ankawa

منتدى الهجرة واللجوء => الهجرة و واللاجئين => الموضوع حرر بواسطة: مرجانه في 10:20 15/12/2011

العنوان: مُراسلة السفاره الامريكيه
أرسل بواسطة: مرجانه في 10:20 15/12/2011
 صباح الخير للجميع .. اخواني واخواتي الاعزاء حبيت أستفسر منكم عن موضوع مراسله السفاره آني راسلتهم قبل شهر ونص تقريبا وردولي جواب انه معاملتج بروسسنك ومنكدر ننطيج وقت البروسسنك شكد يطول ولحد ماتطلع الفيزا إحنا نقدر صبركم .. السؤال هو هل مراسله السفاره عده مرات للأستفسار عن معاملتي ممكن يأثر عليها ؟؟ لو عادي اكدر اراسلهم مثلا كل شهرين ؟؟ علما" انه معاملتي مو siv وانما (asylee relatives) يعني زوجي بأميركا وقدملي من هناك ... اكو احد مثل حالتي او يعرف احد نفس معاملتي ؟؟؟ مقابلتي كانت في شهر السادس هذه السنه .. مع جزيل الشكر وتمنياتي للجميع بيوم حلوووو
العنوان: رد: مُراسلة السفاره الامريكيه
أرسل بواسطة: need justice 1 في 11:02 15/12/2011
والله يا اختي انا SIV وصار سنة وكم يوم من قابلت والله اعلم بالشهر ادز لهم 4 مرات استفسار ولو بايدي باليوم ادز لهم 1000 رسالة من ورا شلعان القلب ... ما اعتقد الاستفسار يأثر ان كان يومي او بالشهر مرتين ... والله يسهل وتجيكم الفيزة ... تقبلي احترامي
[/b][/color][/size]
العنوان: رد: مُراسلة السفاره الامريكيه
أرسل بواسطة: مرجانه في 13:41 15/12/2011
شكرااا أخي على الجواب والله يسهل عليك وعلينا وعلى كل من دينتظر الفيزا ..
العنوان: رد: مُراسلة السفاره الامريكيه
أرسل بواسطة: الوتار في 14:22 15/12/2011
والله اني ثبتلي انه تراسلهم هوايه او متراسلهم اصلا لا يقدم ولا يأخر هم شوكت ما تصدر الفيزه يبلغوكم, هذا رأيي اما مراسلتهم بصوره متكرره عااااااادي جدا.
العنوان: رد: مُراسلة السفاره الامريكيه
أرسل بواسطة: killer007 في 14:28 15/12/2011
اختي العزيزة

النتيجه وحده من تكمل الفيزا راح يتصلون لا ادوخين نفسج كل شهر دزي ميل واحد

تحياتي
العنوان: رد: مُراسلة السفاره الامريكيه
أرسل بواسطة: مرجانه في 14:38 15/12/2011
 شكرررا جزيلا .. اشكر ردودكم آني بصراحه خلال الست اشهر ونص اللي فاتت بعد المقابله راسلتهم مره وحده خوفا" من انه الموضوع يأثر على سير المعامله ... وفعلا المراسله لا تقدم ولا تأخر هما من يكملوها رح يتصلون  ::)
العنوان: رد: مُراسلة السفاره الامريكيه
أرسل بواسطة: steven_siv في 16:04 15/12/2011
ماياثر لو دزيت يومية
العنوان: رد: مُراسلة السفاره الامريكيه
أرسل بواسطة: ALBERT. في 21:10 15/12/2011
عيني مراسلة السفارة ليس لها اي علاقة لا بالتأثير السلبي على سير المعاملة ولا بتأثير ايجابي .يعني الشخص اللي راح يقرة ايميلك صدكني بس راح يدك الكيس نمبر مال الشخص اللي ديستفسر يمه ويشوف .ومباشرة راح يسوي كوبي وبيست للكليشة مال بنج ويدزلكياهه.
يعني مو مال يكوم ويشاور بقية الموظفين ويكلهم هذا كام يلح خلي انشد وانوم على معاملتهه.

وصدكوني اذا الموافقة مالتك تطلع فالفيزه مالتك احسب يومين ويلطشوهه وينطوك خبر.فلتعبون نفسكم.
والله يسهل للجميع
العنوان: رد: مُراسلة السفاره الامريكيه
أرسل بواسطة: MOM111 في 21:54 15/12/2011
اني حبيت اساعد ان شاء الله بس مفتهمت سؤالك يعني انتي مقدمه هجره لو لجوء لو شنوا
العنوان: رد: مُراسلة السفاره الامريكيه
أرسل بواسطة: مرجانه في 12:41 16/12/2011
 أخي انا زوجي سافر الى امريكا وقدملي معامله سحب تحت عنوان (asylee relatives) وانا حاليا بالعراق اجت موافقه على معاملتي من دائره الهجرة في شهر الثاني والسفاره ارسلت لي ايميل في شهر الثالث حددتلي موعد مقابله في بدايه شهر السادس وذهبت قابلت في السفاره الامريكيه وكاعده انتظر الفيزا هاي هي قصتي ... اكون ممنونه اذا تعرف احد مثل حالتي وممكن اعرف معاملتهم وين وصلت .. شكرا على الاهتمام
العنوان: رد: مُراسلة السفاره الامريكيه
أرسل بواسطة: lyoo في 09:09 17/12/2011
الله يعينكم اخواني ويسهل امركم