ankawa
منتدى الهجرة واللجوء => الهجرة و واللاجئين => الموضوع حرر بواسطة: لاتحزن ياعراق في 09:07 22/12/2011
-
السلام عليكم اخواني واخواتي ---طبعا لايخفى على احد مايحصل في سوريا اليوم من قتل وحرب اهلية وطائفية غير معلنة الغريب بالامر وصول اعداد كبيرة من جيش المجرمين المسمى -بجيش المهدي-لدعم بشار الاسد المجرم وعصاباتة من الجيش والشبيحة اعتقد انتو اطلعتو مثل ماني اطلعت على هكذا تقارير قبل اسابيع عن تدخل عصابات مقتدى في سوريا لكن والله مصدكت هذه التقارير وكنت اتصورهة فبركة اعلامية لكن والله اليوم وبعد ان اتكلمت مع احد عناصر هذا العصابة وتناقشنة في موضوع سورية وكتلة اني رح اروح لسوريا كلي شعندك بسوريا رح تروح تقاتل وية جيش المهدي كنت اتصور انه ديتشاقة والمفاجأة بعد ان جرجرتة بالحجي قال وصلت اعداد جيش المهدي في سوريا حتى الان 5000 الاف مجرم واقسملي بذلك وهم من عناصر لواء اليوم الموعود كما سماهم المدربين جيدا في ايران لعنة الله عليها المهم رجاءي ---رجاءي ----رجاءي---الى الاخوة العراقيين في سوريا الذين هربو من جحيم المالكي ومقتدى والقاعدة المجرمين الى الحذر ربما دخلو سوريا للانتقام منكم انتم ياشرفاء العراق اللهم اني قد بلغت ----اللهم فشهد
-
الله يبارك بيك اخويه العزيز ويحفظ كل العراقيين
-
الله يبارك بيك على نقل الخبر
ويارب بردا وسلاما على العراقيين اينما كانوا
-
مشكور اخونا على نقل الخبر
وحسبنا الله ونعم الوكيل ...
الله يحفظ جميع العراقيين .....في سوريا وبغداد
-
الله يبارك بيك اخويه العزيز ويحفظ كل العراقيين
:)
-
اللهم الطف بعبادك في العراق و سورية و كل مكان و اعد السلام و الامن الى البلدين
طبعا اني تفاجأت اليوم دا اتصفح اليوتيوب و شفت هذا الفيديو
فاستغربت ؟؟ ليش اكو من العراق شخص يروح لسورية حتى يقاتل مع النظام؟؟
اشو اختلط الحابل بالنابل
http://www.youtube.com/watch?v=BGpvWVWS9fU
alany
-
السلام عليكم
مع الاسف يوم بعد يوم جيش المهدي يبان على حقيقته
وللاسف يعرضون خدماتهم لغير بلدهم
مو الاولى يمدون ايدهم بالخير لبلدهم ويساعدون ابناءه على العوده بظل الامان والاستقرار
مو الاولى بدل ما ينفقون الملايين لشراء اسلحه لقتل اخوانهم ان ينفقون نفس الملايين بميادين الزراعه والصناعه
ويساعدون الايتام لايجاد مأوى سليم واللي من سبببهم إتيتموا
حسبي الله ونعم الوكيل
بس شنو المقابل من مساندنهم بسوريا!!
بس لا هم صفقه على حساب العراق وشعبه
تحياتي
-
الله الستار
-
ايه ايه .................
شوكت رح يرتاحون العراقيين ؟؟؟
من وره هالملة ما اتصور اكو راحة لا والله
الله كريم
-
جيش عقائدي ابو الكبسلة ;D ;D ;D
-
اخويه ليش تحجي على بشار الاسد منو الي استقبل العراقيين لمن صارت الازمه مو هوه الي كال العراقي عندي يعادل 2 مواطنين سوريين
ومساعدات اليو ان كلها من سوريا صح هوه قمع المضاهرات بس هاي الشغله ويه شعبه هاي شغله اتخصهم بس هوه زين ويه العراقيين
ومقصر من ناحيه المساعدات وصدكني همه هذوله الي طلعو مضاهرات يعني ما الها داعي شيريدون من الرجال اشو كلشي موفرلهم وثانيا هيه اصلا سوريا بلد فقير وما عدها موارد واقتصادها ضعيف يعني شيسوي الرجال كولولي سوه مثل ما سوه صدام من مقابر جماعيه وقتل بلشعب ومحد يكدر يتنفس
والله العضيم هذا لو صدام بمكان بشار الاسد جان هسه ابادهم للمتضاهرين بلمدافع ومخلى ولا واحد يتنفس بس بشار الاسد انسان يخاف الله واني هوه كلشي ممسويلي الرجال بس واحد لازم يكول الحق
تحياتي للجميع
-
حياك الله اسكندر طبعا موضوعنة هو جيش المهدي وبماانك طرحت موضوع بشار اكيد تسمحلي اجاوبك وتحترم فكرتي مثل محترمت رأيك اني من العراقيين الي كنت موجود في سوريا مدت سنتين ورحت بفلوسي سياحة مرحت عالة على بشار الاسد وهذا حال بقية العراقيين ووجودنة احنة العراقيين في سوريا لمع من صورة نظام الاسد في سوريا وحصلو على مساعدات ودعم من الامم المتحدة ودول كثيرة واحنة العراقيين نشطنة الاقتصاد السوري هذا اولا اما ثانيا ماكو مقارنة بين صدام حسين وبين نظام الاسد كلنة نعرف المجازر الي سواهة حافظ الاسد ورفعت الاسد في مدينة حماه الي خلفت 30 الف قتيل في ايام وخلي مننسة الارهابيين الي دزهم بشار الاسد للعراق والانتحاريين وشكد اذو العراقيين الامن السياسي والمخابرات السورية والاهم من كل ذلك دعم بشار الاسد لدكتاتور العراق الجديد جواد المالكي والي كان الفضل الكبير لسوريا وايران بتسلمة رئاسة الوزراء مرة ثانية عموما اخي مو من مصلحتك ادافع عن مجرم حتى لو كان هذا المجرم هو قائد لسوريا وشلون مالنة علاقة بشعب سوريا انت تناقض نفسك الشعب السوري هو الي احتضن العراقيين وكان الاولى بك ان تدافع عن شعب اعزل ومسلم لا ان تدافع عن جلاد الي رح يلاقي مصيرة الحتمي وابشرك ياخوية بشار الى السقوط وايران الى مزيد من الضعف والانهيار والمالكي وعصابتة ديحفرون كبورهم بديهم وميصح الا الصحيح شكرا----
-
اني هم احترم رأيك وداعتك هذوله الي طلعو مضاهرات بسوريا همه فئه قليله بس الاعلام يضخم من حجم الاعداد
مع العلم انه الشعب السوري شعب مسالم وميحب القتال وهمه يحبون رئيسهم اني جنت بسوريا وشفت بس وداعتك هذوله كم واحد يحاولون اثاره الفتن بلمنطقه خصوصا الطائفه السلفيه همه الي خلقو المشاكل وذهب العديد من الناس الابرياء بسبب سياستهم العنصريه لان همه يريدون يسقطون الرئيس الاسد ويتولون الحكم والسبب الثاني يكرهون الاسد لانه من الطائفه العلويه مع العلم ان الرئيس الاسد لا علاقه له بلطائفيه والمذهبيه بس همه حقدهم الدفين خلاهم ميشوفون بس الدم ولو تلاحظ المضاهرات مو بكل المناطق السوريه وانما فقط في المناطق الي تتواجد بيها هذا الفئه مثل ادلب ودير الزور وغيرها
الله ينصر الرئيس السوري والشعب السوري الاحرار
تحياتي لحضرتك
-
الرحمه على ارواح الشهداء ونسال الرحمن ان يسكنهم فسيح جناته.
:( :( :( :( :( :( :( :( :( :( :( :( :(
لا حول ولا قوة الا بالله.
-
الله يستر على اهلنا واخوانة واخواتنا بسوريا وبردا وسلام على كل العراقيين الشرفاء اينما وجدو امين يارب العالمين ------زينب
-
الله يحي أصلك يا شريف وانشاالله رب العالمين فوكاهم
اخويه لاتحزن يا عراق بوركت الانامل التي كتبت وحذرة إخواننا العراقين من هؤلاء الرذلاء
اختك البغداديه 2
-
اللهم احفظ العراقيين الشرفاء اينما كانو واينما حلو ونزلو ... انه سميع الدعاء
اخوكم بشار
-
شوكت الله يخلصنه من الطائفية ..
اللهم أجعلها بردآ وسلام على العراقيين وعلى الناس المغلوبه على أمرها
مشكور أخي لاتحزن ياعراق .. والله ليحزنك على عزيز
أختك كوكي \ عمان
-
اعزائي الكرام
اتصور المنتدى هذا مو مكان الى ابداء اراء السياسية, وانما منتدى للاجئيين والمهجرين العراقيين.
او اغلب العراقيين ماشافو راحة في وطنهم العراق او التجئو على دول الجوار, ومنها سوريا او اذا سوريا هم راح تبدي بيهاالتفجيرات او القتل مثل ما الوضع في العراق, بعدين المساكيين المهاجرين العراقيين وين يديرون وجهم الى تركيا اللي لايكدرون يحجون لغتها او لايكدرون يشتغلون بيها,
ارجو من المشاركين ان يركزو على قضاية اللجوء والهجرة والابتعاد عن السياسة والدين في مواضيعيهم لانه مو من مصبلحة المشاركي في المنتدى وارجو ان ما ازعجت احد بكلامي هذا والسلام
تحياتي
جوسي البغدادي استشاري اللاجئيين والمهاجرين المانيا
-
بصراحة ماكو دولة عربية استقبلتنا بسهولة غير سوريا لان غير دول عربية كانت اجرائاتها مشددة ووالاردن كانت اجرائاتها صعبة فلهذا السبب ما دخلنا الاردن اما سوريا الوحيدة الي استقبلتنا بسهولة وشفنا بيها السكن والعيشة والسياحة ارخص وتونسنا بيها بالرخص ,,وغير دول عربية ما استقبلتنا زين حتى لو كان ويانا مادية متوسطة,,,,,, والله حرام تصير مثل العراق
-
اشكرك *iskender* ومثل متفضلت بي الحق يقال هو بشار الاسد الي ظل العراقين الفارين من جحيم السطو تحت خيمته
-
والله مدا نعرف الي ديصير كلساع واحد جايبلة خبر شكل وبدون دليل وتاكيد والجماعة راسا اي عاشت ايدك على هل الخبر هوة انت شلون اتاكدت رحمة لوالديك لا ن واحد كاعد ورة الشاشة وديكتب هاهية صار خبر واقع على الارض والله حيرة احنا العراقيين كل هل الدك ومتعلمنة ليهسة اي ذولة خطية الي بسورية من يسمع هيج خبر شراح يصير بيهم ...الله يحفظ العراقيين اينما كانو