ankawa
منتدى الهجرة واللجوء => الهجرة و واللاجئين => الموضوع حرر بواسطة: مسيحي وافتخر 2 في 21:19 16/01/2012
-
السلام عليكم
حبايب مقابلتي بعد كم يوم بالسفارة ببغداد اني مقدم عل اس اي في محتاج كم جواب عل السريع اذا امكن:
1.كاتبين وقت المقابلة 7 ونص سريعا صباحا بس هم كاتبين لازم احضر قبل ساعة حتة الحك عل الباص زين اني وياية جهالي يعني معقولة لازم بالستة ونص اني بالباب مال معسكر الازدهار؟ يعني عل هل الحجي اطلع فد بالستة من بيتنة فد بالستة و بالله هاي صايرة حتة الدنية مضلمة وشغلة ثانية معقول الباب تنفتح بالستة ونص؟
2.رحمة لوالديكم محد يكلي الباب الي ادخل منهة معسكر الازدهار صايرة ورة سيطرة الحارثية من جهة ساحة النسور يعني جوة الجسر الي يروح عل الساعة؟ ارجو التوضيح
3.اذا دخلنة والله سهل جوازاتنة يعني راح تضل يمهم ؟ وبعدين هم ورة ميقررون(حضرتهم) يدزوهة لاحد المكاتب؟
4.لازم اضبط وية ابو مكتب DHL او FEDEX قبل المقابلة حتة استلم جوازاتنة لو مو شرط هم يدزوا وابو المكتب يتصل بي؟
5.واخر شي شنو ممنوع الواحد يجيب عل الاقل موبايل بدون كامرة؟ يعني مثلا الواحد يتصل باهلة يطمأنهم؟
والله اذا الجماعة المقابلين قبل عدهم اجوبة ويكدرون يساعدون علوا
-
وينهم اهل الخبرة ؟؟؟؟؟؟؟؟؟؟؟؟؟؟ :-[ :-[ :-[ :-[ :-[ :-[
-
تحية طيبة الى صاحب الموضوع....تره لحد يعتب على جماعة SIV لان اشوية تعبانين من وره الانتظار... :(
وعندي تعليق الى حضرتك ....!!! ممكن اتسوي بحث على مقابلات SIV راح اشوف جميع الاجوبه الي تخص موضوعك... :)
وان شاءالله الشباب ما يقصـــــــــــرون
وهاي الاجوبه بخصوص موضوعك .... ;)
1- بخصوص الوقت لازم موجود انت على باب الانتظار ساعة 8:00 اقل شي لان همه يدخلون الناس متاخرين... واحضر وياكم ملابس ثخينه كلش لان الجو بارد الصبح واهم شي الاطفال .
2- الموقع.... من توصل الى ساحة النسور تفتر خلال الساحة متوجه الى شارع الدعم اللوجستي او ساعة بغداد(من فوق النفق هذا الكلام). في بداية الشارع راح اشوف صبات كونكريتيه مع حرس الوطني في بداية الشارع......تنزل يمهم وتسال على مدخل المقابلات السفر.
3- بخصوص الجوازات.... بعد ما تدخل الى مكتب المنظمة راح يطلبون منك الجوازات مع الهوية الاحوال المدنية لكل فرد من العائلة....ارجو اصطحاب هويتين تعريفيه لكل شخص واذا ماكو جواز عادي شهادة الجنسية والهوية بالنسبة للاطفال.
4- بخصوص مكاتب البريد....... يرجى شراء ضرف الاوراق للسفارة (هو راح يعرف)من مكتب DHL اقرب مكتب على محل سكناك.
ســـــــــــوي نسخه من الوصل للمتابعه الشحنه باستمرار عن طريق الانترنيت(حتى اشوف الفيزا مالتك وين صارت) مو مثلنه نسينه انسوي نسخه... ;D
5- تكدر اجيب موبايل .....ماكو اي مشكله يعني (جيب واحد عادي) مو كل شخص يجيب واحد... ;D لان بموقع التفتيش راح ياخذو منك.
وان شاءالله....اتكون مقابلة خير عليكم ....والفرج للجميع
-
السلام عليكم
راح اجاوبك بالترتيب:
1.كاتبين وقت المقابلة 7 ونص سريعا صباحا بس هم كاتبين لازم احضر قبل ساعة حتة الحك عل الباص زين اني وياية جهالي يعني معقولة لازم بالستة ونص اني بالباب مال معسكر الازدهار؟ يعني عل هل الحجي اطلع فد بالستة من بيتنة فد بالستة و بالله هاي صايرة حتة الدنية مضلمة وشغلة ثانية معقول الباب تنفتح بالستة ونص؟
اي نعم تلتزم بما هوه مكتوب حرفيا يعني تطلع بالاربعة بالخمسة المهم توصل قبل الموعد بساعة لان فعلا تحتاج الوقت. اتذكر من قابلت صار انفجار وتاخرنة واتصور انه هذا سبب منطقي للوقت الاضافي. اني من رحت اخذت الجهال وياي بس وراهه اشو بالمنتدى يكولون ماكو داعي ارجو ان تتاكد حتى اذا تبعث ايميل تسالهم. بالمناسبة من توصل راح تلاكي سرة طوييييييييييل فانته كالاسد تظرب السرة وتروح على الحراسة مال الباب الجوة وتكللهم انه انته اس اي في لان راح يدخلوك مباشرة يعني باختصار السرة الي دينتظرون هذولي مو مثل شغلتك.
2.رحمة لوالديكم محد يكلي الباب الي ادخل منهة معسكر الازدهار صايرة ورة سيطرة الحارثية من جهة ساحة النسور يعني جوة الجسر الي يروح عل الساعة؟ ارجو التوضيح.
المكان كلش سهل : طبعا تروح بتكسي والا راح تضطر تطبك سيارتك بالموقف مال مستشفى اليرموك وتروح بتكسي. خلي نكول انه انته وصلت لساحة النسور . انزل بالساحة طبعا على جهة اليمين يعني مو جهة البرج الجهه الي بيهه القصر نفسة , تتمشى بالضبط 100 متر مو اكثر على الشارع باتجاه الخدمي راح تلاكي صبات واكفين يمهه شرطة ثنين او واحد ومرات يكعدون بالداخل فمينشافون تكللهم عندي مقابلة ويدخلوك.
3.اذا دخلنة والله سهل جوازاتنة يعني راح تضل يمهم ؟ وبعدين هم ورة ميقررون(حضرتهم) يدزوهة لاحد المكاتب؟
4.لازم اضبط وية ابو مكتب DHL او FEDEX قبل المقابلة حتة استلم جوازاتنة لو مو شرط هم يدزوا وابو المكتب يتصل بي؟
لازم تروح على مكتب الدي اج ال قبل المقابلة باربع ايام وتكللهم انه انته عندك مقابلة بالسفارة وتريد تسلم السفارة الجوازات المكتب بدورهم راح يتطوك على كل جواز ظرف مال مكتبهم وكذلك وصولات تبقي الوصولات يمك وتاخذ الضروف وياك للسفارة حتى يرجعولك بيهه الجوازات من تطلع فيزتك ان شاء الله. اذا تريد تخلي الجوازات يمك متسلمهه كللهم وشوف شيكولون بصراحة هاي الفقرة مو متاكد منهه.
5.واخر شي شنو ممنوع الواحد يجيب عل الاقل موبايل بدون كامرة؟ يعني مثلا الواحد يتصل باهلة يطمأنهم؟
التلفونات ممنوع حتى لو طابوكة يعني اتصور احنه خلونه ناكل من الحليب مال الاطفال الي جايبي ويانه وهاي اجراءات امنية من حقهم يطبقوهه بالطريقة الي يشوفوهه مناسبة.
اتمنالك الموفقية وحظ طيب.
ابو سارة
-
ممنون منكم عمي ابو جاسم كرادة وعمي ابو سارة ما قصرتوا
-
مشكورين شباب على الردود وهذه ملاحظات لم تذكر ...
1- اشو انت ماجبت طاري الفحص الطبي سويت فحص لو لا؟؟
2- اذا تروح للمقابلة لاتشيل وياك مبلغ مالي كبير (اكو حرامية بالتفتيش) يعني فلوس تكفيك روحة ورجعة وشوية زيادة.
3- اذا عندك طفل فحاول وياهم ان لايخلون علبة الحليب مال الطفل بأجهزة السونار ابداا وخاصة اذا كان حليب سائل واذا خلوه لا تشربة للطفل ...السفارة نفسها ماتقبل يتخلا الحليب بالجهاز لكن يستعيضون عن ذلك بان يخلوك تتذوقة امامهم .
4-انت راح تلكا سرا طويل كدامك بس هذولة اغلبهم على الiom فانت حاول تتجاوزهم وتبلغ جماعة الباب بانك رايح للسفارة ومو للمنظمة ولو هذا الامر ماينجح دائما ..يعني حتى لو دخلت متأخر صدقني مو اشكال همه يعرفون حالة الازدحام والبوابة .
5-أهم استمارة عندك لاتنساها هي ds-230 لو تنسا روحك لاتنسى هالاستمارة لانه هااي توقع بيها امامهم والمسؤول هم يوقع امامك
6- اختصارا للوقت وحتى لاتصير عليك هوسة وترتبك يم الشباك مال القنصل انصحك بأن تعزل الاوراق مال العائلة كل نفر على حدا يعني انت اوراقك وحد وزوجتك وحد والطفل وحد واذا اكو اوراق مشتركة مثل عقد الزواج فخلي يكون يمك.
7- احفظ اقام تلفوناتك لانه راح يطلبوها منك اول شي ونصيحة انطيهم ارقام حديثة مو قديمة لانه خلي ابالك التجييك الامني قد يطالها ايضا لاسمح الله اذا واكع رقمك بايد احد الارهابيين (راح تبين يمهم) فحتى هذه خليها ابالك.
8- اول ماتقابل راح ينطوك ورقة تكتب بيها اسماء اخوانك واخواتك ومواليدهم واماكن تواجدهم فانت حضر هالشي الك ولزوجتك ايضا.ويفضل ان تذكر اللي امريكا .
9-خلي ابالك انه مقابلة الsiv فد شي سهل وهي تحصيل حاصل ومجرد تكملة الاجراءات يعني مو مثل مقابلة المحلف بiom يعني كأنما انت رايح سفرة سياحية ....وبالنسبة للأسئلة تكون جدا مختصرة واهمها ليش بطلت ؟ويا كم وحدة اشتغلت؟والاماكن اللي اشتغلت بيها؟وانتماء الحزب والعسكرية ...
10-اتمنالك النجاح والتوفيق وياريت تكون منتبه مية بالمية ومفتح عيونك علمود تنقللنا الوضع بالتفصيل الاعداد شنو صار ماصار حتى تجي تسولفلنا وشوف شيكولولك اشكد فترة الانتظار . وتحياتي
-
بالنسبه النا بالمقابله 6 وربع احنا بباب الازدهار ولكينا خمس عوائل قبلنا وانت عندك الحساب شوكت طالعين همه الله اعلم
-
عزيز الغالي اخوك اني نفس الشي هم عندي مقابله بعد ايام قليله اس اي في وجنت حاير بالمكان وراسلت السفاره و جاوبوني واذكرلك نقطه مهمه وهي
PERSONAL APPEARANCE OF MINOR CHILDREN LESS THAN 13 YEARS OF AGE AT THE VISA INTERVIEW
Dependent children age 13 and under do not/ not need to attend the interview unless they are the principal applicant. For example, dependent children of SIV applicants do not need to appear. However, a child age 13 and under who is the principal applicant, such as a child of a US citizen, must appear. If you are not bringing your children age 13 and under, please bring all of their required documents, plus evidence of relationship such as photographs.
يعني الاطفال الي دون سن 13 سنه ميحتاجوهم وكذلك عندي مخطط لمكان السفاره را احاول رفعه
وتدلل
-
شكرا جزيلا على كل الشرح الوافى وماقصرتو بس اريد اسئل عن الاستمارة ds230 شنو المطلوب بيها لان انى مقابلتى قريبة وماكو شي بالايميل على هاى الاستمارة لان انى كنت اماجل المقابلة حوالى سنتين ينعى من 2010 لهذا ما اتذكر هاى الاستمارة
تمنياتى للجميع