منتدى الهجرة واللجوء => الهجرة و واللاجئين => الموضوع حرر بواسطة: راهب الحب في 22:31 22/12/2011
العنوان: نقاط مُهمّة عن تجربة واقعية ...
أرسل بواسطة: راهب الحب في 22:31 22/12/2011
مساء الخير اخواني واخواتي العزيزات ... أعرف أني مقصّر وياكم وغبت هواية عن المنتدى إللي خلاني اكون بالصورة من قبل ما اوصل لأمريكا .. ماشاء الله دا اشوف هواية أعضاء جدد وأعتقد القليل منكم راح يتذكروني وخصوصاً من الأعضاء القدماء .... طبعاً بشهر شباط القادم راح نكمل سنتين بالتمام والكمال وراح ألخصّلكــُم بعض النقاط إللي ممكن تفيدكم مستقبلاً ....
1- مثل ما ذكرت سابقاً من قبل ما اجي لأمريكا .. جزء مهم من التأقلم في امريكا يعتمد على طبيعة الإنسان نفسه ؟؟؟ شلون يعني !!! أكو ناس تستنكف من كعدة الكاع واكو ناس تحرث الكاع حتى تعيش ... وأكيد إللي يريد يعيش لازم ما يستنكف أبداً ويقبل بأول شغلة تجيله ..
2- العمل وهو الشغل الشاغل للجميع وتختلف الوضعية والشغلة نسبية بكل الولايات وراح أحجيلكم عن مدينتي لاس فيغاس بولاية نيفادا .
3- إذا إشتغلت ويا جماعتنا العراقيين بالستورات راح يكولون إنته جديد وماتعرف لغة ولازم تتعلم كلشي بالاول فخلي ببالك راح ينطوك أقل من المعدل المعروف يعني لو خمسة لو ستة دولارات بالساعة أكيد راح تكول شوية ؟؟ بس لازم تكول لنفسك الألف دولار بالشهر أحسن من كعدة البيت وتنتظر أكيد .. وأقلها الإيجار يطلع ...
4- مدينتنا سياحية وتكثر بيها الكازينوهات والفنادق يعني ممكن ان تشتغل عن طريق المنظمة وأكو فنادق ساعاتها توصل ألى 14 $ وهذا ممتاز . أما في الولايات الاخرى فكل ولاية تمتاز بشيء منها إللي بيها مصانع ومعامل والأجور متفاوتة ايضاً ..
5- أمريكا تحتاج إلى سواعد تشتغل حتى تحُط رجل بقوة وبأساس متين وتبدي بداية موفقة والافضلية تكون حتماً للعوائل الكبيرة إللي بيها شباب يعني كل شاب يشتغل يجيب وارد للبيت ...
6- إذا توفرتلك فرصة العمل المناسب وبأجور كافية لا تبقى عايش عالمساعدات لإنه إلي يبقى عايش عالمساعدات ماراح يكدر يسوي شيء لنفسه ولا يشتري شيء بإسمه لإنه الكردت مالته يبقى ضعيف ....
7- حاول أن تكون إيجابي بالمجتمع .. وبالعمل لا تتذمر ولا تكول آني بالعراق هيجي أشتغل لأنه ماكو مقارنة أقلها اهنا أفضل من دول الجوار إللي تنتظر بيها وخلي املك كبير بمستقبل أفضل ...
8- لا تمشي ورة كلام الناس كل واحد عنده ظروفه ووجهة نظره إنته لازم تحّدد اهدافك وليس بالضرورة يكون كلامهم طابووووو ... أسمعهم وممكن تستفاد من بعض الملاحظات بس لا تطبق ما يحجوه إلك .. وأخذ الإيجابي من كلامهم فقط ...
9- حاول أن تكون صبور ولازم تتجاوز السنة الاولى بلا أي ملل لإنه يساعدك على التأقلم اكثر والتكيف من الحياة .
10- حاولوا تساعدون اولادكم إللي بالمدرسة وتلبون كل ما يحتاجوه واطمئنوا لإنه مستوى الدراسة راقي وراح يعكس هذا مستقبلاً بشخصيتهم ونظرتهم للحياة ... وكونوا متفائلين ولا تقلقون بشأنهم أبــــــــــــــداً .....
هواية نقاط يمكن موجودة بعد وحبيت ألخّص المهم منها .... أتمنى تستفادون من هاي النقاط المهّة وآني حاضر لأي إستفسار او سؤال يخطر ببالكم مع إمنياتي للجميع بالتوفيق والإستقرار ...
العنوان: رد: نقاط مُهمّة عن تجربة واقعية ...
أرسل بواسطة: Iom victim في 22:36 22/12/2011
شكرا اخوي على هاي الملخصات وتمنياتنا القلبية بالموفقية
العنوان: رد: نقاط مُهمّة عن تجربة واقعية ...
أرسل بواسطة: ام الهنا في 22:44 22/12/2011
- لا تمشي ورة كلام الناس كل واحد عنده ظروفه ووجهة نظره إنته لازم تحّدد اهدافك وليس بالضرورة يكون كلامهم طابووووو ... أسمعهم وممكن تستفاد من بعض الملاحظات بس لا تطبق ما يحجوه إلك .. وأخذ الإيجابي من كلامهم فقط ... ،،،،،،،،،،،،،،،،،،،،،،،،،،،
هذا مبدأي في الحياة أصغي ولا آخذ الا المفيد . اخي راهب كلامك معدل وشكرا الك تشاركنا تجربتك ، وان شاء الله ربي يبارك برزقك وعائلتك . العافية درجات والتسهيل من رب العالمين . تحياتي لك .
ام الهنا
العنوان: رد: نقاط مُهمّة عن تجربة واقعية ...
أرسل بواسطة: need justice 1 في 22:53 22/12/2011
السلام عليكم عاشت ايدك وبارك الله بيك أخ وسام على هالنصائح والله يحفظك ويوفقك ويسهل كل امورك . نورت عنكاوا من جديد وذكرتنا بال 2009 حياك الله .
العنوان: رد: نقاط مُهمّة عن تجربة واقعية ...
أرسل بواسطة: راهب الحب في 22:53 22/12/2011
عزيزي الأخ : Iom victim شكراً لمرورك وإن شاء الله التوفيق حليف كل العراقيين المظلومين المجروحين
العنوان: رد: نقاط مُهمّة عن تجربة واقعية ...
أرسل بواسطة: راهب الحب في 22:56 22/12/2011
عزيزتي أم الهنـا :: ظلي على هذا النهج بالحياة وشكراً لدعواتج الطيبة اختي الغالية وتمنياتي إلج بالتوفيق والإستقرار
العنوان: رد: نقاط مُهمّة عن تجربة واقعية ...
أرسل بواسطة: malak.ali في 23:10 22/12/2011
كلام من ذهب
ربي يبارك بيك ويوفقك مثل ما تحب تنصح وتريد الخير لاخوانك
العنوان: رد: نقاط مُهمّة عن تجربة واقعية ...
أرسل بواسطة: kunda في 23:25 22/12/2011
منور راهب الحب ذكرتنا بالايام الحلوة ........والزمن الجمييييل
العنوان: رد: نقاط مُهمّة عن تجربة واقعية ...
أرسل بواسطة: غربه في 00:12 23/12/2011
بارك الله بيك اخوي الي بولايه شسمها .... بس احنه غير نجي بالاول مو متنه ??? ??? ???
العنوان: رد: نقاط مُهمّة عن تجربة واقعية ...
أرسل بواسطة: ܓღ أنجـــــي ღܓ في 04:51 23/12/2011
اهلا وسهلا بك اخي وسام منور المنتدى من جديد شكرا لك للنصائح ربي يبارك بك ويرزقك دائما اهلا بك
العنوان: رد: نقاط مُهمّة عن تجربة واقعية ...
أرسل بواسطة: sparky في 06:49 23/12/2011
لك الشكر والحسنات لنقل ماهو مفيد للجميع ننتظر منك ومثلما كتبت حضرتك انك ستنقل لنا معلومات اضافيه تصب في مصلحة الجميع في منتدانا الرائع هذا نتمنى لكم التوفيق دوما وننتظر كل ماهو جديد من حضرتكم بفارغ الصبر وممنون مقدما
العنوان: رد: نقاط مُهمّة عن تجربة واقعية ...
أرسل بواسطة: الريم 2000 في 07:25 23/12/2011
شكرا اخي --وبارك الله بيك على هاي النصائح الحلوة وهو هذا المفيد ولازم الكل تفكر بي لانه واقع اصبح لنا واللة يهدي الجميع -----اختك زينب
العنوان: رد: نقاط مُهمّة عن تجربة واقعية ...
أرسل بواسطة: xxlm569 في 09:08 23/12/2011
شكرا على الموضوع
العنوان: رد: نقاط مُهمّة عن تجربة واقعية ...
أرسل بواسطة: الريم 2000 في 10:41 23/12/2011
لرفع الموضوع للمزيد من الاجابات والاطروحات المفيدة بلتوفيق------زينب
العنوان: رد: نقاط مُهمّة عن تجربة واقعية ...
أرسل بواسطة: AboDiana في 11:51 23/12/2011
شكرا على الموضوع ومنور دائما
العنوان: رد: نقاط مُهمّة عن تجربة واقعية ...
أرسل بواسطة: ssomeda في 11:58 23/12/2011
العنوان: رد: نقاط مُهمّة عن تجربة واقعية ...
أرسل بواسطة: برنسيسة في 14:17 23/12/2011
عاشت ايدك وبارك الله بيك اخ وسام الله يوفقك ويسهل امورك على هذي النصائح
العنوان: رد: نقاط مُهمّة عن تجربة واقعية ...
أرسل بواسطة: messi10 في 14:33 23/12/2011
تسلم عالموضوع الحلو و الصراحة الواحد من يقرة هيج مواضيع يتشجع و يتفاءل و اكيد هوة التوفيق من رب العالمين و انشالله تتسهل للجميع
العنوان: رد: نقاط مُهمّة عن تجربة واقعية ...
أرسل بواسطة: Sama83 في 14:37 23/12/2011
عاشت ايدك :) نصائح ذهب ومفيدة للكل الله يسهل امراك ياااااااارب
العنوان: رد: نقاط مُهمّة عن تجربة واقعية ...
أرسل بواسطة: alany في 19:22 23/12/2011
عاشت ايدك اخوية
كلامك ذو قيمة كبيرة للواصلين الجدد و المقبلين
بس يراد تنطي بعض التفاصيل الاخرى بشكل عام و تتوقع اسئلة من الاخوة الاعضاء
يسلموووووو
alany
العنوان: رد: نقاط مُهمّة عن تجربة واقعية ...
أرسل بواسطة: كاتلوني الى الابد في 19:51 23/12/2011
اخي العزيز راهب الحب انت انسان راقي وكتاباتك راقية تسلم على النصايح الحلوة وهذا من طيبتك واخلاقك الراقية
العنوان: رد: نقاط مُهمّة عن تجربة واقعية ...
أرسل بواسطة: s350thebest في 20:19 23/12/2011
اخي بارك الله فيك والله يوفقك كلام جميل ومنطقي لان جاي من تجربة واقعية. بالتوفيق للجميع انشاء الله.
العنوان: رد: نقاط مُهمّة عن تجربة واقعية ...
أرسل بواسطة: كوكي 2004 في 20:47 23/12/2011
شكرآ لحضرتك أخي وسام وبارك الله بيك على هذه النصائح والشرح الوافي الله يحفظك ويوسع رزقك وينطيك على كد نيتك
بالتوفيق أخي
أختك كوكي \ عمان
العنوان: رد: نقاط مُهمّة عن تجربة واقعية ...
أرسل بواسطة: فرعون مصر في 20:47 23/12/2011
بارك الله فيك راهب الحب على هذا المجهود ادعوا الله ان يجعله في ميزان حسناتك ويوفقك في حياتك ويصرف عنك كل سوء اتمنى من كل اخوانا العراقيين الموجودين بامريكا ان يحذوا حذو الاخ راهب الحب بامدادنا بمثل هذه المعلومات المهمه وبارك الله بمجهودكم
العنوان: رد: نقاط مُهمّة عن تجربة واقعية ...
أرسل بواسطة: ابن الحله في 15:36 24/12/2011
عاشت ايدك وبارك الله
العنوان: رد: نقاط مُهمّة عن تجربة واقعية ...
أرسل بواسطة: راهب الحب في 03:04 03/01/2012
شكراً إخوان على ردودكم وامانيكم وإن شاء الله أتمنالكم الإستقرار بعون الله .. خوني أبو مريومة بشّرني شأخبارك ما إنفكت الجبسة مالتك ؟؟؟؟ راح يجي الصيف بعد 3 شهور ويبدي شغل الثلج والفلين والماي لا تطول علينا ... ;D ;D ;D ;D ;D ;D ;D ;D ;D تحياتي لكل أعضاء المنتدى الاكارم ... †
العنوان: رد: نقاط مُهمّة عن تجربة واقعية ...
أرسل بواسطة: ميمي2010 في 08:28 03/01/2012
lمشكور اخي صاحب الموضوع على هاي الملاحظات المهمة بارك الله بيك
العنوان: رد: نقاط مُهمّة عن تجربة واقعية ...
أرسل بواسطة: لاتحزن ياعراق في 16:57 03/01/2012
طبعا عاشت ايدك حبيت كل النقاط الي ذكرتهة وخصوصا الايجابية والتفاعل الي تملكهة بشخصيتك ااااااااااااااااااااااااي احب هيج شخص ايجابي ومو بس مناحة وكاعدين نبجي بوجه الله ومن يهب صعود الجبال---يبقى ابد الدهر بين الحفر
العنوان: رد: نقاط مُهمّة عن تجربة واقعية ...
أرسل بواسطة: راهب الحب في 03:19 07/01/2012
الإخوة الأعزاء ميمي و لا تحزن يا عــِراق شكراً على مروركم وتتدللون وأني حاضر وبخدمة الطيبين