ankawa
منتدى الهجرة واللجوء => الهجرة و واللاجئين => الموضوع حرر بواسطة: ayed333 في 19:55 14/01/2012
-
اليوم وصلني رد المحلف والذي انزل على صدري كل هموم الدنيا ولم يكن الرد الرفض وكذلك لم يكن القبول بل فقط جعل الدنيا تصغر بعيني واحتقرت الحياة بعد ان اصبحت بلا امل وقد كان مكتوب بالرساله المرفقهYour case has been deferred by U.S. Citizenship and Immigration Services (USCIS) بسبب الحاجه لتدقيقات لمدى استحقاق اللجوء الرجاء المساعده والادلاء برأيكم فهل ذلك يعني انني اذا انتهى التجييك الامني بصوره سليمه يمكن ان تقبل قضيتي وهل ذلك سيأخذ وقتا طويلا كم المده التي يمكن تقديرها للامر الرجـــــــــــــــــاء المساعده
اياد
-
حبي الله يخليك كأول يا الله
كلنة استلمنة نفس هذا الجواب والي قبلنا وصلوا لأميركا هم
-
rmadiوstar_2000 شكرا جزيلا لردودكم لكني والله مليء باليأس كوني بحاجه ماسه للسفر وجزعت ومليت وكنت معلق كل الامل يمكن لوجايني رفض جان اجتني جلطه ورحت بيهه
-
اخ اياد لاتضوج ولاتنقهر تره كلنه اجانه هذا الرد مثل ما ذكروا الاخوان
حته الناس السافروا اغلبهم اجاهم تاجيل بالبدايه
كول يالله وان شاءالله ربي يوفقك وتسافر من وكت
اخوك رافت
-
شكرا اخ رأفت للرد ولرفع المعنويات بس شحجيلك اخي كلش دايخ بالموضوع الله يسهلهه عالجميع
-
عيوني ترة اني هم اجتني نفس الرسالة من المحلف من شهر الرابع 2011 ولهسة كلشي ماكو بانتضار الامنية المحروسة
-
اخوية توكل على الله ترى هوة احسن الكل
وان شاء الله تسافر وتصير سوالف
-
والله يااخوية حالي من حالك ...اني ايضا اجتني هالرسالة من المحلف عد 60 يوم بالضبط على المقابلة بعد ان كنت فرحان ومتأمل كل الخير والقبول الفوري بعد ان تعاطف المحلف معايا بصورة غير طبيعية وحتى المترجمة كانت كلش حبابة ويايا وارتاحتلي لانه ماتعبتها بالترجمة ..أصلا اثنينهم الا شوية يبجون على حالتي وقصتي ووضعيتي ..
لكن تفاجأت مثلك بانه القرار هو deferral ..
لكن أكو مسألة اني سامعها هواية وتكررت بالمنتدى هنا يكولون غالبا هذه تعتبر موافقة مبدئية من المحلف لكن يربطها بالموافقة الامنية .بعد الله اعلم
-
مرحبا اخوان اني مستلم ظروف من الوفد قبل سنة وشهر ونفس التعبير ويعين انك حصلت عاى موافقة الوفد لكن تعتبر موافقة مبدئية تسمحلك تكون لاجيء بامريكا وهذا الواضح من تعبير الكلام اضافة كلام الموظف الي اعطاني الظرف . وحسب مافتهمت كلكم نفس الشيء مافرق بسيط بالتعبير ويبقى الامر عاى الموافقة النهائية والي ممكن تتاخر شهر الى سنتين حسب ماشفت. وفي شيء ثاني خلال بداية سنة 2011 صعبوا الامر واصبحت الامنية اثنين بعد ماكانت وحدة يعين تاتي الامنية الاولى ومن ثم تنتظر الامنية الثانية ماقبل السفر وهذا الاجراء استحدث السانة الي فات والموافقية للكل
-
الاخوان والاخوات ابو ايمن المياحي و وردة الكرادة و انسى العالم و kunda انا شاكر لردودكم الرائعه التي بعثت الامل في قلبي واتمنى من العلي القدير ان يسهل اموركم ويعجل سفركم بحق اسم الله العظيم الاعظم الاعز الاجل الاكرم امين.
ايـــــــــــاد