ankawa
منتدى الهجرة واللجوء => الهجرة و واللاجئين => الموضوع حرر بواسطة: غسان العبيدي في 18:41 27/12/2011
-
تحية للجميع
اخوان الي راح واستلم المغلف بهاي الايام كم نسبة الرفض الى القبول مثل قبل اكثر اقل يعني منو عنده هيج معلومات حتى لو تقريبية يخليكم الله حتى نعرف ونقيس
-
والله يا اخي ان شاء الله ماكو هواية بس الظاهر اخونة الزبيدي هو الوحيد اللي انرفض من المنتدى والله يعينه ويعوضه بالاحسن .
الله يسهل امورنا اجمعين .
ام الهنا
-
بلكي قليل الله يسمع منج ام الهنا
-
بس هو كال اكو مجموعة لكن اليوم مدخل حتى نعرف اشكد ، يوم الاثنين كالوا تقريبا 30 كيس تأجيل ،
والف مبروك الكم انتوا الموافقة ، وان شاء الله يخابروكم عالفحص قريبا ، ويااا ربي يسهل امورنا ونخلص .
ام الهنا
-
المقبولين فوق 1000
المعلقين 30
المرفوضين؟؟؟؟؟؟؟
-
مشكور حبي عبادي على الخلاصة ومنتظرين اليعرفون بلكي يبلغونه لي النسبة تبشر بخير لحد الان
-
المقبولين فوق 1000
المعلقين 30
المرفوضين؟؟؟؟؟؟؟
سبحان الله ربي يبارك بالمقبولين و ان شاء الله موعد سفر قريب لكن العدد ماشاء الله كبير بحيث شوكت رح يفضوهم على هيج نسبة بانجاز المعاملات ... طبعا اكيد هاي الايام الجاية ايضا مقابلات و نفس التاخير لو يحولون المقبولين على غير دول بيه لجؤ مثل كندا فلندا بلجيكا ووين ربك يسهله نقبل بيه .. الحمد لله بعدنه ممقابلين يعني على البر من معاناة الانتضار لان بعدنه بحالة انتضار للانتضار الكبير .. حزوره ههههه
-
أخواني حبيت بس انقل او اوضح شي و الرجو ان تقبلون مداخلتي ، بالنسبة لمستلمين الموافقات يوم السبت 24/12/2011 اني كنت احد الموجودين و الحمد الله استلمت موافقة مبدئية و اتمنى للجميع كل الخير ، اني تواجدت من الساعة 11:00 الصبح لغاية نهاية الدوام بال 2:00 اخر مجموعة دخلوهم ، كل اللي صاحو اسمائهم على 3 وجبات كل وجبة جانو يدخلون 50 الى 70 شخص فالمجموع 150 الى 210 و بكدهم من ساعة 8:30 لل 11:00 فالمجموع اللي استلموه موافقات يوم السبت ما يجاوز ال 450 كيس ، ال 1000 رقم كلش هواية.
حبيت بس اوضح لأنني كنت موجود.
-
حبيبي ابو حمودي شكرا على المداخلة اللطيفة مالتك بس يبقى السؤال ومثل متفضل الاخ ابو شمس الامنيات ولتجييكات شوكت تخلص خاصة انو حنا مقبلين على مقابلات جاية الشهر الجاي ؟؟؟؟ معقولة الكل لامريكا ؟؟؟؟؟
-
أخواني حبيت بس انقل او اوضح شي و الرجو ان تقبلون مداخلتي ، بالنسبة لمستلمين الموافقات يوم السبت 24/12/2011 اني كنت احد الموجودين و الحمد الله استلمت موافقة مبدئية و اتمنى للجميع كل الخير ، اني تواجدت من الساعة 11:00 الصبح لغاية نهاية الدوام بال 2:00 اخر مجموعة دخلوهم ، كل اللي صاحو اسمائهم على 3 وجبات كل وجبة جانو يدخلون 50 الى 70 شخص فالمجموع 150 الى 210 و بكدهم من ساعة 8:30 لل 11:00 فالمجموع اللي استلموه موافقات يوم السبت ما يجاوز ال 450 كيس ، ال 1000 رقم كلش هواية.
حبيت بس اوضح لأنني كنت موجود.
اخي العزيز اني جنت موجود من ساعه 8 وطلعت بال3 وشوية
بنهاية الدوام العراقيين مقبلوا يطلعون
فجابلونة الضروف كلهة للقاعة اللي صايرة قبل التفتيش وكامو يردون الاسماء واني بعيني شفت الضروف الباقية من غير اللي استلموا عالوجبات اللي دتحجي عليهة فيطلع تقريبا بال100 ضرف اذا مو اكثر.
صح هو عدد ال1000 مبالغ بيه يعني اتوقع مو اكثر من 500 ضرف
-
حسب مسمعت قليل مرفوضين
-
الف مبروك لكل من استلم موافقة المحلف
-
أن شاء الله الكل سافر مرفوضين ومؤجلين ومقبولين ودخلون اليأس الى قلوبكم : ( وقل لن يصيبنا الا ماكتب الله لنا ) .
-
والله ما فهمنه 1000 ظرف لو 500 لا التاجيل ميتجاوز ال 50 هذا متاكدين منه وبالمناسبة الخميس باجر اكو توزيع الظروف للاشخاص الي مجايين يوم السبت والاثنين .
زين اذا كل وجبة 500 يعني اذا بالاسبوع 15 كيس بالسنة الكل مسافرة ؟؟؟؟؟؟
تحياتي
-
والله يا اخي ان شاء الله ماكو هواية بس الظاهر اخونة الزبيدي هو الوحيد اللي انرفض من المنتدى والله يعينه ويعوضه بالاحسن .
الله يسهل امورنا اجمعين .
ام الهنا
مساء الخير
اني البارحه استلمت ظرف وطلعلي رفض يعني اني ثاني واحد
واريد اقدم طعن بالنتيجه بس ما اعرف الايه مال كتابه الطعن اريد اخلي مؤثر بالمحلفين
ياريت الي عنده معلومه لا يبخل بيها عليه لان هسه اني محتار وما اعرف شسوي
وبالمناسبه اني مقدم مباشر يعني مو لاجئ
تحياتي الكم ..................
-
السلام عليكم اخوان اني كنت موجود يوم السبت اخوان واني كنت يم الشباك وقريت التايتل او المجموع 702 مقبول لازياده ولانقصان وبلنسبه للرفض الي سنعته 100 وأكدولي الخبر وانشاء الله الكل يطلعون يارب
-
اخوان الي طالعلة رفض ليش؟؟؟ هل كان عسكري او شي من هالقبيل او كان من الاجهزة الامنية السابقة؟؟؟
بعدين ممكن يكون العدد الف لان الي يصيحون اسمه هو رب العائلة او صاحب الكيس جائز تكون عائلةو ياه جبيرة 3 اشخاص 5 مثلا
فيوصل العدد
بس عندي سؤال المقبولين يرجى توضيح شوكت بصمتو باي تاريخ ياريت تذكرونه التبصيم شوكت حتى نعرف الامنية شكد وتجي ونسوي دراسة تقريبية عليها
-
السلام عليكم
المعلقين تقريبا 50
المرفوضين بين 50_70 مو اكثر
اليوم الخميس الباقي من السبت واحد مرفوض بس والباقي موافقات بيهم 40 تقريبا
هاي المعلومات اكيده لان صارلي 4 ايام اروح للهجرة
تقبلوا مروري
-
والله يا اخي ان شاء الله ماكو هواية بس الظاهر اخونة الزبيدي هو الوحيد اللي انرفض من المنتدى والله يعينه ويعوضه بالاحسن .
الله يسهل امورنا اجمعين .
ام الهنا
مساء الخير
اني البارحه استلمت ظرف وطلعلي رفض يعني اني ثاني واحد
واريد اقدم طعن بالنتيجه بس ما اعرف الايه مال كتابه الطعن اريد اخلي مؤثر بالمحلفين
ياريت الي عنده معلومه لا يبخل بيها عليه لان هسه اني محتار وما اعرف شسوي
وبالمناسبه اني مقدم مباشر يعني مو لاجئ
تحياتي الكم ..................
اخي هذا مقتبس من اخونه الاعظمي بارك الله فيه
مرحبا عالجميع
أخي العزيز الله يكون بعونك ويساعدك والخير فيما أختاره الله آني هم مريت بهاي الحالة وعانيت وساعدوني الأخوان ووجهوني وراح أنقلك اللي سويته ملاحظة الشغلة فرصة وما تتعوض لو بالهدف لو بغير مكان مثل مايكولون فحاول التأني وتناقش وتعرف وتصغي حتى تعرف طريق الصح أول شي كعدت وحضرت أوراق وقلم وطلعت القصة أو الأقوال اللي دونتها بوقت كل مقابلة سويتها وطلعت الأثباتات اللي تأيد الكلام واللي قدمت نسخة منها للمنظمة ورتبت الأفكار على ضوء اللي مريت بي وحجيته واللي كدامي وأتذكر اللي صار وياية بالمقابلة ووين نقاط الضعف والخربطة يومية أكعد وية هالشغلة ساعتين الى أن كملتها بعشرين يوم صارت عندي تقريبآ تقريبآ 13 صفحة وبالمناسبة الشكليات وترتيبات كل ورقة من أوراق الأستئناف مكتوبة بالورقة اللي ينطوكياها وقت الظرف . بعدها رحت لمكتب ترجمة وفيز سفر وبريد سريع وهالأمور وطلع جدآ محترم وأسلوبه جدآ راقي والأهم من كل الشغلات فاهم جدآ جدآ بهاي الأمور كعدت ويااه 3أيام متقطعة لأن أحتاجه يتفرغلي أروح يمه خمس ساعات أناقش سوية اللي كتبته كله بالتفصيل ويسألك ويجادلك كأنه قاضي كدامك وبحكم خبرته بالأستئنافات اللي مسويها قبل ولخصنا الأوراق ويقوي نقاط الضعف اللي بالقصة ويقوي نقاط القوة بيها ويكملها وياك عالراحة بحيث أنت تقتنع بالموضوع أنه ترتب أفضل من قبل وكأنما كلشي مسويت قبله أنت ههههه ويترجمها وياك أنت وكاعد يمه وينطيكياها مطبوعة وتاخذها أنت منه على فلاش يو اس بي وتوقع عليها وتكتب أسمك بالنسختين وتروح لمركز أنترنت بعد دوار فراس مقابل السي تاون سكنر وملون وعادي وطبع وأستنساخ وشغلته مضبوطة وتسحبها سكنر وتخلي النسختين اللي موقعة الأصلية بظرف واحد ولتقفله لأن من تسلمه يشوفوه وهمة يقفلون الظرف وتكتب أسمك وتلفونك ورقم ملفك بالآي أو أم مثل ما كاتبيلك بورقة التعليمات وهو صاحب المكتب يوجهك وكل شي أسأله وراح تاخذها جاهزة بس تخليها بالظرف وتكتب الموضوع طلب مراجعة ملف وتروح تسلمها للمنظمة ومن ترجع تدزلهميا النسخة اللي موقعة وسحبتها سكنر تدزها بأيميل للمنظمة والنسختين وتعنون الأيميل jo-رقم الملف وتكتب طلب مراجعة ملف والباقي يم رب العباد والله كريم . المكتب أسمه مركز التعاون الأستاذ محمد شكوكاني ترجمة لكافة وأتمام معاملات الهجرة جبل الحسين دوار فراس - بجانب رنوش ( للعصير ومطعم ) عمارة الجنيني ط2 ه/ 0796905542 /. أتمنى أكون قدمتلك شي تستفاد منه ويساعدك بمحنتك أخوي وبالتوفيق أنشاالله .
تحياتي وأحترامي للجميع
الأعظمي
وتكدر تتواصل مع الاخ مستر زياد لان حتى هو مرفوض ، صارو 3 وان شاء الله ماكو غيركم بعد ...
ام الهنا
-
عاشت ايدج اختي والله كفيتي او وفيتي