ankawa
منتدى الهجرة واللجوء => الهجرة و واللاجئين => الموضوع حرر بواسطة: aram1970 في 23:02 14/12/2011
-
اخواني او اخواتي شلونكوم اريد اساعد لكل واحد يفكر يجي لاامريكا
الي يريد يجي لاامريكا لازم مايخلي رجل على رجل او ينتظر المساعدات لان امريكا يدورون على واحد يحب يتقدم يحبون واحد يتكلم اكثر من لغة هم يقدرون الناس الي يشتغل او يسوي اذا يكدر بالاسبوع اكثر من 40 ساعة (يعني يسوي ساعات اضافية بلعمل) هو المعروف ان ساعات فول تايم بالاسبوع هو 40 ساعة او اذا المسؤول او المسؤولة كالتلك ابقى اوفر تايم كول حاضر ماكو مشكلة صحيح اراح تتعب بس بلنهاية اراح تصير عندك كردت قوي الكردت هو السمعة يعني فرضا من تريد تشتري بيت او سيارة اراح يجيكون كردت مالتك ولازم تكون قوية الكردت
بلنسبة للمساعدات يعني اشكد اراح تطول كول سنة او وراها شلون
هم المنظمة يريدك تكون شاطر او تشتغل او تكون نفسك
هنا اكو مثل يكول عملك هو سمعتك (يور جوب يور كردت)
او هنا لايكول واحد اشتغل يم جماعتنا العراقيين لان الاحسن تشتغل يم الامريكان لان يجوز صاحب الشغل العراقي مايدك الك تاكسات لان التاكس بلنهاية ترجع الك ترجع الك او هنا ماياكلون حق الواحد
او احد لايستنكف بلشغل ان جان تنظيف او غير اشغال لان هنا مايعيرون على الواحد
ومن الافضل ان تكون اشوية تكدر تطكطك بللغة الانكليزية او اضافة الى تعليم السياقة لان حيل حيل مهم هنا السياقة
مع التحية والاحترام للجميع
-
بارك الله بيك ياطيب على هذه النصيحة لأخوانك وأخواتك جعلها الله في ميزان حسناتك
وربي ييسر أمرك ويفتح أبواب الرزق بوجهك .
أختك كوكي \ عمان
-
اجمعين اخويا العزيز
الله يحمي البشر وين ما جانوا
-
بارك الله بيك اخويه على هاي النصائح ... ربي يجعلها في ميزان حسناتك يارب
-
تسلم اخونة على هاي النصائح واحنة عاملين بيهاا لان مو عيب اهم شي الواحد يمشي بحياتة والعافية درجات كافي كعدة علميوزة هم تعبنة خلي الحياة تاخذ مجراهاا الى ان اللة يكتبلنة بيا يوم نرتاح ونعمه به تسلم مرة ثانية ويارب اجعلهاا بميزان حسناتك ---زينب
-
كلامك ذهب ....
بس خلي يعيـــدون توطينـــــه ???
ام الهنا
-
اخواني او اخواتي شلونكوم اريد اساعد لكل واحد يفكر يجي لاامريكا
الي يريد يجي لاامريكا لازم مايخلي رجل على رجل او ينتظر المساعدات لان امريكا يدورون على واحد يحب يتقدم يحبون واحد يتكلم اكثر من لغة هم يقدرون الناس الي يشتغل او يسوي اذا يكدر بالاسبوع اكثر من 40 ساعة (يعني يسوي ساعات اضافية بلعمل) هو المعروف ان ساعات فول تايم بالاسبوع هو 40 ساعة او اذا المسؤول او المسؤولة كالتلك ابقى اوفر تايم كول حاضر ماكو مشكلة صحيح اراح تتعب بس بلنهاية اراح تصير عندك كردت قوي الكردت هو السمعة يعني فرضا من تريد تشتري بيت او سيارة اراح يجيكون كردت مالتك ولازم تكون قوية الكردت
بلنسبة للمساعدات يعني اشكد اراح تطول كول سنة او وراها شلون
هم المنظمة يريدك تكون شاطر او تشتغل او تكون نفسك
هنا اكو مثل يكول عملك هو سمعتك (يور جوب يور كردت)
او هنا لايكول واحد اشتغل يم جماعتنا العراقيين لان الاحسن تشتغل يم الامريكان لان يجوز صاحب الشغل العراقي مايدك الك تاكسات لان التاكس بلنهاية ترجع الك ترجع الك او هنا ماياكلون حق الواحد
او احد لايستنكف بلشغل ان جان تنظيف او غير اشغال لان هنا مايعيرون على الواحد
ومن الافضل ان تكون اشوية تكدر تطكطك بللغة الانكليزية او اضافة الى تعليم السياقة لان حيل حيل مهم هنا السياقة
مع التحية والاحترام للجميع
كلام صحيح ومضبوط مية بالمية شكرا على الموضوع
-
كلامك ذهب ....
بس خلي يعيـــدون توطينـــــه ???
ام الهنا
;D ;D ;D ;D ;D
مثل ما كالت أختي أم الهنا ... بس خلي يعيدون توطينا ونوصل لأمريكا وراح أشتغل شغل ليل نهار وأدفع تاكسات أضافية ;D ;D ;D بس خلي نوصل .
ههههههههههههههههههههههههههههههههههههههه
-
سلام عليكم شكرأ على موضوعك الجميل اخ ارام اني مرات اقرة مواضيع عن التكيف اللاجئ العراقي في اميريكا واتشوف من يكتب من البداية الى النهاية يحجيلك معاناتة واني طبعأ اكوم اراجع نفسي اكول شنو الفلم معقولة اميريكا اب هل صعوبة ولاكن ارجع واكول الي يحب يشتغل لازم يتعب ويجاهد حت يوصل الى مرحلة انو يشوف نفسة انو كادر يفتحلة فد مشروع حتى يكمل مشوار حياة والحمد لله اليوم الاخ ارام انطانة فكرتة اشكرك مرة ثانية على موضوعك
-
تدللون
وابقى اكول الي يجي على المنظمة خلي مايعوفه المنظمة لان اكو شغلات هم يسوها الك مثلا يسجلوك بلمدرسة حتى تتعلم لغة او ورا فترة روحوا كولوا الهم نريد نشتغل او اعتيادي هم اراح يساعدون حتى تلكي شغل
وانشاءالله الكل يعيش ملك وين ماجان
ومن الله العون والتوفيق
يعني الله من تصلي اله بقلب نظيف اراح يساعدك اكيد بس يبقى الاعتماد علينا بعد الله
وانشاءالله سنة خير او صحة او سلامة على الجميع 2012