ankawa
منتدى الهجرة واللجوء => الهجرة و واللاجئين => الموضوع حرر بواسطة: kunda في 13:16 27/12/2011
-
مرحبا ..
قبل فترة انثار هذا الموضوع بالمنتدى ...وبصراحة ماكان عندي معلومات اكيدة لذلك انتظرت حتى اتأكد منها يالله انشرها بالمنتدى
وفعلا تاكدت انه الجماعة متصلين بعائلتين من معارفي على موعدين مختلفين بشهر الواحد وبعد ان باركتلهم على مواعيد سفرهم ,سألتهم اذا اكو بعد مواعيد فاخبروني بانه اتصلوا ايضا بجيرانهم واصدقائهم وهمة الان سامعين باربعة مواعيد طيران على الاقل في شهر الواحد .
ان شالله تفرج على الجميع وشكرا
ومبرووووك مقدما لكل من اتصلوا او سوف يتصلون به هذه الايام
-
يا قريب الفرج يااا ربي ، مبروووك لكل اللي يسافرون وان شاء الله تعالى يجينه الدور ونسافر .
شكرا كوندا لنقل الخبر وشكرا للاخ اللي نقل الاخبار قبلك . تحياتي
ام الهنا
-
بارك الله بيك اخي
-
شكرا kunda انشالله يوم سفرك
-
داينك سلولي
اخوية العزيز اسمحلي اجاوبك ..(ولو سؤالك خارج موضوع لبنان بس مومشكلة )
حبي بالنسبة للفحص الطبي فتأكد واخذها مني مية بالمية ...السفارة مو مثل الiom السفارة مايخابروك على اعادة فحص ابدا الا اذا يستلمون الكليرنس مالتك بايديهم هذاك الوقت يشوفون اذا الفحص مالتك بعدة صالح يمشوك اذا عبر السنة او مابقالة غير ايام ويعبر (يعني من تركب الطيارة يكون اكسباير) فيطلبون منك فحص جديد ...
صدقني حتى لو تعبر سنتين بالانتظار ماينصحوك باعادة الفحص الا اذا يستلمون الكليرنس مالتك واللي هو يعني نهاية التجييك الامني عليك .
وبالنسبة للازدحام على العيادة صحيح اكو ازدحام ويأخروك على الاقل 3 اسابيع بس مجبور شتسوي ...بهالحالة يروح عليك البنفتس والسفر على الiom وتصير مضطر ان تسافر على حسابك وبدون مرافقة من موظفي ال iom ..
انت تقدر تعيد الفحص واحتمال العيادة توافق على ذلك بس شلون بحالة (لاقدر الله) انرفضت وهذا احتمال يبقى وارد لحد اخر لحظة او احتمال تتأخر سنة اخرى وهذا الاحتمال ايضا وارد بهالحالة تروح فلوسك .
وهذا الفرق بين الiom و siv الاولى يخلوك تسوي فحص وتظل تعيد وتسقل بيه كلما يصير اكسباير
بينما الsiv مايطلبون منك اعادة الفحص الا اذا يخلص تجييكك الامني
ملاحظة اخيرة ...لحد الان ماشفت او سمعت عن شخص طلبوا منه اعادة العدم محكومية العراقية ...حتى لو تعبر السنة ..همه سووا عليك تجييك أمني عالي المستوى بعد شيسوون بهالورقة .
-
مرحبا ..
قبل فترة انثار هذا الموضوع بالمنتدى ...وبصراحة ماكان عندي معلومات اكيدة لذلك انتظرت حتى اتأكد منها يالله انشرها بالمنتدى
وفعلا تاكدت انه الجماعة متصلين بعائلتين من معارفي على موعدين مختلفين بشهر الواحد وبعد ان باركتلهم على مواعيد سفرهم ,سألتهم اذا اكو بعد مواعيد فاخبروني بانه اتصلوا ايضا بجيرانهم واصدقائهم وهمة الان سامعين باربعة مواعيد طيران على الاقل في شهر الواحد .
ان شالله تفرج على الجميع وشكرا
ومبرووووك مقدما لكل من اتصلوا او سوف يتصلون به هذه الايام
شكراً اخ كندا على نقل الأخبار الحلوة واللي ترفع من المعنويات ..
وهذا خبرك يؤكد صحةكلامي الصادق حيتُ اتهمني واحد من الزملاء بأني انشر اخبار كاذبة وماكو هيجي شي بلبنان ولا اكو مواعيد سفر..
مع تمنياتنا للجميع بالموفقية والسفر السريع ..[/color][/size][/color][/size]
-
حبيبي المهاجر هيجي اخبار للاسف ماكو طريقة تتأكد منها ...يعني ماينشروها على النت او هيجي شي لازم تتأكد بنفسك من معارفك واصدقائك اللي بلبنان ..والحمد لله بداية السنة فاتحة خير عليهم نتمنى انه ماينسون الالاف المنتظرين بالعراق ايضا..
-
والملفات نايمة ....والمعاملات جدا بطيئة
عيني خولة احنا دنحجي على الناس اللي كملت كل المراحل بالمعاملة وماباقيلها غير تلفون موعد السفر ...بينما الملفات الباقية هاي ماتنحسب بإنتظار السفر الا اذا يكملون كلشي ... ولو احيانا يعيدون بعض المراحل لتأخر موعدهم.
على اي حال اني هذولة الجماعة معارف واقارب ومتأكد من كلامهم مية بالمية بس هي المودة الماشية بلبنان (واني بقيت بيها كذا سنة واعرف) لمن يخابرون واحد على سفر ما ينشر الخبر الا باخر لحظة وهو بطريقة للمطار,,
هذا الامر غالبا يصير خاصة لما السفر يتقلل مثل هالايام شحة بالسفر ..فاحتمال انتو بلبنان ماراح تسمعون منهم الا بعد سفرهم
-
اخ كوندا ....اتصور اني همات كتلك تأكدت من عوائل اخرى والي من بعض هاي العوائل باقيين بس على السفر واكدوا لي انهم لم يسمعوا بالخبر ..والمودة الي تحجي عليها اخوية والله
ما اتصور موجودة وعلى العكس كلمن ديسافر من اصحابنا ديخبرنا
لعد مادام هيجي تدللين ماعندي مانع راح انطيج مواعيدهم مو هسه بيوم سفرتهم واريدج تروحين للمطار تودعيهم بمكاني ;D ;D ;D بس راح تخسرين فلوس تكسي روحة رجعة ;D شتكولين موافقة؟؟؟؟؟؟؟؟؟؟؟
-
هاي شلون شغلة ؟ :o ???
اختي العزيزة ترة اني همينة عنودي ;D,,,واحب اثبت انه كلامي صحيح مليون بالمية ,,,الجماعة اللي اتصلوا بيهم بلبنان عالسفر اخوهم جان يمي البارحة بالبيت وفتحنا النت وحجينا وياهم صورة وصوت وسلم على عائلة أخوه ونصحة بأن يسافر باسرع وقت الى لبنان ويقدم حتى ينطيه بيتة واغراض بيته ويكعد بمكانة وراح يدفعلة ايجار الشهر القادم ,,,وفعلا الرجال مصفي كلشي باقيلة بس السيارة يبيعها وياخذ عائلتة ويروح .
وطبعا الدعاية اللي طالعة بلبنان (حسب كلامه) انه على اساس السفر موقفيه لحد شهر حزيران ..بس طلعت اشاعة .
وهسه اني بخدمتج شلون تريدين اثبتلج انه الخبر صحيح وتتأكدين منه ومن يمج من لبنان همينة اني حاضر ؟؟؟
-
اخ kunda عندي 3000$ تكفيني في لبنان ???
-
اخ kunda عندي 3000$ تكفيني في لبنان ???
واله يااخونا (المارد لولو) انت لو توضح سؤالك اكثر يمكن اقدر اني او احدى الاخوات او الاخوان العايشين في لبنان حاليا يساعدونا بالرد ..اني حاليا بالعراق وأكيد هواية امور تغيرت عن ماهي عليه لمن اني كنت بلبنان ,, فياريت لو ينورونا جماعة لبنان بالجواب ..هذا طبعا بعد ماتوضح سؤالك يعني انت تريد تروح تقدم على اليوان لو عندك غير معاملة لو سفرة عادية لو شنو الغرض بالضبط ؟؟؟؟
-
هاي شلون شغلة ؟ :o ???
اختي العزيزة ترة اني همينة عنودي ;D,,,واحب اثبت انه كلامي صحيح مليون بالمية ,,,الجماعة اللي اتصلوا بيهم بلبنان عالسفر اخوهم جان يمي البارحة بالبيت وفتحنا النت وحجينا وياهم صورة وصوت وسلم على عائلة أخوه ونصحة بأن يسافر باسرع وقت الى لبنان ويقدم حتى ينطيه بيتة واغراض بيته ويكعد بمكانة وراح يدفعلة ايجار الشهر القادم ,,,وفعلا الرجال مصفي كلشي باقيلة بس السيارة يبيعها وياخذ عائلتة ويروح .
وطبعا الدعاية اللي طالعة بلبنان (حسب كلامه) انه على اساس السفر موقفيه لحد شهر حزيران ..بس طلعت اشاعة .
وهسه اني بخدمتج شلون تريدين اثبتلج انه الخبر صحيح وتتأكدين منه ومن يمج من لبنان همينة اني حاضر ؟؟؟
اخوية كوندا ....
هل الموضوع يستاهل هاي الجرجرة بيه ؟؟؟؟
زين وهسه شتريد انت سمعت بالسفر واحنا لم نسمع به ....وبعدين !!!!!! لو هي جرجرة والسلام
وجاوبتك وكتلك شتريد اتكول كول بس كلمن يتكلم عن الي يعرفه ...صح لو ما صح اخونا ؟؟؟؟
-
خولة انتي المعترضة على الخبر مو اني .!!!!!
فانتي شتريدين ؟؟؟
-
اخي كوندا ...
انا لست معترضة انا حجيت الحقيقة الي اعرفها
وانت طرحت موضوع معين واحنا اجبنا بمعرفتنا عنه لا اكثر ولا اقل
يعني شلون لو الواحد بهذا المنتدى يؤيد المقابل لو لازم ما يحجي الي يعرفه ...
والواحد مجرد ابدى معرفته بشيء ...يبتلي على عمره ...هاي شلون طلابة
اخي كتلك ... خلص اترك الموضوع وانت مجلب به ... فأنت ماذا تريد بذلك ؟؟؟؟؟؟؟
-
(انا لست معترضة انا حجيت الحقيقة الي اعرفها)
صح وايضا اكو حقائق ماتعرفيها ..... واني ماطلبت تأييد أحد لانه متأكد من الخبر وحبيت انقلة للجميع
اذا انتي ماسامعة بهيجي اخبار اليوم فراح تسمعين عنها بعد كم يوم ان شاء الله .
-
واني همات متأكدة من معلوماتي ...
والظاهر اخوية .. انت ما عندك غير هذا الموضوع اليوم ...اي والله خوش موضوع جدا مفيد
اي وبعد .... !!!
-
واني همات متأكدة من معلوماتي ...
والظاهر اخوية .. انت ما عندك غير هذا الموضوع اليوم ...اي والله خوش موضوع جدا مفيد
اي وبعد .... !!!
والله هذا اللي الله قدرنا عليه شنسوي ;D ;D ;D ;D ;D
-
ممتاز ........... 8) 8) ;D ;D
-
اخويه kundaاختنه خوله ايبين صاعده الكئابه فول ,,,,,,,يابه كلله ماكوسفر بلبنان وخلي ترجع للعراق اكو سفروسفر امرتب,,,,,,,,,,اخويهkundaاني بعد اذن اختنه خوله على ان متزعل اني اايدك اكو مواعيد سفر من لبنان شهر الواحد عندي معارف ابلغوني بذلك ,,,,بس اهم شي اخت خوله متعصب واذا اتعصب اني اسحب مداخلتي ;D ;D ;D ;D ;D ;D ;D ;D ;D ;D ;D ;D ;D
-
اخويه kundaاختنه خوله ايبين صاعده الكئابه فول ,,,,,,,يابه كلله ماكوسفر بلبنان وخلي ترجع للعراق اكو سفروسفر امرتب,,,,,,,,,,اخويهkundaاني بعد اذن اختنه خوله على ان متزعل اني اايدك اكو مواعيد سفر من لبنان شهر الواحد عندي معارف ابلغوني بذلك ,,,,بس اهم شي اخت خوله متعصب واذا اتعصب اني اسحب مداخلتي ;D ;D ;D ;D ;D ;D ;D ;D ;D ;D ;D ;D ;D
اشكر اسلوبك ...
بس تدري هسه شنو ...
اني اكلك طبعا هسه حتى الي ما يعرف بحقيقة صحة الخبر او عدم صحته ..فرح ايكول الخبر صح وسامع بيه ....تدري ليش ؟؟؟؟
لانه ببساطة انه صاحب الموضوع هو الاخ كوندا الاداري ... !!!! ويا ريت الموضوع مهم
واكيد الاصدقاء همات رح يدخلون ويؤيدون ...معروف هالشي وعادي اخوية
واصلا كلش عادي ولازم اتكون روحنا رياضية
واهلا وسهلا بكل من يدخل ويؤيد كلام الاخ كوندا وهاي لخاطر ادارينا.....بس همات ارجع واكول اني متأكدة من معلوماتي انه مسامعين اكو سفر ;D ;D ;D
-
حبيبي كندا
اشكرك على نشر الخبر
حبيبي اذا امكن تعرفنا الجماعة من اى وفد
-
http://stupidfunnypics.com/2011/12/closed-minds-and-mouths/
بلكي تجيبلنة ارقام جوازاتهم حتى ندكهة بالحاسبة !!! اشو الادلة و البراهين مطلوبة بكثرة هالايام ::) ::)
-
حبيبي كندا
اني سألتك لاني مقابل بشهر الرابع وباقي انتظر موعد سفر لذلك يهمني اعرف الجماعة من اى وفد
مو قصدي مثل ما فسره احد الاخوان ....اني اكبر من هذا حجي
-
احد الاخوان مو قصده انت اخ علي ;D ... اصلا انت علقت قبلي بثواني و صدفة صار تعليقي ورة تعليقك ::)... اقرا الحوار الي فوك و تعرف شنو قصدي ;)
-
حبيبي كندا
اني سألتك لاني مقابل بشهر الرابع وباقي انتظر موعد سفر لذلك يهمني اعرف الجماعة من اى وفد
مو قصدي مثل ما فسره احد الاخوان ....اني اكبر من هذا حجي
لابالعكس اخوية العزيز سؤالك على العين والراس راح أسألهم وبس يوصلي الجواب اني اكتبلك اياه ..وأسف عالتأخير بالرد
-
تسلم اخونة كوندا على نقل الخبر وربي يوفقك ببث الفرحة بقلوب اهلك بلبيت العراقي الاصيل وانشالة نسمع يوم سفرك امين----تقبل مروري اختك زينب
-
تسلم على نقل الخبر وبارك الله بيك
وان شاء الله نسمع بخبر سفرك بالقريب العاجل
وعلى العموم هو اكو حركة سفر بكل الدول العربيه بشهر الواحد
وتفائلوا بالخير تجدوه والله يسهلها على الجميع
ام ريم
-
شكرا للاختين ... زينب وريم تحياتي
-
انشاء الله خير
-
عاشت ايدك على هاي الاخبار الحلوة. وانشاء الله يوصلون بالسلامة
-
http://stupidfunnypics.com/2011/12/closed-minds-and-mouths/
بلكي تجيبلنة ارقام جوازاتهم حتى ندكهة بالحاسبة !!! اشو الادلة و البراهين مطلوبة بكثرة هالايام ::) ::)
شكرا اخي .... وجماعتي ايضا في لبنان مسامعين بخبر السفر ....وياريت مثل ما كلت بلكي نريد الادلة ...
-
اخ كوندا ....اتصور اني همات كتلك تأكدت من عوائل اخرى والي من بعض هاي العوائل باقيين بس على السفر واكدوا لي انهم لم يسمعوا بالخبر ..والمودة الي تحجي عليها اخوية والله
ما اتصور موجودة وعلى العكس كلمن ديسافر من اصحابنا ديخبرنا
اي والله اختي ...كلامج صحيح .. وتأكدت من جماعتي قي لبنان ...لم يسمعوا بسفر عوائل
شكرا اختي المحترمة ....
تحياتي