ankawa
منتدى الهجرة واللجوء => الهجرة و واللاجئين => الموضوع حرر بواسطة: P AS في 23:41 13/01/2012
-
وين صفينا يالعراق ؟ـ
صفينه ايدنه ويَ الكَاع، حتى الكَاع ملّت من خطاوينه..ـ
وصفينه ركام، يا مهيوب اسمك، ليش تريد تمسح كل اسامينه..ـ
وصفينه ايد تلوي الايد، بعد ماحار الوكت شلون يلوينه..ـ
وصفينه الدم للركاب يسيل بكل بيت، الجفن حضّرناه، اخاف الموت يلفينه..ـ
وصفينه من الغروب انّام، بعد ما جانت سهر كلها ليالينه..ـ
وصفينه نكَول للي يموت، روح اخّلص من قهرنا، ومن بلاوينه..ـ
وصفينه بالتفكَ متحزّمين، بس نكتل بعض، والموت حادينه..ـ
وصارت كل مُدنّا كَبور ظلمة، ونلبس بس سواد، شوكت ما جيت تلكَينه..ـ
وصفينه عالهويه نذبح الجيران، ولا جنّه سنين الحلوة وياه كَضينه..ـ
وطولنا اللحايا وكَصرنا الثياب، وصار بأسم الدين تطلع كل فتاوينه..ـ
وصفينه نخبط الصافي بنهرنا الماصفه فد يوم طينه..ـ
وصفينه نعيد بالتاريخ ولعصر الجاهلية اليوم ردّينه..ـ
ولا جنّه اول حضارة صارت اعلى الكَاع، ولا جنّه اول مسلّه احنه سنّينّه..ـ
ولا جنّه حكمنا الدنيا من بغداد، ولا جن المنايا تخاف لو سمعت بطارينه ..ـ
ولا جان كَبل من واحدنا من ينضام، يفـزّ الكَلب من حشاه، ويعينه....ـ
شجــــــــانه اليوم بس كاتل ومكتول ولا رحمه بكَلبنا، كَلي شبينه؟؟..ـ
نبوكَ من الليالي مسامر الخلان، ونكَطع وصل حبهم من شرايينه...ـ
نحرّم كل ترافه تخطر عل البال، وندندن، صرنا بالبسكوت اغانينه..ـ
وصفينه كلـشي ما حاوين، لا حاضر جديد، ولا ماضي قديم اللي يواسينه..ـ
نهاجر، نكَول بلكي يهده البال برّه، وتتحقق امانينه..ـ
ومن نفرح غفُل، نبجي بدمع مهضوم، لان فرحتنا تغّص بكل مآسينه..ـ
جاوبني يالعراق وكَلي! ليش هيجي صفينه؟؟؟ـ
-
صح لسانك وعاشت الأيادي الي كتبت والنقلت هذه الكلمات الحلوة
أخي pas وفعلآ كثير من هذه الأسئلة تمر بالخاطر يوميآ ومنلكيلهه جواب
ان شاء الله تهده النفوس وترتاح وترجع المياه لمجاريهه والعراق يستقر
وموظف شي على وضعه وكل غروب وظلام لازم يجي وراه شرررررروق
تحياتي لحضرتك وبالتوفيق يارب
-
صح لسانك وبدنك ودمتم سالمين غانمين
-
صح لسانك وعاشت الأيادي الي كتبت والنقلت هذه الكلمات الحلوة
أخي pas وفعلآ كثير من هذه الأسئلة تمر بالخاطر يوميآ ومنلكيلهه جواب
ان شاء الله تهده النفوس وترتاح وترجع المياه لمجاريهه والعراق يستقر
وموظف شي على وضعه وكل غروب وظلام لازم يجي وراه شرررررروق
تحياتي لحضرتك وبالتوفيق يارب
انا الشاكر لك وانشاء تتحقق كل الاماني باسكوباس
-
عاشت الايادي اخونه الكريم فعلا كل كلامك صحيح والله
اختك star_2000
تسلمين اختي استار وانشاء الله تتحقق كل الاما ني اخوك باسكوباس
-
اي والله صدك عاشت ايدك وصح لسانك
-
شكرا اخونا الورد والله بلصميم عاشت الايادي
-
عاشت ايدك
-
اي والله صدك عاشت ايدك وصح لسانك
انا الشاكر وممتن لقرائتك شجون العراق باسكوباس
-
عاشت ايدك
ابوايمن الوردة انا الذي يشكر ك على طيبتك اخي العزيز
-
عاشت الايادي ---
-
حجيك ذهب عاشت ايدك
-
احنا العراقيين وين مانروح مانرتاح يبقى الحزن بداخلنا العوائل تشتت ومن زمان نظل نتذكر ايام زمان ونتحسر عليها حتى لو جانت ايام فقر