ankawa
منتدى الهجرة واللجوء => الهجرة و واللاجئين => الموضوع حرر بواسطة: كاكه حمد في 08:03 19/01/2012
-
السلام عليكم
اني متابعكم من زمان وقريت البارحه على مسألة التصويت ودخلت وصوتت على موضع ال25 الف صوت هذا اولا اما ثانيا
اريد من يفهمني وين وصل ملفي
والتواريخ كا الاتي
1- قدمت 18 -5-20011
2- موعد مقابله اولى 12-9-2011
3- موعد فحص طبي 12-10 -2011
4- موعد مقابله محلفين 12-11-2011
5- اتصلو بالكفيل فقط دون توقيع لحد الان 1-1-2012
6- اين وصلت هل انتهى موضوعي ولماذا تاخرت موافقه الملحف والتجيك الامني علما صار الي 67 يوم مو شهرين انطينه زواده لعبد الساده
7- شكرا لكل اخوتنا وشركائنا في الهم
8- اتمنى ان الرد من كل اصدقائنا في المنتدى
9- رقم الكيس 129xxx عدد الافراد 5 ارجوكم طمئنوني شكد بعد ايام لو اشهر لوشكد؟وشنو سالفة الظرف والتجيك والموافقه وشوكت راح تجيني تعبت والله ونفسيت تخربطت
تحيات كاكه حمد -ملاحظة وصل التصويت لحد يوم 18-1-2012 فقط 139 صوت
ان شاء الله خير
-
ادري شنو السالفه شو 79 واحد قرء الموضوع ولا واحد رد جماعة المنتدى وين شنو انضربو كيمياوي يمعودين ردو اشفو غليلي لعد اني يومية اقضي 6 ساعات بس اقرء مواضيع عن الهجره الساموري ام الهنا بقية اخونا بالهم وينكم انا بنتظار تحليلكم لوضعي ...تحياتي واحترماي للجميع
-
الله كريم اخويه أن شاء الله يكون الفرج قريب
محد يكدر يكلك وين وصل ملفك لان كان عرفنه احنه وين وصل ملفنه
يبقه الموضوع هو اجتهادات شخصية من الاخوة الاعضاء
تحياتي
-
اخويه كاكه حمد ، ماشاء الله عيني باردة عليك ... قضيتك ركضت ركض ووضعك يبعث الامل والتفاؤل ..
والاتصال بالكفيل ان شاء الله يبشر بخير مو مثل قبل كانت الاجراءات متشددة ونامت ملفاتنه والحمد لله ، بس يرادلك شوية صبر وان شاء الله تفرج عليك وتسافر .
وانتظر اخوتك بعد شوية ينورون المنتدى ويحللون وضعك ويطيبون خاطرك ويرتاح بالك ...
دعائي للجميع بالسفر القريب العاجل وآني وياكـــــم .
ام الهنا
-
اخي امسح رقم الكيس !!!!!!!!!!!!
-
اخوية العزيز انت تنتظر وصول الأمنية و انشالله ينطوك موعد سفر و تبشرنه على سفرك بخير و سلامة... تحياتي الك
-
اخي صاحب الموضوع امسح رقم الكيس نومبر مالتك !!!!!
-
انشالله باقي بس الامنيه وراها السفر تحياتي بس شيل الرقم مال كيس .
-
كاكا حمد اذا تسأل عن سير معاملتك فهي ماشية بسرعة صاروخية قياسا بغير معاملات
اذا تسأل شوكت تسافر فمحد يقدر يجاوبك على هالسؤال لانه الامنية ممكن تطول اسبوع وممكن تطول اربع سنوات او اكثر
انت رقم الكيس مالتك يبدا بالارقام 129 والاصفار الباقية اعتقد وهمية وانت خالها ..المهم أرقام الكيسات اللي قبلك بهواية ليهسة مامسويين مقابلة وحدة وانت كملت المقابلتين والفحص الطبي بفترة قياسية اتمنالك التوفيق .
-
بلة الكيس و مشت كله يوم 12 بالشهر بس مال الكفيل يوم 1-1-2012 هاي وين لكيتها ، زين هذا رقم كيس لو ورقة مال يانصيب
-
اخوتي في الهم
تحياتي لكم جميعا وخاصة للاخت ام الهنا التي اثلجت قلبي برسالتها وضحكت كثيرا من فرحي بما علقتم وخاصة قضيتك ركت ركض اما اخي وحبيبي ابو زيد الذي قال -اتصلو بالكفيل يوم واحد واحد وين لكيته هههههههههههههه وثم يقول هذا رقم كيس ام ورقة يانصيب اتمنى ان يوضح لي هل يقصد انه رقم جلب الحظ لي على اعتبار معالمتي سريعه ام ماذا؟ اما اخي العزيز كوماندو فاعجيني قوله ان معاملتك تسير بسرعة صاروخيه. واني اشكر اخي دريم جاف على انه توقع بقيت فقط الموافقه الامنيه واحب ان انوه ان الاصفار هي ليس ارقام وانه بدل الاكسات وبعد تنبيهم وتنبيه الاخت الفاضله ام الهنا غيرت الى اكسات كما اشكر الاخ مسي على تعليقه والله يسمع منك والشكر موصول الى اخوتي الكرماء شكرا على الردود والاهتمام واكرر الشكر لاختي التي اتعبتها ام الهنا تحياتي وامنياتي ودعائي لكل الاخوه في المنتدى بالسفر العاجل
الله مفرج كربتكم ويعجل بسفركم ويحقق امنياتكم وان شاء الله رجلي خضره على منتداكم وتصير كل معاملاتكم بسرع صاروخية بسرعة الضوء ان شاء الي هي تعرفوها كلكم 3في عشرة اس ثمانية بجاه محمد وال محمد
عاجر عن وصف حبوري وفرحي بما احتطموني بمحبة وردود
تحياتي ومزيجا من قبل لاخوتي وتحياتي ومزيجا من الدعاء لاخواتي
-
اي والله مثل مكالت اختي ام الهنا مقابلتك ركضت ركضت واني بصراحه ماصدك رقم الكيس 129 مقابل ومخلص وداينتظر السفر مدا تدخل بمخي
ايجوز الولد غلطان برقم الكيس ;D
-
زين 1-1-2012 مو عطلة ؟؟؟؟ شلون اتصلوا بكفيلك ؟شنو يداومون بالعطلة ;D ;D ;D
-
اخي العزيز كاكه حمد اعتقد انك تملك رقم الحظ 12 ، حيث ان جميع مقابلاتك قد بدأت يوم 12 ، وان الاتصال بالكفيل قد تم بداية عام 2012 ، كما ان رقم الكيس نمبر يبدأ بالرقم 12 ، أضف الى ذلك اننا نعيش في ايام عام 2012 ، لذا اعتقد اخي العزيز ان موعد سفرك سيكون اما بعد 12 أسبوع او 12 شهر او 12 سنة ، مع تمنياتي لك بالسفر بعد 12 يوم ، تحياتي وسلامي ، ولو جمعت حروفها لتبين لك ان عددها 12 ايضا
-
اخي العزيز السلام عليكم حبيت اهنيك على انتهاء جميع الاجراءات بخصوص معاملتك وان شاء الله تشوف كل الخير بس يا صديقي اني يعز علي ما اجاوبك لان الصراحه ما عندي اي معلومه على برنامج iom بس ان شاء الله تسافر باقرب وقت عندي صديقي ما طول بعد المقابله الثانيه سوى اربع اشهر ويا ربي تكون مثل اسرع منهة
تحياتي الك