ankawa
منتدى الهجرة واللجوء => الهجرة و واللاجئين => الموضوع حرر بواسطة: topworld في 10:52 12/01/2012
-
كيف الحال
اخوان هسة شكد الموعد المقابلة الاولى بعد التقديم على الامم المتحدة بصورة تقريبية .. وخاصة بعد اطلاع عام 2012
-
اخي العزيز ....
طبعا مااريد ازيد على اللي قاله اخي النورس جوناثان لانه منطقي وهو واقع الامور الان في تركيا لكثرة العراقيين والصوماليين والايرانيين وباقي الامم ...وانا أأوكد صحة كلام الاخ النورس ....لان الامور اتغيرت كثير عن السابق ...والله المستعان ...ادرس وضعك عمي وشوف ...
.........ابــــــــــــو عمـــــــــــــــر ........
-
اخوية اني اقاربي اجوي في بداية شهر 12 انطوهم موعد مقابلة 20-1
مع انه كان اكو غير ناس باليو ان في انقرة انطوهم موعد بشهر 12 نفسة (حسب كلام اقاربي)
واعرف غير جماعة اجوي بشهر 10 كان منطيهم موعد بشهر خامس خابروهم يو ان وقدموه لشهر ثالث وبعدين قدمو موعدهم لشهر الواحد
واكو ناس اجوي يمكن شهر 10 وانطوهم شهر 7 موعد مقابلة اولى ولحد الان ما مقدمين موعدهم ( يمكن ناسيهم اليو ان)
ترى ماكو احد يعرف قوانين اليو ان كل واحد ديكول الي يشوفة او الي يسمعه
لذلك اني اشوف انه كل واحد وحظة بالتقديم
هذا الي اعرفة والله الشاهد والله يسهل امور الجميع
-
السلام عليكم
اخي سوي مثل مكلك احد الاخوان اذا عزمت فتوكل اطيب شعب هو الشعب التركي اني عشت بيهة اكثر من 3سنين مافديوم احد سمعني كلام غير لائق والمثل يقول احترم تحترم وبالعكس تركيا جدا رخيصة قياسا وية العراق بس اذا عشت بالمحافظات .. بس اكلك وصية وخليهة بالك احذر من العرب اذا رحت لاسطنبول...
اخوك السندبادي /mississauga
-
السلام عليكم
حبيت اسال الاخوه في تركيا
سمعنا اللي يشتري شقه او بيت بتركيا يكدر ياخذ الاقامه الدائمه
زين شكد اسعار الشقق او البيوت؟
حتى نكدر نستقر بتركيا بلا دوخه اللجوء والهجره لان صارت طواله
شكرا
-
الله يسهل امور الجميع يارب
-
عمــــــــــــــــي ليش اطوالها وكأنما احنا انريد نمنع الناس ...تركيا مو مال ابو احد ...بس اذا عندك شهريا مبلغ من 600-700 دولار تعال يلا يكفيك ...والاخ اللي يكول ارخص من الغراق شنو الارخص دبه الغاز بتركيا عمي ب70 ليرة يعني حوالي 40دولار والكهرباء انا شغلة صوبة كهربائية الله شاهد اجتني القائمة 360 ليرة يعني 200 دولار تقريبا بعد شنو الايجارات مواقل من 300-450 ليرة ...والبقية تاتي ...وانته اخي اذا باامريكا هسة تره تصريف الليرة من دخلت عام 2010 كان 138 ليرة للمئة دولار الان 190 ليرة للمئة دولار زادت الاسعار عدهم ....وبعدين خلي يجي الرجل ويشوف بعينه ....احنا لاعدنا شقة وانريد انأجرها ولانريد نصرف عليه بس هذا واقع الامور والمقابلات منين اكو بعد شهر ...هاي صدفة تصير بين كل الف نفر يسوون هم شغلة انتقائية فلا تعمم ....وللمعلومة ...اني انتظر طيران عمي لااحد يزاحمني ولابطيخ .....
ابــــــــــــــــــــــو عمــــــــــــــــــر .....
-
كلام الاخ النورس جوناثان والاخ ابوعمر ينطي الصوره الواضحه للحياه بتركيا بالوقت الحاضر ومشكورين على تعبهم بتوصيل الحقائق و التفاصيل الدقيقه بكل الامور المعيشيه وطريقه تحرك الملفات في تركيا
-
الى كل الاخوة مع الاحترام و التقدير المسالة مسالة راي و اراء عن اليو ان انت و حظك اكو ناس بسرعة و اكو ناس نايمة و اتمنى حظك زين
اما عن الاتراك منقدر نحكم بانهم جيدين ام لا بس تجربتي معهم في ناس طيبين جدا لدرجة انه يساعدك بكل شي بس للاسف قليلين لان الاكثرية من تتكلم عربي او اي لغة اخرى ايضحكون عليك؟او يبقون صافنين؟الاتراك اغلبهم عندهم عنصرية نعم عنصريتهم لتركيتهم منكدر انلومهم و الاخ الي ايكول ممتعصبين خلي اروح ايشوف العراقيين الي ايريدون اياجرون بيت ميكدرون لان ميعرف لغة و من اتروح لدكتور لازم مترجم وياك دائما و المترجم ياخذ فلوس و التركي نفسه اذا اشتغلت عنده ايطلع روحك لان ايحب الفلوس جدا لدرجة متسمح ان احجي قصص عنهم اهنا اتشوف العجايب و تبقى كلها اراء انا اقول اخي الكريم قدم و لايهمك و اعمل مثلي لاتختلط باحد تركي او عربي اقعد ببيتك البعض ايقول و كيف تتعامل؟ اتعلم كم كلمة بسيطة و الشراء سهل مابي صعوبة و انا الحمد لله حتى المترجمين محتاجيتهم اكثير لان مو مسالى فلوس بس لكن ينفخ نفسه عليك و يتامر و يدلل اتمنى متتاخر لان راح اتشوف الفرق انا عني هنا بكندا لاحظت الفرق بين الاتراك و الكنديين ما اقول كل الكنديين جيدين و لا كل الاتراك غير جيديين لكن ابسط شي الاكل الشرقي متوفر هنا بتركيا لا مع العلم هي قريبة النا اذا تتصل بدكتور عاجل ايخيرك اي لغة اتريد بتركيا غير موجودة التعليمات و الكتب العربية موجودة هنا مموجودة بتركيا لما تتكلم اي لغة ماكو احد ينتقدك وهاي مموجودة بتركيا تحجي انكليزي حتى لو غلط وتحاول اتفهم الي امامك يفتهم بدون ضحك لان الكنديين اذكياء و مموجودة بالاتراك حقوقك موجودة و تعامل ككندي ما عدا الانتخابات وهاي مموجودة اصلا ببلدك الاصلي مو بس بتركيا و غيرها الشعب الكندي منفتح على كل اثقافات اما عند الاتراك مموجودة و بعد غيرها و غيرها و الكلام يطول و ارجع و اقول هي اراء بس بالنسبة الي و ما اعرف بالنسبة الك اخي انا عني بانه الف تركيا مابدلها باوتاوا بس مو بكندا و التوفيق للجميع.
-
بعض الاخوان غريبيين جدا؟الي ينطي راي ايصير ايسدها كل واحد هو حر اني عندي الشعب التركي نعم متعصب اني مدا اسدها و كلت و افتهم انو اغلبهم مو كلهم لان خصوصا صاحب البيت الي لللاسف كنت ماجر عنده اخر 6 شهور كان طيب جدا جدا جدا لدرجة محد يتخيلها اقول للاسف لان كان طيب لان الاغلبية كانوا طماعين بس انا من اتكلم اتلكم عن الاغلبية حقك اخي من تشتغل يم تركي ومينطيك حقك و الاغلبية هيجي يعني الي يحجي ويكول صار ايسدها ماشي عيني الاتراك ناس طيبين و ممتعصبين و ينطوك حقك و زيادة بالعكس بلدهم روعة و كامل كل الكمال يا ستار يا خزعلي انت مشفت الي اني شفته و ما اعرف ظروفك شنو بس لا تكول احد ايسدها اني مدا اسدها لان اهواية ناس اجوا بالعكس اتعلموا التركي ويترحمون هسة على تركيا انا فقط انا فقط اعطي راي واني حر برايي كافي تفرض رايك يا ستار
-
اخي العزيز ادرس ردود الاخوة الاعضاء المحترمين..لان منهم يشجعك على تركيا ومنهم لا..
لكن تذكر نصيحت اخوك الفلوس في الغربة وطن
-
up
-
السلام عليكم جميعا ....انا أؤيد كلامي اخي النورس والاخ ابو عمر لانه فعلا الحياة بتركيا مو مثل ما كنا نتصورها قبل ما نجي لهنا ونقدم كنا نتصور الفلوس الي ويانة راح نسد احتياجاتنا بس الواقع غير هذا يعني الي عنده عائلة لازم رب العائلة يشتغل لانه المصاريف كثيرة والاسعار شوية اغلى من العراق بالنسبة للتعامل مو سهل خصوصا للي ما عنده لغة ...وهواية امور تبين بالمعايشة والاحتكاك مع الاتراك على كل حال الواحد لازم يحسب احساب لكل شي ولا تتصور الحياة سهلة هنا ...وربي يوفق الجميع
-
الله كريم
-
والله حبي شوف من ناحية المصرف اذا انتة اعزب طبعا تفرق عن ابو العائلة اذا اعزب وتسكن ويا شباب يعني سكن مشترك ورقتين ونص او 3 ورقات بشهر تكفيك بس اذا عائلة اقل شي 5 ورقات وهنا الشقق اكو على فحم واكو دوار غاز واكو مؤثثة واكو فارغة وانتة تاثثهة وطبعا كلشي وبسعره وحسب موقع الشقة يعني الايجار اكو من 250 ليرة وانتة صاعد للالف ليرة وبالنسبة للغة اكيد تلاقي صعوبة راح بالتفاهم وياهم لان هنا ميعرفون انكليزي وبالنسبة للعمل مثل ما اتفضلو الاخوة قبلي العمل صعوبة تجد عمل بسبب اللغة وحتلو وجدت عمل فراح تعمل لساعات طويلة وباجور قيلة وصاحب العمل يطفر روحك يلة ينطيك الفلوس والمواعيد هسة الي تنطيهة اليون كلش طويلة بس اكو امل بان يقدمون مقابلتك والله يوفق للجميع
-
السلام عليكم
اخوية العزيز اني ما عندي خبرة بتركيا بس من خلال كلام الاخوة اتوصلت النتيجة واضن هية واضحة جدا وهي انو انت اول وتالي راح اضل على اقل واحسن احتمال سنة يالة تسافر وهيجي هيجي راح تصرف فوك الدفتر فلوس او ما يقارب دفتر إذا جنت عازب هاي الكلام إذا سنة عندي وحدة قريبتي راحت التركيا وسافرت هية ورجلها وجهالها ورا سنة ونص إلى امريكا وانت يضل يمك الحساب
فنصيحة مني الك إذا تريد تخلص من كل هالبهذلة مال الانتظار إذا كنت مترجم او عندك قصة قوية تكدر تاخذ عليها لجوء فنصيحتي الك توجه إلى اوربا وبلش ببلان B وانصحك ببلجيكا اختصارا للوقت والجهد والفلوس اضن هية نفس الشي وهذا الرابط بي كل التحتاجة ان شاء الله في رحلتك مع بلان B
http://www.ankawa.com/forum/index.php/topic,546403.0.html
والقرار اولا واخيرا الك اتمنالك السفر والتوفيق وراحة البال
ان شاء الله كدرت افيدك واي سؤال اني حاظر :)
-
بصراحة انا مع رائي اخواني ابو عمر ولنورس جوناثان وبل اخص انهم صارلهم فترة طويلة ب تركيا
واني واحد من ناس جنت ناوي اروح ل تركيا وحتى ابو عمر يعرف بهذا الشي بس غيرت
رأئي لعدة اسباب لانه غالية وتاخر المواعيد مقابلات واهم عامل هو لغة لا يفتهمون عليك
ولا راح تفتهم عليهم وبل اخص انو الاتراك متعصبين ل لغتهم حتى لو يعرف انكليزي
همين ما راح يحجي وياك حتى اصدقائي يكلولي المكاتب كله بل تركي انريد
كتاب انكليزي واحد ماكو ف انته اوزنه ب مخك واحسبه صح ((اعقل وتوكل))
اتمنالك الموفقية ان شاء الله
تحياتي