ankawa
منتدى الهجرة واللجوء => الهجرة و واللاجئين => الموضوع حرر بواسطة: ام مهند في 13:28 18/01/2012
-
اعرف هذا السؤال يدور ببال هوايه اخوان واخوات منهم مثل حالنه ما عدهم شي يخسرون اذا طلعو الامريكا لان بالعراق لا بيت ولا راتب والتهديدات موجوده ومنهم امكانياتهم زينه بس اكو خطر على حياتهم بالعراق ومنهم النوع الثالث الي ارجو من اهل الخبره التصويت عليهم والي همه ----- امكانياتهم زينه وعدهم رواتب ومستقرين وعايشين عيشه متوسطة او فوق المتوسطة وما مهددين ..... يسافرون الامريكا لو لا ؟ ارجو التصويت والتعليق على هذا الموضوع وبكل حرية وارجو من كافة الاخوان احترام كافة الاراء وشكرا
اختكم ام مهند
-
متابع ............
-
up
-
في البداية اعتقد ان الكل متفق بان السفر الى امريكا هو حلم كل شخص يسعى نحو التطور من ناحية الامور المادية والدراسية والراحة النفسية والا كيف تفسرون استقتال الاخوة العرب والخليجييين للذهاب الى امريكا لاكمال دراستهم هناك وباجور تفوق 50 الف $ سنويا بينما يستطيع اللاجى الحصول على نفس الفرصة وبمنحة ايضا اخواني العندة راتب والما عنده راتب ممرتاح بالعراق لانه الامور لا تقاس بالمال اكثر الاخوان الي رجعوا من امريكا حاليا متندمين لانهم لا يستطيعون تعويض فرص سفرهم واعتقد انه المنتدى يحمل تجارب وقصص الكثير من الي رجعوا ويتسائلون عن كيفية الرجوع ???هذا هو رائيي الشخصي وعذرا على الاطالة
-
ام مهند
صراحه اني ما عندي غير 3000$
بس اريد اسافر
-
الصراحة غير انه المسألة مو شغلة امور زينة وراتب وتعيين ..اتحدى واحد نفسيته مستقرة ومرتاح ومطمئن على عائلته بغض النظر اذا كنت مهدد او لا.
يعني هية وضيعه حياة الانسان بالعراق مو طبيعية وفوكاها مصيبة الخدمات والنظافة وو ووو لو احجي للصبح ميفيد .
هاي كلها والناس كلها بركان ومع احترامي اخلاق متدنية ومستوى ثقافي للاسؤا ..
فشنو الي يخلي النا واهس نبقى اهنا , وخصوصا اذا شباب وشفنا نمط حياتهم وترتيبهم وغيره " اقصد الامريكان كتجربة معايشة "
هاي من غير النظام والنظافة والجو الحلو الي موجود بالعراق, اقصد العكس.ههههههههه
وتحياتي للجميع .
-
اصبح السفر والهجرة لامريكا هو حلم كل مواطن عراقي :) :) :)
-
اخواني الاعزاء بالنسبه لقرار انك تجي لمريكا او لا هذا يعتمد على هواي اشياء
1- لغتك الانكليزيه زينه او حتى وسط تعال بس اذا ولاطكه انكليزي ترى والله تتبهذل لان بصراحه محد يكدر يساعدك حتى لو اكو شخص يساعدك ويترجم الج بس لشوكت وهنا اذا ما تعرف تقراء الرسائل وما تعرف تكمل الاوراق الرسميه وتفتهم القوانين تضيع انا اعرف شخص و لا طكه انكليزي كل يوم جايته غرام شكل وهو ما يعرف منين هاي جاي تجيه.
2-انت تريد طور نفس لو لا . اذا كنت تري طور نفسك لازم تشتغل والشغل تعب فلازم تتحمل مايهم شنو شهادتك انت راح تشتغل عامل بالبدايه بس بعدين راح تكدر تصعد شوي شوي وبعد سنتين راح تلكي نفس باحسن وضع طبعا هاي اذا عندك شهاده .
3- لازم تدرس وتشتغل لان هنا اهم شئ الشهاده يعني الفرق بين الي ما عنده شهاده يبدي عامل ويبقى عامل طول عمره والي عنده شهاده او يحصل شهاده منا يبدي عامل بس بعدين ان شاء الله يوفقه ويوصل لشغلات مريحه وموردها اكثر.
4-اذا تريد تعيش على المساعدات وما تشتغل هم اوكي بس معناتها مراح تتمتع بحياه امريكا لان ما تكدر تشري اي شئ لان هم مراقبين مصرايفك وهم المساعدات ما دايمه لاي احد يجي يوم ويقطعوها بس اذا تبقى على المساعدات لحد ما تحصل شهاده هذا ممكن بس بهل الحاله اوصيك بالولايات الشماليه.
اخوكم فالكون1982
-
ام مهند
صراحه اني ما عندي غير 3000$
بس اريد اسافر
هاي انت لسه بعدك على الـ 3000$ ؟؟! :o :o
شنو ماصرفت منهن مكابلهن وكاعد !! ::)
-
اخواني الاعزاء بالنسبه لقرار انك تجي لمريكا او لا هذا يعتمد على هواي اشياء
1- لغتك الانكليزيه زينه او حتى وسط تعال بس اذا ولاطكه انكليزي ترى والله تتبهذل لان بصراحه محد يكدر يساعدك حتى لو اكو شخص يساعدك ويترجم الج بس لشوكت وهنا اذا ما تعرف تقراء الرسائل وما تعرف تكمل الاوراق الرسميه وتفتهم القوانين تضيع انا اعرف شخص و لا طكه انكليزي كل يوم جايته غرام شكل وهو ما يعرف منين هاي جاي تجيه.
2-انت تريد طور نفس لو لا . اذا كنت تري طور نفسك لازم تشتغل والشغل تعب فلازم تتحمل مايهم شنو شهادتك انت راح تشتغل عامل بالبدايه بس بعدين راح تكدر تصعد شوي شوي وبعد سنتين راح تلكي نفس باحسن وضع طبعا هاي اذا عندك شهاده .
3- لازم تدرس وتشتغل لان هنا اهم شئ الشهاده يعني الفرق بين الي ما عنده شهاده يبدي عامل ويبقى عامل طول عمره والي عنده شهاده او يحصل شهاده منا يبدي عامل بس بعدين ان شاء الله يوفقه ويوصل لشغلات مريحه وموردها اكثر.
4-اذا تريد تعيش على المساعدات وما تشتغل هم اوكي بس معناتها مراح تتمتع بحياه امريكا لان ما تكدر تشري اي شئ لان هم مراقبين مصرايفك وهم المساعدات ما دايمه لاي احد يجي يوم ويقطعوها بس اذا تبقى على المساعدات لحد ما تحصل شهاده هذا ممكن بس بهل الحاله اوصيك بالولايات الشماليه.
اخوكم فالكون1982
منور عمي فالكون منور
ذكرتنا بايام الزمن الجميل,,,مشتاقين
-
UP
-
الحياة مو سهله بامريكا بس رغم ذلك اني اختار امريكا لان بامريكا انت تحس نفسك بشر وخل ابدي من الصفر علاقل واحد ينام وباله مرتاح
والحمد لله عندي لغه والله كريم بس هسه المشكله رضينه بالهم والهم مارضه بينه
الله كريم
-
اختي ام مهند شلونك ...
موضوع السفر موضوع يعتمد على الشخص نفسه وتفكيره , برايي اي انسان متردد او متخوف فهذا مراح ينجح في امريكا بغض النضر عن كلشي اذا انت بعدك موصلت خايف ومتردد شلون اذا واجهتك صعوبة ..
بصراحة اني اضمن لنوعين من الناس النجاح في امريكا وعدم الندم على خطوة امريكا
الاول : الشخص المهدد الي ميكدر يعيش بالعرق بعد خلاص .. هذا الشخص راح يكون تكت طيارته روحة فقط ووجهه ليكدام ميلتفت وراه وهذا اساس نجاحه
الثاني : الي ثائر على المجتمع والحياة هناك وشايف نفسه عايش غريب في بلده ودا يبحث عن بلد يحترمه ويقدره كأنسان , يعني من يبحث عن حياة جديدة بكرامة اله ولاطفاله بغض النضر عن الفلوس والي واصل لمرحلة ان المجتمع العربي اصبح مجتمع غابة يجب ان تكون فيه اسد او ارنب وهو لايفضل ان ظالم او مظلوم ...
طيب منو الي نسبة فشله كبيرة في امريكا ايضا نوعين :
1- شخص غير مهدد ومرتاح بالعراق ومتردد بالسفر وديسافر وهو قلق وحاط اباله شكد تذكرة الرجعة وموضوع السفر عنده تجربة هو حاطط 90 بالمية ان يفشل بيها .. هذا برائيي لا يجي احسن لان ديضيع وكت من عمره ودياخذ مقعد غيره بالطيارة .
2- الشخص الي عاشق للحياة في المجتمع العربي عاشق الجلسات العائلية ويا الجيران وهذا طب وذاك طلع وحياته عبارة عن مراقبة للاخرين , الشخص الي كاره الغرب وحاكم عليهم انهم كفار وان هو وطائفته شعب الله المختار وان العرب سادة الكون , متمسك بكل السلبيات وعارف نفسه ان مراح يتغير للموت .. كاره لكل شي حوله اي واحد مو وياه بطائفته او بتفكيره هو كافر وعدو اله , مقرر اطفاله يطلعون مثله 100 بالمية نفس الافكار نفس التقاليد نفس الطائفة , هدفة الكرين كارت او الجنسية حتى يتفاخر بيها امام اعدائه الي هما شركائه بالافكار .. هذا الشخص ممكن يعيش في امريكا لكن عمره مراح ينجح لا بمستقبله ولا بمستقبل عائلته وراح يمشي العمر بيه ولا هو حاظي بوطنه العراق ولا بوطنه الجديد وهذا النموذج للاسف هو الغالبية العظمى من مجتمعنا ..
نرجع لموضوعنا بالمختصر اذا كنت انت مرتاح معيشيا ومرتاح نفسيا وراضي عن المجتمع الي انت عايش بيه فالسفر لايكون الا للسياحة والتقاط الصور اما الهجرة فهي مو الك راح اتعبك واتعب البلد الي رايحله فماكو داعي للسفر والي مرتاح ماديا ومرتاح نفسيا وراضي عن البلد ويسافر الى امريكا فهذا يسافر بدافع الغيرة او بدافع ان يشوف امريكا ويطكطك صور يتباها بيها من يرجع للعارق رغم ان الموضوع مبيه اي شي من التباهي .
انا كتبت رأيي بأمانه وانشاء الله يستفاد منه كلمن يفكر بالسفر لاني لاحظت اغلب التفكير دينصب على دولة الهجرة واغلب العتب عليها مع ان الحقيقة التفكير يجب ان يكون بالشخص نفسه وقابلياته لان الخلل مو بهذه الدول لانها دول عظى لو كان بيها خلل مكانت دول عظمى الخلل بالاشخاص نفسهم واسلوب تفكيرهم ..
ولهذا راح اضيف واصوت .. اذا كانوا غير مهددين ومرتاحين ماديا ونفسيا وراضين عن مجتمعهم فانا اصوت بلا الافضل ان يبقون لان ماكو داعي للسفر هما محققين كل طموحاتهم
تحياتي
أبو قمر
-
شلونج حبيبتي ام مهند ان شاء الله تكونين بألف خير يارب
حياتي برأيي الخاص الانسان مهما يكون متمكن واموره عدله وعنده بيت ملك بمنطقه حلوه وعنده سياره وراتب ومسيطر مادام هو بالعراق يبقى ممرتاح
الا اللهم جان مسؤول جبير ومن يطلع سيارتين حمايه كدامه وسيارتين وراه ومن يدز ابنه للمدرسه فد خمس اشخاص وياه يحرسوه والبيت ماله ضابطين الحراسه مالته 100% ويمكن هم يبقى ممرتاح
الانسان العادي حتى لو جان مسيطر مادياً يبقى خايف حتى لو هو ممهدد يبقى خايف من الهاونات والمفخخه والعبوه والانتحاري وغيرها
بالاضافه الى انه الانسان بالعراق يحس هو ارخص شي بالوجود وكرامته صفر
خو اذا صارت عنده معامله يكفر باليوم الي انولد بي بالعراق
والمدارس مال الاطفال الي صارت مهزله ومستوى التدريس بالعراق صار صفر
وشغلات هواي تخلي حتى الناس المتمكنين يعوفون املاكهم ويروحون يسكنون بره
يصونون حياتهم وكرامتهم همه وعوائلهم
واعتقد الراحه النفسيه اهم من كنوز الدنيا كلها ,,,,, هذا رأيي الخاص حبيبتي وتقبلي مروري
-
من حق كل انسان ان يسافر الى اي مكان بالعالم ...ولكن ؟؟؟(امكانياتهم زينه وعدهم رواتب ومستقرين وعايشين عيشه متوسطة او فوق المتوسطة وما مهددين ..... يسافرون الامريكا لو لا ؟) هؤولاء الناس نرجوا منهم عدم مزاحمة الناس المحتاجين فعلا الى السفر لااسباب امنية واقتصادية ..وان لايقدموا من خلال البرامج المعدة للاجئين من قبل المفوضية السامية للامم المتحدة والادعاء الكذب بتعرضهم للخطر وافتعال قصص من وهم خيالاتهم ..فسوف يساهمون في تاخير معاملات من هم مستحقين فعلا ...ارجوا من هذه الفئة اللجوء الى طرق اخرى للهجرة وهي كثيرة كما تعلمون مثلا (فيزة الزيارة والدراسة والعمل والاستثمار واليانصيب ...الخ ) بهذه الطريقة لم يظلموا اي شخص ..وهناك من سافر منهم ورجع خلال اشهر الى العراق او دول الجوار لانه لم يجد حياة الترف والمكانة الاجتماعية في نظره بامريكا ...فانا ضد هذا الموضوع من هذا الباب فقط ...والتوفيق للجميع .
-
اختي العزيزة حبيت ان اضيف مشاركة يمكن راح تكون مزعجة للبعض ..
انا في هذا المنتدى صارلي 4 سنوات وطرح هذا الموضوع عشرات المرات ولم اجد اي شخص فكر بالموضوع بالصورة المنطقية , الكل يفكر بالموضوع ماديا فقط وهم معذورين لان مجتمعنا المال فيه غاية وليست وسيلة فالجميع مؤمن بان السعادة في المال , بينما المال في امريكا وسيلة وليست غاية لاغلب الشعب الامريكي , المهم اغلب المواضيع فقط تتكلم عن المساعدات المال العيشة الاكل , ونسينا اهم شي نحنا نفتقده وهو اهم شي للانسان ..
راح اسئل سؤال الك ولكل الاخوان .. هل مجتمعنا مجتمع نظيف ؟؟؟؟ طبعا مدا اقصد الاوساخ التي في الشارع لا اقصد هنا الاوساخ التي في داخل الفرد الذي يعيش في هذا المجتمع ؟؟
اني راح اجاوب عن نفسي , رغم اني كنت مهدد لكن التهديد مو السبب الرئيسي في سفري , على فكرة انا كنت مدير قسم شبكات في شركة محترمة وزوجتي كانت مدرسة ودنحضر للماجستير يعني المستقبل كله كدامنه لكن واريد تحطون ميت خط تحت كلمة لكن ..
فضلت ان اعيش في مجتمع يحترم فيه الحيوان على ان اعيش في مجتمع يعامل فيه الانسان كحيوان .... خلينا نكون واقعين ونصارح نفسنا انا افضل ان تتربى ابنتي في مجتمع دينه يختلف عن ديني على ان تتربى في مجتمع يعلم فيه الطفل الكراهية كدرس يدرس له من الوالدين والمدرسة والمجتمع , لا اريدها ان تتربى ان ابناء بلدها رافضيين يجب ان تحقد عليهم او نواصب يجب ان تحاربهم او مسيحيين كفار او اكراد اغبياء , انا اسف أسف أسف لكتابة هذه الكلمات لاني اجدها كلمات حقيرة يتبادلها المجتمع , جعلنا من الاديان التي تدعي للمحبة سلاح للكراهية والتفرقة .. ونسينا بان المحبة اساس الايمان ونسى المسلمين ان قبل الاسلام هو الايمان والغير مؤمن عمره مراح يكون مسلم واننا اغلبنا في هذا المجتمع غير مؤمنين بدليل حديث رسولنا لايؤمن احدكم ...... حتى يحب لاخيه ما يحب لنفسه .. وللاسف محبة الاخر واحترامه من دون منافع عملة نادرة في مجتمعاتنا , المجتمع الذي يقيم الانسان بمقدار ما يملكه مادة حتى لو كان هذا الشخص غبي او جاهل فهو محترم من الجميع , المجتمع الذي العالم والمثقف فيه يهان واصبحت كلمة مثقف كلمة اهانة والله شنو عوفه هذا مثقف , المجتمع الذي اصبحت فيه العنصرية الفردية والدينية والقومية هي الاساس واصبح الانسان لايقاس بمقدار ما يقدمه للمجتمع لكن يقاس بالطائفة التي ينتمي اليها ..
نسينا نحن في هذا المجتمع اننا كلنا بشر , ويجب ان نجتمع على المحبة كوننا بني ادم قبل ان نكون مسلمين او مسيحيين , نسينا اننا كلنا اخوة من ام واب واحد , نسينى ان الله قال لقد كرمنا بني ادم .. ولم يقل كرمنا العرب او كرمنه السنة او كرمنا الشيعى ... نسينا اننا كلنا عباد الله بعض النضر عن طريقة تواصلنا مع الله سواءا كانت عن طريق الاسلام او المسيحية او اليهودية , الله هو الوحيد من يفصل ويحكم من هو المؤمن ومن هو الكافر ..
للاسف اختي المشكلة ليست بالامن او بالفلوس المشكلة مشكلة احساس بالانسانية واحساس بالاحترام .. وانا اريد الاحترام والكرامة نابعة من داخل الفرد الاخر بدون ان اشتريها بفلوس كما يحصل بمجتمعنا ..
واذا كنت كشخص خايف على اطفالك لا ميطيعون اوامرك او يلبسون على هواك اتصور الاجدر ان تخاف على اطفالك ان يطلعون حاقدين كارهين لايحبون سوى نفسهم القيمة والاساس لهم هي الفلوس كما هي القيمة العلية في المجتمع , مع هذا اقول عندما يكون طفلق نقي لايحمل كراهية سوف تستطيع زرع الفضيلة بداخله بصورة سهلة , لكن اذا كان طفلك يحمل حقد وكراهية فلن يتعلم معنى الفضيلة والاخلاق لان الاخلاق لا تأتي الى من المحبة والاحترام ولاتنسى بان الحقد والكراهية لايبني سوه وحوش فكيف تزرع الفضيلة في داخل وحش ..
اسف كلامي قد يكون مزعج لكثيرين لكن هذه الحقيقة واسف كوني استخدمت كلمات حقيرة لكنها للاسف شائعة في مجتمعنا ويتربى عليها اطفالنا ..
بالمحصلة الموضوع ليس موضوع مادة او رزق الموضوع عن مالذي تبحث عنه انت الموضوع اكبر من هذا الشيء بكثييير ..
تحياتي
أبو قمر
-
اقنرح اختي ام مهند لو تضيفين استفتاء على الموضوع ونشوف تصويت جماعتنا عليه
لانه انتي اصلا كاتبة كلمة تصويت بالموضوع بس ماكو تصويت ...
وشكرا
-
والله كلامك ذهب ابو قمر.
وهذا يكفي واحد يروح لمريكا ويشوف حياه ثانيه من كل النواحي واهمها التقدير والاحترام.
تحياتي.
-
السلام عليكم
بصراحه اني ماعندي تعليق لكن الي حبيت اقوله اشكركم على التعليقات المفيده جدا من اصحاب الخبره الكل دون استثناء لان حقيقة كللام جدا مقنع مئه بالمئه
باررك الله بيكم
-
السلام عليكم اخت ام مهند شوفي نصيحتي الج كل واحد عقله براسه يعرف خلاصه لان انتو الي راح ترتاحون او ما ترتاحون من قراركم
رجاءا المشاركة من قبل اصحاب التجارب او الخبرات او المعلومات وبدون اللغاز او مثاليات ما مفهومة
خير الكلام ما قل ودل
-
اقنرح اختي ام مهند لو تضيفين استفتاء على الموضوع ونشوف تصويت جماعتنا عليه
لانه انتي اصلا كاتبة كلمة تصويت بالموضوع بس ماكو تصويت ...
وشكرا
ما اعرف شلون اسوي تصويت علواه انت تسويه
-
اخي وعزيزنه الغالي ابو قمر اشكر مشاركتك ووجهة نظرك ومشاركة تجربتك ويانه
-
اولا اختى ام مهند بارك الله بيج موضوع جيد وجميل وبي فائدة للجميع
بلنسبة انو للسفر لامريكا انى عن راي الشخصي حتى لو الشخص مرتاح وامكانيتة زينة ---فامريكا تعتبر اله فرصة او حلم ليش يرفض وهاي حقيقة جائز يفشل بشي لكن اكيد يربح بشئ اخر لان مو كل امور امريكا متعجبه اكيد في سلبيات وايجابيات وان تكن فل الفرصة حلم ---تقبلي مروري -----اختك زينب
-
بالنسبة الي اخوان جوابي راح يكون بصيغة سؤال للاخت ام مهند واني متأكد من خلال جوابها راح تلكي الحل لكل اسألتها
السؤال هو :-
هل هناك ضمان في ان الامور لن تتغير الى الابد ؟؟
يعني هل ان الظروف الي انتي عايشة بيها حاليا لن تتغير وكل شي سيبقى كما هو؟؟
اكيد من جوابج راح تلكين الحل
جورج
-
بالنسبة الي اخوان دوابي راح يكون بصيغة سؤال للاخت ام مهند واني متأكد من خلال جوابها راح تلكي الحل لكل اسألتها
السؤال هو :-
هل هناك ضمان في ان الامور لن تتغير الى الابد ؟؟
يعني هل ان الظروف الي انتي عايشة بيها حاليا لن تتغير وكل شي سيبقى كما هو؟؟
اكيد من جوابج راح تلكين الحل
جورج
اولا ما فهمت شنو قصدك وشنو معنى كلمة دوابي يعني ما فهمت اسفة والله ويا ريت توضح
-
ام مهند يمكن خطا املائي قصدة الاخ (جوابي) ---واذا لا فانشالله يفسرهاا لمعرفة سر الكلمة :)
-
ام مهند يمكن خطا املائي قصدة الاخ (جوابي) ---واذا لا فانشالله يفسرهاا لمعرفة سر الكلمة :)
يجوز
-
للرفع
-
اني نفس الحاله الثالثه تقريبا ومرات اتراحع
بس حاليا لا اريد اسافر ماكو مستقبل اليه بالعراق
-
الأخت ام مهند
اذا كان عندج الرغبة الصادقة بالحياة بامريكا والتاقلم عالقوانين والأنظمة الأمريكية وتتعلمين اللغة وتاخذين شهادة من امريكا اني اكولج اطلعي ترة البداية صعبة والطريق طويل ومايخلو من مطبات لغرض الوصول الى مرحلة الأستقرار اما اذا انت مقتنعة بحياتج بالعراق وعايشة في وضع مستقر فالبقاء هو قرارج وتحياتي
-
اختي العزيزة حبيت ان اضيف مشاركة يمكن راح تكون مزعجة للبعض ..
انا في هذا المنتدى صارلي 4 سنوات وطرح هذا الموضوع عشرات المرات ولم اجد اي شخص فكر بالموضوع بالصورة المنطقية , الكل يفكر بالموضوع ماديا فقط وهم معذورين لان مجتمعنا المال فيه غاية وليست وسيلة فالجميع مؤمن بان السعادة في المال , بينما المال في امريكا وسيلة وليست غاية لاغلب الشعب الامريكي , المهم اغلب المواضيع فقط تتكلم عن المساعدات المال العيشة الاكل , ونسينا اهم شي نحنا نفتقده وهو اهم شي للانسان ..
راح اسئل سؤال الك ولكل الاخوان .. هل مجتمعنا مجتمع نظيف ؟؟؟؟ طبعا مدا اقصد الاوساخ التي في الشارع لا اقصد هنا الاوساخ التي في داخل الفرد الذي يعيش في هذا المجتمع ؟؟
اني راح اجاوب عن نفسي , رغم اني كنت مهدد لكن التهديد مو السبب الرئيسي في سفري , على فكرة انا كنت مدير قسم شبكات في شركة محترمة وزوجتي كانت مدرسة ودنحضر للماجستير يعني المستقبل كله كدامنه لكن واريد تحطون ميت خط تحت كلمة لكن ..
فضلت ان اعيش في مجتمع يحترم فيه الحيوان على ان اعيش في مجتمع يعامل فيه الانسان كحيوان .... خلينا نكون واقعين ونصارح نفسنا انا افضل ان تتربى ابنتي في مجتمع دينه يختلف عن ديني على ان تتربى في مجتمع يعلم فيه الطفل الكراهية كدرس يدرس له من الوالدين والمدرسة والمجتمع , لا اريدها ان تتربى ان ابناء بلدها رافضيين يجب ان تحقد عليهم او نواصب يجب ان تحاربهم او مسيحيين كفار او اكراد اغبياء , انا اسف أسف أسف لكتابة هذه الكلمات لاني اجدها كلمات حقيرة يتبادلها المجتمع , جعلنا من الاديان التي تدعي للمحبة سلاح للكراهية والتفرقة .. ونسينا بان المحبة اساس الايمان ونسى المسلمين ان قبل الاسلام هو الايمان والغير مؤمن عمره مراح يكون مسلم واننا اغلبنا في هذا المجتمع غير مؤمنين بدليل حديث رسولنا لايؤمن احدكم ...... حتى يحب لاخيه ما يحب لنفسه .. وللاسف محبة الاخر واحترامه من دون منافع عملة نادرة في مجتمعاتنا , المجتمع الذي يقيم الانسان بمقدار ما يملكه مادة حتى لو كان هذا الشخص غبي او جاهل فهو محترم من الجميع , المجتمع الذي العالم والمثقف فيه يهان واصبحت كلمة مثقف كلمة اهانة والله شنو عوفه هذا مثقف , المجتمع الذي اصبحت فيه العنصرية الفردية والدينية والقومية هي الاساس واصبح الانسان لايقاس بمقدار ما يقدمه للمجتمع لكن يقاس بالطائفة التي ينتمي اليها ..
نسينا نحن في هذا المجتمع اننا كلنا بشر , ويجب ان نجتمع على المحبة كوننا بني ادم قبل ان نكون مسلمين او مسيحيين , نسينا اننا كلنا اخوة من ام واب واحد , نسينى ان الله قال لقد كرمنا بني ادم .. ولم يقل كرمنا العرب او كرمنه السنة او كرمنا الشيعى ... نسينا اننا كلنا عباد الله بعض النضر عن طريقة تواصلنا مع الله سواءا كانت عن طريق الاسلام او المسيحية او اليهودية , الله هو الوحيد من يفصل ويحكم من هو المؤمن ومن هو الكافر ..
للاسف اختي المشكلة ليست بالامن او بالفلوس المشكلة مشكلة احساس بالانسانية واحساس بالاحترام .. وانا اريد الاحترام والكرامة نابعة من داخل الفرد الاخر بدون ان اشتريها بفلوس كما يحصل بمجتمعنا ..
واذا كنت كشخص خايف على اطفالك لا ميطيعون اوامرك او يلبسون على هواك اتصور الاجدر ان تخاف على اطفالك ان يطلعون حاقدين كارهين لايحبون سوى نفسهم القيمة والاساس لهم هي الفلوس كما هي القيمة العلية في المجتمع , مع هذا اقول عندما يكون طفلق نقي لايحمل كراهية سوف تستطيع زرع الفضيلة بداخله بصورة سهلة , لكن اذا كان طفلك يحمل حقد وكراهية فلن يتعلم معنى الفضيلة والاخلاق لان الاخلاق لا تأتي الى من المحبة والاحترام ولاتنسى بان الحقد والكراهية لايبني سوه وحوش فكيف تزرع الفضيلة في داخل وحش ..
اسف كلامي قد يكون مزعج لكثيرين لكن هذه الحقيقة واسف كوني استخدمت كلمات حقيرة لكنها للاسف شائعة في مجتمعنا ويتربى عليها اطفالنا ..
بالمحصلة الموضوع ليس موضوع مادة او رزق الموضوع عن مالذي تبحث عنه انت الموضوع اكبر من هذا الشيء بكثييير ..
تحياتي
أبو قمر
احترم واقدر كل كلمة كتبنها أخي العزيز واؤيدها بكل قوة والله والله والله أنا وزوجي وأولادي ننتظر هذه الفرصة بفارغ الصبر من أجل أن تحترم انسانية احفادنا اذا قدر الله لنا ذلك ...
,ان ينعمون بمجتمع يحترم الانسان ولا يسترخص فيه حياته ولا حياة الاخرين لكم كل التقدير
-
السلام وعليكم ورحمة الله وبركاته
(مهما كنت رائعا وكريما وطيبا ستجد من لايحبك لأسباب لاتعرفها! فلا تنزعج كثيرا بعض اﻟبشر مجرد أفواه ناطقه ﯾﻧﺗقدون وﯾذﻣون وﻟﯾﺗھم ﯾدركون كم انهم فاﺷلون )! واحترامي وتقديري للجميع
كل نفس وماتهوى وكل انسان مايختاره لنفسه ولعائلته محد يقدر يقرر للاخرين حياتهم ومستقبلهم ان الله سبحانه وتعالى قال (انا انزلنا هذا القران عربيا ) مجتمعنا نظيف( الشر يعم لكن الخير يخص ) اذا كان فيه ناس مو زينين لكن اغلب الناس طيبين وعلى نياتهم والي ديصير الحكومات الفاسده هي سبب الدمار والفساد لكن العرب طيبين ونبيهم محمد (ص) الي يريد يربي اطفاله تربية الغرب فهذا شانه ولايحق لناان تتكلم على احد كل انسان يعمل باصله اذا اهله يربونه تربيه صالحه والله لو اجتمعت الناس كلها ماتستطيع تغيره والانسان الفاشل مع احترامي للجميع هوه الذي يخاف من ان يتعلم اطفاله الكراهيه والحقد لان لم ولن يستطيع ان يربيهم تربية صالحه ويضل يندب الزمان لفشله صدكني اخي الغالي بعد 2003 كل الذي تتكلم معه يقول لك انا قارعت النظام وانا عملت كذا وكذا وهمه مايكدرون يهشون ذبانه وهسه نفس الشي كل واحد يقيس نفسه بطل العالم والله كل واحد وضروفه الي يخدمه الحض ويجي لامريكا وره فتره تلكاه يكول والله انا ماردت اعيش بالعراق لان اريد اربي اولادي تربيه صالحه وانا تركت ثروه واجيت والي مايكدر يجي يكول ابيع هدومي على مود اسافر لماذا نرمي احمالنا على الوقت والزمان والمجتمع نحن بداخلنا لانعرف ماذا نريد لو كنت في بلد عربي وماتكدر تجي للدول الغربيه جان كلت والله اريد اربي اولادي تربيه صحيحه واسلاميه وتنتقد الغرب واهله هاي الازدواجيه والتكابر هيه التي اوصلتنا لما نحن عليه الان وارجع واكول مجتمعنا نظيف بس الناس الي بيه هيه الي مو نظيفه ومو الكل القليل جدا ومع احترامي للجميع واكو هواي ناس مانكدر ننسى انا وانت والاف غيرنا اهلنه ربونا في هذا المجتمع والحمد لله ماشيه الامور بخير نحن الشعب الوحيد الذي نلعن الزمان والمجتمع والعيب فينا نحن ولانقبل ان ينصحنا احد ونعتبر انفسنا نحن افهم الناس ولانتقبل الحقيقه ونحب ان نفرض راينا على الكل ملخص الكلام كل واحد هوه الذي يستطيع ان يختار طريقه في العيش والحياة وماكو واحد يقرر للثاني ومحد يكدر يعرف شنو مستقبله انا وانت القدر جعلنا هنا في امريكا همنا الوحيد هوه ان نربي اطفالنا تربية صالحه وعيشه كريمه وان شاء الله يفرج كربنا وهمنا ويجي يوم ويطلعون هذوله المجرمين والقتله والنصابين من العراق وفي ذلك الوقت ماعتقد نبقه هنا نرجع لبلدنا واهلنا الي ربونا تربيه صالحه وفي ذلك الوقت الله اعلم ماذا سنقول سوف نلعن ابو الغرب ونكول جنه مجبوريين نعيش هناك ولكل حاذث حديث احنه مثل الطماطه وين مانروح نعيش والعذر موجود في كل مكان وزمان وارجو ان لاتكون مداخلتي ازعجتكم انا لااقصد احد وانما هذا رايي الخاص ومثل ماقلت للاخت لااحد يستطيع ان يقرر لك ادرسي الموضوع من كل الجوانب وسوف تعرفين ماذا تريدين والسلام وعليكم ورحمة الله وبركاته
-
up