ankawa
منتدى الهجرة واللجوء => الهجرة و واللاجئين => الموضوع حرر بواسطة: غسان العبيدي في 13:42 06/01/2012
-
مرحبا اخوان..... اني عندي حالة انسانية عاجلة في بغداد شخصية جدا ومنتظر مقابلة محلفين هالفترة لو بهالشهر لو بشباط علما اني مقدم من الاردن اكدر ارجع لبغداد كم يوم هالايام؟؟؟؟؟؟؟؟؟؟
2- تنصحوني ارجع ورا مقابلة المحلفين؟؟؟؟؟؟؟؟؟
3- تنصحوني هسه اروح قبل المحلفين ؟؟؟؟؟؟؟
4- اذا سافرت ورا مقابلة المحلفين خطرة عليه؟؟؟؟؟ لو لا؟ يعني انرفض لان رجعت للعراق لو يصير ؟؟؟؟ علما اني عندي مستمسكات تؤكد هذي الحالة الف بالمية
اريد ياهو الاحسن قبل المحلفين لو بعد .....الحكوني اخوان ترى اموري متخربطة كلش
-
خابر الهجرة اشرحلهم الوضع علمود يكونون بلصورة هذا احسن شي
-
اخى غسان ما انصح بالسفر لبغداد
وراح تاثر على الملف
-
هو اكيد ماكنتوشة اخابرهم بس تدرين بيهم ذولة سطولة مال مسح ناس اجر بالطول وناس اجر بالعرض اني المهم شنو الاحسن ارجع هسه كم يوم قبل المحلفين لو ورا المحلفين؟؟؟؟؟ بعدبن اني سمعت من انو الامنية تبدي من مقابلة المحلف مو من البصمات واني الاعرفه من البصمات
يعني تاثر؟؟؟
المهم عندي شنو الاحسن اريد جواب مضمون بالموضوع لان اني متورط
-
ر عبادي بشرفك كول غيرها ؟؟؟؟؟صدك تحجي؟؟؟؟ ليش؟؟؟ يعني لا الخيار الاول ولا الثاني؟؟؟ شتقصد يعني بالضبط
-
اخي غسان اذا قابلت محلفين وسافرت مراح ياثر على النتيجه لان همه اصلا راح يتخذون قرار دون معرفة اذا انت رجعت لبغداد او لا لان محد راح يباوع على جوازك بعد مقابلة المحلفين والى حين السفر
واذا اجاك موعد سفر مراح ياثر عليك العوده الى بغداد
وقبل شهرين صارت نفس الحاله في عمان احدى اقاربنا رجعت لبغداد وكضت رمضان وبعد ان رجعت لعمان اجاها موعد سفر وحاليا هيه في امريكا
اما اذا سافرت قبل مقابلة المحلفين وعندك حاله خاصه وكانت سفره واحده ولايام معدوده سواء كان لتمشية معاملات او لاغراض انسانيه
هم مراح تاثرر لان همه ماخذين هاي الامور الانسانيه بنظر الاعتبار
ويكدر الشخص يرجع للعراق لتصفية اموره والعوده وهذا ما ذكرته المسؤله القانونيه في اليو ان
اما السفرات المتكرره او الطويله هيه الي تاثر على الملف وتعرضه للرفض
-
اخ غسان احجيلك عن حالتي وانته افهم اني قدمت من عمان بس مقابلت ولا مقابلة صار عندي ظرف طارئ في بغداد فرحت للمنظمة ابنفسي استفسرت من الموضف كلي ايصير مدام انته ممقابل محلفيين لان اذا قابلت محلفيين راح اتصير عندك مشكلة والحمد الله حولت ملفي الى بغداد بالكامل ورجعت الى بغداد واني هسه كملت المقابلتين وبنتظار الامنية . وانته هم اتاكد بعد اكثر حتى تطمأن
اخوك ابو ميثم
-
اشكركم اخوان .....بس اني صرت بحيرة يعني ريم دكلي بالحالتين مياثر اذا مو طويلة المدة ... وجي كي يكلي لازم قبل المحلف وراها تنلاص هاي شلون هسه؟؟؟؟؟ شيحلها ياربي والله مصيبة
-
ها اخوان بشروا شو محد ديساعد شبيكم اليوم
-
السلام عليكم ........... شيصير اذا راسلتهم وكتلهم راح أسافر وأيضا شيصير اذا مراسلتهم ............ بالحالتين اذا سافرت وكدرت تدخل للأردن مرة ثانية وأنت ضامن دخولك فتوكل على الله وسافر
أخوك كوكي كاكاو
-
اخونا العزيز صلي استخاره وتوكل على الله
-
مرحبا اخي ولو راح اطول عليك بس اكو عدة حالات شفتهة واثنين منهة اهنا يهذا المنتدى واحد بعد مقابلة المحلفين راح لبغداد ورجع بحيث رجع بعد تسليم الظرف وحصل موافقة ومشت امورة وواحد ثاني حسب ميحجي وهلكد ما ايس من مقابلة المحلفين رجع لبغداد وهو ببغداد خابروا على موعد مقابلة المحلفين ورجع وقابل وهم حصل موافقة واكو عائلة لان ابوهم كان بالعراق ورجع حصلوا رفض فاتصور الشغلة تعتمد اولا علسبب رجعتك للعراق وظبعا لازم مطول بالعراق . وثانيا على طريقة اقناعك للمحلف. فبعد انت اكثر واحد تكدر تقدر وضعك والله يوفقك ان شاء الله ويسهل امرك بس بدون زحمة اذا امكن سؤال انت شمدريك هسة راح اتقابل يعني اتصلوا بيك علموعد مقابلة ؟؟؟؟؟؟؟؟
-
للرفع
-
اشكركم اخوان
بالنسبة للرجعة طبعا اكدر لان اني مقيم بالاردن والشي الثاني حالتي الانسانية انو اختى مصابة بالسرطان وهي والاعمار بيد الله على فراش المرض والله اعلم منو يكول احنا اطول اعمار منها واني هاي القصة وما بيها كلت خل اروح اشوفها يمكن تكون هاي اخر مرة الله اعلم
دعائكم اخوان الها بالسلامة ترى ماعدنا ولا عدها غير الله تبارك وتعالى .....هسه عرفتو السبب ؟؟؟ هذا كافي صحيح لو لا؟
-
اخي غسان الله ليحير عبده اتصل بالمنظمة وشوف شنو ردهم .
وربي يلطف بأختك وينظر لها بعين الرحمة ويشفيها .
وان شاء الله تتطمن عليها ، وترجع تقابل بسهولة . وبالتوفـيـــق .
ام الهنا
-
UP
-
اخي غسان الله يشافيهة ويعافيهة لاختك ويرحم حالهة ويكتب الهة كل الخير ترة الجماعة يقدرون هل شغلات كلش
اني اعرف ناس سمله عليكم صارت عدهم وفاه ورجعو لبغداد جانو بعمان بس حسب تقاليلدنه راحو دفنو بلنجف الاشرف ورة الفاتحة رجعو لعمان والمنظمه كانت كلش متعاطفة وياهم وهسة بامريكا همة بلعكس ملفهم شوية عجلو بيه لانه شافوهم يستحقون انه يسافرون والله يسهل امرك وميخليك حاير بس اكيد اذا تكوللهم اختي مريضة وتعابانه مراح يناقشون هواية خصوصا اذا عندك تقارير
-
الله ليراويك مكروه أخي غسان ويشافي أختك ويعافيهه
ويبعد عنكم كل مرض
بالتوفيق انشاء الله
أختك كوكي
-
الله يكون بعونك وييسر امورك
في رايي المتواضع تذهب اذا ضروري جدا - اكرر اذا ضروري جدا قبل المحلفين والله اعلم
-
السلام عليكم ورحمة الله وبركاته
يارب يشافي اختك ويشافي كل مريض انه سميع مجيب.
طبعا راح احجيلك عن تجربه حاله سفر للعراق قبل مقابلة المحلفين وحالة بعد مقابلة المحلفين.
صديقة زوجتي نزلت لبغداد وتركت موبايلها يمنه وبقت اكثر من شهر ونص بالعراق وبقوا يتصلون بينه المنظمة ان نخبرها ان ترجع لسوريه لمقابلة الوفد ولم ترجع وبعدها رجعت بعد سفر الوفد ومن ثم ايضا سافرت للعراق وايضا اتصلوا المنظمة واخبرتهم بسفرها للعراق وقالوا هذا اخر نداء لها لترجع وتقابل الوفد وهي رجعت وقابلة الوفد وطلعت النتيجة مقبوله وتركت الامر ورجعت واولادها الى بغداد لرفض اهلها السفر.
اما انا فلقد خبرت المنظمة وكنت انتظر الامنيه واخبروني بان نزولي للعراق سوف يؤثر على ملفي واخبرتهم بحالتي وحاجتي للدواء وللمال حيث ان دوائي شهريا بين 700 و900 دولار وكان دوائي غير متوفر بسوريه اخبروني هذا قرارك ولكن ضع نصب عينك بعد عودتك من العراق امامك ثلاث امور اما رفض ملفك او عدم رفضك او اعادة مقابلة المحلفين مرة ثانية وبالفعل رجعت للعراق حوالي 16 يوم وبعدها رجعت للمنظمة ومعي كافة الاوراق وتم ارسالها الى امريكا وبعد عشر ايام اخبروني بانهم اقتنعوا ولم يرفضوني او يتم اعادة المحلفين ولكنني لحد الان انتظر الامنية وهذا اكبر تاثير لان ملفي مستعجل وانا متاكد بعد عودتي تم اعادة الامنية مرة ثانية لانني قابلة محلفين شهر 11-2010.
لذلك يفضل الاتصال بالمنظمة واخبارهم لزيارة العراق قبل مقابلة المحلفين وان لاتبقى اكثر من سبع ايام.
والسلام عليكم ورحمة الله وبركاته
اخوكم ابن بغداد في سورية
-
لا تسافر قبل المحلفين !
سوي كلآتي :
1- حظر كليشة زينة كلش و مقنعة
2- خبر الآي او ام و قول لهم بالكليشة
3- راح يقولوا لك ( ما نعرف احتمال ينغلق ملفك و احنا ما ننصحك تسافر و إلخ ) مالك علاقة المهم انته قول لهم ولا تسافر بدون ما تخبرهم
4- روح اقضي شغلك
5- من ترجع جيب لهم اي اثبات او حتى لو ما تجيب عادي بس اذا انته من بغداد فقول لهم رحت لاربيل مثلاً شغلتي قضيتها بأربيل
واحرص ان تكون الكليشة مالتك (ملتي بليسز) يعني مطاطة شوية ..
ومن ترجع خابرهم و قول لهم رجعت راح يحددولك موعد مقابلة علساس و هيه لا مقابلة ولا شي كلاوات تروح يعطوك ورقة تمليها و خلصت الشغلة
بس لا تسافر قبل المقابلة دير بالك !
قوي قلبك ولا تخاف ولا يصير بيك مثلي كمت اطكطك لحد ما رحت و رجعت و سنة كاملة اني أأجل سفرتي من وره هالسالفة ..
-
نسيت اقول لك شغلة .. ( حاول لا تتاخر اكثر من 15 يوم ) هيه القضية لازم ما توحيلهم انك بمأمن هناك ..
وشلون توحيلهم .. من تروح تخطف رجلك و ترجع علسريع
وبالنسبة لحالة رضيعتك الله يشافيها يا رب فانته لو قلت الهم راح يتعاطفون برأيي لكن هم اقول لك خليها بعد المحلفين و اتمنى الاخوة الي قالوا قبل المحلفين يراجعون انفسهم ...
المحلف راح يكمش جوازك و يقول لك انته اخر دخول الك للعراق جان بيوم هلكد واحنا نريد نوحي لهم انك طالع من العراق من 2007 مثلاً و ما قادر ترجع له اصلاً !
-
اخواني واصدقائي الاعزاء
الف شكر لجميع من نصحني وحاول مساعدتي وتعاطف ويه محنتي الانسانية للجميع وبدون استثناء ...نسال الله ان يشافيكم ويعافيكم من كل مكروه
اني طبعا سافرت ومطولت اكثر من 4 ايام وهسه اني بعمان رجعت اليوم ولله الحمد وقبل لا اروح سالت المنظمة ودزيتلهم اميل كالولي عادي تكدر ترجع بس جيب وياك مستمسك او اكثر يثبت حالتها الصحية واني عندي كووووووومة من تحاليل الى مفراس الى اخره من الامور تؤكد كلامي مليون بالمية وكالولي ايضا زودنا برقم موبايلك في العراق ودزيته ايضا باميل الهم للمنظمة وكالولي لازم ترجع قبل المحلف لان اذا بقيت راح تنظر سلبا اكيد ثم اكيد ثم اكيد واني التزمت بكلامي وياهم رحت 4 ايام وجيت والمحلفين ما اجو علما اني بلغتهم برسالة للمنظمة ثم اتصال تلفوني وتركت موبايلي بالاردن يم صديق واتصلو بيه وكالوله هذا الحجي الي ذكرته
الله يسهل على الجميع وارجع واكول الف شكر للجمبع بدون استثناء ونسالكم الدعوات لشقيقتي المريضة ولكل مريض عسى الله يفرج عنا وعن جميع الناس كل الهموم ويستبدلها بافراح ومسرات قادر يا كريم
-
الله ارحم الراحمين يلطف بيها ويشافيهه ، وان شاء الله تكون اطمنت عليها ..
وربي يسهل امورك وتقابل عن قريب وتخلص ...
ام الهنا
-
الله يشافيهة لاختك ابن عمي غسان ورب العالمين قادر على كل شي قدير يحي العظام وهي رميم الله يباوع على حالهة ويرحم حالهة ويلبسهة ثوب العافية انه قدير مجيب الدعاء
-
اخوية اني رجعت لبغداد من يوم القدمت يو ان لليوم 5 مرات بس طبعا ولا وحدة عبرت شهر
واخير مرة جنت ابغداد يوم 1 شهر 12
خابروني كالوا عندك مقابلة مقابلة محلفين يوم 12-12
واني رجعت يوم 10 لعمان بس طبعا بالتلفون ابد مكتلهم اني ابغداد
وراحت وحضرتلي كليشة مرتبة على سبب الروحة وحجيتلهة للمحلف والحمدالله طلعتلي موافقة محلف
وطبعا اني ممجربت ارجع لبغداد ورة المحلف بس دا افكر ارجع لانه روحي رح اطك من كعدة عمان
فعالاكثر رح ارجع ابقالي فد اسبوعين وهم مرح اكللهم
والاخت روزة اليرموك جانت دتقصدني
والله يشافي اختك وتكوم بالسلامة
-
مرحبا اخوية
اني انصحك مترجع لبغداد بس اذا شغلتك ضرورية كلش كلش
ارجع للعراق وحضرلهم عذر زين ومرتب ورجعتك للعراق اذا صارت قبل المحلف تكون بهواية احسن من بعد المحلف
بس لطول حاول اسبوع مو اكثر
واذا عندك شي اثباتات مرتبة وزينة وصدك انطيها الهم تخص رجعتك للعراق
واكو ناس بالمنتدى موجودة رجعت اكثر من مرة للعراق وقابلو امحلفين وطلعلهم قبول بس مو الكل
هاي بس الي كاعد حظة هيج صار ويا بس شوف شراح يسوون بيهم بالامنية الي راجع اكثر من مرة للعراق
ونصيحة اخوية حاول لترجع
واحنة عدنة اصدقاء رجعوا بعد المحلف للعراق وهمة طبعا جانوا ينتضرون امنية من رجعوا لعمان اكيد عرفت بيهم الهجرة فعادوا عليهم المحلفين
مرتين واستلموا النتيجة ويانة وطلعلهم تعليق من بعد مجان طالعلهم قبول
-
اخواني واصدقائي الاعزاء
الف شكر لجميع من نصحني وحاول مساعدتي وتعاطف ويه محنتي الانسانية للجميع وبدون استثناء ...نسال الله ان يشافيكم ويعافيكم من كل مكروه
اني طبعا سافرت ومطولت اكثر من 4 ايام وهسه اني بعمان رجعت اليوم ولله الحمد وقبل لا اروح سالت المنظمة ودزيتلهم اميل كالولي عادي تكدر ترجع بس جيب وياك مستمسك او اكثر يثبت حالتها الصحية واني عندي كووووووومة من تحاليل الى مفراس الى اخره من الامور تؤكد كلامي مليون بالمية وكالولي ايضا زودنا برقم موبايلك في العراق ودزيته ايضا باميل الهم للمنظمة وكالولي لازم ترجع قبل المحلف لان اذا بقيت راح تنظر سلبا اكيد ثم اكيد ثم اكيد واني التزمت بكلامي وياهم رحت 4 ايام وجيت والمحلفين ما اجو علما اني بلغتهم برسالة للمنظمة ثم اتصال تلفوني وتركت موبايلي بالاردن يم صديق واتصلو بيه وكالوله هذا الحجي الي ذكرته
الله يسهل على الجميع وارجع واكول الف شكر للجمبع بدون استثناء ونسالكم الدعوات لشقيقتي المريضة ولكل مريض عسى الله يفرج عنا وعن جميع الناس كل الهموم ويستبدلها بافراح ومسرات قادر يا كريم
الله كريم اخي ان شاء الله تتسهل امورك