ankawa
منتدى الهجرة واللجوء => الهجرة و واللاجئين => الموضوع حرر بواسطة: ROCK في 10:53 14/12/2011
-
اريد ان اهنئ العاملين على برنامج الـ SIV على عدم الانضباط واللعب بمشاعر الناس ..
اليوم بالتحديد استلمت ايميل يقولون فيه .. نحن نأسف جدا عن ارسال موعد مقابلة كونك مرفوض امنيا ، لا داعي لحضور المقابلة ..
شكرا اس اي في .. تاكدت في قرارت نفسي انه ليس زمن المعجزات
اخوكم ROCK
-
اخي ROCK ، الخيرة فيما اختاره الله ولتزعل نفسك انت سويت اللي عليك والباقي على رب العالمين ومع ذلك اكو معجزات .
الله يعوض صبرك وانتظارك باحسن منها ، وياااا رب جميع المنتظرين .
ام الهنا
-
قدم IOM والله كريم
-
شكرا على الردود الطيبة يا طيبين ...
اني هم بعد ما الي واهس .. وراح اعوف شغلة الهجرة وابقى بهذا البلد العفن الى ان اشوف طريقة اطلع بيها لغير دولة بس امريكا مستحيل بعد افكر بيها ..
هاي بعدني ما رايح هيج لعبوا بيه طوبه .. الله يساعدكم يا عراقيين الي عايشين هناك .... الله يساعدكم على الغباء الامريكي واللعب بمشاعر الناس
الوضع لا يطاق صار ولا يحتمل واي ايميل راح يجيني منهم راح اجاوبهم برزالة تسوى راسهم واكللهم هذا بلدكم من شماله لجنوبه ما يسوى لحظة واحدة احرك اعصابي بيها
تحياتي يا طيبين
-
اخويه انت هسه حقك متنزفر واعصايك تعبانه ، ارتاح شويه وفكر بالشغلة مرة ثانية وذا دزو ايميل لترزل ولشي رد عليهم واستوضح منهم واذا كولش مرهمت سوي مثل مكال اخوك xxl ، وان شاء الله ماكو وياك علاكة خفيف وبروحك وتكدر تدبر امورك باي بلد خارج العراق .
دعائي لك بالتوفيق .
ام الهنا
-
لا تضوج نفسك ولا تزعل وان شاء الله ياربي الله يعوضك بالاحسن وترة هو كلشي بالقسمة اذا الك متصير لغيرك وخلي ايمانك برب العالمين قوي وان شاء الله تلكة هجرة لبلد ثاني وتستقر وترتاح
-
لا حول ولا قوة الا بالله
الخيرة فيما اختاره الله يجوز هذا الشي بي مصلحة الك
حاول على بلد ثاني والله كريم
-
الله يكون بعونك بعد كل هذا الانتظار والامل
على كل حال الخير في ما اختار الله ..... عندك صحتك وعافيتك تسوى كل دول العالم والله يرزقكك بالاحسن .....بس نصيحتي الك مارس حياتك بشكل عادي و لا تتعصب ولا تستعجل الواحد ضروري يلزم اعصابه بمثل هاي الظروف.
وتحياتي
-
السلام عليكم أخي الجريح rock تألمت جداً لقضيتك وشعرت بمعاناتك والاحباط اللي انت بي من ورا siv ومثل مكالو الاخوة ماكو غير الصبر ولاحول ولا قوة الا بالله
-
ماكول غير حسبي الله ونعم الوكيل
عليهم
-
اخي الي ما يريدني ما اريدة .طز.
-
اخي ماكو ضيق ألا وراه فرج
كول يالله طبعا حقك بكل شي بس واللة بلكي الله كاتبلك أوربا اللي هي مية مرة افضل من امريكا
-
الله يعوضك بخير منها .. بس اخويه احجيلنه بصراحه اكو سبب لرفضك لو متعرف لان حسب علمي لازم اكو سبب للرفض الامني ؟؟؟
-
سلام عليكم
اخويه العزيز كلشي بالقسمه ربك شكاتبلك تشوف خلي ايمانك بالله سبحانه وتعالى قوي وكمل حياتك ما وقفت الدنيا
تحياتي يا ورده
-
الحمدلله الذي لا يحمد على مكروه سواه
اخويه روك ربك ميكطع ولا يخلي حمل مطروح ويسد باب ويفتح الف باب الله اكرم الكرماء وعيونك لا تضوج ولا تزعل نفسك ولو للحظه اعرف والله الامر مو هين لكن والله من ترجع للتعب والشغل كله متسوه لحظه زعل هاي هيه عمي القاسمه ربك يصير وانا مؤمن انه لو بيه خير الك كان ربك سهله
ومثل ماذكروا الاخوان ترى مو نهايه الدنيا ولا امريكا كل الدنيا وطز حشاكم اليذكرنه بالموت يذكرنه بالرزق
وعمي المهندس المدني شنو تريد تعرف قابل واحدنه كان يشتغل بالقاعدة لو المليشيات حتى تعرف سبب امني لو باجهزة النظام السابق مو قادة وضباط واصماخات ووووو كله طلعت لامريكا وولد الخايبه والفقرة يراوحون بمكانهم يا اخوان لاتأمنون ابد ولا تبنون امال اكبار اعارض اذا متخلي رجليلك بامريكا وكولوا كال عراقي هواي
-
اخي احتسب امرك الى الله وحاول اتقدم من دول الجوار لوun اوiom وانشأالله تتوفق وربك مينساك حسبي الله ونعم الوكيل >:( >:( >:( >:(
-
الله واكبر ياربي شكد طيب العراقي ... وشكد ابن اوادم وصاحب اخلاق وشهامه والله من قريت ردودكم هدءت نفسي ونسيت كل الي صار ...
الله يعينك أخوية (( دمروني)) بالفعل حسستني شكد انته احسن مني بالتعامل وية هيج مواقف
عراقي هواي ... يعجز اللسان والعقل عن وصف جملتك الحمد لله الذي لا يحمد على مكروه سواه
أخوية المهندس المدني .. وداعتك صارلي سبع سنوات وياهم ولحد يومك هذا وبدون اي مشاكل
الي مألمني ياخواني انه أني نسيت السالفه وهمه بدون سبب اتصلوا بيه ودزوا الايميل مثل الواحد الي يضرب جرح ديطيب
راح ابدي افكر من جديد
تحياتي للكل
-
اخوية العزيز الله يكون بعونك وهاي مو نهاية العالم ولا اخر الطريق واني براي هواي ناس وصلت هنا لامريكا وماحققت شئ مثل مكانت بالعراق وعسى ان تكرهوا شيئا وهو خير لكم وعسى ان تحبوا شيئا وهو شر لكم
مع تحياتي لك بالتوفيق والنجاح
اخوك ياسر