهجره او اللجوء ؟ فقال لا ولا اريد ان اقدم , ولماذا اقدم ؟؟؟؟؟

    انا احب العراق لاني عراقي واحب العراقيين لاني على الاقل اشترك معهم باللغة وبعوامل اخرى كثيرة كالعادات والتقاليد وغيرها ........... ولكن هل هذا يكفي ان اجبر بحكم الانتماء والاصاله على  اختيار العراق وحده لاعيش فيه  , والدين وكل الاعراف تقول : ارض الله واسعه ؟ وهل العراق ارض الله وامريكا وبقية البلدان الاخرى ليست من ارض الله ؟

 ليش ؟ ليش ؟ حتى اشوف احد اقرباء مسؤول من المسؤولين الكبار يزوره ليعاتبه قائلا له : شنو القصه , شو كلشي ما شفنا منك لا حار ولا بارد ؟ فيفكر قليلا ويجيبه :  زين تكدر ترمم هذا الشارع اللي بمنطقتكم وتاخذلك جم مليون ؟

او لكي يكون احد اصدقائي هذا الحيوان الذي لا يفكر الا بالاكل والنوم ؟

او لتكون حياتي مهدده لاسباب طائفيه او عرقيه او عشائريه ؟
او مهدده لاني اشتغلت مترجم مع الامريكان , لان عطفت عليهم ,  لان خطيه  اذا ما اشتغلت وياهم مترجم ما يكدرون يجيبون مترجم من امريكا او من اي بلد  اخر , وخطيه وين يروحون بهاي الحاله راح يبقون خطيه بدون مترجم كلشي ما يفتهمون من العربيه ...

   هذا كما تقول احدى الاخوات العزيزات  قطرة من بحر من الاسباب  والكاع محضوره ......

فلماذا نهاجر  اخوتي الاعزاء ؟؟؟؟؟؟؟؟


الفرج2

العنوان: رد: لماذا نهاجر ؟؟؟؟؟؟
أرسل بواسطة: xxlm569 في 21:06 13/12/2011

الله كريم

العنوان: رد: لماذا نهاجر ؟؟؟؟؟؟
أرسل بواسطة: steven_siv في 21:13 13/12/2011

مشكلتة

العنوان: رد: لماذا نهاجر ؟؟؟؟؟؟
أرسل بواسطة: ابو ايمن المياحي في 21:55 13/12/2011

هسة المطلوب شنو كلشي مفتهمت؟؟؟؟؟؟؟؟؟؟؟؟؟؟؟ ??? ??? ??? ??? ??? ??? ???

العنوان: رد: لماذا نهاجر ؟؟؟؟؟؟
أرسل بواسطة: salih alassifi في 22:00 13/12/2011

الموضوع في بحر والعنوان في بحر اخر
بس راح اجاوبك بلنسبة للعنوان
اني اهاجر علمود اخذ جنسية قويه بكل العالم واحد يكدر يجول مرتاح وشهادة قويه وهاهيه

العنوان: رد: لماذا نهاجر ؟؟؟؟؟؟
أرسل بواسطة: أم إبراهيم في 22:01 13/12/2011

والله يا اخي صاحب الموضوع... اعذرني بس ما شفت شي غريب بهالقصة... اكو ناس هواية كلش ميريدون يتركون العراق وآني وأولادي اولهم لأن اعشق العراق... بس زوجي عنده غير رأي ولهالسبب تركنا البلد وطلعنا... وأكو ناس مستفادة من العراق ماديا ويحسون أنه طلعتهم للخارج راح تكون بيها مذلة وتعب وأهانة وهم في غني عنها... وبالملخص يا أخي الناس وجهات نظر وكل واحد اعذراه وظروفه تختلف عن الآخر...

تمنياتي بالموفقية

العنوان: رد: لماذا نهاجر ؟؟؟؟؟؟
أرسل بواسطة: المهاجر التائه في 23:20 13/12/2011

اخوان كل انسان واله وجه نظر بس اني حسب راي انه احنه كلنا نريد نروح لاميركا لاجل الجنسية القويه ونكدر نفتر دول العالم براحتنا بس اكو موضوع كلش مهم هو احد فكر برزقه شلون راح يكون يعني هل العمل براتب بسيط هل ممكن الانسان يخلي يكدر ان يسافر ويفتر دول العالم وحتى لو جانت جنسيته قويه الاساس هي الفلوس والرزق وكل الناس لازم تفكر بهل الكلام مثلا الاخ ذكر هل الشخص وديكول انه عنده معمل واموره الماديه ماشيه شنو الي راح يستفاد من الجنسيه اذا هو بالكوه كادر ان يعيش بالعكس كل دول العالم تفكر بالموضوع المادي بس احنه مكمنا نحس بي لانه كمنا نفكر بالجنسيه طبعا واني شفت اول الناس الي تفكر بالفلوس همه الاميركان نفسهم واقرب مثال عليهم الناس الي تخدم بالجيش علمود الفلوس الكل جايه لانه رواتبهم جدا عاليه فاني اتمنى انه نفكر بالموضوع من ناحيه اقتصادية وليس بس موضوع الجنسية مع احترامي لجميع الاراء

العنوان: رد: لماذا نهاجر ؟؟؟؟؟؟
أرسل بواسطة: s350thebest في 23:47 13/12/2011

باختصار لان نعسان واريد انام

اريد اسافر حتى نحصل على جنسية محترمة اني وعائلتي
وشغلة ثانية ترة العراق بلد لاكف
هذا موضوع طويل
تصبحون على خير.

العنوان: رد: لماذا نهاجر ؟؟؟؟؟؟
أرسل بواسطة: kunda في 23:59 13/12/2011

مااعرف  اخوية الفرج2 صاحب الموضوع شنو اللي يريد يوصلة بالضبط ؟؟ هل تريد اجابة على سب اختيارنا للهجرة ؟؟!
أم انت (او صاحبك) محتار يسافر او لا ويريد دفعة تشجيعية او بالعكس؟؟
اذا سؤالك يشمل ماتقدم فبصراحة الموضوع يطول شرحة ويدخل في تأويلات وشروحات عديدة وقبل الدخول في التفاصيل يجب ادراك حقيقة ثابتة مهمة وهي انه (كل انسان وظروفه). لايمكن تعميم رأي ما على الجميع .بل ان قرار كهذا قد لايتفق عليه ابناء العائلة .لابل قد يختلف الانسان نفسه في تحديد خياره ومساره مع نفسه  :o

العنوان: رد: لماذا نهاجر ؟؟؟؟؟؟
أرسل بواسطة: كافي ظلم في 00:00 14/12/2011

السلام عليكم

اخوتي الاعزاء ...
الكل يعلم جيدا ومتيقنين ومتاكدين بان كل جنسيات دول العالم يمكن ان تاخذ بالمادة (الي عنده فلوس يكدر ثاني يوم يحصل على ارقى جنسية في العالم وبكل سهولة ) . ولكن الجنسية متوكل خبز ولا تأتي بالفلوس فما جدوى الجنسية الاوربية او الامريكية وانت وعائلتك تتحصرون على كثير من ضروريات الحياة.

اول ماشلت فكرة السفر والهجرة من راسي صار براسي خير وهسة والحمد لله الحالة المادية جيدة جدا . يا اخي هذا العراق بي خير لا ينضب وسبع للي يعبي بالسلة ركي  

العنوان: رد: لماذا نهاجر ؟؟؟؟؟؟
أرسل بواسطة: malak.ali في 01:07 14/12/2011

إذا ماضاق نفسك من بلاد = ترحل طالبا بلدا سواها
عجبت لمن يقيم بدار ذل = وأرض الله واسعة فضاها
فذاك من الرجال قليل عقل = بليد ليس يدرى ماطحاها
فنفسك فز بها إن خفت ضيما = وخلى الدار تنعى من بناها
فإنك واجد أرضا بأرض = ونفسك لاتجد نفسا سواها
مشيناها خطى كتبت علينا = ومن كتبت عليه خطى مشاها
ومن كانت منيته بأرض = فليس يموت فى أرض سواها

العنوان: رد: لماذا نهاجر ؟؟؟؟؟؟
أرسل بواسطة: الفرج2 في 07:48 14/12/2011

اشكركم اخواني واخواتي جميعا على ردودكم الصادقه بكل ما طرحتموه من اراء , كانت كلها صادقة  لان وكما بينتم كل وظروفه وما يمر به في حياته . ولكل امر وحالة اسباب تتنوع وتتعدد ماهياتها واهميتها  وهو موضوع طويل وعريض .

    لكن وبصراحة شدت انتباهي كثيرا الاخت ملاك بهذه القصيدة التي عبر مضمونها عن كل ما اردت قوله وبالحرف الواحد .


   
                                                ( مشيناها خطى كتبت علينا = ومن كتبت عليه خطى مشاها )



الفرج2

العنوان: رد: لماذا نهاجر ؟؟؟؟؟؟
أرسل بواسطة: immigrant1972 في 13:23 14/12/2011

اخوان الجواب ببساطة وحسب وجهتي نظري كالاتي :

1.هل من الممكن لاي انسان عادي ماعندا ظهر بالعراق يشتكي ضد اي احد بالعراق في حال وجود مشكلة ؟؟ الجواب لا طبعا لان تنكلب الدعوى ضدة
2.شكد الدخل الشهري للموظف الي بالقطاع الخاص يعني مو بالدولة  ( طبعا ماعدا الاشخاص الي اشتغلو وية الاميركان)  وشكد اقل ايجار ببغداد وشكد راح يبقالة من الراتب للمعيشة ؟؟!!  كلشي مراح يبقى واذا متداين حتى يعيش
3.يكدر الشحص الاعتيادي الي مذكور اعلاه ان يشتري بيت وسيارة واثاث محترم  ويعيش عائلتة ...الجواب طبعا لا بهيجي راتب تعبان حتى ولا بعد 30 سنة
4.شنو مستوى التعليم بالعراق وشلون راح يكون مستقبل الاجيال القادمة وشنو مستقبل اطفالنا بالعراق  ؟؟  تعبانة جدا
5.شوكت راح نكدر نشوف فد منطقة مرتبة وحدة على الاقل يكدر الواحد يعيش بيها ؟؟ طبعا ماكو ...حتى المناطق الي جانت راقية ببغداد خربت
6.شوكت يحس المواطن انه عايش بمجتمع مدني ميفرق بين شخص والاخر ؟؟؟  اوووو  هاي سالفة شغلتهة طويلة
7.شوكت راح يصير عدنا التامين الصحي ؟؟؟ ما اعتقد يصير لان البوك واصل حدة
8.شوكت يصير عدنا نظام الضمان الاجتماعي ...الي يكفل حقوق الموظف بالقطاع الخاص ؟؟؟ طبعا هوة موجود  بس ميتطبق نهائيا ...بحيث اني جنت موظف بشركة وجبروهوم يسوون ضمان اجتماعيي للموظفين ...المدير مالتنا كال راح نكتب بالاستمارة مالتكم الراتب 150 الف ...اذا اجاكم المفتش تكولون هذا الرقم ... ولة ترة ابطلكم اذا كلتو راتبكم الحقيقي !!!
9.كيف اصبحت التقاليد الاجتماعية والثقافية والمعيشية والتربوية  بالعراق بعد عام 2003 ؟؟؟ حيل تعبانة بحيث اجيبلكم مثل ..طفل صغير يرمي الاوساخ بالشارع ..كتلة ابني ليش تشمر الاوساخ بالشارع ...يجاوبني ويكلي قابل الشارع مال ابوك !!!


طبعا هاي بعض الاشياء الي تخلي الواحد يفكر الف مرة بالطلعة من العراق ..على الاقل بالنسبة الي  

العنوان: رد: لماذا نهاجر ؟؟؟؟؟؟
أرسل بواسطة: ssomeda في 14:00 14/12/2011

لماذا نسافر؟؟؟
الجواب.....
لان ماعدنه المميزات الي عند صاحبك واكيد من ضمنه سيارته ال 2010   ;D

العنوان: رد: لماذا نهاجر ؟؟؟؟؟؟
أرسل بواسطة: المهاجر التائه في 14:28 14/12/2011

اخوان بس حبيت ابين  فد جانب مهم وهو السفر لازم يكون مدروس مو شرط لاميركا اكو هوايه دول ممكن العراقي يسافر بيها ويبدي بيها بس اهم شي اني راي قبل ميسافر انه يضمن رزقه والرزق على رب العالمين لانه الانسان وطنه هو رزقه وليس وطنه هو الجنسية اني مع كل شخص يريد يسافر خارج العراق لانه العراق جحيم لا يطاق ومستحيل الواحد يكدر يتحمل العيشه بي بس ارجع واكول اهم شي مصدر الرزق مالته ومتهم الجنسية اني شفت هوايه ناس تحجي بموضوع الجنسية ويكولون الجنسية هم اهم شي  وناسين اهم شي وهو الرزق او العمل واحنه راح نكضي عمرنا بالتفكير بالجنسيه وبعدين ننسه الموضوع الاهم وهو رزقنا ورزق اطفالنا

العنوان: رد: لماذا نهاجر ؟؟؟؟؟؟
أرسل بواسطة: camaro2011 في 14:43 14/12/2011

اخي السفر خارج العراق احسن لان وبكل بساطة وضع هذا البلد راح يبقى امقلقل او تعبان من هسا والى ان اتقوم القيامة واعتقد هذا الشي مذكور في جميع الاديان السماوية ولهذا يا اخي اذا الواحد اجتة فرصة للسفر خاج البلد اعتبرا مجنون اذا ماقبل بيها او ابسط شي حاليا اهواية من اقاربي خارج العراق والحمدلله عايشين او مرتاحين ترة محد مات من الجوع صحيح بالبداية اتبهدلو اشوية بعدين الامورات اتحسنت او بس يتذكرو شغلة الكهرباء اللي بالعراق يتكأبون كأبة عظيمة هاي بس شغلة الكهرباء بعد مادخلنا بالقتل ووالاختطاف وطيحان الحظ

العنوان: رد: لماذا نهاجر ؟؟؟؟؟؟
أرسل بواسطة: غربه في 19:10 16/12/2011

والله يااخي هواي ناس فكرو بالفلوس ومافكرو بالضروف الي عايشيها
مثلا جيرانه طلعت زوجها وهيه مو ظفه بالكهرباء وزوجها نطوه لجوء
وقبلوه وقبل ميدز عليها هيه ترفعت وصارت بمنصب مدير قسم وراتبها
صار فوك المليون تصور رجعت زوجها وراحت الاقامه عليهم لان كالت ليش
يروح الراتب حرامات ومافكرت بمستقبل ولدها ولا بالضرف الي يمر بي البلد
للاسف الناس مادري شلون صارت تفكر همها الفلوس وبس
الله يستر علينه

العنوان: رد: لماذا نهاجر ؟؟؟؟؟؟
أرسل بواسطة: المهــــاجــر في 20:20 16/12/2011

           لـمــاذا لا نـهــاجـــــــــــــــر؟؟؟؟؟
         وداعــــــــآ يـــــــــا عــــــراق
كــفـــــى دمــــــآ وحــــربـــــــــآ يـــــــا زمـــــــــانِ
أريــــد أن أهــــاجـــر يأســتُ من هــذا المـكــــــانِ
مــاذا بقـــيً لنــــا لقــد ضــاعــت كـل الأمــانـــــي
تســــــعُ ســــنواتِ حـــربــــــــآ وأرهـــــــــابـــــــــــآ
يــــا أللـــــه انهـــا أكثـــــر مــن طاقـــة الأنســـــانِ
جرت الدمــــــاءُ فــــي بــلــــــد الــرافـــــــــــــدانِ
كـــمـــــا تـــجـــــري المــيـــــــاهُ فــي النـهــــــرانِ
أمــتــــلأت بالجــثـــــث الــوديــــــــــــــــــــــــانِ
وأصبــــحـــت طــعــامـــــــا لكــل حــيــــــــــوانِ
لا يـــوجـــــد قيــــمــــةً للبـشـــرِ هنــــا ولا أمـانِ
أصبــــحَ قـتــلنـــــــا عــلــى الــهــويـــــــــــــــة
ونحن أصحاب الحضارة الاشورية والكلدانيــــة
ونحن اصحاب الحضارة الأكدية والسومريـــــة
نــعيــــــش فـــي زمــن قــطـــــع الأعــنــــــــاق
ونـحــــــن أ ول مـــن أســــس الـعـــــــــــــــراق
لما لا نهاجر ونحن نعيش دائمآ في المخاطـــــــر
           لمــــاذا لا نــهـــــاجــــــر؟؟؟؟؟؟
وشعبنـــا مــن قبــل الأرهاب دائمآ محــــاصـر
شعوبُ تحجـز أمــاكـن للسيــاحــةِ فـي القـمـــر
ونحــن مع أصحاب الأفكار الضلاميةِ نعاصـر
لــــم يبقـــى مكـــانُ للدفـــــنِ فــي المقـــابـــــر
      أليـــــس هـــذا ســـببـــا" لشعبنــا
لكي يزدحــم على الحــدودِ وعلى المعــــابــــــــر
             وداعـــــــا" يــــا عــراق
انا لست اول وآخـر من يهــاجـــر العــــــــــراق
وسيكون مصيــر أكثــــر الساكنيــــن في العـراق
فحصراتنــا ما تنتهـــي تخـــرج مــن الأعـمــــاق
ولكــن على بــلـــدنـــــا كثيــــرآ ســـوف نشــتـاق   
     صـــعب نودعــك يـــــا عــــــراق         
     وصـــعــــب علينــــــــــــا الفراق
أجبرونــا على الهجرة... بس نبقى على بلدنا عشاق
الطائفية هي سبب كل الدماء والدموع التي تـــــراق
بــس ويـــن مــــا رحنـــا راح نبقى على بلدنا نشتاق
فطعامنــا بعيــدا" عنــك يا عــراق بــــلا مـــــــــذاق
راح يـبـــقـــى دمــــنــــــا عــــــراقــــــــــــــــــــــي
ووين مــــارحنـــــا يبقى العراق بكلوبنــا بـاقـــــــي
اللـــــه يـــــــأخـــذ حقنــــا من كان  سبب هذا الفراق
وداعـــــا" ياعــراق... وداعـــــا" يـــــا عــــــــراق
وداعـــــــــــــــــآ يـــــــــــــــااااا عـــــــرررررااااق

                           

العنوان: رد: لماذا نهاجر ؟؟؟؟؟؟
أرسل بواسطة: الفرج2 في 21:54 16/12/2011

مقتبس من: المهــــاجــر في 20:20 16/12/2011

          لـمــاذا لا نـهــاجـــــــــــــــر؟؟؟؟؟
         وداعــــــــآ يـــــــــا عــــــراق
كــفـــــى دمــــــآ وحــــربـــــــــآ يـــــــا زمـــــــــانِ
أريــــد أن أهــــاجـــر يأســتُ من هــذا المـكــــــانِ
مــاذا بقـــيً لنــــا لقــد ضــاعــت كـل الأمــانـــــي
تســــــعُ ســــنواتِ حـــربــــــــآ وأرهـــــــــابـــــــــــآ
يــــا أللـــــه انهـــا أكثـــــر مــن طاقـــة الأنســـــانِ
جرت الدمــــــاءُ فــــي بــلــــــد الــرافـــــــــــــدانِ
كـــمـــــا تـــجـــــري المــيـــــــاهُ فــي النـهــــــرانِ
أمــتــــلأت بالجــثـــــث الــوديــــــــــــــــــــــــانِ
وأصبــــحـــت طــعــامـــــــا لكــل حــيــــــــــوانِ
لا يـــوجـــــد قيــــمــــةً للبـشـــرِ هنــــا ولا أمـانِ
أصبــــحَ قـتــلنـــــــا عــلــى الــهــويـــــــــــــــة
ونحن أصحاب الحضارة الاشورية والكلدانيــــة
ونحن اصحاب الحضارة الأكدية والسومريـــــة
نــعيــــــش فـــي زمــن قــطـــــع الأعــنــــــــاق
ونـحــــــن أ ول مـــن أســــس الـعـــــــــــــــراق
لما لا نهاجر ونحن نعيش دائمآ في المخاطـــــــر
           لمــــاذا لا نــهـــــاجــــــر؟؟؟؟؟؟
وشعبنـــا مــن قبــل الأرهاب دائمآ محــــاصـر
شعوبُ تحجـز أمــاكـن للسيــاحــةِ فـي القـمـــر
ونحــن مع أصحاب الأفكار الضلاميةِ نعاصـر
لــــم يبقـــى مكـــانُ للدفـــــنِ فــي المقـــابـــــر
      أليـــــس هـــذا ســـببـــا" لشعبنــا
لكي يزدحــم على الحــدودِ وعلى المعــــابــــــــر
             وداعـــــــا" يــــا عــراق
انا لست اول وآخـر من يهــاجـــر العــــــــــراق
وسيكون مصيــر أكثــــر الساكنيــــن في العـراق
فحصراتنــا ما تنتهـــي تخـــرج مــن الأعـمــــاق
ولكــن على بــلـــدنـــــا كثيــــرآ ســـوف نشــتـاق  
     صـــعب نودعــك يـــــا عــــــراق        
     وصـــعــــب علينــــــــــــا الفراق
أجبرونــا على الهجرة... بس نبقى على بلدنا عشاق
الطائفية هي سبب كل الدماء والدموع التي تـــــراق
بــس ويـــن مــــا رحنـــا راح نبقى على بلدنا نشتاق
فطعامنــا بعيــدا" عنــك يا عــراق بــــلا مـــــــــذاق
راح يـبـــقـــى دمــــنــــــا عــــــراقــــــــــــــــــــــي
ووين مــــارحنـــــا يبقى العراق بكلوبنــا بـاقـــــــي
اللـــــه يـــــــأخـــذ حقنــــا من كان  سبب هذا الفراق
وداعـــــا" ياعــراق... وداعـــــا" يـــــا عــــــــراق
وداعـــــــــــــــــآ يـــــــــــــــااااا عـــــــرررررااااق

                            

اشكرك اخي العزيز الغالي واثمن فيك هذا الحس المرهف والعواطف الموزونة بعقل الابداع والعقلانية . انسانيتك ومبادئك النبيلة ومثلك العليا هي التي تنبض بهذا الجرح الكبير , لانهما لا يرضيا بالذل ولا بالهوان وينشدا دائما وابدا الحرية والكرامة ولا حياة بدونهما .

وفقك الله وحقق لك امانيك واهدافك السامية لخير البشرية جمعاء .

اشكرك مرة اخى واشكر كل الاخوه الاعزاء على ردودهم كل حسب وجهة نظره .


الفرج2

العنوان: رد: لماذا نهاجر ؟؟؟؟؟؟
أرسل بواسطة: alkorishe في 14:22 17/12/2011

مقتبس من: malak.ali في 01:07 14/12/2011

إذا ماضاق نفسك من بلاد = ترحل طالبا بلدا سواها
عجبت لمن يقيم بدار ذل = وأرض الله واسعة فضاها
فذاك من الرجال قليل عقل = بليد ليس يدرى ماطحاها
فنفسك فز بها إن خفت ضيما = وخلى الدار تنعى من بناها
فإنك واجد أرضا بأرض = ونفسك لاتجد نفسا سواها
مشيناها خطى كتبت علينا = ومن كتبت عليه خطى مشاها
ومن كانت منيته بأرض = فليس يموت فى أرض سواها

احسنت ياطيب

العنوان: رد: لماذا نهاجر ؟؟؟؟؟؟
أرسل بواسطة: alkorishe في 14:24 17/12/2011

مقتبس من: المهــــاجــر في 20:20 16/12/2011

           لـمــاذا لا نـهــاجـــــــــــــــر؟؟؟؟؟
         وداعــــــــآ يـــــــــا عــــــراق
كــفـــــى دمــــــآ وحــــربـــــــــآ يـــــــا زمـــــــــانِ
أريــــد أن أهــــاجـــر يأســتُ من هــذا المـكــــــانِ
مــاذا بقـــيً لنــــا لقــد ضــاعــت كـل الأمــانـــــي
تســــــعُ ســــنواتِ حـــربــــــــآ وأرهـــــــــابـــــــــــآ
يــــا أللـــــه انهـــا أكثـــــر مــن طاقـــة الأنســـــانِ
جرت الدمــــــاءُ فــــي بــلــــــد الــرافـــــــــــــدانِ
كـــمـــــا تـــجـــــري المــيـــــــاهُ فــي النـهــــــرانِ
أمــتــــلأت بالجــثـــــث الــوديــــــــــــــــــــــــانِ
وأصبــــحـــت طــعــامـــــــا لكــل حــيــــــــــوانِ
لا يـــوجـــــد قيــــمــــةً للبـشـــرِ هنــــا ولا أمـانِ
أصبــــحَ قـتــلنـــــــا عــلــى الــهــويـــــــــــــــة
ونحن أصحاب الحضارة الاشورية والكلدانيــــة
ونحن اصحاب الحضارة الأكدية والسومريـــــة
نــعيــــــش فـــي زمــن قــطـــــع الأعــنــــــــاق
ونـحــــــن أ ول مـــن أســــس الـعـــــــــــــــراق
لما لا نهاجر ونحن نعيش دائمآ في المخاطـــــــر
           لمــــاذا لا نــهـــــاجــــــر؟؟؟؟؟؟
وشعبنـــا مــن قبــل الأرهاب دائمآ محــــاصـر
شعوبُ تحجـز أمــاكـن للسيــاحــةِ فـي القـمـــر
ونحــن مع أصحاب الأفكار الضلاميةِ نعاصـر
لــــم يبقـــى مكـــانُ للدفـــــنِ فــي المقـــابـــــر
      أليـــــس هـــذا ســـببـــا" لشعبنــا
لكي يزدحــم على الحــدودِ وعلى المعــــابــــــــر
             وداعـــــــا" يــــا عــراق
انا لست اول وآخـر من يهــاجـــر العــــــــــراق
وسيكون مصيــر أكثــــر الساكنيــــن في العـراق
فحصراتنــا ما تنتهـــي تخـــرج مــن الأعـمــــاق
ولكــن على بــلـــدنـــــا كثيــــرآ ســـوف نشــتـاق   
     صـــعب نودعــك يـــــا عــــــراق         
     وصـــعــــب علينــــــــــــا الفراق
أجبرونــا على الهجرة... بس نبقى على بلدنا عشاق
الطائفية هي سبب كل الدماء والدموع التي تـــــراق
بــس ويـــن مــــا رحنـــا راح نبقى على بلدنا نشتاق
فطعامنــا بعيــدا" عنــك يا عــراق بــــلا مـــــــــذاق
راح يـبـــقـــى دمــــنــــــا عــــــراقــــــــــــــــــــــي
ووين مــــارحنـــــا يبقى العراق بكلوبنــا بـاقـــــــي
اللـــــه يـــــــأخـــذ حقنــــا من كان  سبب هذا الفراق
وداعـــــا" ياعــراق... وداعـــــا" يـــــا عــــــــراق
وداعـــــــــــــــــآ يـــــــــــــــااااا عـــــــرررررااااق

                           

احسنت

العنوان: رد: لماذا نهاجر ؟؟؟؟؟؟
أرسل بواسطة: العطر لغة عالمية في 18:21 17/12/2011

السلام عليكم
مازلت اذكر اخر صورة لاخوي وهو يودعني واحسست يومها بعصرة قلب شديدة وشعرت بالغربة بعد ركوبي السيارة الى الاردن ولم اعد اسمع صوته واراه يلوح بيده كالذي خسر نفسا عزيزة ايقنت حينها بداية الرحلة والغربة والم الفراق والاشتياق لبلد هو روحنا فيه وقلوبنا متعلقة ببنخيله وهو مرتع صبانا وذكراتنا جمعة اهلنا ومكان ضحكتنا الصادقة من القلب وتركت خلفي من ربتني حتى بلغت اشدي ووعيت وانا اكل واشرب من نعمة الله في العراق ونتنفس هواء تلك الصباحات الطيبة بدفء ضحكاتنا وحنان الوالدين الذي هو اجمل واطيب حديث سمعته اذناي واحلى صورة في ذهني حين اتذكر وانا جالس بامان واطمئنان وانا اتحدث منع من جعلهم رحمة ووصلهم وطاعتهم جنات تجري من تحتها الانهار(ربي ارحمهم كما ربونا صغارا )
قـــــولـــوا آميييين.
ولكن انا اليوم في اميركا وانا احاول تجدني كلما احاول الرجوع الى بلدي ابتعد اكثر وهو قدري وقدر كثيرين بالنسبة لي مجبر ولكني اخترت ومسؤول عن اختياري وعن رعيتي واقول بملئ فمي (لست نادما وان ندمت على شئ هوانني لم اسافر الا في  نهاية سنة 1999 وتمنيت لو اني فعلتها من زمااااااااااااااااااااان)وكندمي بعد زواجي لو اني فعلتها من زمااااااااااااااااااااان اقصد انها نعمة كبيرة ايضا وهذه دعوة لمن يرفع شعار العزوبية ولا حمل العلاليق واهمس في اذنه تعقل قبل فوات الاوان تعقل وكن رجلا تعقل وطب نفسا بماكتب الله لك تعقل وانظر من سبقك واخيرا تعقل وارض ربك واعلم ان الله لايرضى عن العبد حتى يرضى العبد عن الله وماقسم وماحكم وماخلق .
ولكن هنا خبرين ربما يثير اهتمامكم
ان النظام والحكومة الجديدة تسمح لك السب بحرية لرموز النظام!!!
استغراب واستنكار حالات الهجرة ممايعطي فكرة لكل العالم ان البيئة في العراق طاردة عيييييييييييييييب فشلة منا العالم يامعودين.
مع تحيات المسهول عن الاعلانات :
هذولة احنا.......؟
يدا بيد لاخيار باليد
العراق يختار.......معروفة عيوني لاتحتار
اخوكم

العنوان: رد: لماذا نهاجر ؟؟؟؟؟؟
أرسل بواسطة: marwan iraq في 16:28 19/12/2011

مقتبس من: المهــــاجــر في 20:20 16/12/2011

           لـمــاذا لا نـهــاجـــــــــــــــر؟؟؟؟؟
         وداعــــــــآ يـــــــــا عــــــراق
كــفـــــى دمــــــآ وحــــربـــــــــآ يـــــــا زمـــــــــانِ
أريــــد أن أهــــاجـــر يأســتُ من هــذا المـكــــــانِ
مــاذا بقـــيً لنــــا لقــد ضــاعــت كـل الأمــانـــــي
تســــــعُ ســــنواتِ حـــربــــــــآ وأرهـــــــــابـــــــــــآ
يــــا أللـــــه انهـــا أكثـــــر مــن طاقـــة الأنســـــانِ
جرت الدمــــــاءُ فــــي بــلــــــد الــرافـــــــــــــدانِ
كـــمـــــا تـــجـــــري المــيـــــــاهُ فــي النـهــــــرانِ
أمــتــــلأت بالجــثـــــث الــوديــــــــــــــــــــــــانِ
وأصبــــحـــت طــعــامـــــــا لكــل حــيــــــــــوانِ
لا يـــوجـــــد قيــــمــــةً للبـشـــرِ هنــــا ولا أمـانِ
أصبــــحَ قـتــلنـــــــا عــلــى الــهــويـــــــــــــــة
ونحن أصحاب الحضارة الاشورية والكلدانيــــة
ونحن اصحاب الحضارة الأكدية والسومريـــــة
نــعيــــــش فـــي زمــن قــطـــــع الأعــنــــــــاق
ونـحــــــن أ ول مـــن أســــس الـعـــــــــــــــراق
لما لا نهاجر ونحن نعيش دائمآ في المخاطـــــــر
           لمــــاذا لا نــهـــــاجــــــر؟؟؟؟؟؟
وشعبنـــا مــن قبــل الأرهاب دائمآ محــــاصـر
شعوبُ تحجـز أمــاكـن للسيــاحــةِ فـي القـمـــر
ونحــن مع أصحاب الأفكار الضلاميةِ نعاصـر
لــــم يبقـــى مكـــانُ للدفـــــنِ فــي المقـــابـــــر
      أليـــــس هـــذا ســـببـــا" لشعبنــا
لكي يزدحــم على الحــدودِ وعلى المعــــابــــــــر
             وداعـــــــا" يــــا عــراق
انا لست اول وآخـر من يهــاجـــر العــــــــــراق
وسيكون مصيــر أكثــــر الساكنيــــن في العـراق
فحصراتنــا ما تنتهـــي تخـــرج مــن الأعـمــــاق
ولكــن على بــلـــدنـــــا كثيــــرآ ســـوف نشــتـاق   
     صـــعب نودعــك يـــــا عــــــراق         
     وصـــعــــب علينــــــــــــا الفراق
أجبرونــا على الهجرة... بس نبقى على بلدنا عشاق
الطائفية هي سبب كل الدماء والدموع التي تـــــراق
بــس ويـــن مــــا رحنـــا راح نبقى على بلدنا نشتاق
فطعامنــا بعيــدا" عنــك يا عــراق بــــلا مـــــــــذاق
راح يـبـــقـــى دمــــنــــــا عــــــراقــــــــــــــــــــــي
ووين مــــارحنـــــا يبقى العراق بكلوبنــا بـاقـــــــي
اللـــــه يـــــــأخـــذ حقنــــا من كان  سبب هذا الفراق
وداعـــــا" ياعــراق... وداعـــــا" يـــــا عــــــــراق
وداعـــــــــــــــــآ يـــــــــــــــااااا عـــــــرررررااااق

                         
 :'( :'( :'( :'( راح تخليني ابجي

العنوان: رد: لماذا نهاجر ؟؟؟؟؟؟
أرسل بواسطة: doori في 20:27 19/12/2011

السلام
اشكر صاحب الموضوع لنقله ما يفكر البعض
بالنسبه الي و بتجربه شخصيه و طبعا هذا رأيي الشخصي اني سافرت لسبب واحد هو ( الاحترام ) القصد احترام الانسان للانسان صحيح مميزات مثل الجنسيه الامريكيه جنسيه قويه و العمل وووو لكن بصراحه بعد 2003 ما شفت انسان عراقي يحترم برفع الياء في دوائر الدوله او في السيطرات و اني من طلعت من العراق سنة 2007 شفت حالات بمختصر مفيد كان الفرد العراقي عباره عن رقم يطلع و ينزل هالرقم يوميا القصد رقم الجثث قتل 150 هاليوم ثاني يوم يوصل 160 وراها ينزل 130 و هكذا او اعتقلت المجموعه الارهابيه العدد كذا وووو ولو نجمع اعداد الارهاببين المقبوض عليهم و المعلن عليهم من ذيج الفتره لحد هسه يمكن نكدر انكول كل الشعب العراقي طلع ارهابي مع احترامي يعني ماكو حكومه بيها خير تحترم الفرد العراقي لو الاحترام موجود بكل صفاته و بكل انواعه ليش الواحد يهاجر لو اكو شغل في بلدك الي انهكته الحروب ليش يهاجر بعدين لو تشتغل في مكان معين بعد عناء طويل و الواسطات و الفلوس شكد راح تاخذ ؟ او ملازم الناحيه الماديه هل راح يحترموك في عملك لو يجيلك واحد يمشي معاملته يمك غصبا ما عليك لانه اقارب فلان او علان
الرجل الذي في القصه ينظر للناحيه الماديه فقط و للاسف هو الشي يلي ديفكر بي الانسان حاليا لكن لو ما عنده كلشي من الي يكول عليه لا الراتب الي دياخذ و لاالسياره ولا المعمل و مهدد 24 ساعه مو بس يفكر بالهجره لا و يطلع ينتظر في دوله اخرى
اني و اعوذ بالله من كلمة اني اجيت قبل سنه و 3 اسابيع الى امريكا بصراحه ما شفت غير الاحترام من الشعب الامريكي و عدم الاحترام من الشعب العربي بكل اطيافه و فئاته و للاسف العرب هنا بعدهم على نفاقهم و لتزعلون مني اذا اكول العراقيين بالذات هذا شلابس هذا شياكل هذا شلون عايش و كأن النفاق وجبه يوميه لازم يحجون بيها
اسف لاني طولت عليكم لكن هذا رأيي الشخص مع احرتامي للآراء المعارصه له


تحياتي للجميع و تمنياتي بحياة سعيده كريمه للجميع

العنوان: رد: لماذا نهاجر ؟؟؟؟؟؟
أرسل بواسطة: ابو زيـــن في 20:37 19/12/2011

لماذا نهاجر لان اكو هواية مثل المترجم الي تشتغل ويا (الي عندة اهم شي الاكل والنوم) مثل السرطان والعياذ بالله اخويه صاحب الموضوع هذوله الي عدهم فلوس ونفوذ ترة مايفكرون الا بنفسهم ان شاء الله الله يوفقك وينولك الي بالك وبعدك عن كل شر تحياتي

العنوان: رد: لماذا نهاجر ؟؟؟؟؟؟
أرسل بواسطة: الفرج2 في 00:48 20/12/2011

اتقدم بجزيل شكري واحترامي وامتناني لكم يا عزائي ودواء جرحي يا كرماء يا من اجبرتموني , بروعتكم واخلاقكم الحلوه  , على احترامكم وتقديركم وحبكم وتمني الخير والتوفيق دائما لكم . وفقكم الله على هذه الألفة الحميمة العاليه بسموها ومثلها ومبادئها والزاهيه  برونقها وبهائها .
علا  مقامكم ويعلو يوما بعد يوم وكلما قرأت روائعكم وكنوزكم الثمينه التي لا يمكنني ابدا ان استغني عن قراءتها فهي زادي وشرابي وسلوتي , استمد منها كل ما يزيد من تعلقي بهذه الحياة .




الفرج2

العنوان: رد: لماذا نهاجر ؟؟؟؟؟؟
أرسل بواسطة: ابو علاوي في 04:57 20/12/2011

سئلت نفسي نفس السئوال لمــــــــــاذا نهاجر او اهاجر الى اي دولة ولا ابقى بالعراق طلع هذا الشي مغروس بية من الطفولة ابسبب المعاملة السيئة الشفناهة بالمجتمع وبالمدارس ومو شرط من ذوينة لان اهلنة حبونة وانطونة ما نحتاج بالدراسة وبالحياة وفاق طاقتهم لاكن الاهل المثقفين بالعراق 10 %وباقي ال 90 %اما فلاح من القبيلة وانتة تعرف اسلو ب حياة الفلاح مبني على الفطرة وليس على التفكير واما ابن مدينة بايع كول مقدساتة واخلاقة فهذا النوع يربي اولادة على ان (لا تستحي افعل ما شئت)
فهذا الشي يئوثر في نفوس الناس الي تربت على الاخلاق واحترام الانسان الذاتة وقيمت شهادتة وعلمة اما البقية يعتبروك مجنون بالمجتمع العراقي من اسوي خير لحد او اذا انتة ما ترتشي وتمد ايدك للحرام يعتبروك  جبان واذا اذب الزبالة امكانهة المخصص يعبروك ابلغتهم فايخ واذا شافوك صادق ابتعاملاتك وعلى نيتك يعتبرو العفو زوج  هذا المجتمع العراقي عبارة عن 90 % فقط ياكلون ويسربون ولا يفكرون حتة اليرحون للكليات عبارة عن ناس 5%يطلبون العلم والبقية للونسة والكشخة والركض ورة البنات والعكس للبنات هم يعني هم اتروح تتمكيج  وتلبس ضيق اتعالج امراضهة النفسية والكبد الشافتة افترت مراهقتهة
فالسبب للناس الي تهاجر وانا واحد منهم ما اريد اولادي يعيشون في مجتمع  يعتبر الرشوة مو فساد ومو عيب لان صراحة ما اضمن فد يوم ما ينحرفون ويصيرون حالهم من حال 90%كذابين ومنافقين وحرامية  يعجبني اشوف اولادي ابلد يسودة القانون ومجتمع يقدر الانسانية والانسان الصادق والنزيه ما يعتبرو  جبان لاكن يعتبرو نزيه وشجاع حبيت اسافر رغم ما متوفرة الي كول مقومات السعادة بالعراق من الموارد المالية لاكن ما مرتاح احس اكو نقص ابحياتي وحتة كان عندي بيت بعتة وهسة كاعد  في مشتمل ايجار والحمد الله نفس الاحساس ما تغير بعدني احس روحي غريب في وطني لان ايكولون  الماعندة بيت ما عندة وطن من كان عندي بيت حسيت ما عندي وطن وتحياتي واعذروني اذا هواي خربطت تحياتي للجميع والى صاحب الموضوع

العنوان: رد: لماذا نهاجر ؟؟؟؟؟؟
أرسل بواسطة: امجد العراقي في 07:42 20/12/2011

الافاضل الاعضاء
تحيه طيبه ..
اعتقد وهذا راي شخصي .. انه مع الاسف النقاش والموضوع كله تحصيل حاصل و(نتيجه)) ، ومحد جاب طاري السبب ، اي  نعم يااخي السبب
اكو احد كال ليش هيجي صار المجتمع العراقي ! هذا المجتمع ابو الغيره الشهم الكريم الاصيل ..؟ الي حطو دابهم ودابه ، من دون كل الناس وقرروا ان يحطمون ويفككون كل اواصره ؟ وبشتى الاساليب القذره .... لو بواسطة حاكم حاقد لو حصار لو ...لو ....لو.... وطبعا همه بنوا كل مخططاتهم التخريبيه من وره الكتله الي اكلوهه بثورة العشرين ... على ايدي الابطال الاشاوس ... شيوخ العشائر ...
اكو واحد كال شنو سر قوة الاقتصاد الاردني ؟ وليش عملتهم محافظه على مستواهه على مدى عقود؟! وماهي ثروتهم؟
اكو واحد سأل وكال ذوله اهل البعرور الخليجييين ، شلون وصلو لهيج مستوى معيشي ؟ وبنى تحتيه جباره ؟؟ من علمهم من فهمهم ؟؟؟؟؟
اكو واحد كال بعد ما كان الطيران بالمنطقه عراقي بامتياز ، وين هي طياراتنه ....؟!!
اكو واحد كال بعد ماكان التعليم بالحامعات العراقيه وكل الموسسات التعليميه بالعراق يضاهي التعليم بالدول المتقدمه ؟!! ليش الان بالحضيض ؟!!
والاف الاسئله الاخرى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اخوان الي احنه بي تحصيل حاصل ... وهاي هي السياسه ، الي غصبن تفرض نقسها عليك شئت ام ابيت  وكلشي مرتبط بها..
وبالمختصر (همه) يريدون العراقيين بهذا الوضع ... ومو بس خلال الثلاثين سنه الماضيه ... وانما الى قيام الساعه ...
شكرا
امجد