ankawa

منتدى الهجرة واللجوء => الهجرة و واللاجئين => الموضوع حرر بواسطة: ابن الحله في 17:14 19/01/2012

العنوان: مقابلتي اليوم 19 كانون الثاني وكلش سهله كانت!!!!!!!
أرسل بواسطة: ابن الحله في 17:14 19/01/2012
السلاك عليكم يا حبايبنه العينكاويه
شونكم و انشالله يوم كل الي بالمنتدى يسافر و يخلص
اليوم Jan 19  2012  كان يوم مقابلتي للعلم اني اس اي في .وصلنه بالسته و ربع لباب معسكر الازدهار و طبعا اني طلعت من البيت بالاربعه الصبح لان اخوكم محافظات فحطيت وقت احتياط . ماليكيت فقط شخصين قبلي وبعد قليل اجه الحرس شاف الجوازات و فتشنه وكال ادخلوا انتظروا جوه بالداخل . اكو مساطب 2 خشب كعدنه هناك و بدائت العوائل و الافراد بالتوافد و الساعه 7:15 اصبح العدد كبيييير جدا و ايضا جان اكو تأخير بالدخول وذلك بسبب شكوه قبل يوم .طبعا الموجودين اي او ام + اس اي في + دراسه+وبعثات و غيرها. و بعد انتظار طويل بالسره الي اني اصبحت بيه و للاسف بسبب تخلف بعض الاشخاص الي ضربو السره وصاروو بالبدايه صرت اني رقم 8 .. على العموم مو فد شي بس للاسف اكول. بعدالتفتيش بكافة الانواع وصلنه اني و زوجتي الى كرفان الانتظار و انطونه باجات ملونه وبيها رقم الشباك و ايضا انه كل شخص رقم تسلسل لازم تحفظه و اخذنه الباص الى الخضراء =السفاره الامريكيه و انتظرنه هناك العوائل بالبدايه و هنا صارت مشكله مع شخصان اعزب و شخص اخر يظن نفسه فرعون ( وفعلا هذا الانسان خارج هاي البنايه هو فرعون) وكام يهنبل و اني اني ..المهم مشه السره مثل ما راده الموظف يعني العوائل بالبدايه.
دخلنه على قاعة المقابلات وكانت الابتسامات تعلو الوجوه من بداية المشوار والى هذا المكان, طبعا اني رحت الى شباك رقم 2 وانطيت الجوازات مالتي و زوجتي و طفلتي الي ماجايبها و بعد تتدقيق كالي انتظريم شباك 6 او 7 و فعلا بعد شويه ناده شخص عراقي بسمي على شباك رقم 9 اخذ كل المستمسكات و اني مكملها كلها طبعا ماعدا شي بسيط و هو عقد الزواج الاصلي يطلعون عليه فقط لان جنت جايب مستنسخ مع الترجمه وكال مو مشكله ارسله بالبريد السريع وانطاني رقم كال من يظهر على الشاشه روح على الشباك المطلوب  .وراها كال انتظروا =و فعلا بعد قليل رقمي على الشاشه رحت اني و زوجتي جانت اكو موظفه شويه كبيره بالعمر و لكن مرحه جدا كالت اني راح اخذ البصمات و بصمة العيم مالتك و فعلا بصمنه اني وزوجتي وكال انتظروا رقمك يظهر على الشاشه حتى يقابلك القنصل وانطتني ورقم اكتب بيها جميع اسماء اخواني و اخواتي مع المواليد لي و لزوجتي ...وبعد نصف ساعه اخيرا ظهر قمي على شباك رقم 9  وكان جالس هناك موظف اشقر لطيييف جدا يحجي عربي و متساهل جداااا.بالبدايه سلم علينه و رحب بينه اتشكر على حضورنه هنا طبعا اني الشكرته لعى المقابله و سلمت عليه.  و كالي انت جنت تشتغل مترجم مع الجيش الامريكي كتله نعم كال اشكرك على خدماتك النه.
اتاكد بالبدايه من اسمي و المعلومات الي اني منطيها بالاستماره دي اس 260 =خلي انادي القسم بان المعلومات هاي كلها صحيحه و كال بالاول الفيزا راح تصدر احتمال بشهرين او سته او بالاكثر تسعه كتله لييييييش كال ما ادري بس هي هاي اجراات هوايه فاني اختصرتها يعني اجرارات امنيه كال نعم و بعد الكثيير من الاجرات الاخرى سال خادم بالجيش لو لا عندك دفتر خدمه لو لا طبعا اني لاخادم و لاعندي دفتر خدمه..اتهددت طبعا كتله نعم كال بالهاتف لو ايميل و لو رساله ..كتله اني برساله و مره اخرى وجه لوجه.. بس ما سئل على التفاصيل .و وراها سال سافرت خارج العراق هل لديك جواز اخر هل تم القاء القبض عليك مره وهل تنتمي الى اي حزب سياسي او ديني.كال اريد ورقة معلومات اخوانك و اخواتك و انطيتهياه و بالنهايه كال اكو واحد عنده سوال سئلته مره ثانيه على موعد الاصدار كال ما ادري و كام يضحك بالشقه...و كال هسه اني ماعندي اي شي وياكم و انتظروا الباص مع السلامه.
دامة المقابله اقل من 14 دقيقه
سهله جدا
 فقط اجرات التفتيش طويله و مزعجه قليلا
نصيحتي لكل واحد انه يحضر من وقت حتى تدخل بالبدايه
و لاتتوتر من المقابله و اتاكد من جميع المستمسكات
اتمنه ان ل اكون طولت عليكم بس حبيت افيد الي ينتظر مقابله لان البارحه شفت نفسي وشلون ما ادري شسوي
شكرا الكم و انشالله بالتوفيق
اخوكم ابن الحله
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: ĈAŃDŶ في 17:19 19/01/2012
الحمد لله اخوية يوم القبول وموعد السفر
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: alzandawi في 17:21 19/01/2012
الله يسهل امرك وتطلع الفيزة بسرعة
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: السومري الاخير في 18:00 19/01/2012
lمبروووووووووووووووووك يوم السفر
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: ام الهنا في 18:02 19/01/2012

 الحمد لله ، وربي يسهل أمرك وتجيك الفيزا بسرعة وتسافر وتخلص .
 وان شاء الله تعالى الفرج لكل المنتظرين ...

ام الهنا
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: DEFA-AL-AIRAQI في 18:22 19/01/2012
الحمد لله اخوية يوم القبول وموعد السفر
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: *George* في 18:36 19/01/2012
مبروك اخوية على المقابلة
بدربك وانت ماشي وقع اسمك واطبك على السرة منريد واحد يخربط
مبروك مرة ثانية
اخوك جورج
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: ssomeda في 18:44 19/01/2012
مبروك وانشاء الله يوم السفر
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: مهندسه في 19:03 19/01/2012
مبروك وبيها الخير
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: شنايزر في 19:07 19/01/2012
الف مبروك وانشاء الله يوم سفرك
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: ابن الحله في 19:08 19/01/2012
شكري و تقديري لكل المهنئيين و ربي يوم سفركم وسفري
 و باللنسبه للاخ george bush بدون متكول اني راح اطبك بالسره و ما اخالف مثل الي اليوم شفتهم وصراحه معجبني هذا الشي
تحياتي للجميع
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: روزة اليرموك في 19:09 19/01/2012
مبروك وان شاء الله يوم السفر
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: usaforever في 19:30 19/01/2012
ميروك اخوية انشاء الله السفر القربي بس حبيت سؤال: طلبوا منك استمارة 230 لو لا؟

مع الشكر الجزيل
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: ميمي2010 في 19:34 19/01/2012
بالتوفيق اخي وان شاء الله يوم الي يحددولك موعد للسفر بأذن الله
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: ابن الحله في 19:36 19/01/2012
مقتبس من: usaforever في 19:30 19/01/2012
ميروك اخوية انشاء الله السفر القربي بس حبيت سؤال: طلبوا منك استمارة 230 لو لا؟

مع الشكر الجزيل
لا اخي االعزيز ماطلبوها لا هي و لا دي اس 234
وتدلل
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: usaforever في 19:58 19/01/2012
شكرا جزيلا عزيزي ممكن اعرف ايضا وين سويت الفحص الطبي؟
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: killer007 في 20:09 19/01/2012
سلام عليكم

اخي العزيز ابن الحله

اولا احب اباركلك على المقابله واتنمالك التوفيق وانشاء الله يوم اصدار الفيزا

اريدك تبقه على اتصال ويايه انته وكل من قابل سنة 2012 حتى نشوف امورنا ونتواصل بالمعلومات اني مقابل يوم 11-1-2012 يعني قبلك باسبوع

تحياتي الك

سلامي
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: ابن الحله في 20:16 19/01/2012
مقتبس من: killer007 في 20:09 19/01/2012
سلام عليكم

اخي العزيز ابن الحله

اولا احب اباركلك على المقابله واتنمالك التوفيق وانشاء الله يوم اصدار الفيزا

اريدك تبقه على اتصال ويايه انته وكل من قابل سنة 2012 حتى نشوف امورنا ونتواصل بالمعلومات اني مقابل يوم 11-1-2012 يعني قبلك باسبوع

تحياتي الك

سلامي
مبرووووك عليك و ان شاء الله يو م السفر و ان شاء الله نبقه على اتصال و اني مفكر اسوي كروب المقابلين لسنة 2012
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: killer007 في 20:24 19/01/2012
سلام عليكم

اخويه العزيز الله يبارك بيك ومشكور على الرد يا ريت نسوي  موضوع خاص لجماعة ال 2012 ونبقه على اتصال بلكي الله يفرجها علينه

تحياتي الك يا ورده
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: gustavo في 20:26 19/01/2012
مبروك اخوية الوردة وانشالله تسمع اخبار حلوة بهل السنة
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: ام مهند في 21:38 19/01/2012
الله يوفقك
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: jack black في 22:57 19/01/2012
مقابله موفقه وانشالله السفر القريب الك والي وللجميع
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: الريم 2000 في 09:40 20/01/2012
الف  مبروك اتمام مقابلتك ويارب السفر العاجل ---تقبل مروري
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: KUKICACAW في 18:44 20/01/2012
السلام عليكم ........... مبروك وتستاهل كل خير على هاي المعلومات وأدعوا ربي يوفقك وتسافر بالسلامة أنت وعائلتك إن شاء الله .
أخوكم كوكي كاكاو
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: $$$$$ في 15:45 21/01/2012
مبروك اخوية وانشالله يوم سفرك بس حبيت استفسر منك هل سالوك اذا تحتفظ بالجواز لو يبقى يمهم هل هذا الشي اختياري ام اجباري ؟؟
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: ابن الحله في 16:14 21/01/2012
مقتبس من: $$$$$ في 15:45 21/01/2012
مبروك اخوية وانشالله يوم سفرك بس حبيت استفسر منك هل سالوك اذا تحتفظ بالجواز لو يبقى يمهم هل هذا الشي اختياري ام اجباري ؟؟
لا اخي اول شي بالمقابله كالي هاي الجوازات راح تبقى هنا يمنه و من انأشر الفيزا بيها راح نرسلك ايميل يحتوي على رقم تتبعي للدي اج ال.
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: محارب في 16:22 21/01/2012
1000 مبروك المقابله وتستاهل الخير
هسه اخويه اطبك بالسره ( نورت طابورنا المتواضع ;D)
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: $$$$$ في 17:22 21/01/2012
اخوية ابن الحله ولو ضوجتك بالاسئله بس اخوك هم مقابلته بعد كم يوم وراح ينظم للكروب 2012 سؤالي انه اني عندي دفتر خدمه بس مخادم عسكرية يعني خريج 2004 وره السقوط زين انت شلون يعني ماعندك اصلا دفتر خدمه لو غلست على الموضوع؟؟ وشتنصحني اغلس لو اكللهم عندي دفتر خدمه بس مخادم واترجمه واخذه؟؟


ومشكور الك مقدما
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: usa sky في 23:58 21/01/2012
ربي يسهل أمرك وتجيك الفيزا 
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: ابن الحلة في 18:00 22/01/2012
ابن ولايتي الطيب الفين وثنعش مبروك يوم الفيزة والسفر والكرين والجنسية
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: ابن الحله في 16:14 23/01/2012
مقتبس من: $$$$$ في 17:22 21/01/2012
اخوية ابن الحله ولو ضوجتك بالاسئله بس اخوك هم مقابلته بعد كم يوم وراح ينظم للكروب 2012 سؤالي انه اني عندي دفتر خدمه بس مخادم عسكرية يعني خريج 2004 وره السقوط زين انت شلون يعني ماعندك اصلا دفتر خدمه لو غلست على الموضوع؟؟ وشتنصحني اغلس لو اكللهم عندي دفتر خدمه بس مخادم واترجمه واخذه؟؟


ومشكور الك مقدما
حبيبي الغالي بالعكس اني بالخدمه اما بالنسبه لدفتر الخدمه اني ممطلع لاني خريج 2007 و ماعندي بس من دخلت للكليه عام 2001 قدمت عليه و بعد ماتابعته يعني غلست عليه ثم اني ليش افتح على روحي باب خاف يسويلي مشكله ما عندي دفتر خدمه و انتهى الموضوع و اذا سالوني اكللهم اني جنت طالب و هذا مثبت عدهم
اما بالنسبه الك فبعد ما ادري بكيفك احسبه زين و اتوكل.
و تدللللل
العنوان: رد: مقابلتي اليوم 19 كانون الثاني وكلش سهله كانت!!!!!!!
أرسل بواسطة: وردة الخليج في 17:15 23/01/2012
ألف مبروك على المقابلة ويوم السفر القريب للجميع بأذن الله عز وجل